الجزء الأخير

ولكن شكون هنا.حاوبت نتكلم ونغوت ولكن هاد المرة صوتي مابقاش كيخرج تربط ليا لساني ودموعي كنحس بيهم باردين على خدي..حسيت بشي انفاس دافئة على جنب عنقي..ماقدرتش نتلفت..كنت كانحس بصاح شي حد ناعس حدايا.واليوم اللخرة ليا..تشجعت وانا نتلفت بشوية..وهادشي لي شفت سكت ليا قلبي..شي حد ناعس حدايا وكيشوف فيا وجهو كيخلع عمرني ماشفت هاد الوجه..بغيت ندور ولكن وجهي تكوانسا وجهو كان كيخلع ولسانو كبير وخارج من فمو هذا ماشي انسان...سديت عيني وكنبكي..وكنطلب ربي يخرجني من هاد الكابوس..حسيت بشي حد شدني من رجلي حليت عيني وانا كنحاول نغوت جرني من رجلي وطحت للارض..الالم لي حسيت بيه فضهري كان اهون من هادشي لي كنشوف قدامي..هاد العجب واقف وكيشوف فيا..وكيهمس بشي اصوات كتخلع..جسمي كلو تنمل..وهو كيقرب مني..من وجهي..يااااربي بغيت نموووت قبل مانعيش هادشي..!!! بقيت كنبكي..وكيبانو ليا حوايجي كيتقطعو بوحدهم وانا عاجزة عن الحركة..طيحت آخر دمعة قبل ما تبدا اسوء ليلة في حياااتي...... بعد الليلة المشؤومة دخلت في نوباااات كثيرة..كنت ماكنقدرش نعس ماكنقدرش حيث ولات عندي فوبيا من النعاس والليل..دخلت في حالة اكتئاب...كنت كنشوف لي داير بيا ولكن ماكنقدرش نرجع لحياتي السابقة..اختي بسمة هي لي كانت تتبقا حدايا ومرة مرة كتمشط ليا..كتقرا القرآن حدايا كنبدا نغوط ونضرب فيها..دخلت في نوبات جنون..ماما كانت ديما كتبكي وتدعي ربي يشافيني..بزاااف ديال المرات عشت بحال ديك الليلة كنت كنتعرض للعنف والتعذيب ملي كنعس..هاد المرة في احلامي... داتني ماما عند الطبيب عطاني ادوية زادت من الاكتئاب ديالي. حتال واحد النهار كنت فالبيت بحال جميع الايام حاضرة جسديا ولكن العقل كيفكر فلي داز عليا...دخل عليا واحد الراجل لابس جلابة بيضاء وعلى وجهو نور...
ﺟﻠﺲ ﻗﺮﻳﺐ ﻣﻨﻲ ﻭﺣﻂ ﻗﺮﻋﺔ ﺩﻳﺎﻝ ﺍﻟﻤﺎﺀ .. ﺣﻄﺎﺕ ﻣﺎﻣﺎ ﺯﻳﻒ ﻋﻠﻰ ﺷﻌﺮﻱ ... ﻭﺑﺪﻳﺖ ﻛﻨﺴﻤﻌﻮ ﻛﻴﻘﺮﺍ ﻛﻴﻘﺮﺍ ﻛﺘﺎﺏ ﺍﻟﻠﻪ ﻭﺍﻧﺎ ﻛﻨﺤﺲ ﺑﻘﻠﺒﻲ ﻛﻴﺘﺰﻳﺮ .. ﻭﺍﻟﺼﻮﺕ ﻛﻴﺒﻐﻲ ﺍﺧﺮﺝ ﻭﻛﻨﺘﻌﺬﺏ . ﻛﻨﺖ ﻛﻨﻀﺮﺏ ﺑﺮﺟﻠﻲ ﻭﻫﻮ ﻛﻴﺰﻳﺪ ﺍﻗﺮﺍ ﺑﺼﻮﺕ ﺯﻭﻳﻦ .. ﻭﻟﻜﻦ ﻋﻘﻠﻲ ﻣﺎ ﻛﻴﺘﻘﺒﻠﺶ ﻫﺎﺩ ﺍﻟﺼﻮﺕ .. ﺑﻘﻴﺖ ﺑﺰﺍﺍﺍﻑ ﺩﻳﺎﻝ ﺍﻟﻮﻗﺖ ﻭﺍﻧﺎ ﻓﻬﺎﺩ ﺍﻟﺤﺎﻟﺔ .. ﻛﻞ ﻧﻬﺎﺭ ﻛﻨﺘﻌﺪﺏ ﻛﺜﺮ ﻣﻦ ﺍﻟﺒﺎﺭﺡ .. ﺁﺧﺮ ﻣﺮﺓ ﻫﻀﺮﺕ ﺑﺼﻮﺕ ﺁﺧﺮ ﺻﻮﺕ ﺭﺍﺟﻞ ﻭﻣﺎﺑﻘﻴﺘﺶ ﻋﻘﻠﺖ ﻋﻠﻰ ﺭﺍﺳﻲ ﺳﺨﻔﺖ .. ﺍﻟﻐﺪ ﻟﻴﻪ ﺟﺎ ﺛﺎﻧﻲ ﺍﻟﺮﺍﺟﻞ ﻭﺑﺪﺍ ﺍﻟﺤﺼﺔ ﺩﻳﺎﻟﻮ .. ﻭﻟﻜﻦ ﺩﺑﺎ ﻣﺎﺑﻘﺎﺵ ﻗﻠﺒﻲ ﻛﻴﺘﺰﻳﺮ ﻋﻠﻴﺎ . ﺣﺎﻭﻟﺖ ﻧﺘﻐﻠﺐ ﻋﻠﻰ ﻟﻲ ﻓﻴﺎ .. ﺑﺪﻳﺖ ﻛﻨﺤﺎﻭﻝ ﻧﻨﻄﻖ ﻭﻫﻀﺮﺕ ﺍﺧﻴﺮﺍﺍ . ﻗﻠﺖ ﺍﻋﻮﺫ ﺑﺎﻟﻠﻪ ﻣﻦ ﺍﻟﺸﻴﻄﺎﻥ ﺍﻟﺮﺟﻴﻢ ! ﻭﺍﻧﺎ ﻧﺴﺨﻒ . ﺣﻠﻤﺖ ﺷﻲ ﺍﺣﻼﻡ ﺯﻭﻳﻨﺔ ... ﺣﺴﻴﺖ ﺑﻘﺮﻋﺔ ﺩﻳﺎﻝ ﺍﻟﻤﺎﺀ ﺗﺨﻮﺍﺕ ﻋﻠﻰ ﻭﺟﻬﻲ ﺣﻠﻴﺖ ﻋﻴﻨﻲ ﺳﻤﻌﺖ ﺍﻟﺮﺍﺟﻞ ﻗﺎﻝ ﻛﻠﻤﺔ -: ﻋﻠﻰ ﺳﻼﻣﺘﻚ .. ﻭﺧﺮﺝ ﻭﺟﺎﺕ ﻋﻨﺪﻱ ﻣﺎﻣﺎ ﻛﺘﻌﻨﻖ ﻓﻴﺎ .. ﻭﺍﺧﺘﻲ ﻛﺘﺒﻜﻲ .. - ﻣﺎﻣﺎ .. - ﺷﺸﺶ ﺳﻜﺘﻲ ﺍﺑﻨﺘﻲ ﻋﻠﻰ ﺳﻼﻣﺘﻚ .. ﺭﺟﻌﺘﻲ ﻟﻴﻨﺎ .. ﺍﻟﻠﻪ ﻳﺤﻔﻈﻚ ﻟﻴﺎ .. ﻓﺎﻟﻠﻴﻞ ﻣﺎﻗﺪﺭﺗﺶ ﻧﻨﻌﺲ ﻭﻟﻜﻦ ﻗﺮﺑﺎﺕ ﻣﻨﻲ ﻣﺎﻣﺎ ﻭﻧﻌﺴﺖ ﻓﺤﻀﻨﻬﺎ ﻭﺍﺧﺘﻲ ﻧﻌﺴﺎﺕ ﺣﺪﺍﻳﺎ .. ﻏﻤﻀﺖ ﻋﻴﻨﻲ ﻭﺍﻧﺎ ﻛﻨﻘﺮﺍ ﺍﻟﻘﺮﺁﻥ .. ﺍﺭﺗﺎﺣﻴﺖ ﺑﺰﺍﺍﺍﻑ ﻣﺎﺑﻘﺎﻭﺵ ﺟﺎﻭﻧﻲ ﺍﻟﻜﻮﺍﺑﻴﺲ ﻭﻻ ﺍﻟﻤﻮﺍﺟﻊ .. ﻛﺎﻧﺖ ﻟﻴﻠﺔ ﺳﺎﻟﻤﺔ .. ﺗﺒﻌﺘﻬﺎ ﺑﺰﺍﻑ ﺩﻳﺎﻝ ﺍﻟﻠﻴﺎﻟﻲ ﺯﻭﻳﻨﻴﻦ .. ﺍﺧﺮ ﻣﺮﺓ ﻫﻀﺮﻧﺎ ﻋﻠﻰ ﻫﺎﺩﺵ .. ﻗﺎﻟﺖ ﻟﻴﺎ ﻣﺎﻣﺎ ﺑﻠﻲ ﺍﻟﻔﻘﻴﻪ ﻗﺎﻟﻴﻬﺎ ﺍﻧﻨﻲ ﺗﻌﺮﺿﺖ ﻻﻋﺘﺪﺍﺀ ﻣﻦ ﺍﻟﺠﻦ ﺍﻟﻌﺎﺷﻖ ﺑﺴﺒﺎﺏ ﺷﻲ ﺑﺨﻮﺭ ﻗﻮﻳﺔ ﺍﺳﺘﻨﺸﻘﺘﻬﺎ .. ﻭﻗﺎﻝ ﺍﻧﻪ ﻃﺎﺣﺖ ﺑﻴﻦ ﺍﻳﺪﻱ ﺷﻲ ﺣﺎﺟﺔ ﻣﻠﻌﻮﻧﺔ ﻫﻲ ﺍﻟﺴﺒﺐ ﻓﻬﺎﺩﺷﻲ . ﺣﺎﻭﻟﺖ ﻧﻨﺴﺎ ﺗﻘﺮﺑﺖ ﻣﻦ ﺍﻟﻠﻪ ﻛﺜﺮ ﻣﻦ ﺍﻻﻭﻝ ﻭﻣﺎﺯﺍﻝ ﺍﻟﻐﻤﻮﺽ ﺟﺎﺭﻱ ﺣﻮﻝ ﺍﻟﻘﺮﻳﺔ ﻟﻲ ﻛﻨﺎ ﻓﻴﻬﺎ . ﻻﻟﻪ ﺟﻮﻫﺮﺓ ﺍﻋﺘﺰﻻﺕ ﺍﻟﻐﻨﺎﺀ . ﺣﺎﻭﻻﺕ ﺗﻨﺪﺍﻣﺞ ﻓﺎﻟﺤﻴﺎﺓ ﺑﺮﺟﻞ ﻭﺣﺪﺓ .. ﻭﺍﻧﺎ ﻟﻘﻴﺖ ﺧﺪﻣﺔ ﻓﻲ ﻭﺍﺣﺪ ﺍﻟﺠﻤﻌﻴﺔ .. ﺍﻟﻤﻬﻢ ﺧﺪﻣﺔ ﺷﺮﻳﻔﺔ .. ﺍﻣﺎ ﺻﺎﻟﺢ ﺑﻘﺎ ﻣﻦ ﺍﻟﻤﻔﻘﻮﺩﻳﻦ .. ﻣﺎﺑﻖﻳﺘﺶ ﺭﺟﻌﺖ ﻟﺪﻳﻚ ﺍﻟﺒﻼﺻﺔ ﻭﻻ ﺳﻮﻟﺖ ﻋﻠﻴﻬﺎ .. ﺍﻟﻐﻠﻄﺔ ﻟﻲ ﺩﺭﺕ ﻓﺤﻴﺎﺗﻲ ﻫﻲ ﺍﻧﻨﻲ ﻫﺰﻳﺖ ﺷﻲ ﺣﺎﺟﺔ ﻣﺎﺷﻲ ﺩﻳﺎﻟﻲ .. ﺑﻘﺎﺕ ﺻﻮﺭﺓ ﺍﻟﺨﻠﺨﺎﻝ ﺍﻟﻤﻠﻌﻮﻥ ﻓﻲ ﺑﺎﻟﻲ .. ﻳﺎﺗﺮﻯ ﺷﻜﻮﻥ ﻏﻴﻜﻮﻥ ﺍﻟﻀﺤﻴﺔ !!! ؟؟
النهاية 😍😍