ااجزء 10

نتاشا: حبيبة لباس عليك كيف بقيتي غبرت عليك غير نهار توحشتك
انا: (بصوت مبحوح ) حتي انا احبيبة
نتاشا: كايت كنتي كتبكي ياك لباس اش عندك
مقدرتش نحبس دموعي كتسولني مالي مقدرتش نجاوبها نفاجرت بالبكة محسيتش براسي حتي غيبت
نتاشا: كايت فيقي فيقي اش غندير غنتاصل بمريم تعاوني الو مريم عافاك اجي دابا لدار كايت معرفت مالها
مريم : ياك لباس اش وقع ليها
نتاشا : ماعرفتش اجي دابا عافاك
مريم : اوكي هاني جايا
ملي جات مريم داوني لصبيطار
مريم : دكتور ياك لباس كايت اش عندها
دكتور: هي طاحت بسباب إنهيار عصبي واش عندها شي موشكيل مخليها تعصب ولا عليها شي ضغط
مريم : لا لا كنضن ماعندها حتي موشكيل
نتاشا : واش ممكن نشوفوها دابا
دكتور : علي كل حال انا عطيتها واحد المهدئ وهي نعسة دابا واحد شوية تفيق ومن الاحسن تبقي بعيدا علي اي حاجة تعصبها
مريم : شكرا دكتور
مريم: نتاشا واش هي مكتعاود ليك والو زعما ماعرفتيش المشكيل لي عندها نقدرو نعاونوها
نتاشا: نونو ماعودات ليا والو انا مكنعرف عليها والو من غير سميتها
مريم: باينا عندها شي موشكيل كبير ولكن علاش ماتقول لينا اش عندها باش نعاونوها
نتاشا؛ ديما كنسولها تعاود ليا علي راسها و كتهرب من سؤال ديالي وكتقول ليا ماشي دابا حتي لوقت المناسب و نعاود ليك
وائل: ياك لباس واش كايت تزاد عليها الحال ولا اش
امين: واش هي مريضة بزاف
فهد : وا هضرو مالكوم ساكتين اش كاين
مريم : كايت جاها إنهيار عصبي دكتور عطاها مهدء وهي دابا ناعسة حتي تفيق عاد نقدرو نشوفوها
من بعد مافقت دخلو عندي
وائل: كايت مالكي ياك لباس
فهد: خلعتينا عليك مالكي اش عندك
مريم ونتاشا: علي سلامتك احبيبة
انا مقدرت نجاوب حتي واحد كيفاش هاد الناس مكيعرفوني ماوالو وخيفين عليا وانا فالمقابل غادي نخدلهم كاملين فالنهاية بقيت كنشوف فامين وحتي هو كيشوف فيا بحسرة من بعد مدة قاليهم بغا إهضر معايا بوحدي خرجو وخلاونا بوحدنا جا جلس حدايا فالسرير
امين: رباب انا ماشي رجل خايب ومكنسواش ولكن حتي انا عليا الضغط بحالك وكتر انا عمرني فكرت نوصل لهادشي لي فيه دابا إصحاب ليك بلي انا كنكره صحابي لا بلعكس هما اعز حاجة عندي واكترهم فهد والكن ماشي بيدي قبل 10سنين كنا ياله بدينا فالخدمة كنت تعرفت علي كارولين وبعد مدة وليت كنبغيها وحتي هي كتبغيني مكنتصورش حياتي من غيرها عشت معاها احسن ايام حياتي قررنا نتزوجو وخطبتها ولكن من بعد كتشفت بلي ارباب
ت رئيس عصابة واكبر تاجر مخدرات وحتي هي كانت خدامة معاهم خوها هو جاك لي هو لبيغ بوص المطلوب الاول في اميريكا و انا ماشي جاسوس عندو هو كيهددني الي ماعونتوش وجبت ليه لوراق لي عند فهد بلي غادي يقتل كارولين هي ملي تعرفات عليا قررات تبعد علي الاجرام و لكن خوها كيهددها بشي فيديوات ديالها بلي غادي يصيفتهوم لشرطة ويدخلها لحبس
انا: دابا كارولين فين هيا
امين: ماعرفتش فين هيا حتي جيهان مابقيتش عارف فين هيا ملي دارت العملية ولات بخير قال ليا جاك بلي غادي يخليهم عندو حتي تكملي لمهمة ديالك دابا حياتهم بجوج وحياتي انا وياك بين يديك ارباب
انا: تفو هاد بنادم ماعندوش القلب كرهتو كون كان حدايا دابا منترددش نقتلو
امين : دابا ماعندنا منديرو اصلان منقدروش عليه حتي واحد ماعرف اشنو تحت راسو

انا؛ هو علاش خطف حتي كارولين
امين: باش يلوي ليا يدي و نجيبك لهنا وحيت هي مابغاتش تخليك دخلي فهاد المشكيل داكشي علاش خطفها باشما تمنعكش تنفدي هاد المهمة
انا: ماشي فهد لي قتل عائلتي ياك
امين: لا ماشي هو
انا: وعلاش جاك قال ليا بلي هو لي قتلهوم
امين: هو قال ليك هاكاك باش متحنيش ف فهد و تولي تبغيه حيت جاك منهار لي شافك ولا كيبغيك ولكن داكشي مناش خاف طاح فيه
انا: كيفاش زعما
امين : ههه بلا متنكري راه باينة فعينيك كتبغيه انا ماغاديش نكون اناني ونقول ليك شي حاجة بغيتي تعاونيني مرحبا مابغيتيش انت تعرفي كنتمنا ماتفكريش غير فراسك فكري فجيهان وكارولين
انا: انا ديما كنفكر فالناس فين عمرني فكرت فراسي انا غادي نكمل داكشي لي بديت واخا ضمير ديالي كيئنبني والكن ماعندي ماندير
امين: بصح كارولين مكدباتش ملي قالت بلي مكاينش بحالك فهاد الدنيا نتي ألطف بنت شفتها فحياتي (وعنقني ومع زهر دخل علينا فهد ولقانا معانقين مشا عقلو بعييد واقيلة
فهد: حم حم سمحو ليا غير شفتكوم تعطلتو قلت ياكما واقعة شي حاجة
امين: لا لا غير دخل افهد اصلان حنا سالينا هضرتنا
انا: اه غير اجي كنت نيت بغيتك
امين : مهم انا غادي نمشي علي سلامتك
انا:اوكي امين ميغسي (مشا وسد الباب )
فهد: اش كنتي بغيتيني
انا؛ كيفاش اش بغيتك توحشتك وبغيت نشوفك
فهد : زعما بغيتني نتيقك
انا: ههه لا بلاش
فهد : واش بصح نيت توحشتيني
انا: وي بصح علاش غنكدب عليك
فهد : وملي توحشتيني علاش كنتي معنقة امين
انا: ههههه كتغير عليا ولا اشنو امين بحال خويا واصلان هو كيبغي كارولين
فهد: ممممم زعما كون ماكنش كيبغي كارولين غادي تولي تبغيه
انا: هادي مافكرتش فيها زعما كون ماكنتش كارولين تقدر تكون بيناتنا شي حاجة ههههه
فهد: ديك ساعة غادي نقتلك نتي وياه
انا: ياك تقتلني زعما منبقاش فيك
فهد : ههه اوي نقتلك انا مرة ولا تقتليني 100مرة
انا: لا لا انت كتخوف مانتيقش فيك
فهد: لالا احبيبة محدك كتسمعي لهضرة ماعندك مناش تخافي ولكن نهار نحس بيك كاتخونيني ولله منعقل عليك
انا:(داكشي لي بقا خاصني غير نسمع هاد لهضرة اووف نهاية ديالي قربات مافيهاش )
فهد: شتك سهيتي ياكما كتفكري تخونيني ههههه
انا:(بخوف) لا لا اويلي اش كتقول هادي اخر حاجة نفكر فيها
فهد: هكاك نبغيك احبيبة اه ماقلتيش ليا مالكي
انا: مامالي والو
فهد : ولكن طبيب قال بلي طحتي بانهيار عصبي عليك شي ضغط واش كاين شي حد كيضغط عليك ديري شي حاجة غير قولي ليا شكون غادي نحيه من دنيا ونهنيك منو
انا: واش انت مكتعرفش لشي حاجة خرا من غير لقتيل واصلان داك طبيب مريض فراسو ماكيعرف لوالو غير كيخربق انا سخفت حيت يوماين هادي ماكليت
فهد: ايه وعلاش ماكتاكليش
انا : هههه لحب سد ليا الشهية
فهد : اووو شكون هاد سعيد لحظ لي كتحبي
انا: شكون من غيرك
فهد: مممممم ماغديش نتيقك
انا : اوكي بلاش ياله خرج عليا خليني بوحدي
فهد: هههه صافي سخيتي بيا مغادي نخرج حتي تعنقيني انا : لا ماغاديش نعنقك
فهد : انا غادي نعنقك بزز ( عنقني واحد تعنيقة لله حسيت براسي فوق سحاب مسخيتش ولكن دوماج دخلو علينا ههه ضروري شي حاجة تفسد عليك للحظة ههه)