قصتي مع المعاقة 
الجزء 5


بقيت واقف متحركتش حيت بنادم واقف كامل و لبوليس كيتفرجو وهو يجي واحد الدري واقيلة ولد ديك لمرا سرفق عائشة طاحت سخفات بقاو ولادها كيفيقو فيها ماحركاتش مشيت عند لبوليس قلت ليهم فارقوهوم قال ليا واحد راه ديكلارينا خاص يجينا الرد باش ندخلو عاد نقدرو نديرو شي حاجة و انا ندخل وسط بنادم مشيت عند داك الدري قلت ليه نتا دب راجل تضرب درية بغا يصرفقني هبطت لتحت ضربتو لسدرو و كرشو طاح كي الدودة فالأرض خرج ليا واحد اخر جاي هاز مضاية بغا ينزل عليا بيها خويت ليها ضربتو لرجلو طاح للأرض ضربتو لراصو برجلي و هو يسخف جاني شي واحد شدني من اللور ضرت بان ليا بوليسي بغا يدير ليا المينوط قلت ليه غير ريح هاني غادي معاك طلقني شدني من إيدي لوخرين شدو دوك دراري خواو عليهم الماء حتا فاقو طلعوهم للسطافيط طبعو لمرا حتا هيا معانا بقينا مريحين فيها حتا جات الإسعاف دات عائشة طلع عندنا شاف ديال ديك سطافيط خدا منعندهم لكارط قال ليا ديالك قلت ليه راه فالكوير ديالي نمشي نجيبها هبطني مشا معايا هوا و واحد جبدتها ليهم قال ليا يلاه معانا قلت ليه و دوك دراري صغار قال ليا غادي نخليوهم هنا معندنا منديرو ليهم قلت ليهم راه ولاد خوية خليهم يمشيو معايا قال ليا لا مستحيل يطلعو دراري صغار لسطافيط قلت ليه صيفط معايا شي بوليسي نمشي للدار نحطوهم و نتبعوكم للولاية بقا كيفكر شي 40 ثانية قال ليا واخا عيط لواحد 3 بالسية قاليهم سيرو معاه ركبت دراري صغار مشيت للدار دقيت علا خوية قلت ليه عيط للمحامي و تبعني للكوميسارية قال ليا شواقع قلت ليه غير زيد جبد تيلي ديالو عيط ليه قاليه المحامي هاني جاي نتلاقاو تما ديت دراري لعند مريم دقيت عليها حلات ليا خليتهم عندها و مشيت للكوير طلعت حتا خوية جا معانا هبطنا للولاية دخلونا بغاو يهبطوني لجيور مخلاهمش خوية قاليهم بغيت نشوف لكوميسير كلسونا فواحد كراسة قال ليا عاود ليا شواقع عاودت ليه جبد تيلي ديالو عيط للمحامي قاليه هاني قدام الولاية بقينا كنتسناوه هتا جا طلعنا عند لكوميسير هضرو معاه جبد خوية شي فلوس عطاهم ليه خداهم داك ولد العبد خباهم و حنا هبطنا تحركنا لديورنا جاب طنوبيلتو و هو صرف و هزيت اتا و راق مريم ديال العملية مشينا للسبيطار عند عائشة معا دخلنا للمستعجلات و هي تبان ليا مليوحة فوق واحد الكامة بحالها بحال لوخرين مشا خوية عيط لإسعاف قاليه توصلها ليا لسبيطار الخاص و عطاه 200 درهم هزوها و مشاو وصلنا لتما معا دخلة ديال لباب لقينا جوج فرمليات و طبيب كيتسناونا دخلوها قلبوها دارو ليها داكشي لي خاصو يدار و خلاوها بقا خوية معاها مشيت انا للإستقبال سولت علا العملية و داكشي صيفطاتني عند طبيب قال ليا أه نقدرو نديروها ب50 مليون قلت ليه لفلوس مكيهموش لمهم هوا تنجح قال ليا غدا جيبها لينا باش نبداو الفوحوصات دياولنا قلت ليه واخا خرجت تحركت عند لخوادري جريتو للدار بسيف باش مشا معايا مشيت عند مريم خديت الدراري و قلت ليها غدا وجدي راصك تمشي معايا للسبيطار قالت ليا واخا و باينة الفرحة فوجهها ديت دراري للدار طلعت حطيت راسي علا لوسادة محسيت براصي حتا نعست فقت معا الصباح لقيت لفطور واجد فالكوزينة فطرت مشيت للصالون لقيت خوية و عائشة مريحين حدا بعضياتهم و ختي و ولاد عائشة كيتفرجو سلمت عليهم و هبطت لتحت خرجت لكوير من الغراج صونيت علا مريم خرجات عندي مشينا للصبيطار دوزو ليها قالو ليا ليومة تبات عندنا غدا نديرو ليها العملية خليتها معاهم مشيت للبنك خرجت فلوس و جيت خلصت لبنكة بقيت معا مريم شوية و مشيت للدار لقيتهم باغين يتغداو تفديت معاهم قال ليا خوية قررت نتزوج انا و عائشة قلت ليه مبروك إيمتا العرس ؟ قال ليا مغاديش نديرو عرس غير نعرضو علا العائلة للعشاء شي حاجة بسيطة و صافي قلت ليه لي بغيتو ديروه و لكين إيمتا غادي تتكاتبو قال ليا ليومة قلت ليه و إيمتا تعرضو علا الناس قالي ليومة خليتو هو يقاد شغلو مشيت لبيتي بقيت مريح فيه حتا للعصر خرجت خدمت شوية مشيت عند مريم شفتها و رجعت للدار لقيتها عامرة ببنادم مسلمت علا حد ضربتها بسلة لبيتي و نعست فقت معا الصباح ميت بالجوع مشيت للكوزينة ملقيتش لفطور فاقت ختي سولتها فين عائشة ؟ قالت ليا راه مشات هيا و خويا لبارح لشي اوطيل خليتها مشيت للحانوت خديت 2 عاصير ديال 5 دراهم و 2 مومو ديتو للدار قصيت انا و ختي و خرجت مشيت عند مريم بغيت ندخل عندها مخلاونيش مبنجينها و مدخلينها للبلوك باش يجي طبيب يدير ليها العملية بقيت شي نص ساعة تما عاد جا الطبيب داخل دخلوها هيا لغرفة العمليات دخل الطبيب بقاو تما واحد 4 سوايع عاد خرجوها لفرمليات داوها للبلوك سولت الطبيب قلت ليه واش تقدر تمشي قال ليا لي علينا درناه و الباقي عليها شفت الساعة لقيتها 2:45 مشيت للدار لقيت ختي كتفرج خوية مزال مجاش مشيت لواحد لقهوة خديت من عندو نص دجاجة محمرة بشلاضة ديالها و داكشي جبتها للدار قصينا جمعات داكشي مشيت ...يتبع