الجزء 18

وائل: حشوما عليك ارباب انتي عرفتيه كيغير عليك و كتقولي قدامو هاد لهضرة 
انا: (بان ليا فهد واقف قدام لباب وهوما ماشافوهش وكملت علي تمتيل ديالي) اشمن هضرة اوي انا توحشت خاطيبي و بغيت نمرتو نهضر معاه واش فيها شي عيب 
امين: رباب لله يهديك ماتزيديش فيه انا عارفك كديري هكا غير باش تعصبي عادل انتي عارفاه دغيا كيتعصب داكشي علاش بلا ماتبقاي تلعبي علي اعصابو
انا: اشمن عادل انا عادل بالنسبة ليا مات من شحال هادا حتي هاد فهد ديالكم كنعتابرو رجل عادي و داكشي كولو لي وقع بيناتنا غير باش نطيحو و ناخد ليه لوراق (واقيلة زدت فيه شوية )
اما انا ماكنبغيهش و ماكنحس من جيهتو بحتي حاجة حتي هاد لولد لي فكرشي كنت بغيت نطيحو عير تاقيت فيه وجه لله حيت هو ماعندو حتي دنب و خليتو (لا زدت فيه بزاف )
شوف امين الي بغيتي تبقا عزيز عليا خليك بعيد علي هادشي انا طلبت منكم تعاونوني باش نرجع لمغرب والكن انتوما مابغيتوش 
امين: رباب واش عارفة راسك اش كاتقولي
انا: اه عارفة راسي اش كنقول 
وائل: ياك انتي تزوجتي بفهد خاصكي حتي طلقي منو عاد ترجعي لمغرب وديك ساعة تزوجي بداك هشام 
انا: زعما انت راجل كاتعرف لقانون فهد تزوج ب كايت ماشي برباب 
وائل:والكن ماحدك انتي فميريكان كاتبقاي كايت و مزوجة هدشي لي كاين 
امين: ولله مافهمتك ا رباب ماشي هيا هادي لهضرة لي قلتي ليا فصبيطار علاش تقلبتي دغيا 
انا: واش انت بغيتي توريني راسي ولا اش 
امين : لا غير كانشوف رباب لي قلبها كبير و كاتسامح كل ناس و كتنازل علي حقها ديما و ماكتأديش شي واحد علاش كعاملي معاه هو بهاد طريقة انا عارفك كاديري هادشي من فوق خاطرك حيت انتي ماشي هاكا دايرة انا حافظك ارباب بلا ماتبقاي تمتلي بلي انتي وحدة شريرة
فهد: صافي امين سد هاد الموضوع ماضغطش عليها كتر من هاكا غير تصبر حتي نساليو لخدمة و نشدو لعصابة لي حاولات تقتلها ديك ساعة الي بغات ترجع لمغرب عند خاطيبها انا نعاونها و نقاد ليها وراقها صبري غير 5ايام و بالنسبة لطلاق من غدا غادي نطلقك سوا كنتي رباب و لا كايت 
و خرج 
امين: صافي عجبك لحال دابا ارباب 
انا ماقدرتش نهضر صافي تخلط عليا كولشي خليتهم و طلعت لبيت كانبكي حسيت براسي زدت فيه بزااف بقيت كانبكي حتي سمعت دقان فالباب
👇👇👇👇
سمعت دقان فالباب و حليت لقيت امين 
امين: رباب انا عرفت فهد غلط فحقك بزااف ولكن حتي انتي زدتي فيه فهد ولله الي كيبفيك و كيدير لمستحيل علي قبلك الي فرطي فيه ارباب غادي تخسري حاولي تسمحي ليه ونساو داكشي لي فات واش بغيتي ولدك يكبر بلا اب اي ولد كيبغي ماماه وباباه حداه واش بفيتي تحرمي ولدك من باه زعما انتي راك عارفة بحق الوليدين ملي فقدتيهم راك كاتعدبي فراسك و كتعدبيه حتي هو معاك نعلي شيطان و سمحي ليه لله يستر بجوجكم معكسين ومهورين و داك هشام لي فرحانة بيه راه حياتو كاملة وهو كيتفلي علي البنات راه مزوج 2 مرات اي بنت كيشوفها زوينة كيتزوج بيها حتي كيمل منها و يطلقها و يمشي لخرا 
انا: انا اصلن ماهمنيش يتزوج و لا يطلق كون كنت بغيتو كون تزوجت بيه انا لي مابغيتوش 
امين: وعلاش قلتي هكاك فاش كان فهد راك كتعصبييه مسكين عرفتيه كيغير عليك و كيبغيك 
انا: كايبغيني لا باينة هو علي سبة غير جبد وائل حس طلاق دغيا قال غنطلقك كان باغي غير امتي يديرها
امين: واش انتي حمقة ولا سايط ليك لبرد فمخك واش ماعرفتيش لهضرة لي قلتي راك جرحتيه بهضرتك لمشكيلة غير هضرة خاوية مامنها والو غير كتخرفي 
انا: بصح ياك زدت فييه شوية ياك 
امين: علاه انتي زدتي فيه غير شوي راك زدتي فيه بلا قياس 
انا: اه حتي انا حسيت براسي زدت فيه 
امين: اوي لحمد لله ملي كاتحسي بعدا 
انا: والكن دابا فات لفوت اأمين ياك 
امين: مافات لفوت والو فهد كيتسنا غير اشارة من عندك هو غيموت ويرجع ليك الي بغيتي انا نعاونك حتي يرجعيه
انا: لا لا بلاش غير خليني دابا بغيت نرتاح 
امين : مهم وقتما حتاجيتي شي حاجة انا معاك وخدمي عقلك شوية وفكري مزيان فمصلاحتك راه معمرك تلقاي شي واحد كيبغيك وكيخاف عليك بحال فهد
مشا امين و انا بقيت متكية فالفراش كنفكر فشي حل لهاد لمشكيلة فاش حطيت راسي tواحد بحال فهد 1000وحدة تمناه ومالقاتوش و انا لي لقيتو بغيت نضيعو من يدي بهاد سهولة لا لا مايمكنش
عند فهد و وائل
وائل: اش هادشي لي قلتي واش بصح غادي طلقها 
فهد: هي ماكتعرفنيش انا لحاجة ديالي ولي كتخصني ماكنخليها لحد واخا نعرف نقتل ولا نموت علي قبلها ومانخليهاش لشي واحد كيما بغا يكون رباب ديالي وغتبقي ديما ديالي ماعمر شي واحد يحلم بيها واخا نعرف نحبسها هنا مهم هو نشوفها كل نهار 
وائل: اويلي افهد غادي تحبسها بزز منها باش تعيش معاك
فهد: اه بخاطرها ولا بزز منها مهم عندي انا هو تبقي معايا 
وائل: واخا تكون ماكتبغيكش افهد
فهد: واخا تكون ماتبغينيش من بعد غادي تبغيني 
وائل : لا لا انتي خرج ليك لعقل بصح
فهد:اش غاندير اخوية راه جنناتني كتخليني بلا عقل كنكون معصب و ناوي علي خزيت غير كنشوف عينيها كنفشل ماكنبقي نعرف ماندير ولله مانقدر نبعد عليها 
امين: حتي هي ماتقدرش تعيش بلا بيك غير كتبغي تعصبك بهضرتها
فهد: واش دابا انت غادي توريني رباب راه كنعرفها كتر من راسي هي كادير هادشي كامل غير باش تلعب علي اعصابي رباب من صغرها عزيز عليها تحراميات اول مرة تلاقيت معاها بدات معايا بتحرميات 
وائل: هههه ولله الي حرت معاكم انا 
امين: حتي انا تلفت مابقيت عارف منين نشدكوم 
فهد: اصلان ماعرفت اش دخلكوم فهادشي شتكوم تخلطو ليا مع الدم 
امين: ياك افهد زعما حنا قلبنا عليك و بغينا نعاونوك وانت كتقول هاد لهضرة 
وائل: ايه ولله الي نستاهلو 
فهد: ههه كضحكو ولله غير كنضحك معاكم نتوما درتوها بصح ههه اه امين عطيني نمرة ديال داك هشام 
امين: فهد لله يهديك راه سيد كانت غير خدامة معاه و طلبها لزواج ولكن هي رفضاتو ماكين لاش تكبر الموضوع 
فهد: غير اراها راه ماغاديش نعيط ليه ولا شي حاجة انا غير بغيتها و صافي 
امين : الي كان هاكا واخا انا غانعطيها ليك مهم حنا دابا غادي نمشيو وانتوما تحرقو بناركم
👇👇👇👇
مشاو وبقا فهد بوحدو فالتحت وانا متكية فالبيت 
هز فهد تيليفون ديالو وهضر مع هشام 
فهد: سلام عليكم 
هشام : عليكم و سلام شكون معايا
فهد: انا عادل بغيت نسولك علي واحد البنت سميتها رباب واش خدامة عندك ياك 
هشام : شكون انت لي كتسول عليها 
فهد: انا من عائلتها كنت كنقلب عليها من شحال هادا ولكن مالقيتهاش و قالو ليا ناس بلي خدامة عندك 
هشام: اه هي كانت خدامة معايا والكن دابا ماعرفت فين هيا غبرات بمرة 
فهد: ماعرفتيش فين يمكن تكون 
هشام :لا ولله ماعرفت شحال من مرة كنسول عليها ولكن والو 
فهد: اه واش مانلقاش عندك شي نمرة ولا عنوان ديال شي واحد قريب ليها صاحبتها ولا خاطيبها ولا شي واحد كيعرفها مزيان 
هشام: لا لا هي مامخطوباش و صاحبتها حتي هي غبرات بحالها 
فهد: اه صافي سمح ليا مهم الي وصلاتك شي اخبار عليها تاصل بيا ها نيميرو عندك 
هشام : اه انت بعدا اش كتجيها حيت هي عائلتها ماتو 
فهد: انا خوها كنت ساكن خارج المغرب وملي رجعت كنقلب عليها مالقيتهاش 
هشام : اه مشرفين شحال هدا بغيت نتعرف علي شي حد من عائلت رباب 
فهد:علاش ياك لباس
هشام: واخا هاد لهضرة ماشي ديال تيليفون صرحة رباب كتعجبني و كنت بغيتها فالحلال 
فهد: ااوي مالك مافاتحتيهاش فهااد لموضوع 
هشام : لا كنت طلبت منها زواج ولكن رفضات 
فهد: مهم انا ملي نلقاها غادي نفاتحها فهاد لموضوع و نخليها تقبل ماغاديش تلقي شي واحد بحالك نخليك دابا عندي مايدار مهم انت الي عرفتي عليها شي خبار ماتنساش تاصل بيا 
هشام : انشاء لله طيط طيط طيط
فهد: هههههه سيد تيق واش ختي مسكين نية وحدة جوج كلمات عاود ليا قصت حياتو هه طلع ساهل و سيدة رفضاتو و قالت ليك كنا غادي نتزوجو كون ماهاد ضروف هههه ولله الي قدرات تعصبني هاد البنت ماغادي تهنا حتي تفضيها معايا
بقيت متكية فالفراش من صباح حتي ضلام الحال فيا لموت ديال جوع والكن ماقدراش نوض كنحس براسي فاشلة ونفسيتي مريضة عيني كنحلهوم غير بزز مع 9 ديال ليل دخل عندي فهد وفيديه لماكلة حط لبلاطو وجلس حداية 
فهد ؛ رباب نوضي تاكلي راك ماكليتي والو من صباح 
اناماديتهاش فيه ماجاوبتوش 
فهد: عفاك ارباب نوضي تاكلي كون غير كنتي كتبغي لماكلة كيما كتبغي نعاس راه ماغاديش نمشي حتي تاكلي الي مانضيش هنا غادي نبقي و مانخليكش تنعسي
انا جلست وماشفتش فيه بقيت كاناكل بشوية وهو كيشوف فيا كان طايح ليا شعر علي وجهي ورجعو لور بيديه حسيت بقلبي غادي يخرج تلفت وكملت علي ماكلتي ملي ساليت شد ليا وجهي و باسني فجبهتي وهز لبلاطو ومشا خلاني كنتعجب فتصروفات ديالو مافهمت والو نعست فصباح فقت دوشت بدلت حوايجي و رجعت لفراش مابغيتش نخرج من لبيت حسن ليا نبقي فيه ولا نخرج بقيت جالسا واحد نص ساعة حتي دخلات عندي مريم هي و طبيبة لي كنت دوزت عندها 
مريم :حبيبة لباس عليك 
انا: حمدلله وانتي 
مريم : حمد لله مهم طبيبة ديالك عرفاتك ماتقدريش تمشي عندها و جابها فهد حتال عندك باش تشوف لحالة ديالك و ديال لبيبي 
من بعد ما دوزات ليا طبيبة و قاست ليا ضغط 
طبيبة: دابا حالتك مستقرة ماعندك حتي مشكيل قال ليا راجلك بلي كتعصبي بزاف و ماكتبغيش تاكلي 
حاولي ماتعصبيش وكولي مزيان دابا راه انتي ماشي بوحدك خاصكي تبقاي تاكلي مزيان وفالوقت و انا غادي نكتب ليك شي فيتامين وشي دواء تبقاي تشربيهم فهاد 3شهور للولة وخاصكي تشربيهم فالوقت بعد لماكلة و انا مرة مرة غانبقي نجي نشوفك 
انا: انا شكرا بزاف 
مشات طبيبة هي ومريم بقيت متكية شي نص ساعة حتي دخل عندي فهد هاز لفطور و شي دواء 
فهد: صباح لخير نوضي تفطري 
نضت بلا مانهضر صرحة هاد سيد جاب ليا تمام بعد داكشي كولو لي قلت باقي كيتعامل معايا بحال هاكا ماعرفتش علاش كملت فطوري و عطاني دواء اوف ماكنحملش دواء شربتو بزز 
انا: عادل ماعرفتش علاش كدير بحال هكا انت ماجبورش تبقا تصرف معايا بحال هاكا بلا متبقي تبقي تعدب راسك كل ساعة علي قبلي
فهد: اول مرة تقولي ليا عادل 
انا: ومالها كيف جاتك 👇👇👇👇
فهد: غزالة بحالك اي حاجة كتخرج من فمك زوينة فكرتيني فشحال هدا كانت سميتي كتعجبني ملي كتعيطي عليا كنت كندوب ملي كنسمع صوتك اه سولتيني علاش كنتصرف معاك بحال هكا حيت انا كنبغيك واخا يوقع لي وقع واي حاجة قلتيها ولا درتيها دغيا كنساها منقدرش نبقي مقلق منك واخا تقولي ليا هضرة تجرحني ولا ديري شي حاجة تعصبني غادي نتعصب شوية و من بعد نساها و نفكر فالحوايج زوينين لي فيك اه شي واحد الي كيبغي ماكيعرفش يحقد علي لي كيبغيه وانا ماشي غير كنبغيك انا كنموت عليك نفديك بحياتي نقدر ندير اي حاجة علي قبلك انتي غير أمري 
انا تصدمت من هادشي لي كيقول ماقدرتش نهضر حدرت راسي و سكت
فهد: انا غادي نخليك ترتاحي الي حتاجيتي شي حاجة قوليها ليا
باسني فجبهتي و مشا خلاني مع ضمير ديالي كيأنب فيا انا كنتصرف معاه خايب و هو كيتعامل معايا مزيان
بقيت متكية وكانراجع فهاد التصرفات لي كاندير وليت كانتصرف بأنانية هو مسكين ماعندو حتي دنب كان مزيان معايا كون ما أنا لي جبدتو خاصني نحد من هاد لعب ديال لبراهش صافي انا سارحة فأفكاري جاني نعاس هاد دواء كيدير النعاس قاومت باشما نعس نضت من لفراش وخرجت من لبيت تميت غادا لجردة نشم شوية ديال الهوي دزت من حدا فهد كيتفرج ماشافنيش كان ساهي فالتلفازة كيبان غزال بقيت شحال كنشوف فيه من بعد خرجت لجردة جلست 
بقيت سارحة فالمنضر عجبني وراسي غينفاجر بالافكار قررت نخوي راسي من هادشي ولي بغاها لله هي ليغادي تكون وحد شوية جا فهد جلس حداية بقا ساكت وكيشوف قدامو انا بقيت كنشوف فيه 
فهد: رباب متخليش عقلك يتحكم فيك تبعي قلبك اش كيقول ليك وانا متأكد بلي قلبك علي حق انتي كتبغيني كيما انا كنبغيك والكن عقلك كيصور ليك افكار خايبة ولكن علي الاقل حاولي تسامحيني و نساي لي فات واخا انا عارفك حاقدة عليا 
انا؛ انا ماحقداش عليك حيت كنت واعدتك ماعمري نحقد عليك واخا يوقع لي وقع واخا هاد لوعد فات عليه 10سنين باقي عاقلة عليه بحال لبارح 
فهد: (بدهشة) هههه كنتي واعدتيني واعد اخر من غير هادا بلي عمرك ماتكوني لشي واحد اخر من غيري 
انا: اي حاجة واعدتك بيها وفيت بيها علي عكسك انت فهد: ماتصوريش شحال ندمت علي هاد سينين لي كنت بعيد عليك انا بغيتك غير تسمحي ليا و كانواعدك نعوض ليك كاع لي فات 
انا: وانا فيا جوع 
فهد: ههه كتهربي من لجواب مهم انا كنتسناك وقتما غيرتي رائ ديالك ياله نوضي تغداي نشوفو هاد جوع لي فيك 
جرني من يدي مشينا تغدينة فسكات حتي واحد مهضر سالا ماكلتو و ناض
فهد: انا غادي لخدمة تهلاي فراسك كنبغيك 
باسني فحنكي و مشا ساليت حتي انا ماكلتي شربت دواء ديالي 
جمعت لماعن و غسلتهم فالليل منين يجي فهد غادي نجاوبو علي سؤال ديالو انا صافي خديت قرار ماغاديش نرجع فيه
👇👇👇👇
من بعد ماساليت مشيت ترينيت و شطحت شوية بردت جنوني ههه طلعت دوشت جلست بزاف ديال الوقت فالجاكوزي ترخيت مزيان ساليت نشفت شعري و لبست حوايجي وصلات 7 تعشيت و شربت دواء غسلت سناني و جلست كنتفرج ماعقلتش امتي داني نعاس فلليل جا فهد لقاني ناعسة فالفوتوي هزني لبيت انا مترددة نهدر معاه مانهدرش معاه تلفت ماعرفتش اش ندير ولا اش نقول باسني فراسي و مشا نضت لبيتو سمعتو كيدوش و رجعت لبيت كنهضر او بالاحرى كاندابز مع راسي صافي ارباب سيري هضري معاه و ديري حد لهادشي
لا لا ماعرفتش اش غادي نقول ليه صافي حتال غدا ونهضر معاه
لا دابا حسن بقيت مدابزة مع راسي شحال واحد راس كيقول ليا سيري واحد راس كيقول ليا لا 
صافي هادشي بزاف زدت فيه بزاف بلا مانزيد نعدب فراسي و فيه حتي هو مسكين كتر من هاكة شحال من مرة طلب مني سماحة وانا معفرة عليه حشوما 
لا ارباب غير خليه يتعدب مازال هو يستاهل لي يجرا ليه هو لي ينزل عند رجليك و يطلبك ماشي انت لي تمشي عندو
لا لا بحال بحال لحب مافيه عيب وهو طلب مني سماحة بزاف غير انا لي مابغيتش
بعد مدة سست راسي من هاد لافكار و تكلت علي لله لي ليها ليها نضت بغيت نمشي رجلي تقالو عليا و كنحس بالحريق لله يستر بحال الي بغيت ندوز امتحان زدت فيه بزاف صافي خرجت من لبيت و مشيت لبيتو جاني بعيد بزاف حليت لباب ودخلت لقيتو ناعس لبس سروال و لفوق عريان بقيت كنشوف فالفورمة ديالو لي كتهبل و زايدها بدوك لوشامات و مسكين مضروب فدراعو ولوي عليها فاصمة ونعسة مرجلة كلشي مرجل الله ياربي شحال غزال بالحية كيحمق وداك لفيم وشعر دا مافيهوش غلطة جلست حداه كنشوف فيه حمقني بغيت نبقي غير نشوف فيه باش ولدو يطلع كيشبه ليه واحد لحظة نعست حداه وحطيت راسي علي صدرو و عنقتو بيدي حتي فاق بقا كيشوف فيا وكيلعب فشعري 
فهد: واش انا كنحلم ولا بصح رباب ناعسة حداية 
انا: ههههههه لا لا بصح ماكتحلمش 
فهد: واشنو سباب هاد تغير ولا قررتي تسمحي ليا وتنساي لي فات 
انا:(ماعرفتش باش غانجاوبو تلفت مشاو ليت لافكار) فيك لهضرة بزاف ماكتسكتش 
فهد: اوي بغيت غير نعرف سباب هاد تغير واخا انا الي بديت بالهضرة حتي حد مايقدر يسكتني ههه 
انا: انا نقدر نسكتك 
فهد: وايلي وكيفاش ...
قبل مايكمل هضرتو تلاحيت عليه بواحد لبوسة فاعلة تاركة نسينا فيها راسنا 
غرقنا فقبلة طويلة عامرة بالاحاسيس شوق و حنين و حب وصلت ليه بيها الاحساس ديالي جيهتو و حتي هو هكاك كنا موحشين بعضياتنا تأكدت بلي مانقدرش نعيش بلا بيه و حتي هو مايقدرش يعيش بلا بيا كنبغيه يا ناس كنبغيه مكرهتش نغوت و نقولها بأعلي صوت ماعرفتش كيفاش قدرت نبقا بعيدة عليه هاد المدة كلها ضيعت وقت بزاف ههه
بقينا كنقبلو فعضنا بلهفة و شوق سيد جهل عاوتاني حتي انا ماخليتش من حقي توحشتو بزاف هو لبوسات ديالو شحال وانا كنصبر فراس وهو بعيد دابا ملي طاح فيدي ولله حتي نخلف فيه لقديم و جديد نتاقمت منو مزيان عنقو كولو زوقتو ليه بالعضان و حتي هو شحال من مرة عضني فمي و فعنقي 
فهد:كان صحاب ليا رباب دريويشة ساع طلعتي حتي انتي ماسهلاش 
انا: هههه لا مابقيتش دريويشة خصوصا هنا ههه
فهد: مممم وانا لي صحاب ليا توحشتيني انا ساع انتي توحشتي غير لي بيتيز ( بسالة و سفالة )ههه
انا: هههه بديتي عاوتاني اوي راه مزال ماوريتك لبسالة كيف دايرة غير فيا نعاس اما نفرجك 
فهد: انتي ديما فيك نعاس ههه
انا: لا ولله انا نيت نعاسة و هاد دواء لي كانشرب حتي هو كيدير نعاس ماكنحش براسي امتي نعست هههه ماباقيش غنشربو 
فهد: لا لا غير تبعي دواك حتي تسالي لمدة لي قالت ليك طبيبة بعدا 
انا: اه 3شهور ونساليه 
فهد: شحال عندك دابا 
انا:4اسابيع 
فهد: مزال ماغادي تبان لكريشة 
انا: لا مزال ماعرفتش واقيلة شهر 3 غادي تبان شوية 
بدا كيقيص ليا فكرشي دار ليا هر ههه جاب ليا ضحك 
فهد: مامتيقش دابا رباب لبعلوكة حاملة 
انا: هههه بعلوكة ياك اوي راه قراني عندهم لولد تاني راه 24عام لي عندي و داخلة ف25 هه عيد لميلاد ديالي مابقا ليه والو
فهد: وي عرفت علاه انا نقدر نساه 
انا: اوي نوض تنعس خليني حتي انا نعس 
فهد: كيفاش غيجيني نعاس وانتي حداية انا طار ليا نعاس بالفرحة 
انا: هههه طار كاع غير حاول تنعس و غادي يرجع ههه
فهد: واخا احبيبة تصبحي علي خير
باسني ورجع نعس و حتي انا نعست حداه
حتال واحد لوقيتة فليل كنحس بيه كيتقلب بزاف 
انا: فهد مالك واش مجاكش نعاس 
فهد: لا لا غير نعسي ماديريش بالك معايا 
انا: كيفاش مانديرش بالي معاك قولي مالك عفاك
👇👇👇👇فهد: لا مامالي والو غير نعسي 
انا: ياك وليتي كتخبي عليا غير قول راه ماغيجينيش نعاس ولله 
فهد:(بأبتسامة) لا والو غير يدي كتعطيني صداع ولحريق
مخلاتنيش نعس مع دوشت بلما سخون شوية داكشي علاش 
انا: واه واش ديما ولا غير ليوم 
فهد: لا ديما خصوصا نهار ضربتيني فيها فليل كتعطيني صداع شوية ولكن ليوما بزاف ههههه
انا: (ودموع فعيني) سمح ليا احياتي ولله ماكنت قاصدة راه غير نسيت واش مضروب فيها و لمرة تانية ملي شفت ديك خيتي كتقيص فيك شداتني لغيرة و تعمدت نوعتك فيها
فهد: لا احبيبة ماتبكيش داكشي عادي دابا يفوتني لحريق 
انا: ياكما نداويها ليك يمكن تهدن 
فهد: انتي احياتي داوي ليا غير لقليب حتي هو كان مجروح 
انا: فهد لله يهديك انا كنهضر معاك بصح وانت كتفلي عليا
فهد: غير كنضحك معاك احياتي غير رجعي تنعسي راه فاتني لحريق شوية 
انا: واش بصح ولا كتفلي عليا
فهد: لا ولله معاك بصح انا غير كنشوف عينيك كانسي راسي ماشي غير ضربة 
انا: هههه صافي بديتي كتخرف عاوتاني خلعتيني عليك غير هكاك 
فهد: لله لله حبيبة خافت عليا شكون بحالي انا
انا : (بصوت حنون) وعلاه الي مخفت عليك انت علي من غادي نخاف 
فهد: صافي نعسي راه هاد لهضرة ديالك غادي توصلنا لشي حاجة فهاد ليل 
انا: اوكي احياتي هاني نعست تصبح علي خير 
صافي كملنا علي نعاسنا حتي صبح صباح
دوزنا 3 ايام من بعد ماتصالحنا نفس روتين فهد لخدمة انا فدار كنجلي لوقت فلي كان كيجي نتعشاو بجوج نضحكو و نعسو حالتو تحسنات يديه مابقاتش كدرو بزاف نهار 4 ليوم قررت نبدل روتين و ندير شي ليلية فاعلة تاركة فهد مشا لخدمة كيف لعادة و انا جاتني فكرة علاش مانديرش شي عشاء رومنسي حنا بجوج متشوقين لبعضياتنا غادي ندير انا المبادرة ماشي عيب 
مشيت جمعت لبيت قديتو حيدت داك لكفرلي بدلتو بواحد اخر فيه لحمر و لكحل رائع قاديت لبيت بالشمع و و الورد والنموسية بالورد البيت عطرتو بمعطر ديال لورد درت لانبي حمرة فطبلة لي فلبيت و جدتها هبط لكوزينة و جدت لي صلاد و عصيرات و درت كفتة علي طريقة الاطالية و بريوات حطي واخا ماقدرتش علي ريحت طياب مع الوحم ولكن صبرت ساليت طياب و مشيت دوشت درت واحد الفركة بردت فيها لغديد رجعت نقية بالبيان مع برودويات برائحة الفواكه و الورود وزيد وزيد قاديت شعري سامبل لبست بينوار و خرجت نشوف اش غادي نلبس كنقلب مالقيتش شي حاجة زوينة حتي لي شوميز دو نوي ماعنديش بقيت كنقلب فالي فاليز حتي بانت ليا واحد لكسيوة ديال رقص طويلة معرية من صدر و لفخاد متيرة فالكحل كنت نسيت واش شريتها 
لبستها و قاديت ماكياج ودرت برفان ديالي كترتو هاد المرة وصلات وقيت فهد هبط سخنت داكشي و طلعتو ستفتو فالطبلة درت سيدية ديال الرقص شرقي ف سجالة طليت فالمرية واش كلشي هو هداك 
سمعت فهد كيعيط ليا لبست بينوار و مشيت عندو
فهد: من قبيلة كنعيط فين كنتي 
انا:من بعد و تعرف
فهد: انا بغيت نعرف دابا 
انا : اوي سير دوش باش ترتاح و من بعد اجي عندي لبيت بغيتك 
فهد: لله يسمعنا خير اش داكشي عاوتاني 
انا: اوي صافي سير ضروك من بعد تعرف اش كاين انا عاملة ليك مفاجئة 
فهد:امري لله لله يستر من هاد لمفاجئات ديالك 
مشا و انا مشيت لكوزينة هزيت واحد حلوة كلها شكلاط و ديتها لطبلة حطيتها بقيت كنقلب واش خاصة شي حاجة من بعد 10دقايق سمعت دقان فالبيت
👇👇👇👇
دازت 10 دقايق سمعت دقان فالباب قبل مانحل خدمت الموسيقي دخل وبقا حال فمو فالبيت و فيا ماعرف باش تبلي كملت انا علي الرقص ديالي كندير حركات متيرة وكنتمايل عليه جلس فالكرسي كيشوف فحركات ساحرة ديالي فالرقص كنقرب عندو وندور عليه و كنتلمس فوجهو وكنجرو بيدي من عنقو كنضربو بشعري وهو باقي مدهول ومصدوم من هادشي لي درت بقيت شحال كنشطح هز ياوز ونتحني عندو ومع صدري نصف عاري سيد هاج مابقب عارف مايدير انا كنشطح و ندور عليه نجيب شعري حتال عند وجهو ونحيدو و نرجع نكمل لحركات ديالي فارقص حتي سالات الرقصة و مشيت جلست فوق رجليه سيد جهل و نقض علي شفايفي كيبوس و انا تجاوبت معاه بقينا بوس ياما تبوس هبط لعنقي كيبوس فيه و يمص يعض عضيضات خفاف شوية هزني غادي بيا الناموسية وحبستو 
انا: مالك زربان بلاتي بعدا حتي نتعشاو 
فهد: انا عشاتي هيا انتي راك جننتيني ماخليتيش ليا لعقل باش نفكر ورجع تاني لعالم ديال لبوسان حطني فوق ناموسية و حيد تيشورت ديالو و بدا يبوس عاوتاني و يتلمس حيد ليا لكسوة و بدا يدوز يديه علي لجسم ديالي مخلي حتي منطقة ماقصهاش بيديه طلع لسدري يبوس و يمص فيه ويعض انا صوت الاهات كتخرج من فمي بقوة النشوة و هو كيسمعهم كيجعر 
فهد: كنبغيك ارباب كنموت عليك 
انا:(بصوت متير) حتي انا كنحماق عليك احياتي كنتصطي عليك 
ورجع تاني كيبوس فشفايفي و حتي انا ماخليتش من جهدي قايمة بالواجب بالبوسان و لعضان 
رجع تاني كيتلمس فالجسد ديالي بيديه وهبط لمنطقة الحساسة انا ديك لحظة هجت حسيت بالسخونيا طالعا معايا
حيد لبوكسر ديالو شد با لحاج فيديه و بدا كيباعد بين فخادي لأخلاء لمكان للأسد لكي ينقض علي الفريسة 
انا: فهد ماتجهلش تاني غير بشوي راه حاملة 
فهد: علاه انا غادي نقدر نأدي ولدي و حبيبتي انتي غير ماتعصبيش و عيشي للحظة وغيعجبك لحال 
انا: اي حاجة معاك كتعجبني احياتي 
هو تأتر بالهضرة ديالي 
باسني فمي و تكا عليا وبدا كيخبط عملية لمد و لجزر ههه وكيبوس كلشي خدام انا حسيت بواحد الاحساس جميل و غواتي ماعرفت فين كيتسمع من بعد ماجاب لهدف للول تكا حداية حتي رتاح بغا ينوض ليا عاوتاني ماتش تاني 
انا: انا عيت بلاتي حتي نتعشا فيا جوع 
باسني فمي يلله بغا يبدا وانا تنترت من غير ب 66 كشيفة لبست بينوار ديالي و دخلت غسلت وجهي لمكياج سرح و يدي و جلست كاناكل 
هو تكا علي ناموسية و يديه ورا راسو و كيشوف فيا و عاض علي شفايفو ساليت و هزيت لحلوة كاناكل فيها 
انا: حياتي مابغيتيش دوق غير شوية 
فهد: لا لا هاديك كتكهمني انتي لي ماكنشبعش منك حلاوتك غادا و كتزيد تزيان معرفتكش اش درتي ليا البنت ههه 
ساليت ماكلتي شربت دواء و غسلت سناني و مشيفهد: لا لا هاديك كتكهمني انتي لي ماكنشبعش منك حلاوتك غادا و كتزيد تزيان معرفتكش اش درتي ليا البنت ههه 
ساليت ماكلتي شربت دواء و غسلت سناني و مشيت تكيت حداه باش نعس ساع شكون خلاك 
فهد: حبيبة حنا ياله بدينا ليوم و ماكلتي هيا انتي و انا مازال ماشبعت 
انا : انت ماعمرك غادي تشبع 
فهد : غير منك احبيبة ماعمرني نشبع
مازال ماهدرتش حتي نقض علي شفايف ديالي لمرة تانية علي التوالي و كمل داكشي لي بدا كاع لي بوزيسيون درناهم نسينا واش حاملة بقا هاك بلاك لعبنا تلاتة المتشان و جاب 3الاهداف كان باقي بغا يزيد سيد مسوفلي بغا يفدي فيا لقديم و جديد ولكن انا عييت مابقاش عندي جهد هزني لدوش باش ندوش و نعس مرتاحة دوشنا بجوج ضروري من لبسالة فدوش بوسان تلماس عضان تجباد مهم داكشي خفيف سالينا دوش لبسنا حوايجنا و نعسنا معانقين بعضيتنا كيقول ليا هضرا كتحمق و كيلعب ليا فشعري حتي نعست.
فصباح فقت بكري ماعرفت كيدرت ليها بقيت كنشوف ففهد لي كان غارق فنعاس باينة عيا من لليلة ديال لبارح كيبان غزال كنتوحم علييه واقيلة بقيت كنلعب ليه فشعرو حتي فيقتو حال عين وساد عين وكيهضر معايا
فهد:صباح لخير حياتي كيف طرا حتي فقتي بكري 
انا: صباح نور ولله ماعرفت ضرباتني لفيقة ملي شفت هاد زين كولو ناعس حداية مابقاش بغا يديني نعاس طار سمحت فنعاس و بقيت كنشوف فيك ههه
فهد: هههههه هادشي بزااف عليا قلبي غيسكت 
انا : الله ينجيه يسكت ماحنا علي فالك 
فهد: كتخافي عليا زعما 
انا : ماتصورش شحال علاه الي ماخفت علي حبيبي و بابات ولدي علي من غادي نخاف انتوما لي عندي فهاد دنيا لله يخليكم ليا 
فهد: (عنقني بجهد) امين احبيبة ولله يخليكم ليا حتي نتوما راه نتوما بتلاتة لي بقيتو ليا فهاد دنيا
انا:(بتعجب) شكون حنا بتلاتة 
فهد: ههه انتي وولدي و ختي جيهان 
انا:اه امين
ونضت من حداه مشيت لدوش غسلت وجهي وسناني و مشط شعري و تقابلت مع لمراية كنهضر مع راسي 
ولله الي نسيتها و اش كاينة اه ازمان دغيا نسيت داكشي لي دوزنا سبحان لله لعضيم ناس تجي وناس تمشي زعما عشرت سنين و مخسراتش عليا حتي كلمت سمحي ليا واش كاين بنادم بهاد القسوة لله يهدي ماخلق وخلاص مشيت هبط لكوزينة لقيت فهد وجد ليا لفطور وكيتسناني عنقتو من لور و دورني عندو باسني و هبط لكرشي باسها و بقا كيهضر مع ولدو 
فهد: كيف صبح ولدي زوين 
انا: علاه انت خليتيه ينعس لبارح هههه وشكون قالك غيكون زوين 
فهد:ههه و علاه غيطلع خايب لمو ولا لباه 
انا: ههههه لباباه 
فهد: صرحة انا مكرهتش شي بنية تكون كتشبه ليك فكولشي ضحيكة و تقيبات زين لعوينات و شعر و كولشي كولشي وانتي
انا: داكشي ديال لله لي جات من عندو الحمد لله عليها بحال بنت بحال ولد مهم انت لي غادي تكون باباه 
فهد: اوي زيدي تفطري باش تشربي دواك احبيبة 
انا: اوكي حياتي 
بدينا كنفطرو وحنا ساكتين شحاال حتي نطق فهد
👇👇👇👇
فهد: علاش قبيلة ملي دكرت ليك جيهان بنتي ليا تغيرتي ماعجبنيش حالك 
انا: كح كح كح كيفاش ماعجبكش حالي عادي غير كيبان ليك (وكملت فطوري)
فهد: رباب لله يهديك راه كنعرفك الي كنتي فرحانة و الي كنتي مقلقة 
انا: عفاك اعادل ماتبقاش تجبد ليا هاد لموضوع لله يخليك راه كيعصبني 
فهد:اوكي اوكي بلا ماتعصبي 
وسكت بقا كيشرب فقهوتو 
فهد: زعما ماناوياش تسمحي ليها 
انا: اوووووف افهد عيقتي
و نضت من طبلة بغيت نخرج حتي جرني من يدي 
فهد: رجعي كملي فطورك انا غير كانهضر معاك مالكي كتعصبي عليا 
انا: صافي افهد مابغيتش نهضر علي هاد لموضوع نساه 
فهد: حتال إمتي ارباب هاد الموضوع خاصو يتحد ماكتشوفويش بلي راك زدتي فيه شوية زعما راه انتوما صحابات نعلو شيطان و تصالحو 
انا: غير تهنا انا ماعمرني نسمح ليها 
فهد:رباب زعما انتي مولات لعقل مغاديش ديري هاد لفعايل انا عارف قلبك كبير وغادي تسامحيها
انا: (بغضب ) علاش هيا متفكرش بعقلها قبل ماتقول هاديك لهضرة علاش انا ديما لي خاصني نخدم عقلي ونسامح علاش انا ديما لي نسمح فحقي علي قبلها شوف غير قلب عليا هاد لموضوع حيت انا ماغاديش نسامح ليها اصلان هي ماتستاهلش مابقيتش كنتيق فيها او بالاحري مابقيتش كنحملها انا كنت كنتعامل معاها مزيان وهي علي قبل رجال و لغيرة كانت كتنتاقم مني طلعات حمارة مكتسواش (بقيت كنغوت و نعاير ليه فختو حتي تعصب هز يديه و صرفقني حتي دخت تصدمت فيه و شديت فحنكي نزلو ليا دموع و طلعت كنجري لبيت تلاحيت فوق الناموسية وبقيت كنبكي حتي جا حداية كيحيد ليا شعر علي وجهي 
فهد: سمحي ليا ولله ماشعرت اش درت ارباب انتي تعصبتي و مابقيتيش عارفة راسك اش كتقولي 
انا: صافي افهد خليني عليك غير بعد مني دابا راه معصبة نقدر نقول شي هضرة ماتعجبكش ونصدقو مدابزين ونوصلو شي حاجة مابغيناهاش غير خليني من بعد و نهضرو عفاك 
فهد: لا ماغاديش نخليك ولله ماقصدت نضربك ماتقلقيش مني ارباب عفاك 
انا غير كنبكي مابقيتش هضرت عنقني و حط راسي علي صدرو وكيمسح ليا علي شعري 
فهد:صافي ارباب لله يخليك بلا ماتبكي عفاك احبيبة ولله ماكنقدر نشوفك كتبكي
انا: وملي ماكتقدرش تشوفني كنبكي علاش كضربني 
فهد: ولله ماكنت بغيت نضربك ماعرفت اش وقع ليا فقدت سيطرة علي راسي عفاك احياتي غير سكتي ماتبكيش ولله مانعاودها 
انا:غادي نسكت بشرط
فهد:( بقا كيشوف فيا و ساكت )اوكي
انا: ماتبقاش تجبد ليا داك لموضوع وبلا متعدب راسك معايا انا راه ماغاديش نسامح ليها انا عارفاك كدير هادشي باش ختك ترجع تعيش معاك 
فهد: صارحة انا مابغيتش شي وحدة فيكم تعيش بعيدة عليا هي ختي و انتي حبيبتي ماكرهتش هاد لمشكيل لي بيناتكم يتحل و نتهناو 
انا
فهد: صارحة انا مابغيتش شي وحدة فيكم تعيش بعيدة عليا هي ختي و انتي حبيبتي ماكرهتش هاد لمشكيل لي بيناتكم يتحل و نتهناو 
انا:شوف انا ماشي شغلي دارك هادي تقدر تجيب ليها
لي بغيتي الي بغيتي ختك تعيش معاك انا ماعنديش مشكل غير بشرط غير قول ليها تبعد علي طريقي و مادخلش فحياتي و متهضرنيش باش نبقاو هانين 
فهد: اه انا بغيتها تعيش معانا ولاكن بغيتكم تنساو لي فات و..
انا: فهد لهضرة لي عندي قلتها عفاك بلا ماضغط عليا كتر من هكا لله يخليك انا كنبغيك بغيت نعيش معاك هانية مابغيتش يبقاو لماشاكيل بيناتنا انا معصبة و انت ماكتفاهمش و يديك سابقينك الي بقينا علي هاد لحال ماغاديش نطولو انا كنحاول نتفادا الامور لي كتتعصبك و تقلقك حتي انت دير بحالي 
فهد: عفاك احياتي
فهد: عفاك احياتي الي كنتي كتبغيني غير شوية غادي ديري اي حاجة علي قبلي 
شديت ليه وجهو بيدي وبقيت كنشوف فعينيه 
انا: فهد انا كنبغيك و نقدر ندير اي حاجة علي قبلك ولكن هادي لا بلا ماضغط عليا عفاك 
فهد: صافي احياتي سمحي ليا الي عصبتك انا هاد لموضوع لي كيعصبك غادي نساه (وباسني فمي غرقنا فديك لبوسة طولنا فيها )
فهد: اشنو دابا احياتي سمحتي ليا حيت ضربتك 
انا: هانية احبيبي غير ماتعاودش 
فهد: لا لا مانعاودش اخير مرة انشاء لله ههه
انا: اوي كيما قلت ليك ختك من حقها تعيش معاك انا غير تعطيني تيساع 
فهد: لا صافي بلاش 
انا: صافي افهد قلت ليك ماشي مشكيل باش حتي انت تهني من جيهتها وانا واخا كنقول هاد لهضرة شي نهار غادي نسامح ليها ولكن ماشي دابا خاصني شوية ديال لوقت 
فهد: انا عارفك قلبك بيض و حنينة وماكينش بحالك وكيما سمحتي ليا غادي تسمحي ليها ناري كنحماق عليك المسخوطة راه غادي ناكلك 
انا:ههه حتي كنت كنسطي عليك و دابا كنموت عليك انا كنعرف لمروات الي كيتوحمو اغلبيتهم ماكيحملوش رجالتهم و انا عكسهم عاد كنزيد نبغيك مكرهتش نبقي غير نشوف فيك مافيهاش هاد لولد ولا هاد لبنت لي فكرشي غيطلع كيشبه ليك 
فهد: سعداتي ولله ودابا ملي تولدي مابقيتيش غادي تحمليني ياك 
انا :باركة من لحماق شوف ماتمشيش فهاد صباح لخدمة بقا معايا وحتي لعشية و سير 
فهد: انا غادي نبقي معاك صباح و عشية حتي تملي مني 
انا: لا ماغاديش نمل منك واخا تخرج من ديك لخدمة و تبقا معايا ديما ياله نقدر نعوض شوية من دوك سينين لي خليتيني فيهم هههههه
فهد: بصح كنت حمار تفكيري كان غالط علاش خليتك علاش كون فكرت مزيان ماغاديش نوصلو لهادشي
👇👇👇👇انا: (بأبتسامة) صافي احياتي داكشي فات انا دابا انت لي كاتهمني وهادشي مكتاب لمهم عرفت قداش كتبغيني
مهم دوزنا داك نهار زوين فيه ضحك و رومنسية مرة مرة ملي وصل ليل مشينة نعسو 
فهد: رباب مهم انا قلت لأمين يجيب جيهان غدا الي كنتي مابغيتيش ولا بدلتي رائ قوليها ليا قبل ماتجي 
انا: لا لا انا مابدلتش رائ ديالي و اي حاجة تفرح حبيبي نقدر نديرها مهم نكون انا وياك وماعمرك تبعد عليا 
فهد: ديما كتغلبيني بهاد ضرفات ديالك 
انا:هه لا لا احبيبي انا ولله ماضريفة ماشي كيما كنبان ليك ولكن ناس لي كانبغي كنتعامل معاهم مزيان 
فهد؛ هه فراسك واش خلعتيني واعرة مع راسك 
انا: واخا واعرة ولكن ماوعراش عليك
فهد:لا لا ولله الي انتي واعرة عليا 
انا: راه قلت ليك ماوعراش عليك 
فهد: لا واعرة عليا او وا انتي قدرتي ديريها بيا انا و ديريها بجاك لي شحال و انا كنقلب عليه جبتيه ليا انتي فصيمانة انا: هههههه واخا هكاك ماوعراش عليك عرفتي صباح كون شي حد اخر لي صرفقني ولله حتي نجفف بيه لأرض ولكن انت واخا كضربني مكنقدرش حتي نشوف فيك 
فهد: غير حيت كتبغيني داكشي علاش ماتقدريش ترجعي ليا ضربة ولكن كون غير كترجعي ليا ضربة حسن مانشوفك كتبكي وانا عارفك مكاتخافيش عاود ليا امين علي زعمة ديالك 
انا:عرفتي افهد شكون توحشت 
فهد:شكون 
انا : وائل
فهد: ( بغضب وكيخنزر فيا)كيفاش علاش زعما ماقلتيش امين ولا نتاشا ولا شي حد اخر علاش وائل بضبط و واش هضرتو كتعجبك 
انا:انا غادي نعس (ضرت لجيها لخرا ودرت ابتسامة شريرة ههه كيعجبني نضحك معاه و نعصبو )
فهد: واش انا كنهضر معاك و انتي بغيتي تنعسي 
انا: اوي اش غادي ندير ليك انا جاني نعاس 
فهد: لا ماغاديش تنعسي حتي تشرحي ليا 
انا: انا اشنو دنبي راه انت لي ماكتيقش فيا 
فهد: لا ماشي ماكنتيقش فيك 
انا:ههههه راه غير كنضحك معاك وائل بحال خوية انا توحشتهم كاملين ولله غير بغيت نشد فيك كيعجبني نعصبك
فهد:( كيخنزر مطلع حاجب و مهبط حاجب )
انا: فهد ولله ماكرهت نشوفهوم (بقا مخنزر و نعس عطاني بضهر )
انا: ياك افهد دابا خليتيني كنهضر بوحدي 
فهد: بغضب صافي نعسي و خليني غدا غايجيو يتعشاو معاك و شبعي منهم و من سي وائل ديالك خليني نعس
انا:(دايرة يدي علي فمي و ميتة بضحك عرفت راسي عصبتو بالبيان درت راسي زعما تقلقت هههه) 
ايه اسي فهد وائل بعدا ديما كيضحكني و شاد ليا لخاطر ماعمرو قلقني ماشي بحالك انت ديما كتقلقني و كضربني و دابا غادي نعس مقلقة منك عاوتاني و نعست و عطيتو بضهر و كنضحك بشوية واحد شوية دار و عنقني زير عليا و خشاني فيه انا باقي كنضحك
فهد: انتي ديالي بوحدي واخا نضربك و نقلقك مانخليش شي واحد يقرب ليك و لا يقلقك و لي مس شعرة منك ولله حتي نقتلو ونشرب من دمو كنبغيك المرض
انا: انت مغيار بزاف ولله غير نقص منها 
فهد:انا كنغير عليك من حوايجك عاد مانغيرش عليك من بنادم انا راه كنموت الي قرب ليك شي حد من غيري 
انا:انا كتر منك الي شفت شي وحدة قربات ليك شي نهار ولله حتي نرتاكب فيها شي جريمة 
فهد: هه حسن عوان هادي لي تفكر حتي تشوف فيا
انا: ولله حتي نعمي ليها دوك لعنين باش كاتشوف راه ماكنضحكش ولله حتي نديرها
فهد: لله يستر انتي راه حمقة شوية ههههه اوي عطيني بوسة ديالي باش نخليك 
انا: تصبح علي خير بستو 
فهد: تصبحي علي خير احياتي كنبغيك 
من بعد نعسنا
👇👇👇👇فصباح فقت معطلة دخلت دوشت نشفت شعري ولبست حوايجي هبط نفطر لقيت امين و جيهان و فهد كيهضرو وكيضحكو سلمت علي امين 
انا: امين لاباس عليك اش هاد لغيبة اش خبار كارولين امين:حمد لله بخير ديما كتسول عليك فهد اش خبارك مع لحمل 
انا: انا لاباس حمدلله (مشيت لكوزينة فطرت شربت دواء و رجعت جيهان غير تابعاني بعينيها بغات تهضر معايا ولكن مقدراتش انا كنهضر مع امين وفهد هزيت تيليفون ديال فهد كنلعب فواحد لعبة درتو فواضع صامت حيت صدعني بقيت شحال كنلعب و فهد و امين كيهضرو علي لخدمة حتي وصلوني 2 ميساجات فتيليفون ديال فهد من نمرة مامسجلاش فيه ماديتهاش فيهم كملت لعب ولكن شيطان وسوس ليا فراسي و دخلت نقراهم وياريت مادخلت شي وحدة كتصيفت ليه ميساجات بغات تشوفو وكتغزل فيه كانت دايرة معاه واقيلة و تعطل عليها طلع ليا دم مابقيت عارفة اش ندير نضت من حداهم و طلعت لبيت 
امين: رباب مالها بانت ليا بحال الي تقلقات
فهد: ماعرفت ياله كانت بخير 
جيهان : لا بانت ليا بحال الي تقلقات انا كنعرف رباب الي تقلقات كدير هاكا 
فهد:لعجب هاد ليامات ماعرفت مالها انا غادي نمشي نشوفها و نرجع 
دخل عندي فهد لبيت 
فهد: مالكي ياك لاباس 
انا ساكتة ماكنجاوبوش واه زعما يكون كايخوني مايمكنش كون كان كيخوني غادي يمشي عندها ماغاديش يخليها تسنا و شحال من مساج صيفتات ليه وماجوبهاش خاصني نعرف اش تحت راسو وشكون هاد خيتي لي بغات تشوفو 
فهد: راه معاك كنهضر فين سرحتي حالك مابقاش عاجبني انا : لا مامالي والو غير ضرني راسي شوية فهد: ياكما نجيب ليك طبيب احبيبة 
انا : لا لا ماكين لاش راه فاتني لحال غير تهنا 
فهد: اوكي الي حسيتي براسك مريضة قوليها ليا 
انا: واخا احياتي 
فهد: مهم انا راه خارج
انا: فين غادي واش ماغاديش تبقا معايا ليوم 
فهد: لا لا ليوم لا كان عندي واحد لموعد مهم تعطلت عليه انا غانمشي دابا مهم وجدي راسك راه لعشية غادي يجيو عندك صحابك وسي وائل ديالك حتي هو 
انا: موعد مهم ديالاش هاد لموعد بعدا 
فهد: من إمتي كتسوليني علي لخدمة و لمواعيد ديالي ياك كنقول ليك ماتبقايش دخلي فشي حاجة ماكتخصكش 
انا: كون ماكنتيش كتهمني ولله مانسول فيك ولكن نستاهل انا لي حمارة هادي اخر مرة غندخل فيك ضبر لراسك مالي انا شغلي 
فهد: لا احبيبة ماتقوليش هاكا انا غير ماكنبغيش نبرزطك بلماشاكيل ديال لخدمة وديالي 
قربت حداه حطيت يدي بجوج علي عنقو وهو حط يديه علي لخصر ديالي وقلت ليه بصوت حنين 
انا: فهد انت راجلي و من حقي نشاركك لحلوة و المرة كلشي فيك ماشاكيلك واي حاجة كتعلق بيك كتهمني
فهد: (جرني ولصقني معاه ) انا اصلان غير كنشوف عويناتك كنسا راسي ماشي غير مشاكيلي هزني حتي وليت قدو وباسني فمي بوسة طويلة حتي حل امين لباب و دخل علينا هه
امين : حم حم 
فهد: واش ماكتعرفش دق فالباب قبل ماتدخل 
امين: راه شحال دقيت ملي ماجاوبني حتي حد حليت صحابني واقعة شي حاجة تعطلتي عليا 
فهد: اوي صافي هاني ساليت زيد نمشيو 
مشا فهد و امين وانا بقيت فالبيت كنفكر زعما فهد يكون غادي يتلاقي معاها ومن بعد هو كيبغيني مايمكنش يبدلني بشي وحدة مابغيتش نخرج باشما نتلاقاش معا جيهان تقول ليا شي هضرة ماتعجبنيش ونصدق ضرباها و يتقلق مني فهد داكشي علاش تفاديت الماشاكيل و بقيت جالسة غير فلبيت حتي داني نعاس مافقت حتي لستة ديال لعشية خمرت ههه دخلت دوشت و نشفت شعري لبست كسوة كحلة و درت مكياج خفيف حتي دخل فهد 
فهد: الاميرة ديالي جيتي زوينة كيف ديما
انا: ربي يخليك ليا احياتي 
فهد: اشنو درتي ليوم بلا بيا 
انا: والو ملي مشيتي وانا ناعسة ياله فقت عرفتي اشنو ولله الي قنط فدار مكرهتش نخرج انا وياك 
فهد: اوكي حبيبة غادي نحل واحد لمشكيل صغير و تقدري تبداي تخرجي كيما بغيتي 
انا: واش مازال ماشديتو هادوك لي ضربوك بالرصاص 
فهد: وي شديناهم هوما و هادوك لي خدامين مع جاك بقا واحد لمشكل صغير صافي من بعد نقولو ليك دابا وجدي راسك واحد شوية و يجيو صحابك ههه 
انا : اه انا واجدة اجي ولعشا اشنو نديرو فيه 
فهد: هههه راه جيهان و صاحبتها وجدو كولشي جبت ليهم داكشي لي خاص
انا: اه مزيان بعدا دارت صحابات مهم حتي نتاشا غادي تجي ياك ولله الي توحشتها 
فهد: اوي سعداتهوم بعدا هما كتوحشيهم 
انا:وراه شحال هادا ماشفتهوم وتوحشتهوم اما انت حداية و كنتوحشك هههه 
دازت ساعة و جات نتاشا و مريم و كارولين و امين و وائل
👇👇👇👇
بقينا كنهضرو ونضحكو كيف ديما داك وائل كيقتل بضحك واحد شوية جلسات جيهان و صاحبتها نيكول (لبنت لي ضربتها فريسطو )زعما تصاحبات مع جيهان باش تبقي قريبة من فهد هههه 
وائل: مالكي كضحكي مع راسك 
انا: لا غير تفكرت نكتة تاع قبيلة ضحكاتني 
فهد: هههه ياله وصلاتك 
انا: لا غير وقتما تفكرتها كنضحك 
مهم بقينا عاطينها لنكات و ضحك هاديك نيكول غير كتشوف ففهد عصباتني غير مابغيتش ندير فيها يدي حشوما ناس 
نتاشا: جات حدا ودني مالكي ارباب بنتي ليا مغيرة 
انا : عصباتني هاد لكلبة غير تابعة فهد فينما مشا 
نتاشا: تهدني اصاحبتي هو اصلان كاعما داها فيها غير انت لي زدتي فيه 
انا: راه كانت بيناتهم علاقة و انا غير كنتفكر بلي كانت بيناتهم شي حاجة كانبغي نقتلها 
نتاشا: صافي دابا غير نساي ماديريش فبالك 
وصلات وقت لعشة و مشينا نتعشاو كلشي كياكل و ساكت انا مابغيتش ناكل غير كنلعب فطبسيلي 
نتاشا: رباب شفتك ماكاتاكليش مالكي 
انا: لا انا مافياش جوع و اصلان هادشي ماعجبنيش 
كارولين: اهه زعما كتوحمي 
مريم : حبيبة واش نقادو ليك شي حاجة خرا
وائل: لالة رباب اش حبات خاطرك نمشي دابا نجيبها ليك 
انا: بصح اوائل 
وائل: وي بصح غير طلبي 
انا: انا بغيت بيتزا و كلاص ديال شكلاط 
وائل: واخا ازين 5دقايق و نجيبهم ليك 
انا: يخليك ليا هه
مريم : حتي انا بغيت كلاص ديال شكلاط 
كارولين و امين : حتي حنا 
نتاشا دير لخير و جيب لينا كاملين ههه 
مشا وائل جاب لينا داكشي لي طلبنا بقينا كاناكلو و كنضحكو فهد بحال الي تقلق حيت ملي جاو ماديتهاش فيه كنضحك معهم غير هما دوزنا ليلة زوينة كلشي مشا فحالو بقات غير نيكول صاحبت جيهان ههه طلبات جيهان من فهد تبات معاها 
انا: فهد ياله نعسو 
فهد: اوكي ياله احياتي 
نيكول: تصبح علي خير افهد 
فهد: تصبحو علي خير 
شديت ليه فيديه و تمينا طالعين 
انا:(بدلع) حياتي عفاك هزني راه عييت (حتي هو علي سبة هزني بحال ريشة عنقتو و طلعنا لبيت دخل دوش و خرج دخلت موراه دوشت خرجت لقيتو فسابع نوما بستو فجبهتو و نعست فقت فصباح مالقيتوش حداية دخلت لدوش غسلت و جهي و سناني مشط شعري و طلقتو و هبط تميت غادية لكوزينة كانسمع لهضرة بقيت كنتصنط من ورا لباب 
نيكول: فهد كيف جاك لفطور 
فهد: زوين مغسي 
نيكول : انت خاصك شي وحدة تهلي فيك و تشوف اش خاصك ماشي بحال هاديك مقابلة غير نعاس 
فهد: هاديك لي كتهضري عليها راه مراتي و الي بغيت شي وحدة تشوف اش خاصني و توجد ليا لماكلة راه غادي نجيب لخدامة و ماشي صعيب عليا نجيب حتي 10 غير انا ماكنتيق فحد و كنبغي نعتامد علي راسي
نيكول : ديزولي فهد انا غير كنضحك معاك مابغيتش نعصبك غير تهدن (وبقات كتقرب منو و باستو فحنكو دخلت انا درت بحال الي ماشفت والو واخا عصباتني مشيت حدا فهد بستو 
فهد: حبيبة صباح لخير 
انا: صباح نور حياتي 
فهد: جلسي تفطري باش تشربي دواك 
انا: غانفطر بشرط انت توكلني بيديك كيف ديما 
بقا كيوكلني بيديه و ديك خيتي بغات تموت بالفقصة ساليت و شربت دواء طلعت لبيت و فهد مشا لخدمة وصلات وقيت لغدا و هبط لكوزينة لقيتهم كيتغداو 
جيهان: رباب اجي تغداي 
نيكول: لا هي ماكتاكلش حتي كيوكلها فهد بيديه 
جيهان: نيكول عفاك دخلي سوق راسك و خليها عليك الي بغيتي نبقاو مزيانين 
انا:( غير كنخنزر فيهم) شوفي انتي اديك صفريتة خلي عليك فهد فتيقار و ماتبقايش تقربي منو ديالت صباح دوزتها ليك مرة خرا ولله مانعقل عليك غادي نفرجك فراسك مزيان اونتي دخلي سوق راسك الي بغيت ناكل عندي يدي ماغاديش نتسناك انتي حتي تعرضي عليا وزايدون هادي داري اوي حتارمو راسكم شوية
👇👇👇👇
جيهان: لله يهديك ارباب انا ماقلت ليك حتي كلمة ديال لعيب 
نيكول:هادي معرفت مالها علي سبة اوف ماعرفت كيفاش فهد مسكين مستحملها 
انا: راه قلت ليك الحمارة متبقايش دكريه علي فمك 
وطرت عليها بواحد نتفا خليت دار بوها مزيان بردت فيها سم ديال دوك لميسجات و داكشي ديال صباح بقيت تضرب و نتف حتي سخفتها جات جيهان بغات تفك و انا نجمعها معاها حتي هيا حتي ساليت جريت هاديك نيكول) نوضي خرجي عليا من داري ماعمرك تعتبيها و لا ولله حتي ندير ليك كتر من هاكا الي رجعت و لقيتك باقي كادوري هنا غادي نعرف اش غندير معاك 
مشيت لكوزينة هزيت داكشي لي بغيت ناكل و طلعت لبيت كليت شربت دواء ونعست شحال حتي كنسمع لغوات ماتسوقتش و رجعت نعست حتي جا فهد فيقني 
فهد : رباب فيقي بغيت نهضر معاك 
انا: ياك لباس اش بغيتي .
فهد: اش هاد تصرفات لي وليتي كاديري زعما وصيتك و انتي درتي داكشي لي قال ليك راسك 
انا: هاي هاي علي لالة جيهان دغيا وصلاتها ليك سخونة 
فهد: (بغضب)جيهان ماقلت ليا والو نيكول لي جات عندي لخدمة وعودات ليا علي هاد تصروفات صيبانية ديالك انا:ياك بنت لكلبة قلت ليها تبعد منك لاش مشات عندك ولله ونشوفها حتي نجفف بيها الارض 
فهد: واش حماقيتي ولا اشنو اش دارت ليك باش ديري فيها ديك لحالة 
انا: لا ماحماقيتش باينة انت لي بقات فيك و عاجبك لحال تبقي قريبة منك صباح شفتها ملي باستك جاك عادي شوف ماتبقاش تجيبها لهنا و الي كنتي بغيتها سير عندها وشبع منها لله يعاونكم انا غير مانبقاش نشوف وجها انا كنحلف ليك ولله و نشوفها كدور حدايا مانعقل عليها هاني فين قلتها ليك 
فهد: لا لا ولله الي زدتي فيه نيت 
انا: اييه ولا انت لي عجبك لحال دورهم عليك هالي تصيفت ليك ميساجات و دير معاها مواعيد هالي توجد ليك لفطور و تعنق و تبوس فيك لا تبارك لله عليك هادي هيا رجلة تبتني انا بجوج كليمات و حبسني فدار و دير انت لي بغيتي لي فيه شي عادة عمرها تحيد منو الي بغيتيهم سير معاهم للوطيلات كيما كنتي كادير ماتجيبهومش لهاد دار لهلا يردك لا انت ولا هما عطيوني غير تيساع 
بقا فهد كيشوف فيا شحال وحيت انا الي تعصبت ماكنبقاش عارفة اش كانقول غير كندخل و نخرج فلهدرة 
مانطق بحتي كلمة خلاني كنهضر ردخ بالباب و خرج حتي فقت من لقلبة راجعت افكاري و عرفت راسي اش كنت كنقول بقا فيا لحال بزاف واقيلة قلقتو بصح حماقيت بالبيان مافيهاش
خرجت من لبيت كنقلب علي فهد نطلب منو سماحة علي لهضرة لي قلت قلبت دار كاملة مالقيتوش قلبت جردة حتي هي مالقيتوش باينة غيكون خرج عوتاني وهو مقلق جلست فالجردة كنفكر من بعد مشيت كنتفرج حتي ضلام لحال وسي فهد مزال ماجا بقيت كنتسناه و كنتفرج حتي داني نعاس فليل جات جيهان كتفيقني 
جيهان : رباب فيقي نوضي نعسي فبيتك 
انا:😴 شحال فساعة 
جيهان: هادي 3 ديال ليل من قبيلة و انتي ناعسة هنا انا: اويلي علي 3 واش فهد مازال ماجا 
جيهان : لا مازال 
انا: (بخوف) ناري ياكما وقعات ليه شي حاجة 
جيهان: تفايلي بلخير ارباب ماتعرفي عندو شي خدمة عطلاتو 
انا: لا لا لا مامولفش يتعطل بحال هاكا شي حاجة واقعة خاطري مامهنينيش 
جيهان : صافي ارباب نعلي شيطان وحيدي هاد الافكار من راسك وسيري تنعسي تقدر تكون ضروف غدا فالصباح غايكون حداك غير سيري رتاحي دابا 
مشيت طلعت لبيت هزيت تيليفون كنصوني عليه والو تيليفونو طافي صونيت شحال و لكن بلا فايدة رجعت تكيت والافكار لخايبة كدخل لعقلي زعما يكون مع شي وحدة خرا مايمكنش زعما يكون كايخوني وبهاد سرعة ولا كان كيتسنا غير سبة باش يديرها اويلي اش هادشي كانقول محال يديرها محال ياربي راسي غادي ينفاجر بالافكار حاولت نعس والكن لليل كامل وانا نتقلب مابغاش يجيني حتي صبح صباح عاد غفيت ملي فقت حسيت براسي مدكدكة بحال الي كليت لعصة نضت دوشت و لبست حوايجي نزلت لقيت جيهان كتفطر و هازا تيليفون ديالها كتصوني علي شي حد قربت منها 
جيهان: رباب صباح لخير جلسي تفطري 
ماجوبتهاش غير كنخزر جلست نفطر وانا ساكتة 
انا: علا من كتصوني واش فهد 
جيهان : لا علي نيكول من لبارح وانا كنصوني عليها تيليفونها طافي وحتي فهد كنصوني عليه و تيليفونو طافي انا: (بغضب)اشنو كتقصدي زعما يكونو مع بعضياتهم دابا
👇👇👇👇جيهان: مالكي ديما سابقة الاحداث شكون قال ليك هوما بجوج يمكن هو عندو شي خدمة مهمة ولا شي حاجة 
انا: هانتي قلتيها يمكن عندو شي خدمة و ممكن يكون معاها
جيهان: لله يهديك ارباب بلا ماتبقاي تفقصي فراسك راك حاملة حتي يجي وديك ساعة نعرفو اش كاين 
انا: ولله ماعرفت لوسواس فراسي ماعرفت اش واقع ليا هاد ليامات وليت كنشك فيه بزاف اه بعدا وريني نمرة ديال ديك نيكول 
وراتها ليا وطلعات هي نمرة لي كانت صيفتات ليه دوك لمساجات 
انا: اوي شفتي ها لي قلنا ولله الي بيناتهم شي حاجة مافيهاش ولله الي نمرتها هاديك 
جيهان : مالكي اشمن نمرة 
انا : هاديك لكلبة هي لي كاتصيفت ليه لمساجات و دير معاه مواعيد وتلاقي هي وياه كيلعب ورا ضهري وانا كي لحمارة تايقة فيه
جيهان : صافي تهدني ارباب لله يخليك 
انا: كيفاش نتهدن اجي انتي منين كتعرفيها بعدا 
جيهان: تعرفت عليها دوك ليامات لي كنتي مع جاك كانت كاتجي عندي و تبقي معايا فدار و ول لبارح فهد لي جابها معاه باش تعاوني 
انا: هههههههههههه لا مزيان ولله لا بقات فيك لا انت ولا هيا دابا ديك لمونيكة غادي تغلبني زعما ولله لا خليتو ليك غير بلاتي عليا غادي نوريك رباب اش كتسوي و لمغربيات علاش قادين 
جيهان: صافي ارباب عفاك تهدني 
انا: عندك نمرة هشام 
جيهان: نمرت هشام علاش كتسولي عليها 
انا: واش عندك إييه لا 
جيهان: اه عندي 
انا: عطيني تيليفونك نهضر معاه 
جيهان: الي ساق فهد لخبار غادي يتقلق ارباب ماتهوريش
انا: يتقلق ولا انتاحر ماشي سوقي 
عطاتني تيليفون و هضرت مع هشام 
انا: الو هشام لاباس 
هشام : شكون معايا 
انا: انا رباب دغيا نسيتي صوتي 
هشام: اناري ارباب فينك اش هاد لغيبة خلعتيني عليك 
انا: شوف انا فنيويورك ومحتاجاك ضروري 
هشام : نيويورك اش كاديري تما 
انا: هاديك قصة طويلة من بعد نعاودها ليك 
هشام ؛ انا غادي نشد اول طيارة لميريكان و نجي عندك 
انا: اوكي وقتما وصلتي تاصل بيا فهاد نمرة ديال جيهان 
هشام: تبارك لله حتي جيهان معاك تم مهم انا غير نوصل نتاصل بيكم بسلامة 
انا: بسلامة طيط طيط 
جيهان : رباب علاش ناوية عاوتاني 
انا: ياكما هضرت معاك جوج كلمات غادي تخلطي ليا مع دم دخلي سوق راسك شوية 
جيهان: سمحي ليا انا غير خايفة عليك 
انا: ههههههههه اشنو عاوديها انتي خايفة عليا ولله الي تعجبت فيك انتي بحالك محال كيعرفو يخافو علي بنادم باركة تخافي غير علي راسك 
جيهان:(ودموع فعينيها) رباب انا عارفة ديك لهضرة لي قلت ليك وداكشي لي درت فيك خايب بزاف و بلي جرحت المشاعر ديالك و محتارمتش صادقة لي كانت بيناتنا داكشي لي درتيه عليا ماديروش ختي انتي ضحيتي علي قبلي انتي كنتي احن اخت و افضل صديق
انتي كنتي احن اخت و افضل صديقة والكن ماعرفت قيمتك حتي فات لفوت ضميري كان كيأنبني من جيهتك ولله الي ندمت بزاف ماعرفتش اشنو ندير باش تسمحي ليا عارفة بلي حتي حاجة ماغادي تشفع ليا عندك 
انا: وملي عارفة هادشي لاش جاية طلبي مني سماحة 
جيهان : انا عارفة غلط فحقك ولكن لحقد كان عامي عينيا دابا لحاجة لوحيدة لي بغيت هي تسامحيني و نرجعو كيف كنا 
انا: هههههههههههه
انا:هههههههه ماعمر لي تكسر ماكيتصلح اجيهان (هزيت كاس ضربتو مع الارض حتي تهرس) ملي هاد لكاس يتجمع و يرجع كيما كان من قبل نقدر حتي انا نسمح ليك و نرجو كيما كنا فاللول 
خليتها و طلعت لبيت سديت عليا و عطيتها لبكا ماعرفتش بالضبط علاش كنبكي تخلطو عليا ماعرفتش واش كنبكي علي زهري لعوج و لا علي لإنسان لي كنبغي و طلع كيخوني و لا علي جيهان ولا علي راسي و ولا علي هاد دنيا لي ديما معكسة معايا ياله كنقول فرحت حتي كضلمها فعيني بقيت كنبكي حتي داني نعاس ماعرفتش شحال ديال لوقت نعست ملي فقت نزلت كنقلب فدار واش جا فهد دزت من حدا لبيت ديال جيهان و سمعت لبكا ترددت قبل ماندخل من بعد حليت لباب و بانت ليا كاتبكي بقيت كانشوف فيها شحال حتي جات طاحت علي رجلي كطلب سماحة وكاتبكي بحرقة
جيهان: عفاك ارباب لله يخليك سمحي ليا ولله الي ندمت بزااف طلبي اي حاجة نديرها تكفر علي الاغلاط ديالي غير سمحي ليا ارباب عفاك الي ماسمحتيش ليا ولله حتي ندير شي حاجة فراسي 
صارحة بقات فيا بنادم كيغلط و الي كان لله سبحانه وتعالي كيسامح شكون انا لي مانسامحش ولي غلب يعف المسامح كريم وانا من طبعي متسامحة تحدرت عندها و عنقتها وبديت كنبكي معاها 
انا: صافي اجيهان بلا ماتبكي الانسان كيغلط وانتي غلطي وندمتي لله يسامح انتي صاحبتي و ختي واخا نتقلق منك مانقدرش نحقد عليك 
جيهان غير كتبكي ماقدرات تنطق بحتي كلمة 
انا: صافي اصاحبتي لاش كتبكي دابا 
جيهان: واخا ندير لي درت ماعمرني نقدر نرد ليك لجميل ديالك انتي كنتي كتنقدي حياتي و انا كنت كندمر ليك حياتك ماعرفتش اشمن نوع ديال البشار كنت شيطان سيطر عليا وعلي افكاري خلاني نحقد علي اقرب الناس ليا كانتفكر داكشي لي كنت كاندير فيك كانتمني لموت 
انا: صافي اجيهان نساي لي فات ونبداو صفحة جديدة وكنتمني ماتخيبيش ضني فيك بحال خوك 
جيهان: انشاء لله غنتبدل و غانكون متال الصديقة المخلصة وضنك مايخيبش فيا 
انا: لا ماتبدليش بقاي جيهان لي كنعرف غير مايكونش بيناتنا لا غش لا حقد ولا كدوب
جيهان : انشاء لله 
بقينا كنهضرو مشينا قادينا ماناكلو وحني كنضحكو واخا بالي كولو مع فهد حتي كيصوني تيليفون ديال جيهان 
جيهان : هادا هشام واش تجاوبيه 
انا: الو هشام ياك لباس 👇👇👇👇
هشام : لا بغيت غير نقول ليك بلي مانقدرش نجي هاد اليامات تفكرت شي خدمة مهمة عندي ولكن كنواعدك غير نساليها و نجي عندك من نهنا لاتنين نكون تما 
انا: صافي ماشي موشكيل غير ماتفوتش الاتنين 
هشام: لا لا مانفوتوش غير كوني هانية بسلامة و سلمي علي جيهان بزاف 
انا: اوكي مبلغ بسلامة طيط طيط 
جيهان : مالو 
انا : والو عندو شي خدمة ماغادي يجي حتال الاتنين وراه سلم عليك 
جيهان: ماعرفتش علاش اصلان انتي عيطي عليه يجي 
انا: هههه باش نشوفوه ولا زعما انتي ماتوحشتيش حبيب لقلب 
جيهان: رباب لله يهديك باركة من لهضرة لخاوية 
انا: عههه ياك هضرتي خاوية اوي شوفي غير حناكك كيولاو حمرين ملي سمعتي سميتو باقي كاتبغيه العفريتة
جيهان: صافي ارباب خليني عليك 
انا: اوي واخا تنكري راه عينيك فضحوك باينة توحشتيه كتر من لقياس 
جيهان: والي توحشتو اش غادي نستافد هادشي ماغادي يغير والو 
انا: انتي غير قولي داكشي لي كتحسي بيه من جيهتو وانا نجمعك معاه 
جيهان : حلفي زعما تقدري واصلان هو كيبغيك انتي 
انا: انتي غير خلي كولشي عليا واش عمري واعدتك بشي حاجة وماوفيتش بيها 
جيهان: لا 
انا: اوي تيقي فيا انا غادي نجمعك مع حبيبك غير تهناي واخا يكون كايبغيني ملي غادي يعرفني تزوجت و حاملة راه غادي يحيدني من بالو 
جيهان : شكرا احبيبة انتي احسن صديقة ولله ماكين بحالك فهاد دنيا ارباب 
انا: بلا ماتشكريني هادا واجب صاحبتي خاصها تكون مع حبيبها و انا غادي نعاونها 
جيهان: رباب انتي قلتي ليا قبيلة ماخاصش يكون بيناتنا الغش و لحقد و لكدوب داكشي علاش انا بغيت نقول ليك واحد سر
جيهان: شوفي هاد لهضرة لي غادي نقول ليك ماشي ساهلة بغيتك تقصحي قلبك و تهدني ماتنفاعليش وماتعصبيش 
انا: غير طلقيني اجيهان راك دابا نيت كتعصبيني 
جيهان : ماعرفت منين نبدا ولله الي مترددة 
انا : عفاك اجيهان بداي منين ما بغيتي غير طلقيني وهضري 
جيهان : فالوقت فاش مشيتي مع جاك فهد صحاب ليه واش غدرتيه و غاتبقاي مع جاك ديما كانت حالتو تشفي لعدو ديما سكران مكيسحاش حقد عليك بزاف فداك لوقت نيكول ستغلات لفرصة و ضعف ديال فهد وتقربات منو و حيت عرفاتو ماشي فالوعي ديالو استغلات دوك المواقف وحتي هو كان كيحاول ينساك وغلط معاها و ملي ماقدرش ينساك طلب منها تبعد من طريقو و هي قالت ليه يبقاو اصدقاء و قبل مهم انتي رجعتي لفهد ورجع لحالتو طبيعية و كلشي تقاد و لكن هاد ليامات رجعات نيكول كتقرب من فهد و تصيفت ليه ميساجات باش تلاقي معاها و قالت ليه بلي هي حاملة منو و بغاتو يلقي حل لهاد لمشكيلة (انا ماقلت حتي كلمة صدمة كانت قوية ولا كيبان ليا غير ضباب ودوخة شاداني )
جيهان: انا طلبت منها تحيد داكشي لي فكرشها ولكن هيا مابغاتش 
انا: الي هو و هي رتاكبو غلط اشنو دنب داك لولد مسكين (خليتها كتهضر و تميت غادا بغيت نطلع لبيت ولكن جاتني دوخة ماحسيت براسي حتي سخفت جات جيهان كتجري)
جيهان: رباب جيهان فيقي لله يخليك ماديريش فراسك هاد لحالة اش داني نقول ليك هادشي لله ياربي اش غاندير 
مشات جيهان عيطات لوائل ومريم 
جيهان: الو وائل عافاك اجي لدار و جيب معاك مريم و شي طبيب رباب سخفات ماعرفت ماندير اجي دابا لله يخليك ماتعطلش راه عيت مانصوني علي فهد بلا فايدة ماكيجاوبش وحتي امين حتي هو 
وائل: اوكي غير تهدني انا غانجي دابا 
قطع من بعد 15دقيقة جا وائل و مريم و طبيب عطاني واحد المهدئ و طمنهم عليا و مشا
👇👇👇👇
مريم : جيهان علاش رباب سخفات يكما درتي ليها شي حاجة عاوتاني 
جيهان: لا ولله مادرت ليها شي حاجة 
مريم : ايه ومالها اش وقع ليها 
عاودات ليهم جيهان علي داكشي لي قالت ليا 
وائل: هادشي علاش سخفات والي قلت ليها علي المشكلة لكبيرة لي واقعة غادي يسكت لقلب واقيلة 
جيهان: ياك لباس اش واقع اوائل 
وائل: لا والو والو من بعد و نقول ليكم اش كاين مهم انا غادي نمشي عندي مايدار ها مريم غادي تبقي معاك الي وقعات شي حاجة تاصلو بيا و ردو لبال لرباب 
مريم: اوكي حياتي كون هاني 
جيهان : انشاء لله يكون خير