الجزء 6

انا: كارولين مالكي من قبيلة و انت كاتفكري ياكما ماعجبكش لحال معانا
كارولين : نو نو بلعكس انا فرحانة بزاف
انا: اوي مزيان ياله ناكلو راه وجدات جيهان الماكلة
كارولين : اوكي انا جايا
تعشينا و بقينا كنضحكو و نتفرجو صارحة هاد كارولين كادخل لخاطر فوجات علينا جانا نعاس كارولين مشات لبيت جيهان تنعس فيه و انا و جيهان فبيتي
جيهان : هاد كارولين ضريفة ياك
انا: وي باينا الفرحة ماقاداها
جيهان : فكراتني غير ب إياماتي ماكرهتش نمشي لميريكان
انا :نعسي نعسي بديتي كتخرفي انا جاني نعاس بون دو دو
جيهان : بون نوي
فبيت جيهان
كاروليين : البيت ديالها زوين واخا صغير مرتب كلشي فبلاصتو نوض نقلب علي شي كتاب ولا شي مجلة نتلهي فيها هاد نعاس مابغا يجيني واخا هاد لكتوبة مافهمت فيهم والو نقلب فلمجر علي شي مجلة هه
اوو تصاور ديال العائلة نشوفهوم هما نيت نو نو نو سي با فغي مايمكنش مايمكنش مايمكنش ولله الي هو والكن اش كايدير هنا اش كيدير معاهم فتصاور اوف اويلي واقيلة غير كيشبه ليه نرجع هادشي بلاصتو و نعس (فاقت جيهان فالصباح وجدات الفطور تبعاتها كارولين و انا لخرا مافقت غير بمشقات النفس )
انا : صباح الخير البنات
جيهان : ليوم خاصني ندير عرس ملي رباب فاقت بكري
انا: كانهضرو بلانجليزية حتي نسيت العربية ههههه
جيهان : واييه
كارولين : جلسي تفطري
انا: لا لا بصحة ماكنفطرش كنشرب غير قهوة كحلة
جيهان : زوفري دوار كتريني فلحديد و سانتور نواغ فنون لقتال و كاتشرب قهوة كحلة ولله الي خاصك غيير موستاش و تولي عبد الله ههههههههههههه
انا : اودي حامضة حامضة ضحكي غير بوحدك
ختي كارولين كيصبحتي نعستي مزيان
كارولين : وي حبيبة
جيهان : مزيان
كارولين : واش نتوما عايشين غير بوحدكم ماعايش معاكوم حتي حد
انا: لا لا غير بوحدنا
كارولين : علاش فين عائلتك
انا : ماتو فحاديثة
كارولين : و ماعندكش خوت
انا : نو نو بوحدي لي كنت عند بابا و ماما لله إرحمهوم
كارولين : وانت اجيهان
جيهان : حتي انا ماتو فنفس الحادثة
كارولين : وماعندكش خوتك حتي انت
جيهان : 😭 لا كانو عندي جوج واحد مات فديك الحادثة و احد ماعرفتو فين مشا ماعندي عليه حتي خبار
انا: سمحو ليا انا غادي نمشي نقضي واحد الغراض(وخرجت)
كارولين : مال رباب بحال الي تقلقات
جيهان : وي ماكتبغيش تهضر علي خوية عادل داكشي علاش مشات
كارولين : (ميمكنش) خوك سميتو عادل
جيهاان : وي
كارولين : اه و علاش رباب ماكتبغيش تهضر عليه
جيهان: حيت كتبغيه و حتي هو كان كيبغيها و كان خاطبها
كارولين : اه وملي هي كاتبغيه علاش دابا تخطبات لهشام
جيهان: لا لا مامخطوباش ل هشام هو كان بغا إخطبها و هي رفضاتو و اصلان خوية راه 10سنين هادي وهو غايب
كارولين : اشنو شحال وهو غايب
جيهان : 10سنين واقيلة
كارولين : اه و عائلتك شحال هادا باش ماتو
جيهان : 7 سنين هادي
كارولين : باش قلتي ماتو
جيهان : دارو كسيدة
كارولين : سمحي ليا الي كترت عليك حتي انا تقريبا بحال قصة ديالكم قبل 10 سنين ماتو عائلتي مقتولين و انا لي بقيت عايشة رباني واحد صحب بابا و ملي كبرت خدمت معاه و 3 سنين هادي طلب مني امين زواج ودابا حنا مخطوبين قريب نديرو عرس
جيهان : مبروك
مهم دوزات معانا كارولين اسبوع
مهم دوزات معانا كارولين أسبوع كولو عاطيينها للدوران وتسركيل والضحك صراحة ولفناها وحتا هيا ماسخاتش بينا، نهار بغات تمشي وصلناها للمطار مشات ورجعنا حنا للدار دخلت أنا لبيتي ودخلات جيهان لبيتها، دازت 3 أيام كلها راحة، واحد الصباح كنسمع جيهان كاتغوت
أنا: مالكي على هاد الغوات آش كاين
جيهان: فيناهما تصاور للي فيهم حنا وعادل؟
أنا:وأنا مالي قلبي عليهم فين درتيهم
جيهان:كانو هنا مالقيتهومش
أنا:(ويلي أنا متأكدة رضيتهم لبلاصتهم) واغير عاودي قلبي راه غادي تلقايهم
جيهان:أجي قلبي انتي نيت (بعد عناء كبير قلبنا الدار كاملة مالقيناهومش)
أنا:ماكاينينش
جيهان:سرطاتهم الأرض
أنا:(لعجب) صافي غير ميكي عليهم غادي يبانو
جيهان:ماعرفت فين مشاو وعلاش زعما غير هادوك فاش كاينين حنا وعادل للي ختافاو
أنا: آش كاتقصدي بهاد الهضرة؟
جيهان:ماكنقصد والو (وخرجات)
أنا:(ويلي فين مشاو أنا متأكدة رجعتهوم بلاصتهوم إوى لعجب هادا دابا اصحاب ليها غير أنا لي ديتهم)
أنا كنفكر حتى سمعت صونيت فالباب وجيهان كتهضر مع شي حد
جيهان : رباب راه هشام جا كيتسناك فالصالون و ماتنسايش داكشي علاش تافقنا راه ماعندك ماديري بيه
انا: اوكي اوكي (ومشيت عندو)
هشام : اهلان رباب لاباس عليك
انا: لاباس و انت
هشام : الحمد لله من المطار ديريكت عندك 10ايام دازت ماشفتكش بحال عام اوي اش قلتي فداكشي
انا: هشام انا ماعندي منخبي عليك مازال مكنفكر فالزواج لله إجيب ليك شي وحدة حسن مني
هشام :(معصب) انا مكاتهمني حتي وحدة خرا انا بغيتك انت ارباب كنبغيك انت مابغيتش شي وحدة من غيرك فهميني لله إخليك راه كنبغيك مانقدرش نعيش بلا بيك 4سنين هادي و انا صابر حسي بيا عفاك واش مكاتحسييش
انا: هشام صافي ماضغطش عليا انا لي عندي قلتو ليك
هشام : انا غانمشي دابا و العرض ديالي باقي مفتوح انا غنتسناك وقتما غيرتي رائ ديالك عارفتي فين غادي تلقايني ومعمرني ندم علاش بغيتك كنتمنا تغيري رائ ديالك ارباب
(غير خرج و سمعت شي حاجة تهرسات جريت لكوزينة لقيت جيهان طايحة فالارض )
انا: جيهان فيقي جيهان جيهان ( لله اربي اش غاندير
عييط للأونبيلنس 🚑ودينا جيهان لصبيطار دخلوها لمستعجلات 3 سوايع و انا كنتسنا علي اعصابي و طبيب مزال مخرج وياريتو ماخرج
انا: دكتور ياك لاباس جيهان اش عندها
دكتور:😷 للاسف ارباب ماعندي مانخبي عليك جيهان فمرحلة الخطار خاصنا نصيفتوها لفرنسا دير عملية وتما كتكون ناجحة 100% ونقدرو نلقاو شي متبرع تما
انا : كيفاش متبرع
دكتور: جيهان غتكون محظوظة الي لقات لي إتبرع ليها بالقلب ديالو
انا: القلب اويلي انا كنسمع تبرع بالدم و التبرع بالكلي ولاكن القلب ماعمرني سمعتها
دكتور: دبا الاعضاء لي فالجسم كلها كيتم تبرع بيها
انا: وشكون هادا لي غادي إتبرع بالقلب ديالو شي واحد عندو 2 مثلا
دكتور: ههه كاينين متباريعين ولكن العملية غادي تكلفك بزاف ديال الفلوس
انا: وشحال ديال لفلوس غاتكلفني
دكتور:مصاريف كلها غاتكلفك 120مليون و عندك 48 ساعة فاش توجديهوم ولا غادي نفقدو المريضة
انا: (غير سمعت داك المبلغ و انا نغيب بعد ساعتين فقت لقيت راسي فواحد البيت و واحد راجل كيهدر بالانجليزية واقف حدايا معقلتش فين شفتو)
الرجل: انيسة رباب علي سلامتك بلا شك عقلتي عليا
انا: اه اه انت هو ..
الرجل : وي انا هو امين خاطيب كارولين كنا تلقينا فراس العام
انا: اش كادير هنا
امين: جيت باش نعاونك
انا: تعاوني فاش غاتعاوني
امين : انا غادي نعاونك ترجعي صاحبتك
انا: كيفاش
امين : انا نخلص ماصاريف ديال العملية و نصيفطها لفرنسا حتي المتبرع كاين كلشي موجود خاصك غير توافقي
انا: وعلاش هادشي كامل
امين : داكشي علاش قلت ليك خاصك توافقي
انا: علاش غنوافق
انا: وعلاش هادشي كامل
امين : داكشي علاش قلت ليك خاصك توافقي
انا: علاش غنوافق وضح كلامك
امين : توافقي تعاونيني
انا: وفاش غادي نقدر نعاونك انا
امين : غاتفهمي من بعد و خاصك تعرفي بلي هادشي فاش غتعاونيني خطار ولكن ماشي أخطر من الحالة فاش كاينة صاحبتك دابا
انا: (الصمت)
امين : كنظن بلي ماعندكش الوقت بزاف باش تفكري انا كنتسنا الجواب ديالك باش نبدا الاجراءات و اي قرار خديتي مايمكنش ليك تراجعي فيه
انا: ( امري لله مهم نعاون صاحبتي و لي ليها ليها موت وحدة لي كاينة فالدنيا والي ماعونتهاش مغايرتاحش ضمير ديالي )
امين: هيه فين سرحتي انا كنتسنا الاجابة ديالك
انا: (بعد صامت طويل ) انا موافقة نعاونك مهم هو صاحبتي دير العملية
امين: (ابتسامة شريرة) هه ونعم الصداقة مهم انا غادي نبدا الاجراءات و نصيفتها لفرنسا و انت غادي تمشي تجيبي ليا الوراق ديالك باش نقاد ليك باسبور حيت من بعد يوماين غانمشيو لأمريكا و صاحبتك بعد مادير العملية غادي نحتافظ بيها حتي تسالي داكشي باش غانكلفك و ديك ساعة غادي ترجع ليك و ماخفتيش انا غادي نتهلي فيها
انا: علاش غانمسيو لأمريكا
امين :(بغضب وزير ليا علي الفك ديالي ) انت غادي تنفدي داكشي لي كانقول ليك وبلا أسئلة يلله سيري وجدي داكشي لي قلت لييك
انا: واخا(كنت عادي نضرب مو حتي يدور ولكن تفكرت صاحبتي والعملية لي خاصها و انا نتراجع واخا حسا بلي شي حاجة ماشي هي هاديك غادي توقع و كيقول ليك داكشي فاش غادي نعاونو خطير ماغايكون جا عندي من ميريكان حتال المغرب غير الي كاينا شي مصيبة كبيرة غير لله إلطف و خلاص )
امين : واش غانباتو هنا يلله سربي سيري
مشيت شديت طاكسي لدار و راسي غيطرطق بقوة الاسئلة جمعت لوراق لي خاصيني حطيتهوم فساكي و مشييت ندوش بقيت فدوش شي 4 سوايع عجبني نبقا تحت الما كنحس براسي خفيفا لبست حوايجي نشفت شعري و مشيت لصبيطار لقيت داك امين طالع لييه لخز و مخنزر
امين : كون غير طعطلتي مزال شي5 سوايع خرين واش صحاب ليك انا مسالي ليك نبقا نتسناك ماعندي شغل من غيرك
انا:(ماصبرتش وهو كيغوت عليا لويت لييه يديه مورا ضهرو وزدحتو مع الحيط) شوف اسي امين ماعمرك متغوت عليا الي بغيتي تهضر معايا هضر بالصواب باش نبقاو مزيانين مع بعضياتنا و ماشي حيت وافقت نعاونك غادي تندمني ( حتي هو مادار حتي ردت فعل بقا غير كيسمع ليا)
ملي ساليت هضرتي وطلقت منو دار عند و بدا كيصفق امين:دابا بينتي ليا بلي ماغاديش ندم حيت ختاريتك لهاد المهمة و بقاي تحكمي فاعصابك ههههه
(وعنقني بجهد انا مافهمة والو )
انا: فين هي جيهان
امين : جيهان دابا تكون فالسماء شحال تسنيناك ملي طعطلتي سنيت الوراق السفر ديالها و مشات وانت جبتي لوراق
انا: وي جبتهوم (خداهم من عندي )
امين : بعد غدا مع 10 غادي ندوز عندك لدار باش نقادو شي أمور ضروريا ومن بعد نمشيو لأمريكا
انا: علاه عارفتي دار فين جات
امين:( ضحكة شريرة) انا احبيبة كنعرف عليك شي حوايج انت ماكتعرفيهمش علا راسك بلا ماتكتري فلاسئلة من بعد غادي تفهمي كلشي اوكي
اه وحاجة خرا قطعي الاتصال ديالك مع هشام و كنصحك ماتقولي ليه والو من هادشي الي كنتي كاتخافي علي صاحبتك
انا : نو نو كون هاني
خليتو و مشيت لدار دخلت سديت عليا لباب و بدلت حوايجي و كليت ومشيت نعس وحلف النعاس مايجي ف عنيك ليوم ارباب بقيت كتقلب كتقلب راسي غيطرطق بقوت الاسئلة لي مالقيت ليهوم إجابة و و صاحبتي لي ماعالم بيها غير لله و قلبي مقبوط عليا مامرتاحاش مالقييت مندير النعاس ماكين ماكين مشيت لبيت ديال جيهان نعاود نقلب علي تصاور لي طاح ليا فيهم لعجب انا متأكدة بلي رجعتهوم بلاصتهم والمشكيلة نص فيهم كاين غير هادوك لي فيهم انا و عادل و جيهان لي ماكينينش اوي لعجب هادا مهم بقيت كنقلب حتي مالقيت والو و رجعت بلاصتي و نعست و مع ماكين لي إصدعني و إفيقني بقيت جابدة عليه حتال 6 ديال لعشية فقت دوشت و طيبت ماناكل و بقيت كانتفرج و نفكر ماخرجت فيين بقيت غير فدار لماكلة و نعاس حتي وصل نهار المشوؤم
مع 10 نيشان صونا ليا تيليفون
امين: واش واجدة ندوز عندك
انا: شكون معايا (صرحة انا عرفتو واخا كنتساءل منين جاب نمرتي عجبني نعصبو ههه)
امين: بلا تفليا انا 5 دقايق و نكون عندك
انا: اوكي
فاتت 5 دقايق و جا ( هاد ناس عندهوم مواعيد مضبوطة مشي بحالنا حنا 5 دقايق هي نص نهار ) نزلت بانت ليا واحد لحديدة كحلة وفيها واحد البوقوص هههه غير امين هاداك غير دابا بان ليا بوقوص حيت لابس سروال دجين وسبرديلة كحلة و بودي ف الgري بحال لون ديال عنييه اول مرة نرد ليهم البال زوينين حروفو شهبين gاوري سعدات كارولين حل ليا لباب ركبت
امين: جيتي زوينة ليوم ( دار واحد ضحيكة اول مرة نشوفو ضاحك جا كيحمق)
انا: علاه كنت خايبة 😈
امين : لا لا انتي ديما زوينة غير كل نهار كتزياني علي النهار لي قبل منو ههه
انا: مغسي حتي انت جيتي زوين
امين : علاه كنت خايب من قبل
انا: لا لا غير ماكنتش رادة ليك لبال حتال ليوما
امين: انا بعدا من نهار شفتك و انا راد ليك لبال مي دوماج
انا: كيفاش دوماج
امين : عرفتي انت زوينة و ضحكت كتحمق و لاطاي ديالك واعرة شعرك زوين شطيحك رائع حاجة وحدة لي فيك خايبة
انا : اشنو هي
امين : هاد كترت الاسئلة لي فييك مهم دابا غادي نمشيو نجيبو الباسبور ديالك و من بعد نمشيو المطار
انا: اوكي
مشينا جبنا الباسبور ماعرفت كيدار وجدو ف يوماين و مشينا المطار انا جيبا معايا غير حوايجي لي لابسة و تسافيرة هادي ههه ركبنا فطيارة وفيا لموت ديال الخلعة اول مرة نركب فطيارة ومع كنخاف من المرتفاعات كملات طريق كلها و انا كنشهد و هداك خونا ميت عليا بالضحك
امين: مالكي واش لباس
انا: لا لا مالاباس والو كنحس بدوخا
امين : هاكي خودي هاد دواء كيحيد الدوخة
انا: كيحيد الدوخة و لا كيحيد من الدنيا
امين : هههههه لا لا ماتخافيش ماغاديش نقتلك حيت محتاجك بزااف (شربت الفانيدة من بعد 10 دقايق و انا نغيب ملي بديت كنفيق لقيت راسي فواحد البيت كبير و حوايحي مبدلين نضت كنقلب و انا ندوز حدا واحد المرايا بقيت كنشوف فراسي و انا نتصدم
شعري مبدل للون ديالو ولا فالأكاجو و حجباني مصبوغين ماشعرت حتا غوت واحد الغوتة تفيق الميتين ماشي لحيين و احد شوية بان ليا امين و جوج بنات
امين : مالكي ياك لباس
انا: شكون صبغ ليا شعري و معا من تشاورتي انا لون ديالو كان عاجبني
امين: خلعتيني قلت ماعرفت اش وقع لييك و زايدون هاديك صباغة الوقت لي بغييتي تحيديها غادي تحيديها انا صبغت ليك شعرك غير حيت هادشي داخل فالمهمة ديالك دابا زيدي تاكلي و من بعد نقول ليك اش غاديري
انا: امتي بعد وصلنا لهنا و فين حنا
امين : هههههههه حنا ف نيويورك وصلنا لبارح من لبارح و انت ناعسة واحد للحظة شكيت واش تكوني متي هههههه
انا: اويلي علي ناعسة و صبغو ليا شعري و ماحسيتش بيهم مايمكنش
امين : ههههه لا راه هاديك الفانيدة لي عطيتك هي لي دارت لييك هاكا إحطياطات أمنية
دابا هبطي تاكلي باش نتفاهمو
انا: اوكي
مشيت كليت درت بحال الي عمرني كلييت واه راه 2يوماين مادقت النعمة ملي ساليت و رجعوني دوك البنات لداك البيت كل وحدة اش كادير وحدة المكياج و شعر وحدة ضفار
انا غير كنعاير فيهم بالعربية عاارفهم مافاهمين والو و كيضحكو عند بالهم كنضحك معاهم و انا كنضحك عليهم هههههه واحد شوية دخل امين و سمعني
امين: ههه مسخوطة كضحكي علي البنات و ديك ساعة عايريهم بللغة لي كيعرفو
انا من صدمة حلييت فمي قد البزطام
انا: كتفهم العربية
امين : مالكي مكلخة علاه انا اشنو سميتي
انا: امين
امين : وبانت ليك سميتي كارلوس باشما نفهمش العربية انا راه واليدية مغاربة غير انا لي عندي الجنسية الامريكية حيت تزاديت هنا وكنعرف الغة العربية
انا : اوي مالك ماتقولها باش نبقي نهضرو بالعربية حسن من الانجليزية
امين : لا لا انا بغبتك تولفي تهضري بيها نساي واش انت مغربية انت دابا امريكية و هادشي داخل فالمهمة و دابا لبسي هاني كنتسناك لتحت
لبست واحد سروال كحل وبودي غوز و صندالة فلكحل و طلقت شعري دارت ليا لي لونتي زرقين بحال السما ومكياج خفيف و هبطاتني لواحد البيت كيبير
فيه واحد المكتب و واحد الطبلة كبيرة ديال الاجتماعات و ضربة واحد البولة فالحيط بحال ديال السنيما بقيت كندور حتي دخل امين و جوج رجال واحد فيهم ماعقلتش فين شفتو بوقوص عنيه زرقين و طويل و حتي هو شهب لابي كوستيم كحل مشاو جلسو وانا بقيت واقفة
امين: رباب مالكي واقفة جلسي
انا: امين انا بدا كيدرني راسي فهمني اش واقع (بقاو كلهوم كيضحكو حتي خلعوني )
امين : غير صبري غادي تفهمي كلشي من بعد
انا: راع عيت مانصبر واه ضرني راسي
داك البوقوص : نتوما المغاربة مافيكمش الصبر و فضوليين اوف منكم (انا غير سمعتو قال هاكاك وققت و انا نضور فييه )
انا : لمغاربة حسن منك الموسخ (مازال ماكملتهاش جبد عليا فردي بحركة غير إرادية عوجتو من دراعو وخطفت ليه الفردي ماعرفت منين جاتني الجرأ وخا كنت خايفة اصلن كنت تعلمت دوك الحركات ففنون القتال فداك لوقت عرفت علاش كنت باغا ندخل لاصال غير علي بحال هاد المواقيف )
انا: انت راجل انت سير حتي تعلم تهز الفردي عاد اجي تيري فيا ( بقاو كلهم كيشوفو فيا تصدمو )
امين: شفتي اش قلت ليك واخا تشوف هاد الانوثة كاملة راه قبيحة و الحركات ديالها غير متوقعة ههه
انا: (رجعت ليه الفردي ديالو وقربت لوجهو ) هاد المرة ماتبقاش تختبر الصبر ديالي حيت ماكانتحكمش فراسي
اوي دابا قولو ليا علاش انا هنا
امين : اوكي انت هنا علي قبل واحد المهمة انت الوحيدة لي تقدري عليها
انا: علاه انتوما ماتقدروش عليها
امين: شحال وحنا كانحاولو ولاكن ديما كنفشلو
انا: وشكون ضمن ليكم حتي انا مانفشلش
الرجل: الي فشلتي غادي تعرضي حياتك وحيات صاحبتك الموت
انا: (مصدومة وكنبلع ريقي ) هادشي فيه الموت
امين: ماغنقولش ليك ماتخافيش حيت هادا معامن غاتعاملي ماعندوش القلب الي حس بلي شي حد كيشكل خطار علييه كينحييه من الدنيا
انا:( بخوف) اش كايكون هادا معامن غانتعامل
امين: رائيس مخابرات
انا: رائيس مخابرات لقدية مابقاتش فيها غير الموت ولا فيها حتي الحبس
امين: نو نو الي درتي شغلك مزيان ماغيكون فيها لا حبس لا موت
انا: ههههه وعلاش بضبط انا لي ختاريتو لهاد المهمة
امين: بغيت نخلي ليك الفرصة باش تنتاقمي منو
انا: علاش غانتاقم منو
البوقوص: حيت هو لي تسبب فموت عائلتك
انا: (بارتباك ) الي كان هو رائس مخابرات انتوما اش تكونو
امين: هههههه حنا عصابة وبيناتنا مشكل
انا : بيناتكم موشكيل و جبتوني انا من لخر ديال الدنيا باش نحلو ليكم لا لا غير عفيوني غادي نفشل مافيهاش
امين: (جرني من شعري بجهد ) انت خديتي قرار وانا قلت ليك ماتقدريش تراجعي علييه و ماتنسايش صاحبتك عندي كل ماحاولتي تنجحي فالمهمة غادي تنقدي حياتها و الي فشلتي غادي تسببي فموتها و موتك
انا: نقدر نعرف المشكيل لي بينتكم
امين : نو نو بلاش ماكيهمش
انا؛ كيفاش ماكيهمش الي بغيتي نخدم معاكوم خاصني نعرف اش بيناتكم (بقا كيشوف فداك البوقوص شحال كيهضرو بعينيهم ) البوقوص: عندها الحق مدام هي غادي تخدم معانا خاصها تعرف كلشي
امين : انا غنقول ليك كلشي مي كنصحك ماتغيريش الرائي ديالك حيت الي درتها غادي نقتلك
انا: نو نو غير قول اصلان ماشي من مصلاحتي نغير الرائي ديالي
امين : فهد 30 سنة رائيس مخابرات F.B.I هو العدو ديال BiG BOSs ديالنا عندو شي وراق و شي فيديوات خطيرة كتهمنا حاولنا بعدة طرق باش ناخدوهوم ليه ولكن فشلنا هو حاطهوم ففيلا ديالو وحتي واحد ماعرف اشمن بلاصة فاش كاينين الا هو و الفيلا فيها حراس كتار وكاميرات حتي حد ماكيقدر إدخل ليها و بمجرد شيواحد غريب ابغي إدخل كتبدا تصدر صفارات إندار فضرف 5 تواني كيجيو البوليس وكايحاصرو الفيلا كلها هو ماسلمش لوراق و الفيديوات لمقر مخابرات حيت عندو حساب مع BiG BOS بغا حتي إلقاه و إنتقم منو عاد إسلمو لبوليس هو والوراق و الفيديوات شحال من عام وهو كيقلب عليه وحنا بغينا هادوك لوراق و الفيديوات قبل مايوصلو لشرطة F.B.I حيت الي طاحو فيديهم حنا كلنا نقدرو نمشيو فيها
انا: شكون قال ليك راه مخبيهم فلفيلا اقدر إكون دايرهم ف بلاصة خرا
امين؛ هو لي قالها ليا براسو
انا: كيفاش هو لي قالها ليك وانت قلتي بلي هو العدو ديالكم هادشي ماكيدخلش لعقل واش كتفلا عليا
امين: هو قالها ليا حيت انا كنخدم معاه فالمخابرات
انا: واش دابا انت فالمخابرات ولا مع العصابة راه مابقيت فاهما والو
البوقوص : هو جاسوس ديالنا
امين : انا ملي تخرجت خدمت فالمخابرات معاه و هو صاحبي من شحال هادا ملي مابقاتش خدمتي عاجباني قررت نخدم مع عصابة و نولي جاسوس
انا : ملي هو صاحبك علاش ماتجيبهمش انت نيت
امين: (بغضب ) هو ماكيتيق فحتي واحد و حتي واحد ماكيدخل الفيلا ديالو
انا: ايه و اشنو مطلوب مني دابا انا
امين : تجيبي لينا دوك لوراق
انا: ياك قلتي حتي واحد ماكيقدر ادخل لفيلا كيفاش غاندير انا حتي ندخل
امين: اوف مكاتقادايش من الاسئلة انت غادي تخدمي فواحد الحانة هو مولف كيسهر فيها و حاولي تغرييه و تخلييه إبغيك انا متأكد ماغاديش إقاوم جمال ديالك و رقصك المثير انا كنعرف بلي هو كتعجبو البنت تكون شخصيتها قوية وانت ماشي غير شخصيتك لي قوية ههه ولكن ماتعطيهش وقت حيت هو اي بنت بغاها كياخدها حتي وحدة ماكتقدر تقاوم الزين و الفورمة ديالو اي بنت كيدوز معاها لليلة ديالو فلاوطيل و كيلوحها ماعمرو مادخل شي وحدة لدارو داكشي باش خاصكي تبتي وكيما قلت ليك ماتعطيهش وقت هو ماغيبغيش شي وحدة ترفضو بقاي معفرة عليه هو غيدير المستحيل باش إطيحك وتولي ديالو حتي اولي يبغيك وتخليه إتيق فيك ديك ساعة نقول ليك اشنو ديري
انا: دبا انت جايبني باش نرقص فحانة و نغري داك خينا كان ممكن تجيب اي بنت خرا عطالله لبنات كيشطحو حسن مني و اجمل مني بدراجات
البوقوص: حنا ماجبناكش حيت كتعرفي تشطحي و لا حيت زوينة حنا ختاريناك لعدة اسباب من بعد غادي تعرفيهم و من بينهم باش تنتاقمي منو علي داكشي لي دار فالعائلة ديالك ولكن بغيتك تردي بالك مزيان حيت هاد فهد مافقلبو شفقة وحش ماشي بنادم الي حس بيك كتخونيه ولله حتي إصفيها ليك و مايسيقوش لييك لخبار
خاصكي ديري جهدك باش تغلبي علييه و ترجعي وفإديك لوراق علي قبل صاحبتك و علي قبلي انا
انا: ايه علي قبل صاحبتي اه ولكن علي قبلك انت مالي اش بيني و بينك (بان ليا امين و هداك راجل خرجو سدو الباب بقيت انا و هاد البوقوص)
البوقوص : دابا مابينتنا والو والكن من بعد ملي ترجعي غاتكون بيناتنا شي حاجة
انا:😈بحالاش هاد لحاجة
البوقوص: صرحة ارباب انا منهار شفتك مابقيتش كنقدر نعس ديما كنفكر فييك ماعرفتش اش درتي ليا خربقتي ليا حياتي
انا: ياك عاد دابا شفتيني لحقت ندير فيك هادشي كامل
البوقوص : هههه نو نو انا ديجا شفتك فالمغرب وعجبتيني بزاف واخا انت مخطوبة بصاحبي ماكيهمنيش انا كتهميني غيير انت
انا: مخطوبة لا لا مامخطوباش
البوقوص : علاه انت مامخطوباش بهشام
انا: نو نو هو طلب مني زواج مي انا ماقبلتش واش انت كنتي معاهم داك نهار
البوقوص : وي وي كنت معاهم غير ماعقلتيش عليا حيت كنت مبدل شي حوايج فراسي انا سميتي جاك
انا: هههههه وي وي دابا عرفتك مي تبدلتي بزاااف
جاك: ويي حيت مانقدرش نخرج هاكاا ضروري نبدل راسي عاد نخرج
انا: وعلاش
جاك : من بعد ونعاود ليك دابا مايمكنش ليا
(دخل امين) رباب خاصكي تمشي ترتاحي غدا عندك بزاف ماديري 
انا:(بخوف) اوكي ( مشييت بخطي متتاقلة وصلت لبيت غسلت وجهي لبست لبسة نعس بيها لماريو عامر بالحوايج كلهم تقريبا قدي كنشوف فالمرايا و كنهضر مع راسي صرحة عجبني للون ديال شعري ولييت كانبان زوينة ههه مشيت نعس و انا غير كنفكر اش هاد طريق فاش غادا ارباب علم لله اش باقي مخبي لييك زمان تفكرت ماما و بابا و بديت كانبكي كون كنتو معايا گعما غنوصل لهادشي كامل من نهار مشيتو وانا كانعاني من مشكيل لواحد اخر و اعلم لله اش باقي مخبي ليا ماشفتوش واقيلة هادي هيا النهاية ديالي قريب نجي عندكم توحشتكم كنبكي بحرققة حتي دخل عليا امين:
مالكي كاتبكي ياك لباس

انا: لا والو غير تفكرت بابا و ماما و جيهان اه و اش بعدا هي لباس عليها

امين : وي لباس عليها راه دارت العمليه وهي دابا فالحفظ و صول حتي... انا؛ صافي صافي بلا ماتبقي كل ساعة تفكرني
امين : اوكي انا غانمشي و انت رتاحي شوية تصبحي علي خير
انا: اوكي (من نهار شفتك عرفت هاد لخير ماعمرني باقي ما نشوفو )
نعست واخا نايضة عندي قربالة فراس عرام ديال الاسئلة و هاد فهد لي خرج ليا من جنب غير من سميتو باين اش تابعو غير لله إخرج العاقبة بخير
يتبع....