الجزء 17

فالمشتشفي 
كان وائل و مريم ونتاشا وامين و كارولين جالسين مع رباب وائل:كيبقيتي ارباب مزيان ليوم 
انا: مزيان لحمد لله مكرهتش نخرج من هنا 
امين: غير تبراي مزيان و تخرجي غدا واقيلة
انا: اوف ماكنحملش صبيطار 
وائل: وشكون كيحملو انا مليت منو 
كارولين :حتي انا امتي غير نتهناو منو 
انا: كارولين ماشفتيش ساك ديالي لي كان عندي قبل مانجي لهنا 
كارولين :لا
نتاشا: اه اه هاهو كنت مخبياه 
انا: اوكي اريه بغيتو 
هزيت ساك و عطيت شي وراق لكارولين
انا:هاكي هاد لوراق ديالك 
كارولين :ديالاش هاد لوراق 
انا: قرايهم و غادي تفهمي 
كارولين : هادو لوراق ديال لممتلكات ديال باب لي خدا جاك 
انا: اه دابا ولو ديالك هو كتبهوم ليا و انا كتبتهوم ليك انا ماعندي ماندير بشي حاجة ماشي ديالي انتي اولي بيهم هداك حقك و رجع ليك 
كارولين :(ودموع فعينيها جات عنقاتني )شكرا ارباب كون كانت شي وحدة خرا كون خدات كلشي لراسها بصح كيما قال امين انتي ماكينش بحالك فالدنيا 
انا: هدا واجب (هزيت وراق خرين عطيتهوم لنتاشا)هادو ديالك انتاشا دار لي كنت ساكنة فيها و طوموبيل ولو ديالك حيت مابغيت حتي شي حاجة تفكرني بلي فات 
نتاشا:(مصدومة وكتبكي تلاحت عليا عنقاتني ) انتي احسن بنت شفتها فحياتي جيهان ماعرفاتش لقيمتك هي لي خسرات 
انا: (جبت دوك الملفات ديال جاك و لملف ديال فهد )امين هاد لملفات ديال لعصابات لي مع جاك و هادا لملف ديال جاك عطيهم ليه 
امين :اوو هاد لملفات مهمين وفرتي علينا طريق طويلة ارباب دابا ساهل علينا نلقيو لقبض علي بزاف منهم 
انا: انا لقيتهم و قلت يمكن ينفعوكم وائل انا بغيت نطلب منك واحد طلب الي قدرتي
وائل: طلبي انا رهن الاشارة 
انا: بغيتك تقاد ليا وراقي و لباسبور فاسرع وقت بغيت نرجع لمغرب وسمحو ليا بزااف
👇👇👇👇
وائل:(مصدوم) فين غادي تمشي 
انا: بغيت نرجع المغرب 
كارولين: علاش غادي تمشي تبقاي تما بوحد 
انا:(كنبكي) هادشي ماشي جديد عليا انا كنت ديما بوحدي وغانبقي ديما بوحدي اهم حاجة دابا ربحت اصدقاء بحالكم
امين: لا لا ارباب ماغادي تمشي فين ولله 
انا: عفاك اامين انا ماعندي مانبقي ندير هنا ولله احسن حاجة نرجع لبلادي 
نتاشا: حشوما عليك اصاحبتي انا يلاه قلت لقيت صاحبة بحالك و دابا بغيتي تمشي وتخلينا 
انا: واخا مشيت غاتبقاو ديما فبالي وقتما توحشتوني تقدرو تجيو تشوفوني 
مريم: لا ارباب عفاك غير بقاي معانا لله يخليك دابا انتي ماخسرتي والو بحال بقيتي بحال مشيتي للهم بقاي معانا وائل: عفاك بقاي واش انتي بغيتي تحرمينا من لكتكوتة صغيرة لي مازال ماشفناها حشوما عليك 
امين: عفاك ارباب حيدي هاد الفكرة من راسك لله يخليك 
مريم: شفتي دابا كلنا كنطلبوك بقاي معانا حيدي فكرة رجوع لمغرب من راسك 
انا: اوكي غادي نحيدها دابا من راسي غير علا مايبرا امين وديك ساعة يحن لله 
نتاشا و مريم : (بفرحة جاو عنقوني )ناري ناري قجيتوني بقينا كنضحكو وجريت علي دراري يخرجو حتي نبدل لبست سيرفيت كحلة 
ملي خرجو دراري بان ليهم فهد جاي 
امين: علا سلامتك اصاحبي 
نزل عليه فهد بواحد البونية حتي طاح و توعت فالضربة وغوت بحر جهد
فهد: انت لي لحتيها بين يدين جاك زعما انا تقت فيك و انت كتلعب ورا ضهري 
وائل: تهدن اصاحبي راه سيد مريض راك وعتيه 
فهد: خليك بعيد ولا نجمعك معاه حتي انت 
امين:(كيتألم) راه شرحت ليك كلشي انا ماكنتش بغيت الامور توصل هاكا شحال من مرة كنبغي نقول ليك الحقيقة و رباب كتمنعني ولله الي كنت كنتعدب كتر منك ولكن ماكان عندي حتي حل اخر 
حنا سمعنا صداع و خرجنا بان ليا فهد كيغوت علي امين وهو طايح فالارض كيتألم ماشعرتش حتي صرفقت فهد و بديت كنغوت عليه وهو غير كيشوف فيا..
انا: انت مابقا عاجبك حد عواض ماتشكرو حيت عتق ختك من الموت جالس كضرب فيه حتي هو كان عليه ضغط مالك ماكتعدرش الواحد اي واحد كيكونو عندو ضروف يخليوه يدير شي حوايج ماباغيهمش والكن معامن كنهضر انا مع واحد هماجي ماكيعرفش يسمع لشخص حتي الي بغا يشرح ليه الي بقيتي علي هاد لحال غادي تخسر كلشي انت اي حاجة كتحلها بالضرب هو لي كتعرف ليه 
تعصبت بقييت كنغوت حتي سخفت عاوتاني مشاو عيطو علي طبيب جا شافني و هما كيتسناو فيه خرج عندهوم طبيب معصب 
دكتور: راه قلت ليكم من قبل ماتعصبوهاش راه سيدة حاملة ومخصهاش تعصب راه خطار عليها علي العموم انا عطيتها واحد المهدئ دابا واحد شوية وتفيق
فهد: رباب حاملة 
بقا شي كيشوف فشي حتي واحد ماقدر يهضر 
فهد:(بغضب )واش حتي واحد ماغادي يجاوبني 
مريم: اه رباب حاملة فالاسبوع ثالت 
فهد:(بابتسامة) الاسبوع ثالت واش كاينة شيكلمة
ة خرا مخبينها غير قولوها دابا ماحدي مصدوم مصدوم 
وائل: لا لا كولشي عرفتيه دابا 
فهد: متأكد
امين: وي كلشي داكشي لي كاين راه فراسك (مشي جلس حداه و عنقو ) سمح ليا اصاحبي ولله كون ما ضروف ما ندير هاكة جاك كان كيضغط عليا بزاف مالقيت حتي شي حل واخا هكاك كنت داير رباب فعيني كنت كنحميها غير ملي ضربتيني بالرصاص ماقدرتش نحميها 
فهد: هداك جاك حسابو معايا هو لخر غير بلاتي غادي نخلص فيه لقديم وجديد 
وائل: صافي باركة من تعناق زعما راه نتوما رجال ولا كدبت 
امين: راك محساد اصاحبي 
وائل: علاش نحسدك ههه انا باركة عليا نعنق غير مريم و رباب و قريب شي كتكوتة صغيرة بحال ماماها 
امين: لا لا شي كتكوت ماشي كتكوتة 
نتاشا :انتوما لي مدابزين تما كل واحد يمشي يولد داكشي لي بغا 
مريم: ولله الي لحماق هادا لبنت مريضة ماعرفنا حالتها كيدايرة و انتوما مدابزين علي والو داكشي ديال لله باه و مادار هد لحالة 
فهد شاف فيها وحدر راسو مانطق بحتي كلمة
👇👇👇👇
امين: مالك افهد واش مفرحانش حيت رباب حاملة منك 
فهد:لا ماشي مفرحانش رباب عمرها ماغادي تسامحني علي داكشي لي درت فيها 
امين: انت ماطلبتيش منها سماحة افهد كيفاش بغيتها تسمح لييك
فهد: خايف نطلبها منها انا عرفها ماغاديش تسمح ليا واخا ندير لي درت 
امين : رباب قلبها بيض وغادي تسمح ليك واخا ماتسمحش ليك دابا ولكن غادي تسمح ليك من بعد 
فهد: بصح امين انا خايف من ردت الفعل ديالها 
امين: انا متأكد غادي تسامحك حيت هي كاتبغيك و لي كيبغي شي واحد كيسمح ليه غير طلب منها سماحة وبقا وراها وماتملش و انا غادي نوقف معاك حتي ترجع حبيبتك لعندك وديك الساعة نقدر نكفر علي الغلط لي درت
فهد:واخا انت رجعتيني مكلخ انا كنت غادي نبحت ورا هاد كايت ولكن ملي قلتي بلي هيا صاحبت كارولين طلقت سوق وتقت فيك حيت عرفتيني ماكنبحتش وراك واخا كنت كنشك فالتصرفات ديالكم بجوج والكن كنكدب الاحساس ديالي 
وائل: ههههههه 
امين: صافي صافي سمح ليا 
فهد: واخا سمحت ليك راه ماغانعفيكش من لحبس
امين:(مصدوم) لا ماتقولهاش لحبس ماشي حشوما عليك
وائل : لله لله دخل لحبس اخويا امين غانبقي نجي نزورك ههههههههه
فهد:هههه اوي الي مابغيتيش لحبس رجع ليا رباب 
امين: واخا والكن الي مابغاتش تسمح ليك 
فهد: ديك ساعة غادي ندخلك لحبس انت وكارولين و حتي رباب هههه
وائل: فهد دخليني حتي انا معاهم ولكن ديرني انا ورباب فحبس انفرادي 
فهد: انت غادي نصيفتك لقبر ماشي لحبس
امين : واخا ولله حتي نعاونك غير لحبس لا 
فهد: واش انت مريض راه غير كنضحك معاك انت درتيها بصح علاه انا غادي نقدر ندخلك لحبس اصاحبي اه واخا نضربك ولكن مانقدرش نتخلي عليك 
وائل: واخا اسي فهد انا بارك عليا غير بالمعيار عمرك قلتي ليا بحال هاد لهضرة ولا انا ماشي صاحبك زعما واخا 
فهد: ملي دير عقلك وتعطي تيساع لرباب غادي نقول ليك هاد لهضرة وكتر
وائل: اوي ندير عقلي ممكن والكن نعطي تيساع لرباب مايمكنش هههه
امين: انت كتقلب علي شي تفرشيخة هاد النهار عاد تهني 
وائل: لا افهد غير تهدن زعما انت غادي تولي اب خاصك تجمع يديك عندك و تبت 
فهد: واش رباب مازال مافاقت انا بغيت ندخل نشوفها قبل ماتفيق
امين: وعلاش قبل ماتفيق خليها حتي تفيق و دخل شوفها 
فهد : مانقدرش ولله ماعندي لوجه باش نشوفها ونتواجه معاها
دخل فهد عند رباب لشومبر لقاها ناعسة جلس حداها شاد يديها بيديه وليد لخرا كيلعب بيها فشعرها 
فهد:ماعرفتش كيفاش قدرت نشك فاخلاق ملاك بحالك انتي احسن حاجة وقعات ليا اجمل ايام حياتي عشتهم معاك ماعمر شي بنت ماقدرات تاخد بلاصتك منهار شفتك خديتي ليا قلبي بعيونك البريئة وطول هاد المدة واخا بعيد عليك عمرني قدرت نساهم وضحكت ديما فخيالي ونهار لقيتك ضيعتك من يدي كيما ضيعتك المرة للولة ماعرفتش كيفاش غادي ندير نعيش بلا بيك انا عارف ماعمركي تسامحيني علي هادشي لي درت فيك ولكن ولله ما بيدي ماتصوريش قداش كنبغيك ارباب ماقدرتش نتخيلك مع راجل اخر من غيري ملي مشيتي عند جاك شك بدا كيكل فيا من لداخل كنت كنموت كل نهار 100مرة بمجرد كنتخيلك ناعسة فحضن شي واحد اخر من غيري كنت فحالة لا يرثى لها ماعرفت اش ندير فديك لحضة قدرات جيهان دخل ليا افكار خايبين عليك قدرات تلعب ليا بعقلي ولكن كوني متأكدة بلي انا غادي نصلح لغلط ديالي بأي طريقة و غانبقي تابعك حتي تسمحي ليا ماغاديش نتخلي عليك كيما درت فالمرة للولة انتي ديالي وغاتبقاي ديما ديالي وخصوصا انتي حاملة بولدي دابا ماغاديش نتخلي عليكم بجوج كنبغيك احياتي 
باسها ففمها وخرج 
امين: فهد رباب مازال مافاقت 
فهد: لا مزال باقي ناعسة 
امين: سير دابا ترتاح و ملي تفيق غادي نتاصل بيك 
فهد: اوكي شكرا اصاحبي 
امين: هانية اصاحبي مابيناتناش 
من بعد مافاقت رباب دخل عندها امين 
امين: رباب كيبقيتي 
انا: شوية حمد لله و انت 
امين: فهد كان مخلوع عليك ملي عارفك حاملة 
انا: عرفت سمعتو ملي دخل عندي 
امين: واش باقي كتبغيه 
انا: اش هاد سؤال انا عمرني بغيت ولا غادي نبغي شي واحد من غيرو غير انا ماقادراش نسامحو كنت كنتفرج فالافلام ملي البطلة ماكتبغيش تسامح البطل كنت كنتعصب علاش ماتسامحش ليه و يعيشو هانين مدام هو كيبغيها و هي كاتبغيه تقدر تسامح ليه بسهولة ولكن انا دابا تأكدت بلي اي واحد غلط فيك تقدر تسمح ليه الا لي كاتبغي ماتقدرش تسمح ليه الي جرحك
👇👇👇👇
امين: فهد ماكانش قاصد يجرحك بديك لهضرة انا لي كانعرفو هو اه واعر و عصبي ولكن ماعمرو ماهان شي واحد ولا جرحو 
انا: عارفة هادشي و عارفة بلي جيهان هي لي قالت ليه هضرة خايبة عليا و كدبات عليه انا نقدر نسا هادشي كامل و نتعامل معاهم عادي بحال الي ماوقع والو ولكن كرامتي فوق كلشي 
امين : فهد كيبغيك ارباب و نادم بزاف علي لهضرة لي قال ليك لدرجة مابفاش يتقابل معاك 
انا: انا مابقاتش فيا لهضرة لي قال فهد انا بقات فيا لهضرة لي قالت جيهان و التصرف لي تصرفات معايا دغيا نسات لعشرة انا لي حرمت راسي من بزاف ديال لحوايج علي قبلها فالخر قلبات عليا بديك طريقة صرحة انا حقدت عليها بزاف هي اما فهد ولله ماحقدت عليه غير مامستاعداش نسمح ليه
خرجت من صبيطار داك النهار كل واحد بغاني نمشي نجلس معاه ماقدرت نخسر لخاطر لحتي واحد طلبت منهوم نجلس فأوطيل حتي نقرر فين غادي نجلس فللول كلهم مابغاوش ولكن قنعتهم وحتارمو الرائ ديالي 
داني وائل لأحسن أوطيل درت حوايجي فالماريو ودخلت ندوش بقيت شي ساعة حسييت بالراحة ملي خرجت لقيت شومبر كلها عامرة بلي بوكي دوفلوغ و لورد مشتت فكل بلاصة لقيت واحد الرسالة مكتوبة بالعربية فوق الفراش 《 اجمل الورود لأحلي وردة بالكون غير وجدي راسك الإنتقام ديالي ماغاديش تفلتي بهاد الفعلة لي درتي أمسية جميلة 》 ملي قريت هاد الرسالة حسيت بالخوف ماعرفتش علاش ديك ساعة تاصلت بوائل
انا: الو وائل
وائل: مالكي ياك لباس ياكما وقعات ليك شي حاجة 
انا: وائل واش ماشي انت لي صيفتي ليا هاد الورد كلو 
وائل: لا لا ماصيفت والو ياكما فهد لي صيفتو 
انا: واخا تسولو واش هو 
وائل: مالكي ياك لباس 
انا: سولو واجي عندي دابا عفاك 
وائل: اوكي اوكي غير تهدني 
واحد 10دقايق جا عندي وائل هو و مريم 
انا : ماعرفتش شكون لي صيفت ليا هاد الورد 
مريم : ودابا انتي خايفة حيت شي واحد صيفت ليك الورد اوي سعداتك اختي انتي لقيتي لي يعطيك الورد 
انا: لا ماشي هكاك انا لي مخوفني هي هاد الرسالة ماعرفتش اش كاتعني 
وائل : كنصوني لفهد ماكيجاوبش انا غادي نصيفت ليه مساج ونقول ليه يجي 
مريم: انا قلت محال هو لي صيفت لورد 
انا: اه بصح هو ماغاديش يكتب ليا بحال هاكا ولكن شكون صيفتو اناماكنعرف حتي حد هنا
👇👇👇👇
وائل: لعجب حتي امين ماغاديش يكون هو
بقينا كانتسألو شكون ماتشكون حتي جا فهد صرحة غير شفتو قلبي ولا كيضرب بجهد كان زوين وبوقوص كيف ديما توحشتو ولكن مابينتش 
وائل: علي سلامتك اصاحبي فين تعطلتي 
فهد: انا غير قريت مساج ديالك جيت بزربا اش واقع 
وائل: واش انت لي صيفتي هاد لورد لرباب
فهد: لا علاش 
وائل: واش متأكد 
فهد: لله يهديك اوائل واش انا الي بغيت نصيفت ليها لورد غادي نحشم منك راه قلت ليك ماشي انا ولكن علاش 
وراه وائل الرسالة بقا كيقرا فيها شحال 
فهد: واش كتعرفي شي واحد من شركاء ديال جاك
انا: (هزيت راسي ) لا 
وائل: واش زعما شي واحد من شركاء ديال جاك لي صيفت هادشي 
فهد:ممكن انا هادشي لي بان ليا (هز رسالة كيشم فيها)
وائل: علاش كتشمها 
فهد: بغيت نعرف واش فيها شي ريحة باش نعرف واش مرا ولا راجل لي صيفتها فيها ريحت رجال شي واحد تعمد يرش فيها ريحة حيت مجهدة هاكي شميها تقدري تعرفي مولاها 
قرب حدايا عطاني الرسالة انا شميت غير ريحتو لي كدوخني شديتها و بقيت كنشوف فيها 
فهد : اوي شميها 
انا: اوي بعد شوية راه هاد ساعة غير ريحة لي داير انت قلبات دنيا (دار إبتسامة صغيرة و بعد هزيت انا الرسالة نشمها غير شميت ريحة و خرجت عيني )
وائل: مالكي 
انا: هادي ريحة لي كايدير جاك 
فهد: قلت ليك شي واحد من شركاء ديالو 
وائل: اوي اش لمعمول دابا هوما اكيد غادي ينتاقمو منها مريم: ماشي موشكيل نقدر نديرو عليها حراسة مشددة 
وائل: اوي ياله معانا ارباب حسن ماتبقاي بوحدك هنا 
انا: لا غير خليني 
فهد: مهم انا غادي نصيفت ليك لحراسة حتال لهنا تهلاي فراسك باي مشا و بقا معايا وائل و مريم حتال اشمن وقت ومشاو انا نعست فقت فالصباح لقيت شي رجال حدا لباب اكيد هادو لحراس لي صيفت فهد بقيت كنضحك حتي شبعت بان ليا راسي بحال شي اميرة بقيت كنضور عمت فالبيسين تغديت ماخليت مادرت حتي ضلام الحال طلعت لبيت دخلت لدوش دغيا دوشت ملي خرجت تصدمت عاوتاني
ولكن هاد المرة صدمة كانت قوية بان ليا الفراش كلو عامر دم ملي حيدت لكوفرلي لقيت دري صغير مقتول وعامر بالدم غوت بحر جهدي حتي سخفت ملي سمعوني دوك لبوليس لي فالباب عيطو لفهد و وائل ديك ساعة جاو كيفيقو فيا انا فقت مخلوعة وكانبكي جا وائل كيسكتني انا عنقتو وبقيت كانبكي جاو البوليس بقاو كيقلبو فالبيت فهد كيغوت علي هادوك لخرين 
فهد: اش كنتو حاضين نتوما حتي وقع هادشي كامل 
البوليسي 1: مشينا اشاف نشربو شي حاجة دقيقة مافتناهاش ملي رجعنا سمعنا لغوات ديال الانيسة 
فهد: (بغضب) دقيقة راه ناضت فيها لحرب وانت كلتقولي مشيتي تشرب ولكن حسابي معاكم هو لخر 
بقاو كيقلبو فالبيت حتي لقاو رسالة خرا هزها فهد يقراها
انا: اش فيها 
فهد: لا والو غير تهدني 
انا : الي ماقلتيش اش فيها ماغاديش نتهدن غير قول
فهد: 《صحاب ليك الي درتي هاكا ماغاديش نقدر نوصل ليك راك غالطة انا غير كنتسني الوقت المناسب احبيبة 》
وائل: شنو زعما هادو كيتحداونا
انا: اشنو دنب هاد الولد صغير مسكين يقتلوه بهاد الطريقة
وائل: هادو ماعندهوم لا رحمة لا شفقة قلبهوم مايت رباب حنا ماغاديش نخليوك هنا بوحدك
انا: شتي كون غير خليتوني نرجع لمغرب 
فهد: (كيضحك)ههههه واش انتي كضني بلي الي مشيتي لمغرب ماغاديش يعرفو يجيبوك هادوك واخا تمشي لمريخ يلقاوك يلقاوك
👇👇👇👇
وائل: وأش غادي نديرو دابا 
فهد: اكيد ماغاديش نخليها هنا خاصها شي بلاصة مأمنة 
امين: ماكينش ماحسن من دارك افهد هاديك أأمن بلاصة تكون فيها رباب(ماعرفتش هاد زفت منين كيطلع كي جن )انا: كيفاش لا لا مايمكنش انا ماغاديش نرجع لديك دار 
ونعيش مع ديك خيتي فدار وحدة مستحيل لا لا ولله بلا ماتفكرو فهادي انا ماغاديش نقبل نموت ومانعاودش نعيش معاها (فهد تصدم بقا غير كيشوف فيا هو و وائل)
امين: رباب راه هادو ماغاديش يخليوك فحالك بقاي تما غير حتي تهدن القضية و نعرفو شكون كيدير هاكا و ديك ساعة ديري لي بغيتي 
انا: لا لا امين ولله ماطلبش مني هادشي لموت حسن ليا ومانشوفش وجهها 
وائل: انتي ماعرفتيش لمعنا ديال دوك تصاور و هاد دم لي فالفراش 
انا: لا 
وائل: يعني هوما غادي يقتلو ليك ولدك ماشي انتي داكشي علاش صيفتو ليك ولد صغير مقتول
انا: لا انت كاتكدب عليا انا شكيت فيكم كاملين انتوما لي درتو هاكا 
فهد: واش انتي حمقة ولا اشنو 
امين: لله يهديك ارباب حنا علاش غانديرو هادشي 
وائل: واش حنا غادي نقتلو ولد صغير ماعندو حتي دنب وعلاش غانديروها مهم انتي تعرفي بغيتي تمشي مع فهد سيري مابغيتيش بلاش
انا: لا ماغاديش نمشي معاه لديك دار خصوصا ملي فيها هاديك 
فهد: دابا واش غير هاديك لي حابساك باشما تمشيش معايا 
امين:اوي صافي انا غادي ناخد جيهان معايا لدار وانتي سيري مع فهد حتي نلقاو شي حل 
انا:ولله الي نتوما لي درتو هاكا انا شاكة فيكم 
فهد: شفتك انتي غير حملتي و تكلختي مالك واش تسطيتي راه قلنا ليك ماشي حنا لي درنا هاكا وكون كنت بغيتك غير باش تعيشي معايا كنت غادي نديك بزز منك ماكينش لي غايهضر معايا علاش غادي ندير انا هادشي كاملو 
امين: رباب لله يهديك راه ولله ماحنا لي درنا هكا 
انا: صافي ملي حلفتي تيقتك 
وائل: ياله جمعي حوايجك ولا بلاش مهم طلقي راسك راع هاد الناس بغاو يديرو خدمتهوم ويحققو فالقاضية باش يعرفو شكون دار هادشي 
انا: (بغيت نعصبهوم)علاه ماشي انتوما لي درتو هادشي 
فهد:استغفر لله العظيم ولا حول ولا قوة الا بالله 
امين: معامن كنهضرو حنا اووف
جمعت حوايجي و مع خرجنا من لباب ديال لوطيل ركب وائل فالطوموبيل ديالو وركب حداه فهد ركبت انا ياله بغا يركب امين وحنا نسمعو ضرب ديال رصاص ركب امين وديمارة وائل بزربا بقا فهد كيضارب معاهم بالرصاص انا حدرت راسي لتحت و كنشهد امين ماقدر يدير والو حيت باقي مريض بقا فهد شحال مضارب معاهم حتي قدر وائل يفلت منهم والكن فهد جات قرطاسة فدراع ديالو
بقا شحال صابر حتي وصلو وائل لكلينيك حيدو ليه رصاصة من دراعو و عالجوه مابغاش يبقا تما غير سالاو ليه و خرج انا تخلعت عليه بزاف والكن مابينتش قدامو ملي دخلوه بقيت كنترطي وكنبكي ونمشي ونجي علي وائل و امين حتي مرضتهوم غير خرج عاوتاني ودرت بحال الي ماكاين والو وائل مات بالضحك مشينا لدار دخلت البيت وسديتو باشما نشوفش هاديك خيتي عرفت الي قالت شي هضرة غادي ندور فيها بقيت متكية فوق لفراش شحال حتي داني نعاس نعست بدوك لحوايج باش جيت بقيت ناعسة شحال حتي ضرباتني لفيقة لقيت صبح لحال نضت من بلاصتي شداتني دوخة و ردة مشيت لدوش رديت و غسلت سناني و وجهي نزلت لتحت مالقيت حتي واحد والكن لفطور موجود وسبحان لله جاتني للهفة باش نفطر اول مرة تكون عندي شاهية فالصباح جلست كنفطر بشوية و كنضحك غير بوحدي كنتفكر دوك اللحظات لي دوزت فهاد البلاصة شحال ضحكت لي شافني يقول هادي تسطات هههه مابان ليا حتي واحد لا فهد لا ديك لويلة حسن نيت انا نيت مابغيت نشوف حتي واحد كملت لفطور وبقيت كندور حتي لقيت واحد صال كبير فيه كلشي الالأت ديال رياضة واقيلة هنا فين كيتريني فهد و مشيت ندوش حيت باقيا بلحوايج ديال لبارح دوشت نشفت شعري جمعتو كوب شفال لبست سروال سيرفيت كحل مزير و بودي قصيير فالغوز ونزلت لديك صال جهدت لموسيقة علي حر جهدها و بقيت كنشطح ولاكن غير بشوية هههه (جا فهد نقص لموسيقي )
فهد: اشنو كاديري انتي زعما راكي حاملة هاد لهبال نقصي منو 
انا: شوف ماشي شغلك فيا ماتبقاش دخل فحياتي عطيني تيساع ندير لي بغيت وعافاك حاول ماتبقاش تبان ليا و ماتفكرنيش بلي انا عايشة معاك حيت بصح كنكرهك والي شفتك كنتعصب (ضربتو فالكتف لي مضروب فيه بجهد حتي بان ليا توعت وتميت غادية ماديتهاش فيه واخا بقا فيا والكن خليه يستاهل ملي ضرت لقيتو مصدوم كيشوف فيا و شاد فكتفو )
👇👇👇👇
فهد: هاد البنت غادي تسطيني شي نهار اوف ضرباتني حتي بدا جرح كينزف عاوتاني مانقدرش نداوي راسي و الي طلبت من رباب تعاوني ماغاديش تبغي غادي نعيط لنيكول هي لي قريبة ليا تجي تعاوني
عيط فهد لنيكول(البنت لي نتفتها فالريسطو )
وجات عندو دغيا دخلو لبيت باش داوي ليه جرح لي كينزف من بعد ماطلعت انا لبيت بدلت حوايجي و تكيت كنلعب فتيليفون حتي كنسمع ضحك فبيت فهد قلت واقيلة جيهان هاديك خرجت من لبيت والكن جيهان ماكتهضرش بالفرونسي و هادي ماشي ضحكت جيهان لفضول كلاني ماقدرتش نصبر حليت لباب ولقيت سيدي فهد مكسل فوق لفراش و ديك صفريتة كاداوي ليه دراعو وعاطينها لضحك مع دخلت بجوجهوم سكتو 
انا: مالكم سكتو غير كملو ضحك تاعكم جيت نقول ليكم ضحكو بشوية حيت انا بغيت نعس
و خرجت ولكن لغيرة قتلاتني رجعت ديك ساعة 
انا : شوفي انت غادي تخرجي من هنا وماتعاوديش ترجعي مانشوفكش هنا 
نيكول: اشنو 
انا: ختاري تخرجي صحيحة علي رجليك و لا تجي الاسعاف تخرجك 
شافت فيا وهزات ساكها وخرجات مازاتش حتي هضرة 
فهد: نيكول اجي واش انتي تسطيتي راه انا لي عيط ليها تعاوني ولله الي هاد لهبال ديال كتر 
انا:(بغضب) سكت انت ماتصدعنيش ولا غانوريك لهبال ديال لمعقول اجي علاش عيطي ليها هي بضبط تعاونك ولا كنتو ناوين علا شي ليلة 
فهد:(بستفزاز )تفكير ديالك موسخ انا عيط ليها غير حيت هي ساكنة قريب حيت الالة انتي منين ضربتيني جرح نزف عاوتاني و كان خاصني نداويه دغيا داكشي علاش فكرت فيها حيت عارفتك انتي كتكرهيني و ماغاديش تعاونيني واصلان كون كنت ناوي علا شي حاجة انا لي غانمشي عندها 
انا: سكت دابا بلا ماتبقي تشرح ليا سير عندها ولا تجي عندك 
جلست حداه كانداوي ليه جرح و نوعتو مرة مرة بلعاني واخا بقا فيا 
فهد: رباب غير بشوية راك كتوعتيني 
فراسك لون ديال عينيك زوين وحتي للون لي فشعرك حسن من للول 
ماديتهاش فيه اصلن كنتجنب نشوف فعينيه حيت الي شفت فيهم عاوتاني غادي ندوخ و نضعف قدامو بقيت كنلوي عليه لفاصمة و هو عاض علي شنايفو ناري توحشت غير شي بوسة من داك الفم عندو كنشد فراسي غير بزز ههه ساليت بزربا و تميت خارجة 
فهد: شكرا 
انا: شوف هاد لمرة ماتبقاش تعرض لطريقي باشما يوقعش ليك بحال هكا وحاول ما أمكن تجنب تلاقي معايا لبلاصة لي نكون فيها انا خويها انت مابغيتش نتفكر بلي عايشة معاك فدار اوكي 
خليتو مصدوم خرجت لبيت و بديت كنضحك ههه تلاحيت فوق الفراش و نعست
فصباح فقت دوشت نشفت شعري لبست شورط دجين قصير و ديباردو كحل درت خلخال فرجلي هزيت مسكة كاناكلها و هزيت صباغة كحلة هبط لتحت هزيت صباغة كنصبغ و كنمسح و كنطرطق لمسكة عارفة فهد ماكيحملش ريحت صباغة و لي كيطرطق لمسكة بغيت نعصبو ههههه ههه شعلت لموسيقي فتيليفون و كملت داكشي لي كاندير دخل فهد بقا كيشوف فيا 
فهد: رباب عفاك ماتبقايش ديري هاد زمر راه ماكنحملش ريحتو و ماتبقايش تمضغي لمسكة بديك طريقة كنكره بحال هكاك 
انا: اووه سمح ليا انا ولفت هاد لقعيدة حيت لعاهرات هكا كيديرو ومتنساش انا وحدة منهم عاهرة بحالهم وماتبقاش تقول ليا اش ندير و اش مانديرش 
طلعت لبيت و خليتو مصدوم و علامة الغضب باينة عليه طلعت لبيت كنهضر مع نتاشا فتيليفون عاوت ليها علي لفعايل لي كاندير وبقينا كنضحكو هه حتي دخل عليا فهد و انا نقلب لهضرة بحال الي كنت كنهضر مع راجل نتاشا فهمات و بدات كضحك كملت علي ضحك ديالي حتي كعا فهد بالمعقول حيد ليا فهد تيليفون و ضرب بيه حتي تشتت ههه سيد صحاب ليه واش كنت كنهضر مع راجل بصح درت بحال الي طلع ليا دم وقفت فوق ناموسية وبديت كنغوت 
انا :ولله الي انت زدتي فيه اش كيصحاب ليك راسك 70مرة قلت ليك ماتبقاش دخل ليا فحياتي اوف وا بنادم عطيني تيساع مانقدر نصبر علي هاد لعيشة معاك انا غادي نجمع حوايجي و نمشي فحالي حسن ليا 
فهد: (بغضب) جربي تعتبي برا هاد الباب وتشوفي اشغاندير ليك 
انا: اش غادي دير اه داكشي لي كتعرف دير ضربني و غتاصبني عاوتاني داكشي عادي مابقاش كيهمني حيت اصلن انا غير عاهرة 
بان ليا كيزير علي يدية و لغضب باين فعينيه بدا كيهرس اي حاجة جات قدامو انا شفت لقضية قفارت نقزت من فوق الناموسية و نسيت راسي واش حاملة هربت لدوش و سديت عليا بقيت كنضحك بشوية ودايرة يدي علي فمي و كنسمعو كيهرس لي لقا شحال ديال لوقت عاد خرج و ردخ بالباب
👇👇👇👇
غير خرج و انا نخرج حتي انا من دوش كنتمشي بشوية حليت لباب ديال لبيت وطليت عليه و بان ليا راجع لبيت و انا نضربها بجريا ورجعت لدوش سديتو بقيت شحال ماسمعتش حسو قلت راه غير داير ليا شي قالب غانخرج و يشدني حلفت حتي انا مانخرج هزيت واحد لفوطة فرشتها و جلست عليها هزيت شي قراعي ديال شومبوان كنقرا فيهم و نجلي لوقت ماحسيتش بالوقت ماعرفتش شحال و انا هنا كملت داكشي لي كنت كاندير كاع داكشي لي فدوش قريتو حتي سمعت دقان 
فهد:واش انتي مازال كاعما خرجتي من تم مشيت انا لخدمة و رجعت وانتي باقي تما
من 1وانتي فداك دوش حتال دابا راه 7 هادي ولله الي حمقة ياله خرجي 
انا : ماشي شغلك انا عجبني لحال هنا ماغاديش نخرج 
فهد: (بغضب)راه ماكليتي والو ارباب فكري شوية بعقلك راك حاملة ياله خرجي دابا غادي نحسب حتال 3 ماخرجتيش ولله حتي نهرس هاد لباب 
انا: حتي تمشي انت عاد نخرج 
فهد: باز ليك كاتخافي و ماكتحشمي انا غادي ياله خرجي 
بقيت شوية عاد خرجت كنتسلت حتي خرجت من البيت و مشيت لكوزينة كليت ورجعت مابان ليا حتي واحد خرجت لجردة جلست فيها حتي جاني نعاس و طلعت نعس دخلت لبيت لقيتو كلو مرون و كلشي مهرس ومشيت لبيت فهد لقيتو ناعس وبقيت كنفيق فيه ولكن مابغاش يفيق عرفتو دايرها بلعاني مشيت حداه و حركتو مابغاش يفيق و انا نقيصو فلبلاصة لي مضروب فيها بجهد حتي توعت و هو ينوض 
فهد: اش بغيتي عاوتاني 
انا: نوض من هنا انا غادي نعس فهاد لبيت وانت سير لداك لبيت لي رديتيه حالتو بحال الي فيه لحرب
فهد:(معصب) رباب راه عطي لله لبيوت وزوينين سيري ليهم 
انا: لا بغيت هادا انت سير ليهم 
فهد:رباب راه كتقلبي عليا 
انا: ياله نوض سربي سير راه فيا النعاس 
فهد: لله يصبرني مع هاد البنت 
مشا وهو طالع ليه دم 
نعست و عنقت لمخدة ديالو كنشم فيها ريحتو حتي وقف عليا 
فهد: نوضي عطيني مخدتي 
انا: راه دار عامرة مخاد سير هز لي بغيتي 
فهد: انا بغيت هادي هي علاش مولف نعس 
انا: حتي انا هادي لي بغيت و عجباتني اوي سير خليني نعس 
فهد: استففر لله لعظيم ياربي عطيني صبر ياربي 
مشا و انا بقيت كنضحك حتي شبعت مسكين غايموت بالفقصة من بعد كملت نعاسي
فقت فرحانا هاد نهار دوشت و نزلت فطرت خرجت كندور فجردة حتي عيت وجلست حتي قال ليا راسي نوضي عومي طلعت لبست 2بياس و نزلت عمت بردت جنوني حتي بان ليا فهد داخل هو واحد البنت و وراجل بوليسين درت بحال الي ماشفتهومش خرجت من البيسين هزيت فوطة كنمسح بيها ولويتها عليا دزت من حداهم درت واحد ضحكة صفرة ضربت بشعري حتي رشيت فهد لي كان سارح وفاق كملت انا طريقي
الرجل: شاف شكون هاد لغزالة كتحمق
البنت: وي القوام ديالها رائع انا لي بنت عجبني 
فهد: (بغصب) واش انتوما جاين باش تهضرو ليا علي مراتي تسناو نجيب ليكم لوراق لي بغيتو و سيرو قابلو خدمتكوم 
البنت: اوكي اشاف 
مشا فهد عطاهم شي وراق و جا عندي لبيت طالع ليه دم زدحني مع لحيط و حبسني بيديه
فهد: اش هاد لحالة لي كنتي فيها 
انا : اوي هادشي باش كيعومو ناس ولا بغيتيني نعوم بتكشيطة متلا واصلان انا ماكنتش عارفة بلي غادي يجي شي راجل غريب لدار 
فهد: واخا مايدخلش شي راجل غريب لدار ملتبسيش بحال هادشي حتي قدامي ولا انا ماشي راجل غريب
انا: انت اصلان ماشي راجل
فهد: (بغضب) كيفاش 
انا: والو
فهد: لا قولي اش قلتي دابا ماسمعتش 
انا: لا ماقلت والو 
فهد: واقيلة سمعتك قلتي انا ماشي راجل ياكما نبين ليك
انا:لا لا ماقلت والو خرج عليا دابا بغيت ندوش 
فهد: انا خارج هاد المرة دوزتها ليك مرة جاية ولله مانفلتك وماتحاوليش تختابري صبر ديالي حيت صبري قليل ومكنتحكمش فراسي و خصوصا قدام جسم بحال هادا اه وبغيتك تعرفي انا كنبغيك واخا ديري لي درتي كنبغيك باسني فعنقي و خرح ولد لحرام خلاني مصدومة فبلاصتي ديك لبوسة حركات ليا المشاعر ولكن حلفت حتي نرجع ليه صرف الي ماجهلتو انا ماشي رباب
👇👇👇👇
خرج فهد دوشت انا لبست حوايجي و نزلت نقلب علي ماناكل لقيت فهد جالس كيلعب فتيليفون ديالو وكياكل دخلت انا لكوزينة كنقلب علي شي حاجاجة ناكلها 
فهد: مالكي علاش كتقلبي 
انا: وانت شغلك علاش كتسولني 
فهد: لا ماشي شغلي (و رجع كياكل بقيت كانقلب حتي حاجة ماعجباتني 
انا:فهد بغيت ناكل 
فهد: ههه وانا مالي شغلي 
انا: (خنزرت فيه وتميت خارجة وهو يجرني من يدي )
فهد: ههههههههه صافي صافي ماتقلقيش اشنو بغيتي تاكلي 
انا: ماعرفت 
فهد: اوي حتي تعرفي واجي قولي ليا(و تم خارج)
انا: صافي صافي عرفتي شنو انا بغيت شي بيتزا ولا همبرغر
فهد: اوف اش كيعجبك فداكشي خايب 
انا: داكشي لي بغيت انا 
فهد:اوكي (هز تيليفون ديالو و عيط علي شي حد 10 دقايق وجاب ليا داكشي لي قلت ليه جلست كاناكل وهو كيشوف فيا حتي تاصل بيه شي واحد و ناض كيهضر معاه انا كملت علي ماكلتي و تفكرت لأيام لي دوزت انا وجيهان كانت عزيزة عليها لبيتزا ماكتبغي دوق حتي حد بقيت كنفكر وكنضحك حتي تفكرت داكشي لي دارت ليا تعصبت و بديت كنبكي بطريقة هستيرية جا فهد شافني كنبكي و جا كيجري عندي كيسولني مالي انا عاد ما زدت فالبكة حتي ولا كيبان ليا غير ضباب و طحت عاوتاني بقا فهد كيفيق فيا مشا جاب واحد ريحة زوينة ولكن قاصحة غير شميتها و فقت شداتني رضة ونضت مشيت نرد سديت الباب ديال طواليت حتي جا فهد كيدق فالباب 
فهد: رباب ياك لباس مالكي اش عندك 
انا: لا والو راه غير مع لحمل شميت ديك ريحة وجاني رضان 
خرجت من طواليت لقيت فهد واقف وباين عليه لخوف 
فهد: واش كتحسي براسك شوية ياكما نجيب ليك طبيب
انا: لا لا بلاش عطيني غير تيساع (ومشيت جلست فوق الفراش )
فهد:(خنزر فيا) علاش كنتي كاتبكي 
انا: ماشي شغلك ديها فسوق راسك ومتبقاش تسولني و من الاحسن ماتبقاش تهضر معايا اوكي (جا حداية و هبط علي رجليه كيهضر و دموع فعينيه انا تصدمت كيفاش راجل بحال فهد شخصيتو قوية و رجال كيخافو منو ويديرو ليه الف حساب واقف بهاد لحالة قدامي )
فهد: رباب علاش كاديري ليا بحال هكا اه انا بصح تعديت عليك والكن ماكنتش عارف بلي انتي هيا رباب ضربتك و غتاصبتك غير حيت خنتيني و طعنتيني فضهري واخا بغيتك من نيتي وتقت فيك و حاولت ما أمكن نخليك حداية انا دوك لملفات كانو مهمين بالنسبة ليا حيت كنت لاوي ليد ديال جاك بيهم و كنت كنتسنا غير الفرصة باش نتاقم منو حيت قتل ليا عائلتي و عند بالي قتل ليا حتي حبيبتي لي كنبغي داكشي علاش مابغيتش نضيعهوم و ملي عرفت بلي انتي هيا رباب و مازال عايشة حاولت بكل طرق نشوفك و نهضر معاك ولكن انتي ماعطيتينيش فرصة نهضر معاك و نطلب منك سماحة وملي سقت لخبار بلي مشيتي مع جاك ماتصوريش شحال تصدمت كنت كانموت بمجرد نتفكر بلي انتي مع شي واحد من غيري كرهتك ديك ساعة و كملات عليا جيهان بالكدوب ديالها حتي حقدت عليك مابقيتش عارف اش كاندير والكن اول ماقال ليا امين لحقيقة حسيت بالدنيا كدور بيا ماعرفتش اش غندير ماقدرش نشوفك و نتواجه معاك ولا نشوف فعينيك رباب انا ملي مشيت و خليتك كنت ناوي نكمل قرايتي و نرجع عندك كنتي ديما فبالي ملي ساليت وخدمت كان جاك كيهددني بقتل عائلتي ملي سقت لخبار بلي كلهم ماتو وحتي انتي معاهم كنت مابين لحياة والموت وليت مدمن مخدرات و شراب و درت كسيدة كنت غادي نموت فيها واخا تمنيت لموت ولا نعيش فالعداب ماقدرتش نعيش بلا بيك تصوري واخا 10سنين ماشفتكش ولكن مانسيتكش كنتي ديما فبالي ماقدرات حتي وحدة تجي بلاصتك ولمرة تانية فاش شفتك واخا عيني ماعرفاتكش ولكن قلبي حس بيك و تفتح من جديد ليك
👇👇👇👇وهادوك الايام لي دوزت معاك كانت اجمل ايام حياتي ماكنتش مستاعد نتخلي عليك كنت بغيتك تبقاي ديما معايا داكشي علاش تزوجت بيك ولكن للأسف ماقدرتش نحافظ عليك 
انا: يااه كاينة شي بنت فهاد الدنيا كتستاهل هاد لحب ديالك كامل 
فهد : اه كاينة انت ارباب انا كنت كنبغيك و باقي كنبغيك وغنبقا نبغيك حتي نموت لحاجة لواحيدة لي بغيتها منك دابا هي تسامحيني 
انا؛ ههههه نسامحك علاش غادي نسامحك بضبط نسامحك حيت مشيتي و خليتيني ماقلتي ليا والو خليتيني كنتعدب 
ولا نسامحك حيت ضربتيني وماخليتينيش نشرح ليك 
ولا نسامحك حيت غتاصبتيني بواحشية وماحنيتيش فيا 
ولا نسامحك حيت هنتيني وطيحتي بكرامتي لأرض و رجعتيني عاهرة وبنت زنقة وموسخة 
كنتي قلتي ليا بلي نقدرو نسامحو لواحد علي اي حاجة ولكن كاينين اغلاط مانقدروش نسامحو عليهم واخا يوقع لي وقع اوي انا كانقول ليك بلي هادو من الاغلاط لي مانقدرش نسامح عليهم يعني بلا ماتسناني نسمح ليك افهد حيت ماعمرني غادي نسمح ليك غير بلا ماتعدب راسك معايا (خرجت من لبيت و خليتو مصدوم مابقاش قادر يهضر واخا بقا فيا بزاف ماكرهتش نسامحو ونرجعو كيما كنا ولكن مابغيتش نسامحو بسهولة واخا عرفتو دار هادشي كلو غير علي قبلي ولكن خليه باش يتعلم يغلط فيا مرة خرا غير خرجت بشوية وانا نسمعو كيهرس فلي لقا قدامو عرفتو تعصب من هضرتي من بعد خرج من دار خفت غير توقع ليه شي حاجة مشيت لفراش تكيت كنفكر مشعرتش حتي داني نعاس ملي فقت لقيت ليل وصل اي دغيا فقت و هبط لتحت مشيت سخنت ماكلتي وكليتها و تكيت كنتفرج لقيت واحد لفيلم كيخلع عجبني واخا خوفني بقيت كنتفرج حتال اشمن وقت دخل فهد ولكن ماسمعتوش حتي وقف عليا ومع كنت مركزة مع الفيلم غير شفتو و انا نغوت بجهد تخلعت (كان سكران ريحت شراب وصلات حتال عندي ولكن جا غزال وهو سكران) 
فهد: هيه مالكي ياك لباس شفتي جنون ملي ماقداش علي هاد لفيلم لاش كتفرجي فيه 
انا: راه انت لي حيوان ديك ساعة دير لحس ولا شعل ضو وانت كتسلت حتي خلعتيني 
فهد: حيوان ايه واخا شكرا الالة اوي نوضي تنعسي راه سهير واعر عليك وانتي حاملة 
انا: لا مابغيتش انا غادي نكمل لفيلم بلا ماتبرزطني
فهد: (حسيت بيه بقا فيه لحال )ايه واخا سمحي ليا 
ومشا طلع لبيت انا كملت لفيلم و بديت فواحد اخر حتي داني نعاس وجا فهد كيفيق فيا 
فهد: رباب نوضي نعسي فبلاصتك راكي معدبة فالنعاس 
انا: واصافي خليني راه فيا نعاس غير واحد شوية ونفيق
بقا معايا كيفيق فيا حتي عيا والو عرفني واش ماغاديش نفيق و هزني واخا مضروب فيديه حتي داني لبيت و بدا كيبوس فيا و كيتلمس ويبوس فصدري انا حسيت بيه ولكن درت راسي ناعسة واخا كنحس بقلبي كيضرب ف90 بقا ليا شوية و نوض لمو نغتاصبو اصلن انا طالبة عليها توحشتو بلا قياس بقا كيقيس فكرشي و كيهضر مع ولدو ماعرفت منين جاتني هاد تباتة وهاد صبر باسني بوسة طويلة فمي و غطاني و مشا فحالو ولد لحرام زرباان رجعت كملت نعاسي حتي يصبح و يفتح
👇👇👇👇فصباح مافقتش بكري دخلت دوشت و لبست كسيوة سميطات و فوق ركبة فالموv هبط لتحت كنسمع لهضرة وضحك لقيت فهد جالس مع وائل و امين غير شافني بديك لبسة و كعا بالبيان بانت عليه و انا عاد مازيدة فيه 
انا: امين لباس عليك كيف بقيتي 
امين : حمدلله و انتي 
انا:حمدلله وائل لباس عليك اش هاد لغيبة
وائل: حمدلله نتي لي غبرتي لكتكوتة صغيرة لباس عليها مزال ماغادي تبان 
انا: هههه مزاال الوقت عليها 
مشيت قاديت قهوة كحلة و جلست حداهم 
امين: رباب لله يهديك لقهوة كحلة عاوتاني راكي حاملة راه صعيبة عليك 
فهد: خليها غاتزيد غير تعصبها كتر ماهيا معصبة 
انا: (بغضب)صارحة حتي حاجة مامعصباني هاد ساعة من غيرك 
بقا شي كيشوف شي تصدمو خهه
وائل: لا بصح ا رباب غير نقصي منها ماتبقايش تشربيها 
انا: صافي غير ملي قلتيها انت ولله ماباقي نقرب ليها 
بان ليا فهد تعصب و تقلق ولكن بقا شاد فراسو 
انا: اه امين واخا تعطيني نمرة ديال هشام بغيت نهضر معاه توحشتو بزاف وقيلة مسكين غايكون مخلوع عليا
امين: (مرتابك)ششكون هشام 
انا: اويلي امين نعل شيطان هشام خاطيبي ياك هو لي عرفني عليكم لحقتي تنساه 
وائل: خاطيبك علاه انتي مخطوبة 
امين:راه...
انا: راه اش اه مخطوبة اوائل و كان مابقا ليا والو نتزوج غير هاد ضوروف لي وقعات ليا عطلاتني امين واش عندك نمرتو 
امين: اه والكن 
انا : ماكين ما والكن عطيني نمرتو راه محتاجها بزاف 
دار امين كيشوف ففهد لي ساكت وسكاتو ماكيبشرش بلخير عاد جاوبني 
امين: واخا 
انا: اه فهد واخا تعطيني تيليفون ديالك نهضر معاه حيت انا تيليفوني هرستيه ليا لبارح 
بقا شحال كيشوف فيا و هو ينوض قلب علينا ديك طبلة و و تيليفون هزو حتال سما و ضرب بيه لأرض بقا فيا تيليفون علي مزيناتو مسكين ههه 
انا؛ لله يستر قول غير لا بلا ماتقلب دنيا 
مادهاش فيا و خرج 
امين:رباب اش هادشي درتي ياك كنتي قلتي ليا بلي رفضتي تزوجي بهيشام ودابا ولا خاطيبك .