الجزء 3

سنين عمرو ماسول فيك وانت دايرة فراسك هاد لحالة 100واحد إتمناك أرباب شوفي شحال من فرصة جاتك و رفضتيها نسيه و بداي حياتك ماعرفتي واش باقي حي ولا مات صافي ماباقيش تفكري فييه هو ماكيستهلكش ولله خوي راسك منو وبداي من للول
انا :اهيه انا راسي غينفاجر بغيت نعرف غير علاش مشي علاش
جيهان :إوي صافي باركة من لبكة حتي اجي و سولييه
انا تجيه فراس نشاء لله
جيهان : اناري ياله كنتي كتبكي عليه ودابا كدعي فييه لله إستر نتي خاصنا ندوزوك لبرشيد ملي نكونو غادين لكازل
انا: اشمن كازا
جيهان :اه بعدا راه صيمانا جايا كاين واحد لعرس ديال ولد صاحب باباو باباك ف كازا غاديين نمشيو كامليين
انا :انشاء لله
دازت هاديك صيمانا و صل نهار لعرس
انا : ماما انا ماغادياش معاكوم لعرس
ماما: علاش
انا : مافيا مايمشي و ماعندي مانلبس و عندي إمتحانات و مامرتاحاش لهاد سفار ولله
جيهان : حتي انا ماغدياش الي مامشاتش رباب
ماما: بلاش عليكم
الحاجة : اوي خاص شي واحد إبقا معاكم نتما الي تلاقيتو لله إحضر سلامة
انا : مالنا باقين صغار هههه
الحاجة : اه صغار : انا نبقي معاهم
ماما : لا غير سيري انا نبقي معاهم (بقاو مني منك انا نبقا لا انا نبقي )
جيهان : صافي صافي ديرو قرعة لي جات فيها تبقي معانا
داكشي لي دارو جات فالحاجة هي لي تبقي معانا
مشات ماما و بابا و الحاج و و كمال خو جيهان لكبير
ملي مشاو لعرس بقيت انا و جيهان كنتفرجو حتال ديك 12 لحاجة نعسات حنا عطينها لضحك ملي مشينا نعسو
جيهان : رباب فيقي راه تليفون ديالك كيصوني
انا: شكون غيكون كيصوني عليا فهاد الوقت
جيهان : اوي جاوبي مايكون غير شي معجب فهاد لليل
مهم جاوبت
مجهول : ألو واش رباب (×××) هادي
انا : وي شكون معايا
مجهول : العائلة ديالك دارو حادثة بالسيارة
انا : (مصدومة )كيفاش يكما وقعات ليهم شي حاجة
مجهول :كنتمنا تلتحقي بينا المستشفي (×××××) جيهان : ياك لباس مالكي وليتي صفرة
انا : (كنبكي)دارو كسيدة
جيهان : شكون هادو
انا : (كنبكي ) ماما و بابا و باباك و خوك
جيهان : اويلي ياكما وقعات ليهم شي حاجة ياله نقولوها لماما نمشيو نشوفو
داكشي لي درنا قلناها ليها و مشينا ¤فالمستشفي
انا : دكتور عافاك العائلة لي دارت كسيدة فين هما
دكتور : واش نتوما من عائلتهم
انا : اه
دكتور : الله إصبركم ابنتي أجركم لله للأسف ماقدرنا نعتقو حتا حد (انا حسيت بدنيا كدور بيا ماعرفت ماندير شوية بانت ليا الحاجة سخفات و تبعاتها جيهان حتي هيا انا لي بقيت شادا فراسي شوية مي لداخل ديالي عالم بييه علم بيه غير لله كيفاش ماما و بابا فدقة و ماعندي حتي حد من غيرهوم بقيت جالسا شحال كنتسنا شي 7 سوايع دكتور إخرج من عندهم)
انا : دكتور عافاك كبقات الحاجة و جيهان
دكتور : الحاجة جاها شلل موقت مع صدمة و جيهان للاسف عندها ضعف فالقلب اي صدمة خرا تقدر تمشي فيا
انا من قوت صدمة مابقتش قادرة نوقف ماحلتي لهادو ماحيلتي لهادو طحت فالارض جا طبيب هزني و جلست فالكرسي
دكتور : رباب خصك تكوني قوية فهاد لحظة هادشي ديال لله 👇👇👇👇
انا: (كنبكي) إمتي نقدر نستلم جثت ديالهم
دكتور : واش ماكينش شي حد من غيرك استالمهم
انا: لا أدكتور انا بوحدي لي كاينة
دكتور : مهم ملي غادي إساليو بوليس تحقيق ديالهم تقدري تسلميهم
انا: اوكي
دكتور : انا غنمشى ملي تحتاجي شي حاجة انا رهن لاشارة
لله ياربي اش هادشي لي كيوقع ليا اشمن دنب درت باش نستاهل علييه هادشي كيفاش ماما و بابا فدقة لا مايمكنش الله اماما لمن خليتني عارفاني مانقدر ندير حتي حاجة بلا بييك هادي هي ماعمرك تخلاي عليا فين مشيتي و خليتيني لمن غادي نعطي راس ياربي نكون غير كانحلم ياربي حلم خايب )
سلام لالة واش انت هي راباب (××××)
انا : وي اش كاين
معاك الكومسير حميد بغيت نسولك شي أسئلة بخصوص العائلة ديالك
انا : عفاك انا مافيا لي إهضر دابا
ك .حميد : انا مقدر ضروف ديالك و لا كن خاصك تعاوني معانا
انا : فاش غنعونكم
ك.حميد: بلا شك انت عارفتي بلي عائلتك ماتو بكسيدة ولاكن ماعرفتيش بلي شي واحد لي قطع لفران لطومبييل و مضروبة بالرصاص يعني هاد لحادثة شي واحد لي مدبر ليها واش عندكم شي عداوة مع شي حد
انا: (مصدومة) لا لا ماعندنا حتي شي عداوة مع شي حد
ك.حميد : ماشكاش فشي حد إقدر إدير هاكا
أنا: لا لا ماشاكة فحتي حد حنا ناس عايشين بخير و داخلين سوق راسنا وإقدر لفران إتقطع بلا مايكون شي حد لي قطعو
ك.حميد : اه والكن هاد لفران مقطوع بآلة حادة ماشي بوحدو و الرصاص و عائلة ديال جيهان ماعندهم حتي شي أعداء
أنا : ماعرفت اسي حميد
ك:حميد : ممكن نمشي نسولها
انا : هي مريضة و ماتقدرش تهدر معاك و انا متأكدة ماعندها باش تنفعك ولله
ك،حميد :مهم انا غادي نخليك دابا ملي غادي نعرف شي حاجة غادي نبلغك بيها حتي انت الي تفكرتي شي حاجة واخا بسيطة تقدر تنفعنا هدا الكارت ديالي الي حتاجيتني تاصلي بيا بسلامة أنيسة رباب لله إصبرك
انا : ربي إخليك
اش هادشي كنسمع كيفاش زعما شي واحد لي بغا إنتاقم و قتلهم اويلي رجوع لله ارباب الموت ديال لله تقادة ليهم لعمر اه اه والكن كيفاش لقادية ديال رصاص والفران مقطوع هادشي كيوقع غير فأفلام هاد الفيلم بحال الي فايتة مفرجة فييه زعما هادشي كاين فالمغرب لله إستر ولييت كنهضر مع راسي نمشي نشوف الحاجة وجيهان كي بقاو قبل مايطرطق ليا شي عرق فالراس

دازت شهرين علي الحادثة لحاجة باقي حالتها هي هي جيهان قدرات تخطي صدمة رجعات لقريتها تنسي بيها شوية أنا خرجت من القرية مابقيتش مركزة فيها ديما كانتفكر ماما مسكينة وشحال توحشتها لله إرحمهوم ولمصاريف كتارت بزاف جلست فدار مقابلة الحاجة فصباح كنبان قوية و فليل عطياها لبكة واحد نهار عيطات ليا الحاجة
الحاجة : قربي ليا أبنتي رباب بغيت نهدر معاك فواحد لموضوع
انا : لله إسمعنا خير الحاجة
الحاجة : انا ابنتي عارفاك بعقلك وكتعرفي تصرفي ماشي بحال بنتي جيهان طايشة واخا نتوما عمر واحد خايفا نموت و ضيع راسها داكشي علاش بغيت ندير ليك الوكالة تصرفي فدار بيعوها باش تعيشو انت و هي شي مدة بيما تقدو علي الخدمة انا حسيت بوقتي قرب أبنتي
انا : ماتقوليش هاكا الحاجة انت لي بقيتي لينا فهاد دنيا لله إطول ليك فالعمر
الحاجة : حتي واحد ماضمن راسو ابنتي و أنا رجل هنا و رجل لهيه داكشي علاش مابغيت نموت حتي نتهنا عليها وماحدك انتي معاها غادي نموت مهنييا تهلو فبعضياتكوم انا كنوصيك عليها ماعمرك تخلاي علييها جيهان امانة فرقبتك ابنتي رباب غدا أبنتي سيري عند المحامي (××××) هو غادي إفهمك كلشي 👇👇👇👇
رباب غدا أبنتي سيري عند المحامي (××××) هو غادي إفهمك كلشي
وداكشي لي درت فقت فصباح و مشيت عند المحامي عطاني شي وراق عمرتهم و ساليت رجعت لدار سناتهم الحاجة
عشنا حياتنا عادية حتا فات 5شهور و دا مول الامانة أمانتو لحاجة ماتت بالفقصة مسكينة فللول مشا ليها ولدها عادل و تبعو كمال و رجلها الله إرحمها و إرحمهوم كامليين
ملي ماتت الحاجة و جيهان فصبيطار
دكتور : انيسة رباب جيهان راه حالتها مستقرة دابا تقدري تشوفيها كانتمنا تكون هادي اخير صدمة حيت قلبها ضعيف ماتقدرش تحمل اوي لله إجعلها أخير الاحزان
انا : امين ( مشيت عند جيهان )
انا : ياك أصاحبتي كنتي حتانتي غادي تمشي و تخليني ماشي حشوما علييك
جيهان : أشمن طعم فهاد دنيا بلا ام و اب حتي العائلة لي تواسيك ماعندنا بحال ناس كنا وسط عائلة حتي ولينا بحال مقطوعين من شجرة لا حنين لا رحيم كيفاش غانعيشو حنا دابا حتي شي حاجة لي تنفعنا فهاد زمان ماكنعرفو ليها ولله الي لموت حسن من هاد العيشة مون غير مشينا معاهوم لعرس كون متنا حتي حنا و تهنينا
انا : جيهان قولي أعوذ بالله من شيطان الرجيم هداك مكتاب لله اش هاد لهدرة لي كاتقولي لله كبير ماكينساش العباد ديالو ماعرفتي رزق فين كاين أختي
جيهان : الله إعطيني غير شوية من صبر لي عندك واش قلب هاداك لي عندك و لا حجرة كاتباني ليا بحال الي ماكتحسيش

انا : (كنبكي) علاش أختي انا ماشي بنادم داكشي باش كنحس انا محال واش كاتحسي بيه أنتي ولاكن انا ماكنبغيش نبين راسي ضعيفة حيت ضعيف فهاد زمان كايكلوه ذياب للهم نصبر و إن لله مع الصابرين ماعرفتي اش مكتاب لينا أجيهان خلي إمانك بالله قوي
جيهان : و النعمة بالله سمحي ليا الي جرحتك مابقيت عارفة راسي أش كنقول
انا : هانيا أصحبتي ياله سربي براي باش نمشيو لدارنا باركة علينا من صبيطارات
جيهان : دابا بقيت غير انا وانت فهاد دنيا حتي خوية عادل ماعرفنا عليه خبار كون غير إرجع اشوف لحالا لي حنا فيها دابا
انا : عادل علم لله بحالو حتي هو (ماعرفت منين دكرات جيهان عادل تفكرت لهضرة ديال البوليسي و عائلتي لي ماتو مقتولين زعما عندو علاقة بهادشي اعود بالله من شيطان الرجيم اش هادشي كانقول سيد راه حتي عائلتو ماتو ان بعض الظن إثم )
جيهان : مالكي من قبيلة و انا كنهضر و انت ماشي هنا
انا :لا لا والو غير كنفكر و صافي مهم انا غادي نمشي نشوف الطبيب و نسولو امتي غادي تخرجي
جيهان : اوكي حبيبة
👇👇👇👇
خرجات جيهان من صبيطار وقررنا نبيعو ديور بجوج و شي اراضي ديال با لله إرحمو و نشريو برطمة علي قدنا و لفلوس لي بقاو خلصات جيهان عامين ف مدراسة فاش كتقرا وشرينا فراش جديد نص تاع لفلوس مشاو غير فدواء تاع جيهان و دوزنا لبيرمي و شرات جيهان طومبيل باش تبقي تمشي لمدرسة حيت مكاتقدرش تمشي بزاف انا دخلت لسونطر ديال للغات و لما باقي خبيناه نصرفوه بيما نلقا خدمة دازت عامين ولات عندي 20 عام ولفلوس لي كانو عندنا تقريبا ماكفيناش قربو إساليو جيهان سالات قرايتها و جلسات فدار باعت طومبيل باش تشري دواها و نصرفو بيهم شي شهورا بيما لقيية خدمة 3 شهور و انا كنقلب علي خدمة ومع انا عندي زهر بزاف و تقول واش لقيتها

بقيت هاكاك حتي جاب لله واحد لخدمة عند واحد المحامي واخا ماشي شي حاجة مهم للهم لعمش ولا لعما خدمت عندو سكرتيرة شهرين غير بلكشايف عنيه زيغيين اوف محملتوش واحد نهار كان روبو ديالي جلسا انا و جيهان كنهدرو حتي صونا تيليفون ديالي
انا : اهلن مسيو رضي ياك لاباس
رضي : لا والو غير جيت المكتب كنقلب علي واحد الملف مهم و مالقيتوش
انا : واش قلبتي مزيان فالبلاصة فين كانستفهوم راه ماعندو فين إمشي
رضي : واش ممكن تجي تقلبي نتي لي كاتعرفي فين كاتحطيهوم
انا : وخا انا 5 دقايق و نكون تما
رضي : شكرا ازين
مشييت كنلبس حوايجي
جيهان : فين غادية عوتاني
انا : والو غير لمكتب نشوف واحد لملف لهادك زمر تفو مكايساليش من طلبات
جيهان : إوي متعطليش
انا : لا لا 10 دقايق و نجي نلقاك لابسة نخرجو شوية
جيهان : واخا
مشيت لمكتب لقيت لباب محلول
انا: مسيو رضى واش انت هنا (خرج ليا كي جنون )
رضى : مالكي تعطلتي عليا
انا: 2 دقايق و تعطلت
رضي : هاديك 2 دقايق دازت عليا بحال عاماين
انا : سي رضى اشمن ملف لي بغيتي نقلب علييه حيت خاصني نمشي
بدا كيقرب ليا وشد ليا فيدية )
رضى : فين غادي تمشي انت ياله جيتي مازال ماشبعنا من بعضياتنا ( ياله بغا ابوسني و انا نضربو المنطقة الحساسة و دفعتو حتي طاح )
انا : باش تعلم نبقي تقيس بنات الناس ألكلب
رضي : انا داير فيك خير و مخدمك معايا و انت ماقدرة تعطيني حتي بوسة
انا : انا غادي نعطيك بهاد الفاز لراس ألكلب الموسخ
رضي : خرجي عليا ماعمرك ترجعي عندي المعقدة
انا : الي رجعت عندك أجيفة انا حمارة انت بحالك خاسهوم لي إشعل فيهم العافية ألكلب (وخرجت)

جيهان : فين تعطلتي أصاحبتي
انا : غير خليها على لله
جيهان : ياك لاباس اصحبتي
انا : لالة زينة و زادها نور الحمام ماشفتي داك الحمار قاليك بغا إبوسني ولا ماعرفت أش بغا ملي مابغيتش جرا عليا من الخدمة
جيهان اويلي ياكما دار ليك شي حاجة
انا: دار لييه فلقلب نشاء لله الحمدلله دافعت علي راسي واخا كانت فيا لخلعة و هاني خسرة لخدمة
جيهان : حتا نتي علا خدمتو زينة كترت تامارا بلا فايدا
انا: اوي اش لمعمول دابا
حيهان : ياله نخرجو و من بعد إحلها لله
انا : إيه يلاه نخرجو نضحكو وملي نموتو بجوع ناكلو الضحك هههههه
جيهان : إلا كنتي غادي تمرضيني بهاد الهضرة بناقص من هاد الخرجة
انا؛ (كنعنق فيها ) لا لا أحبيبة غير ياله نخرجو
مشينا البحر درنا مزيان و دخلنا لواحد الكافي تلاقات جيهات مع واحد الدري سلمات علييه و مشينا جلسنا
انا: شكون هاداك لي سلمتي علييه
جيهان : هداك هشام خو صاحبتي منال لي كانت كتقرا معايا داك العام كنت تعرفت عليه فعيد ميلاد ديالها
انا: ياك وليتي كتعرفي علي دراري و ماكتقولي ليا
جيهان : شفته ياختي كي زويين قلبي صغيير لا يحتمل
👇👇👇👇
انا : عنداك إسكت لييك المسخوطة ( شوية بان ليا هشام جاي عندنا)
هشام : السلام البنات واخا نجلس معاكم
جيهان : مرحبا أهشام
هشام ؛: اوي فين هاد لغبور مابقيتيش كتباني
جيهان :غير دار
هشام : ماقلبتيش علي شي خدمة
جيهان : لله إهديك راك عارف اش كاين ماخصنيش نجهد راسي بزاف و الخدمة فيها الفقصة الي تفقصت كانمرض ههههع
هشام : لله إشافيك أزين والاكن كنتي قلتي ليا بلي ماعندك حتي حد عائلتك كلهم ماتو شكون كيصرف عليك
جيهان : صاحبتي و ختي رباب لله إخليها ليا
انا : واخا تبدلو هاد لموضوع
هشام : جيهان ماعرفتينيش بالانيسة
جيهان : هادي رباب صاحبتي
هشام : مشرفين أرباب انا هشام 31 سنة مدير مسوؤل علي ملهى ليلى (×××) انا: اه داك كبارييه كنسمع بييه
جيهان : كيمشيو لييه غيير VIP
هشام : حتي نتوما من VIP
جيهان : هههههه مغسي
هشام :نهار السبت كاينا فيه حفلة و كنتمنا تشرفونا بالحظور ديالكم
جيهان : اه نشاء لله علاش لا
هشام : مهم بينتنا تيليفون و نهار السبت مع 21 غادي ندوز ليكم باش نمشو الحفلة يلاه نخليكم بسلامة انيسة رباب تشرفت بمعريفتك
انا: حتي انا هشام
انا : واش انتي تسطيتي ولا أش علاش وافقتي
جيهان : اوي أحبيبة انا شحال هادي مانشط ماحدي لقييت لفرصة ولله مانفلته
انا: أشمن فرصة واقيلة خرج لييك لعقل ولله
جيهان : لا لا انا بعقلي غير انتي لي زدتي فيه شوية
انا: انا بعدة ماغاديش نمشي اويلي انا نمشي لكباريه لا لا مايمكنش
جيهان : إوي شغلك هاداك انا غنمشي
انا: تمشي معاه بوحدك
جيهان : إوي يلاه معايا عفاك أرباب غيير هاد لمرة ماعمرني باقي نطلب منك شي حاجة يلاه نشوفو غير داك العالم كيداير عافاك اول مرة و أخر مرة
انا: ولله ماعرفت اش نقول لييك
جيهان : قولي اه عافاك
انا: واخا مكانحملش دوك لبلايص غادي نمشي علي قبلك منقدرش نخليك تمشي معاه بوحدك ولكن اول مرة اخر مرة
جيهان :ربي إخلييك ليا يا أحسن صاحبة فالعالم
دوزنا ديك لعشية فدوران و ضحك وصل ليل و مشينا لدار تعشينا وتفرجنا و مشينا نعسو
جيهان : رباب أش غادي نلبسو نهار السبت
انا: تكاشط
جيهان : حشومة عليك انا كنهدر معاك وانت كتفلاي عليا
انا : ولله ماعرفت
جيهان : نلبس ديك الكسوة ديالك لكحلة
انا : إنا وحدة فيهم
جيهان : دييك لي فوق ركبة و مشبكة من ضهر
انا: وا باز لوجهك معندكش علاش تحشمي
جيهان : علاش
انا: اييه و راه معيقة اصاحبتي
جيهان : كاديري اصاحبتي بحال الي جايا من شي عالم اخر راه عادي اصاحبتي نتي عجباتك و شريتها و حطيتيها فالماريو و انا عجباتني غانلبسها
انا : اييه و انا اش غادي نلبس
جيهان : لبسي ديك لبيضة كاتجييك زويينة
انا : والاكن راه مزيرة
جيهان : واخا هكاك ولله الي كاتجيبك فنا ولله
انا: صافي صافي غير نعسي حتال السبت بعدا
جيهان : تصبحي علي خير
انا : بون نوي
👇👇👇👇