الجزء 4

فقت صباح فطرنا خرجت نقلب علي خدمة والو أسبوع كلو وأنا كندور مالقيت والو فاقدة الامل واه المغريب حتال هاد دارجة مافيش لخدمة لعجب وصل نهار السبت
جيهان : رباب فيقي راه 3 هادي
انا: غيبر خليني ناعسة شوية عفاك
جيهان : يلاه راه باقي تابعنا الحمام و الكوفورة
انا: علاش هادشي كولو
جيهان : اويلي أرباب ياك ليوم عارض علينا هشام
انا : اه اه وا مكتنساي لله إحفظ لي فراسك فراسك اوف
جيهان: وانوضي دابا واش غنعودو لهضرة
انا : واباز لوجهك أختي ماتخلي لي إرتاح صيمانا كولها و انا كندور دروني رجلي بتقلاب ليوم لي بغيت نرتاح مصدعة ليا راسي
جيهان : وا صافي نوضي بلا كترت لهضرة
انا ؛ هاهي نايضة
فقت تغدينا مشيينا لحمام و دزنا لكوافورة قادينا و رجعنا لدار
انا: شفتي لفلوس لي خسرنا ليوم كون صرفنا منهوم صيمانا حنا ضيعناهم فلخوا لخاوي
جيهان : ناري أصاحبتي شحال فييك ديال نقيير بحال الي عندك 40 عام وجه تمارا
انا: اييه وجه تامارا حيت خيفا علييك نهار إتقادا لييك دوا ولله مانعرفك
جيهان : والله أصاحبتي الي ندمتيني اوووف
انا : صافي صافي بلا ماتعصبي عوتاني
جيهاان اوي هي الي مشينا نقلبو علي مانلبسو
مشينا رونا دنيا هادي زوينة هادي خيبة
لبسات جيهان كسوة كحلة فوق ركبة ومشبكة من ضهر و صندلة كحلة عاليا و تلقات شعرها جات فنا و انا لبست سروال كحل و بودي سواري حمر و صندالة حمرة عاليا و جمعت شعري كوب شفال وصلات 21 جا لينا هشام
هشام : تبارك لله علي زوينات وا زهر هو عندي غادي مع بنات كيحمقو
جيهان : مغسي هشام حتي انت جيتي زويين
هشام : مال لالة رباب طالع ليها دم واش معجبكش الحال (بانت ليا جيهان كتخنزر فيا )
انا: لا لا عجبني لحال
جيهان : ماتديش علي رباب راه هكا دايرا مافيهاش لهضرة بزااف كون معجبهاش لحال ماغاديش تجي و اصلان هي لي قتارحات عليا نجيو انا مابغيتش قلت ليها انا مريضة مافياش لي امشي و قالت ليا لا حشومة سيد عرض علينا وكبر بينا و مانمشيوش نفوجو شوية وملي بقات كضغط عليا وافقت و تقول ليا انت ماعاجبهاش لحال
انا: (فخاطري وا الباطل لكحل هادا شفتهوم كيشوفو فيا درت ضحكة صفرة)
وصلنا لبلاسة لمعلومة دخلنا كولشي داير لحساب لهاد سيهوم هشام و لي دزنا من حداه كيبقا إشوف فينا محملتش راسي ديك ساعة اووف
كلسنا فواحد طبلة
سرباي : مسيو هشام اش تشربو
هشام : أشنو تشربو البنات
جيهان : انا طلب ليا شي حاجة علي دوقك
هشام : وانت ارباب
انا: بغيت عصير لحامض
هشام :هههههههه اوكي و جيب ليا معاك داكشي لي مولف
سرباي : اوكي سي هشام
هشام : رباب ماقلتيش ليا فاش خدامة
انا:انا خدامة ف...
جيهان :مخداماش خرجات من لخدمة
جيهان: مخداماش خرجات من الخدمة داك النهار لي تلاقينا معاك...هشام: آه وعلاش...أنا: حييت...
جيهان : حينت داك لي خدامة عندو كان كيتبسل عليها وكان بغا إهجم عليها و اصلان ماكنش كيخلصها مزيان كضرب تمارة علي والو
هشام : اهه حسن نييت ملي خرجتي دابا إعوضك لله مهم خودو راحتكم انا 5 دقايق و نجي
جيهان : اوكي
انا : (مخنزرة )مالكي أختي واكلك فمك لله احفظ ماكتسكتيش علاش قلتي لييه كولشي
جيهان : انا غير قلت ماتعرفي إشوف ليك شي خدمة
انا : ولله الي مساليا لراسك اصلان انا....
هشام : يكما تعطلت علييكم
جيهان : لا لا خود راحتك
هشام : اوي ماقلتوش ليا كيجاكوم هنا
جيهان : زويين
انا: كلشي زويين الا هادو لي كيشطحو ماعجبونييش جاوني بحال الي غيير كيخربقو
هشام : ههههع اوي نبدلهوم علي قبلك الالة رباب
انا : لا لا ماشي تبدلهوم هما زوينين غيير شطحة لي كيديرو بعيدة شوية علي لأغنية
جيهان : درتي فيها لجنة تحكيم ههههه
انا: لا غيير عطيت رائ ديالي ههه
هشام : خودي راحتك
جيهان : اوي نوضي وريهم شطيح كيداير
هشام : اهاه نوضي نشوف واش كتعرفي تشطحي و لا كتعرفي غيير تعيبي فبنادم
انا: نونونو مكنعرفش نشطح
جيهان : اح علييك الكدابة لا عنداك اهشام عرفتي اش كدير لشطيح اصلان ملي كانت صغييرة وهي ف معهد ديال رقص كتعرف تشطح جميع انواع شطيح و كتصمم راقصات روعة انا فاش كتشطح قدامي ماكنعرف منقول كتبهرني
انا : اوي زدتي فييه باز لييك فمك واكلك
جيهان : و نزيدك راه عندها ديبلوم ديال هادشي لي قلت لييك
هشام : ههههه بصح هادشي ارباب
انا: 😈فرحانة علي أساس عندي ديبلوم فالهندسة باز
هشام : ولله الي ضحكتوني فوجتو عليا دايرين كيف لمش و لفار
هشام : اوي و دابا الالة رباب ماكتقلبيش علي شي خدمة ولا ولفتي دار
انا: لا لا ماكنقلب علي والو بغيت نرتاح
جيهان : لا ديما كتقلب ولاكن مجابش لله عيات بتقلاب
انا : (بغيت نتفرقع بالغضاب) واباز أختي ماكتسكتيش واش خدمتك عندى محامية ومافراسيش واااه من صباح وانت كتهدري ماعيتيش

جيهان :مالك أختي تعصبتي انا غيير كنضحك معاك و بغينا نجبدو مواضيع فاش نهضرو و صافي
انا : وا عطا لله فاش تهضرو ماشي غيير انا ( وقفت بزربا و مشيت لطواليت )
هشام : مال رباب بانت ليا بحال إلي تقلقات
جيهان : رباب مسكينا قلبها بيض و ضريفة لواحد دارجة متصورش غير علييها ضغط بزاف ماحيلتها لرسها مدارت حتا مستقبل ماحيلتها ليا انا لي مريضة وخصني دواء و لا لخدمة لي مالقاتش كنحس براسي عبئ كبيير عليها اهشام أهئ أهئ
هشام : بينا فيها ضريفة و تستاهل كل خيير
جيهان : هي كدير لمستحيل علي قبلي كون كانت عندي ختي ديال بصح ماديرش معايا هادشي لي كدير رباب ¤فطوالييت ( كنشوف فالمرايا و كنهضر مع راسي )
رباب مالكي هاكا دايرة هازة هم دنيا علي راسك ضحكي و لي بغاها لله هي لي تكون ( درت ابتسامة ومشييت عندهوم لقيتهوم كيهضرو )
هشام : علي سلامتك
انا: لله إسلمك
هشام : سمحي ليا قبيلة الي قلقتك انا غيير فضولي شوية و صافي
انا: ههههه عادي خود راحتك ماوقع والو
جيهان : ياله حبيبة نمشيو
انا: ياله
هشام :سخيتو بيا
جيهان: لا حاشا
انا: لا غير خصنا نمشيو راه مشا لحال
هشام : اوكي انا غادي نوصلكوم
وصلنا هشام طريق كلها و هو كيشوف فيا من المرايا حتي شككني فراسي و صلنا لدار انا سلمت عليه و مشييت طلعت بان ليا كيعطي شي حاجة لجيهان سلمات علييه و طلعات دوشت و لبست بيجامة و و بقييت كنتفرج انا: جيهان اش كان كيقول ليك هشام قبيلة ملي وصلنا جيهان : والو
انا: كيفاش والو و انا شفتو عطاك شي حاجة
جيهان : صرحة ارباب هو عطاني شي فلوس قال ليا قديو بيهوم بيما إشوف ليك شي خدمة و قال ليا إلي خاصنا شي حاجة نعيطو ليه
انا: اوي شفتي هاهو دابا صحاب لييه واش طمعنا فيه ها لي مابغيتش داكشي علاش كنقول ليك ديما بقاي تسدي فمك ساعة معامن انا كنهضر ملي تلاقيتي معاه و انتي دودودودودودو ماسكتيش لله إستر تقولي غا شي وحدة كطلب قدام جامع علم لله اش قال لييه راسو دابا
جيهان : لا لا ولله إلي ضريف غيير ماعرفتيهش
انا: اش غادي نعرف فييه كلهم بحال بحال فاللول كيبغيو حاجة وحدة و كيبداو فتحلويين و لهضرة زينة ملي توقفي علي لمعقول كيهربو علم لله فاش طامع ماكينش شي واحد فهاد زمان كيدير شي حاجة لي لله
جيهان : صافي بلا ماتعصبي غدا نرجع لييه فلوسو
انا : اوي هاكاك واخا ماكانش خصك تشديهوم من للول
جيهان :مهم انا غادي نمشي نعس
انا : اجي بعدا شحال ديال لفلوس عطاك
جيهان :ولله ماعرفت ماحسبتهومش مهم كانو كتار غدا نمشي نديهوم لييه
انا: عرفتي بلاش ماديهوم لييه خليهم نخلصو بيهم ضو و الما و نتقدjاو راه تلاجة خوات و أصلان حشومة ترديهوم لييه سييد مدار غيير لخيير
جيهان :(مصدومة) زعما لله إنعل لي مايحشم من قبيلة فرعا ليا مخي و عاطياني درس فالاخلاق انا لي حمارة دايرة فييك راسي
انا: هههههه اوي سيري تنعسي
جيهان : فيقي النعاسة
انا: واخا غير شوية باقي و نفيق
جيهان : فيقي اصاحبتي راه 12 هادي اش كاديري لنعاس حتي نتي
انا: راه باقي لحال اصاحبتي فوتيني عليك واحد شويا
جيهان : نوضي راه ياله توجدي راسك
انا: علاش عوتاني
جيهان : راه هشام عارض علينا لغدا مع 2
انا: اش بغا هدا عوتاني
جيهان: قال ليا راه بغاك فشي موضوع مهم
انا: لله إسمعنا خير (فقت دوشت و شربت كاس ديال لقهوة
جيهان : يالاه نوضي شوفي اش غادي تلبسي
انا :واخا (مشيت لبست سروال دجين كلو مقطع و بودي بيض و دجيكيت و سبرديلة بيضة ة جمعت شعري كوب شفال كيف ديما و جيهان لبسات كسوة طويلة كحلة و بوليرو بيض و صندالة بيضة عالية وصلات 2 و جا لينا هشام قدام الدار كان لبس سروال دجين و تيشرت كحل و سبرديلة كحلة جا زوين اصلان هو زوين غير انا ممعمراش راسي بدراري دانا لواحد ريسطو زوينة طلبنا داكشي لي بغينا ناكلو )
انا: واش نقدر نعرف الموضوع لي بغيتيني فييه
هشام : بغيت نقول ليك والاكن خفت تفهميني غلط و تقلقي
انا: لا غير قول ماغاديش نتقلق
هشام : انا غادي نقول ليك ولاكن ماتجوبينيش دابا حتي تفكري مزيان عاد جوبيني
انا:(علم لله اش بغا هذا ) اوكي غير قول
هشام: انا فكرت مزيان فداكشي لي قلتي ليا لبارح وقررت نجيب شي مصممة رقصات و مدربة و منلقاش ماحسن منك
انا:😮(ولله ماصحابني غير غيقول ليا تزوجي بيا ساع مشييت بعييد هههههه)هههههه
هشام :مالك كاضحكي
انا: لالا والو
جيهان :اوي اش بان لييك فلهدرة لي قال هشام
انا:معرفت حتي نفكر فالموضوع و نجاوبو
هشام : كنتمنا تفكري مزيان و راه غنتهلا فييك و نخلصك مزيان ماغادي إخصك حتي خير
انا: نشاءلله ملي نفكر غانجوبك
مهم كملنا لغدا و صلنا هشام لدار )
جيهان : اش بان ليك فالخدمة لي قال ليك هشام واش فكرتي ولا لا
انا: اصلان كنت غادي نرفض غيير حشمت داكشي علاش قلت لييه حتي نفكر
جيهان: علاش غاترفضي ونتي جاتك خدمة حتال عندك و داكشي لي كتبغي مافيها لا تامارة لا والو و فيها لفلوس فكري مزيان أرباب
انا: واش انت حمقة ولا اش صافي داكشي لي بقا ليا غير خدمت الكباريه حتي هي راه حرام فحرام واش ناكلو فلوس لحرام
جيهان : علي اساس لقيتي فلوس لحلال غير مشتتين كون ما هو كون متنا بجوع ارباب وحمدي لله لي لقيتي خدمة كاين لي بغاها و مالقاهاش و الي بغيتي تخدمي فشي حاجة خري ماعندك لا شهادة لا ولو وا بنادم قاري حتي عيا و ديبلومات و القيامة ومالقاش خدمة تلقايها انت لي عندك غيير الباك و 2 لغات لله إهديك فكري مزيان حنا أصلان محتاجينها دابا
انا: واكلشي زهر اصاحبتي كين لي ماقاريش و خدام
جيهان :كاديري بحال الي عندك زهر وا غير زعمي زعمي
انا : أش غنزعم اصاحبتي انا اصلان هادشي مادخلش ليا لراسي
جيهان: شوفي خدمي فيها و الي بانت ليك خدمة خري من غيرها ديك ساعة خرجي منها مهم ماضيعيش هاد لخدمة
انا: انا ندورها فراسي و نجوبك
جيهان : دوريها فراسك ترونبيا هي رباب ديري عقلك فراسك و ماتفكريش غيير فراسك فكري فيا حتي انا فكري فهاد الحالة لي حنا فيها
انا : غنفكر و نجاوبك
عييت مانفكر واش نقبل بهاد لخدما ولا لا انا محتاجة لفلوس و جيهان خصها دواء و مصاريف ديال طبيب و شحال من حاجة ولكن انا مبغيتش نخدم فرقص أش غندير اربي واحد راس كيقول ليا وافقي واحد راس كيقول لا غادي نفاجر (بعد صراع طويل بيني وبين عقلي )لله إسمح ليا انت لي عارف هادشي غانديرو غير علي قبل جيهان لي خاصها دواء و مصاريف و خالتي وصاتني عليها ماغاديش نتخلي عليها ماعنديش شي حل اخر حتي نلقي لباديل ... )
جيهان : هيه فين سرحتي من قبيلة و كنعيط عليك و انت ماكيناش فهاد العالم مالكي
انا: والو غيير كنفكر و صافي
جيهان : ايه و اش قلتي
انا : صارحة هدرتك معقولة حنا محتاجين هاد الخدمة للهم هي ولا نجلس فدار واخا ماعمرني فكرت نخدم هاد لخدمة ولكن لي ليها ليها
جيهان: اوي دابا هادي هي رباب لي كنعرف كتفكر فمصلاحتها اوي انا غادي نقولها لهشام باش إقول ليك إمتا تبداي
انا : اوكي انا غادي نمشي نعس ضرني راسي واحد شوية و فيقيني
جيهان :اوكي حبيبة
دازت ساعتين و جات جيهان تفيقني
جيهان : واديك نعاسا فيقي فيقي من نهار عقلت علي راسي و انا كنفيقك اوووف
انا: 😴عطيني تيساع اش بغيتي عوتاني ديما فرعا ليا راسي
جيهان : عرفاك عزيز عليك نعاس هو الحاجة لواحيدة لي كتعرفي ديري ماعرفت كيفاش كتقدري تنعسي هاد لوقت كامل
انا: للهم نعاس ولا نبقا مدابزة معاك
جيهان : اوي نوضي نوضي راه هشام بغا إشوفك باش تفاهمو علي لخدمة
انا: هاد هشام ديالك ولا مخلط لينا مع دم فايقين بيه ناعسيين بيه وا لعفو
جيهان : حمدي لله لي لقيناه مسكيين كيعاونا
انا: مسكين نتي لي مسكينة شحال تعطي هو ماكيديرش هاكا لي لله ضروري مايكون باغي شي مقابل هاحنا تابعينو حتي نعرفو أش باغي هاد مسكيين ديالك
جيهان : حشوما علييك ضلمتييه
انا : اوي دابا تشوفي
جيهان : ههههه مهم الي كان طمع فشي حاجة ماغايكونش طامع فيا انا بطبيعت لحال اوي نوضي وجدي راسك باش تلقاي معاه
انا: وانت ماغاداش معايا
جيهان : لا لا مافياش سيري بوحدك
انا : واخا و هاد خونا إمتي غنشوفو
جيهان : دابا نيت غير وجدي راسك و غيجي ليك حتال لهنا (لبست حوايجي كيف ديما سروال دجين و سبرديلة كحلة و دجيكيت كحلا ونزلت لقيت هشام كيتسناني )
هشام: اهلان لغزالة لباس عليك
انا: لباس و انت
هشام : حتي انا لباس ملي لالة رباب لباس او نمشيو دابا لشي كافي نجلسو فيها حتي توصل 21 باش نلقاو لبنات جاو باش تعرفي عليهم و يتعرفو عليك
انا: اوكي لي بان ليك
هشام: لله لله عندك حفيرات ديال زيين اول مرة نرد ليهم لبال ضحيكة ديال كتحمق و انت ديما مقلقة
انا: هههه ماعنديش معا ضحك بزاف ماكينش لي كيضحكني من غير حالة لي ولييت فيها
هشام : علاش ياكما عندك شي موشكيل
انا : اودي خلي داك جمل راقد ماشاكييل هي
هشام: عاودي ليا عتابريني بحال خوك لكبير خوي عليا قلبك
انا: (😧 تنهدت ) ا من نهار ماتو عائلتي مابقيت شفت نهار زين عمرني ماضحكت من قلبي ديما لمشاكيل من موشكيل لموشكيل خسرت ماما و بابا فدقة و ماعندي حتي حد من غيرهم انا رباب لي ماعمرها رفدات لهم لشي حاجة ماعمر ضحكة فرقات فمي عايشة غير علي ضحك و نشاط ضاربة دنيا بركلة وليت رباب لي كاتنعس و خيفة من غدا كنحط راسي علي لمخدة و هو غادي إنفاجر من قوة تفكير انا بنت ماعشتش لمراهقة ديالي بحال لبنات عندي 20 عام كنحس بحال الي عندي 40 عام حتي تفكير ديالي تبدل 180 درجة لمسوؤلية لي عندي وصاحبتي و مصاريفها و دواها و خوفي عليها لا نخسرها كيما خسرت لخرين أقسم بالله الي هي لي مصبراني فهاد دنيا اما ولله ماكنت عارفة كيف غاتكون حالتيكنحس براسي غادي نفاجر تمنيت نرجع غير كيما كنت و معايا بابا و ماما لي خلاوني مليوحة ماعندي لا حنين لا رحيم
هشام : الله كبير ارباب و غادي إعوضك نشاءلله ومن هاد نهار عتابريني بحال خوك لي تقالت عليك خفافت عليا
نا: ربي إخليك
هشام :يلله مسحي دوك دموع و ديري ليا شي ضحيكة زوينة بحالك
انا هههه
هشام : ويلي ويلي علي ضحيكة لغزالة و مخبياها بدموع والتخنزير يلله نمشيو نشوفو لخدمة ولا ماسخيتيش
انا : لا لا يلله نمشيو (مشينا و دخلنا من باب اخر ماشي داك منين دخلنا داك نهار داني لواحد صال كولها مرايات هنا فين كيدربو و كانو تما شي 6 ديال لبنات و شي دراري )
هشام : مساء لخيير لبنات
لبنات : مساء نور مسيو هشام
هشام : هادي رباب لي قلت ليكوم غادي دربكوم (كلهوم ردو بصواب الي واحد سليعفانة سميتها اميمة)
اميمة : كيفاش دابا هاد البرهوشة غادي دربني انا نو نو نو مايمكنش
انا: (طلع ليا دم ملي قالت برهوشة و لكن مابينتش )لحاجة هاد لبرهوشة سميتها رباب
هشام : هادا اخير قرار ليا لي بغات مرحبا ولي ماعجبها لحال لباب إفوت جمل
اميمة : دابا انا 6سنين ديال لخبرة تجي برهوشة و تعلمني نشطح
انا: علي زيين شطيح لي كاديري بحال شي حنش مقطوع ليه راس (كلشي بدا كيضحك حتي هشام هي طلع ليها دم ) الي كنتي نتي عندك 6سنين ف دومين انا راه ملي كنت فكرش مي و كنشطح دراري صغار كيلعبو انا كنشطح مكانعرفش ندير شي حاجة خرا من غير شطيح
اميمة : الي كان هاكا اسي هشام دبر ليك علي شي وحدة خرا من غيري انا مانرضاش برهوشة توريني اش ندير (بغات تخرج و انا نشد ليها فإديها )
انا: لا بلاش ماتمشي انا عندي ليك حل
اميمة : اش بغيتي
انا: سي هشام نهاراش كيكون هنا عامر بزااف
هشام : نهار السبت علاش
انا: هكاك عندك صيمانا تصممي رقصة ديالك بوحدك و حتي انا نصمم رقصة ديالي انت ختاري و اش نرقصو غربي ولا شرقي ولا خليجي ولا هندي ولا شعبي و لكليان هو لي إقرر شكون لي عجباتهم فينا اش قلتي
أميمة (صمت )
انا : واقيلة خفتي هاد لبرهوشة لا تربحك
اميمة : موافقة
انا : مزايان و الي ربحتك غادي تعتادري ليا قدام هاد ناس كامليين علي لكلمة لي قلتي و تبقاي تسكتي و ديري داكشي لي كنقول ليك
اميمة (مترددة )موافقة و الي ربحتك
انا: هههههههههههه الي ربحتيني غادي نخوي هنا و ماعمرني نفكر نشطح حتي فدارنا هههههه يلله بسلامة ميعادنا نهار السبت
👇👇👇👇 اميمة : اوكي
انا: اوي فكرتي علاش بغا تشطحي انا ماعنديش موشكيل اي حاجة نشطحها غير انت شوفي اش كيعجبك او لاش كتعرفي بزااف هههه
اميمة : ( بغضب )صافي شرقي
انا : هههههه اوي نخليك يلله تبداي اوي بيني ليا احسن ماعندك ههع هشاام يلله نمشيوم

هشام : اش هادشي لي درتي
انا: اوف انا ماكنحملش لي ينقص مني ولا إحكرني
هشام : و الي ربحاتك
انا: هههههههه حتي انت حكرتيني دابا
هشام : لا لا والكن هي راه محترفة فرقص
انا: هههه هداك هو الاحتراف عندكم حتال نهار السبت و تشوف الاحتراف هههههه
هشام : ولكن راه غادي تشطحي قدام الكليان ارباب مفكرتيش فهادي
انا: مهم هو نرد الاعتبار لراسي و نوري لديك خيتي اش كتعرف هاد البرهوشة باش عمرها ماتنقص من شي حد و تحكرو
وصلني هشام لدار دخلت دوشت لبست حوايجي و كليت و جلست نتفرج
جيهان : مالكي انت ملي جيتي و انت ساكتة ماعجبتينيش
انا: ويلي ويلي غير سكتي اختي زبلتها واحد زبلة ناري درتها قد راسي
جيهان: اناري اش درتي ياك لباس خلعتيني
انا: لا والو باس غير ..(عاوت ليها اش وقع من لول حتال لخر )
جيهان : ومالكي كتولولي واش دابا نتي خفتيها لا تربحك والا اش
انا : تي اشمن تربحني انا خير خيفا نشطح قدام ناس و انت عارفتي شكون كيكون تما غير شكون وشكون و هي مولفا تشطح قدامهم انا خفت غير نتدهشر ههههه
جيهان : اوي انت اش داك ديري هادشي من للول
انا: اش غاندير هيا لي استفزاتني و طلعات ليا دم حتي مابقيتش عارفة راسي اش كنقول و اصلان صحاب ليا واش غادي ترفض ساعة بنت لحرام قبلات
جيهان : اوي حتي انت ماخفتي والو انا عارفك غادي تربحيها اوي غير وجدي راسك هههه لنهار السبت حتي انا غادي نحضر نتشفا فيك شوية ههههع
انا: ياك ابنت لحرام علاه شكون لاحني هاد لوحة من غيرك غير بلاتي نهار السبت الي ماخليت كلشي حال فمو و اولهم هي انا ماشي راباب
جيهان: انا عارفاك علاش قادة الالة رباب هههههههه
دازت سيمانا كلها و انا كنتدرب واخا فيا لخوف ولكن غاندير لي فجهدي باش نربحها وصل نهار السبت فقت دوشت و مشيت عند كوافورة قاديت شعري جات جيهان هي و هشام لبست حوايجي و مشينا ملي وصلنا لقيت اميمة و دوك لبنات لي كانو داك نهار وحدة كتقاد ليها مكياج وقال هشام لهاديك لي كتقاد لمكياج صفا هاهي رباب تهلاي فيها انا 5 دقايق غنقدي داك لغراض و نجي
صفا : اهلان رباب تعالي جلسي باش نقاد ليك مكياج
انا: شكرا ولكن ديري ليا غير شوية اصلان مكنحملش مكياج بزاف
👇👇👇👇
صفا : واخا اصلان نتي زوينة بلا مكياج
انا: ربي إخلييك
جيهان : رباب باش غادي تشطحي
انا: ولله ماعرفت
صفا : راه واقيلة سي هشام مشا باش إجيب ليك لبسة
جيهان: هههه ناري أصاحبتي نتي عارفة لبسة ديال شرقي كيدايرة لمعري كتر من لمغطي ليوم نشبع عليك ضحك
انا: ناري أختي هادي مافكرتش فيها تفو ههه
صفا : هانية اصلان لاطاي ديالك كتبان زوينة مخفتي والو
جيهان: ليوم طايح كتر من نايض
انا: جيهان فوتيني عليك قبل ماندير فيك يدي راني علي أعصابي ولله كنفكر نساحب و نتهني من هاد الوحلة لي حطيت فيها راسي
جيهان : واش حماقييتي ولا اش قال ليك راسك الي نساحبتي مشات ليك لخدمة اصاحبتي وحنا محتاجينها بلا داك لحماق ديالك يههههعه
انا :اوكي اوكي
جابت ليا صفا لبسة لبستها و طلقت شعري
انا: جيهان كيجاتني لبسة (وكنتعوج علييها هههه)
جيهان : واو اصاحبتي جاتك واعرة ملي تسالي عطيني نجربها حتي انا
صفا : ولله الي جات معاك
هشام : (حال فمو) ماشاء لله تبارك لله
وجدي راسك واحد شوية غادي تبداي حتي انتي
انا frown رمز تعبيري كنبلع ريقي ) اوكي
جيهان : ولله اصاحبتي ال غير ضيعتي وقتك باين شكون رابح شفتها كتشطح ولله ماتبان قدامك
وصلات نوبتي مهم بديت وخا خيفة متسوقتش كان همي هو نربح ديك سليعفانة و اصلان انا فاش كنبدا نشطح كنسي راسي ماحسييتش بشي حد حتي سالييت بدا كلشي كيسفق و جيهان كتصفر و تغوت هشاام بقا حال فمو و هاديك سليعفانة كتخنزر فيا مكرهاتش تاكلني درت ليها واحد الابتسامة شريرة
و مشيت عندها
انا : شفتك ماكتصفقيش علي البرهوشة (بقات كتشوف فيا شحاال )
سليعفانة: لا لا تبارك لله علييك
هشام : واو ولله الي كنتي رائعة واخا كانت جيهان كتقول ليا راه كتعرفي تشطحي والكن ماكنتش متوقع حتال هاد درجة لا بصح تبارك لله علييك (دار عند ديك سليعفانة )اميمة دبا ماعندك ماتقولي رباب بينات ليك علاش قادة
اميمة : إمتي نبداو ارباب
انا: من غدا ماعنديش موشكيل
هشام : اوكي مهم عندك 4 سوايع ديال تدريب فنهار
انا: واخا
رجعت انا و جيهان لدار دوشت و وجدت لعشا وبقينا كنتفرجو
جيهان : تفو عليك تلفتيني حتي ماجربتش لبسة عجباتني
انا: هههههه بقات فييك
جيهان : ولله الي عجباتني كنت كنشوفهوم غيير فتلفازة اجي اشنو غيكون هشام بغا عوتاني
انا: علاش
جيهان : سمعتو قبيلة قال ليك من بعد بغيت نطلب منك واحد طالب
انا: ماعرفت بقا كيخربق و قال ليا حتي لمن بعد و نقول لييك اوي نوضي تنعسي انا عييت جاني نعاس
جيهان : يالله بونوي