المكتبة المسكونة الجزء الثاني

الجزء الثاني - المصحف وبدا يجود صوتو زوين واخا كبير فالسن شوية كانسمع الواليدة كاتعيط خرجت وقلت لجدي الله يتقبل مشيت عندها تسخرت ليها ورجعت للدار لقيت الواليد وعمامي بجوج كايتغداو باش يمشيو للخدمة تغداو سالاو وحطات لينا الواليدة نتغداو كلينا جمعنا الطبلة وعاودت لبلان لولد عمي وقال لي غايعاوني مهم الواليدة وجدة وعيالات عمي طلعوا للسطح يصبنوا وجدي جلس فالصالون تايقرا شي كتاب قلت مع راسي هادي هي الفرصة مشينا انا وولد عمي حمزة بشويا بقا هو حدا الباب كايحضي لايجي شي واحد ويحصلني دخلت أنا لبيت جدي وبديت نقلب قلبت تحت الناموسية والو حليت الماريو والو لقيت فيه واحد الصندوق صغير حليتو ولقيت جوج سوارت هزيتهوم بجوج ورديت داكشي لي كان وسدينا البيت وخرجنا وماحليتش المكتبة خفت لايجي جدي يحصلني حيت المكتبة كاينة غير حدا البيت ديالو مهم طلعت للفوق وخبيت دوك السوارت مزياان خرجت لعبت مع الدراري كورة ورجعت دوشت ولقيت جدي فالصالون لكبير وجلست معاه كانتجمعوا حيت عزيز عليا بزاف دايرو بحال صديقي والواليد وعمامي بجوج مازال ماجاو من العمل بدا كايهضر ليا على الدين وانا نجبد معاه الموضوع ديال الجنون هو يقول ليا فاش عاد تزوج بجدة كان كايصرع الجن يعني كان كايعالج الناس لي كايدخلوهوم الجنون بالقرآن تعجبت انا عارف بلي جدي حافظ القرآن كامل ولكن لي ماكنتش عارف أنه كان كايواجه الجن وعاود ليا شي حوايج على الجنون بدلات النضرة ديالي فالجن وليت كانخاف منهم والله قال ليا واحد المرة جاء عندو واحد الراجل وجاب معاه بنتو تكون عدها شي تمنطاش سنة كان ساكنها جن قاليه بلي داك الجن كايتعدا عليها )كايغتاصبها( وقال ليه ملي كايجي شي حد يخطب بنتو هي كاتقبل ولكن كايدوز وقت قصير كايهضر الجن لي فيها وكايخصر الخطبة ومن هادشي عرف جدي النوع دالجن لي ساكنها قاليا الجن العاشق ودخلوها للبيت وكتفوها باش ماتهربش وبدا كايقرا عليها القرآن وبالضبط الآيات لي مدكور فيها العداب وقال ليا جدي بلي لفراش ديال البيت ديالو كامل كان تايتهز تالسقف ويرجع وكولشي لي كان فالبيت كان كايتحرك شوي الأب ديال ديك البنت تهز تالسقف وتخبط مع الأرض وداك الجن لي فديك البنت بان لجدي بصيفتو الحقيقية وبدا يهدد فيه وجدي مامسوقش و غير كايقرا القرآن والعلاج ديال ديك البنت دوز أسبوع جدي دوز هاد الأيام وهو كايدير لها الرقية عاد خرج منها الجن العاشق وقال ليا كانت هادي آخر مرة كايدير فيها الرقية لشي واحد سولتو علاش قال ليا بلي داك الجن رجع لعندو وبدا كل نهار كايهددو بالقتل حيت فرقو على حبيبتو وواحد نهار باليل فاق جدي قبل الفجر توضى ورجع لبلاصتو كايتسنا أدان الفجر هو يخرج عندو داك الجن بصيفتو الحقيقية هو يقجو حتى شوي ماقتلو ولي عتق جدي هو القرآن بدا يقرا عليه حتى غبر وتخلع بزاف وفي صلاة الفجر دعى الله باش يبعد منو هاد الجن ومن داك النهار عمر جدي خرج عندو داك الجن وعمروا دار لشي واحد الرقية أنا تخلعت بزاااف وطلبت جدي يوصف ليا داك الجن ولكن مابغاش بقيت كانحزرو حتى قبل وهنا عاد زدت تخلعت ديال بصح قال ليا بلي عندو الكرون كبار بزاف وعندو زنطيط طويل ورجليه دايرين بحال الرجلين اللورانيين دالبقرة ودفارو كبار وعندو عينين حمرين بزاف ومناخرو صغار وفمو كبير وخارجين منو السنان نرييييي تزعزعت من بلاصتي مانبغيش بحال هاد المخلوق يخرج ليا مهم بدينا كانهضرو شوية جاء الواليد من الخدمة وعمامي مهم تعشينا وصلات ديك تسعود ونصف كانشوفو جدي شاد كرشو وكايغوت من شدة الألم نضنا عندو سولناه مالك صافي هو يصخف تخلعنا عليه بزاف هزو الواليد حطوو فالطوموبيل وداه للسبيطار ومشاو معاه عمامي وجدة والواليدة وبقيت فالدار مع عيالات عمي وحمزة ولد عمي مهم وصلات ديك الحضاعش ونصف صوبنات علينا الواليدة قالت لينا ماعندو بأس غير كلا شي حاجة وضراتو وقالت شويا وعمامي غايجيو للدار فهاد اللحضة رتاحيت وقلت مع راسي هادي هي الفرصة نحل المكتبة مشيت هزيت واحد البيل يتبع