الجزء 11

وائل: كايت حتي انا بغيت شي تعنيقة ههه
فهد: (جبد الفردي ديالو ) ولله وتقرب منها حتي نتيري فيك
مريم:(حتي هي جبدات الفردي) وديك ساعة حتي انا غادي نتيري فيك
امين: اوي هي حتي انا نتيري فيكم كاملين
انا: لالا امين تيري فيهم غير هما اما انا لا واش هاد الفرادة ديال بصح
وائل: وعلاه ديال بلعاني 
انا :عطيني نشوفو
وائل: لا لا بلاش تصدقي ضربة شي حد
انا: راه كنعرف ليه غير ارا
وائل : انا بعدا كتخلعيني وليت كنتوقع منك اي حاجة هاكي ولكن الي بغيتي تجربيه جربيه ف فهد هههه
فهد: لا لا جربيه فيه هو نيت هو مولاه
انا: اودي غير ارا انا غادي نجربو فراسي ههه
نتاشا : لا لا متعطيهش ليها هاديك راه حمقة تقدر دير اي حاجة هههه
انا : صافي صافي بلاش ندمتونا انا بغيت نخرج من هنا
امين: راه طبيب قال تقدري تخرجي ليوم
انا: مزيان اصلان مكنحملش صبيطارات اوف
فهد:(قرب عند ودني) حبيبة ليوم رتاحي مزيان حيت غدا عندي ليك واحد المفاجئة
انا: اوف مكنحملش المفاجأت غير قول ليا دابا عفاك
فهد: ههه اوي مابقاتش مفاجئة الي قلتها ليك غير صبري حتال غدا كنبغيك (وباسني فمي قدام الناس ولد لحرام حشمني )
منبعد ماخرجت من صبيطار نتاشا ومريم مشاو معايا لدار مابغاوش اخليوني بوحدي حتي نبرا ههه دوزنا نهار فالضحك وتقشاب ولله الي هاد الناس كيقتلوني بضرافات ديالهوم
مريم: فين ساهية ازين
نتاشا: كتفكر فحبيب القلب
انا: هههه هاد لمرة جبتيها لسقة قبيلة قال ليا عندو ليا مفاجئة ضرني راسي بغيت نعرف اشناهيا
نتاشا ؛ فرشتيه اصاحبتي هههه
مريم : حتي انا قالها ليا
انا: واش عرفتي اشناهيا قولي قولي
مريم: لا لا معرفتش اشناهيا غير قال ليا عندو مفاجئة وبغانا كلنا نحضرو ...انا : اه..مريم : اوي نوضي تنعسي باش ترتاحي
انا: اوكي (مشيت نعست حيت كنت عيانا بزااف مافقت حتال ديك 1 كلشي باقي ناعس فيقتهوم فطرنا جلسنا كنهضرو)
مريم : مهم انا غانمشي دابا توحشت وائل من لبارح ماشفتو و ماتصلش بيا تهنا مني ههه
انا: هههه وائل حمق
مريم:ههههه ماكينش بحالو ماتصوريش شحال كنبغيه
نتاشا؛راعيو شوية راه انا باقي سيليباتير حشوما عليكم
انا: ههههه مسكينة ههههه
مريم : مهم لعشية نتلاقاو بسلامة (ومشات )
انا: زيدي زيدي ختاري ليا شي كسوة علي دوقك نلبسها ههه
نتاشا: ايه هيا للولة سيري دوشي بعدا و انا غنقلب ليك علي شي حاجة
انا:اوكي حبيبة (مشيت دوشت ونشفت شعري )
نتاشا : شوفي احبيبة هاد لكسيوة واعرة عجباتني زوينة ياك
انا : وي الي عجباتك لبسيها
نتاشا: اوف لا عجباتني فيك نتي غادي تجي معاك زوينة اجي نصايب ليك شعرك (صايبات ليا شعري بوكلي دارت مكياج خفيف و عكر حمر لبست كسيوة حد ركبة مزيرة شوية حمرة طالون كحل اكسيسوارات كحلين هي لبسات كسوة كحلة طويلة و طالون فدهبي اكسيسوارات فالدهبي طلقات شعرها سامبل وصلات لوقت دازت لينا مريم ومشينا لواحد ريسطو واعرة باينا فيها غالية هاد لحمق كرا ريسطو علي قدها باش إدير فيها حفلة مافيهاش بزاف ديال الناس غير لي كيعرف بقيت كنقلب بعيني حتي بان ليا زين ديالي جاي عندي بوقوص كيف ديما لابس كوستيم كحل جاه كيحمق وصل عندي وباس ليا يدي بجوج (تقول انا جداه هههه)
فهد : حبيبة جيتي كتحمقي كيف ديما
انا: 😗حتي انت
دوزنا الحفلة ضحكنا ونشطنا حتي قرب كلشي امشي فحالو وهو انطق فهد
فهد : انا جمعتكوم ليوم حيت هدا اسعد يوم فحياتي وبغيتكوم تشاركو معايا فرحتي ( جا حدايا و تحني علا رجليه و جبد خاتم
فهد: كايت واش تقبلي تزوجي بيا
(صدمة تلاثية الأبعاد)... تصدمت من لقرار لي خدا فهد معرفت باش نجاوب امين ملي سمع اش قال فهد تصدم كتر مني معرف باش تبلي كان هاز واحد لكاس فيديه وبصدمة طلقو طاح فالارض وتهرس حتي كلشي شاف فيه بقيت كنشوف فيه انا وفهد حتي خرج من الريسطو كلشي تصدم من تصرف لي دار امين
انا: فهد انا واحد شوية ونرجع نمشي نشوف امين مالو(ماتسنيتش لجواب ديالو مشيت كنجري لحقت علي امين)
انا: امين امين تسنا
امين: صافي ارباب حبسي هاد لعب منقدرش نخدل صاحبي كتر من هاكا
انا : امين بلا متزيد فيه انا غادي نكمل داكشي لي بديت
امين : لا نتي ماغادي تكملي والو صافي صافي انا مصحابش ليا غادي يبغيك قد هاكا صافي نساي علاش انتي هنا وكملي حياتك معاه عادي انا غادي نشوف كيندير نتصرف فهاد المشكيل
انا: ههه ضحكتيني ديك ساعة تصرف شحال هادا ماشي حتي دخلني فهادشي وتقول ليا صافي نساي انا ماغاديش نسا حتي نوصل لداكشي لبغيت
امين: حتي انا ماغاديش نسكت انا غادي نمشي عند فهد و نقول ليه الحقيقة وفينما بغات توصل توصل
انا: واش صحاب ليك الي قلتي ليه الحقيقة غادي نعيشو هانين هههه عاد غادي تزاد مشاكيل دير عقلك فراسك وفكر مزيان قبل مادير شي حاجة تندم عليها و انا ماغاديش نتخلا عليهم علي قبل سعادة ديالي فهد مع الوقت غادي انساني والكن الي درنا شي خطوة ماشي هيا هديك هداك زفت غادي يقتل جيهان وكارولين وماشي بعيد اقتلني انا وياك وانا مايمكنش ليا نتسبب فالموت ديال شي حد والي درت هاكا معمرني نعيش مرتاحة حياتي كاملة واصلان الي كان فهد مكتاب ليا واخا إوقع لي وقع غادي اكون ليا و نكون ليه انا تبعا القدر ديالي حتي نشوف فين غادي نوصل ولي مكتاب ليا غادي نشوفو
امين: متصوريش شحال قلبي كيتقطع ملي كنشوفو فرحان معاك وانا عارف هاد لفرحة ماغاديش تكمل
انا: الي انت قلبك كيتقطع مرة انا قلبي كيتقطع 100 مرة ولكن معندي مندير غير نسلم امري لله
فهد: ياك لباس نتوما ماعجبتونيش اش عندكوم
اناو امين : (الصمت )
فهد : كايت واش عندك شي موشكيل
امين: فهد بغيت....
انا: بغا إقول ليك واش متسرعتيش فهاد القرار لي خديتي انت متتعرف عليا والو وبغيتي تزوج بيا زعما واش متأكد منهادشي لي كادير
فهد: كايت انا معمرني مكنت متأكد من شي حاجة بحال ليوم الا الي مكنتيش نتي موافقة تزوجي بيا
انا: لا ماشي مموافقاش غير ..
فهد : ماكين لا غير ولا ماغير بغيت جواب واحد اه ولا لا انا: اه
فهد :(عنقني بجهد) انا ليوم اسعد واحد فالعالم (لبسني لخاتم كملنا الحفلة كلشي ناشط انا ديرة ضحكة ديال بزز كون كنت فضروف حسن من هادي كان غيكون هاد نهار اسعد يوم فحياتي للاسف رجل لي كنبغي حدايا ولكن مقدراش نفرح بيه )
وائل: هي هوو فين ساهية
انا: والو انا معاكم ههه
نتاشا : الفرحة هاديك ههههه
فهد: خليو عليكوم حبيبة ديالي
وائل: ههه كايت لقيتي ليبقا يدافع عليك
انا: ههه ياكما بقا فيك الحال انت
وائل: لا لا سعداتكم ببعضياتكم
سالات الحفلة كلشي مشا فحالو ياله بغيت نمشي حتي انا
فهد: كايت فين غاتمشي دابا
انا: غادية لدار
فهد: والكن راه مشا لحال غاتمشي بوحدك فهاد الوقت
انا: اوي ياله معايا
فهد : لا ياله معايا انتي هاد المرة انا ديما كنجي عندك دابا نوبتك
انا: فين غانمشي معاك
فهد: لدار
انا: اشمن دار
فهد: دار ديالي
انا : دارك دارك
فهد : وي مالها كيجاتك واش مابغيتيش تمشي تشوفي دارك
انا: ( ويلي زعما بهاد سهولة غادي ندخل لدارو مايمكنش ) واخا ماشي مشكيل
فهد: اوي ياله ركبي نمشيو
ركبنا فاللوطو ديالو تاجهنا لواحد لبلاصة مافيهاش ديور بزاف فيها غير الفيلات قلال وقفنا حدا واحد الفيلا غير من برا كتحمق خلي عليك من لداخل اووف كتحمق دخلنا عادي ملاحظ حتي حاجة من داكشي لي قال امين علي الحراسة والكاميرات
فهد: هادي هيا دارك كيف جاتك
انا: زوينة ولكن مابان ليا فيها لا حراس ولا خدامة
فهد: ههههه لحراس كاينين غير ماغيبانوش ليك اما لخدامة انا قلت ليك بلي هاد دار ماعمر شي واحد دخل ليها حتي من صحابي
انا:وعلاش زعما
فهد : تقدري تقولي هاد الفيلا ماشي غير كنسكن فيها اغلبية ديال لخدمة ديالي كاينة هنا بزاف ديال لحوايج مهمين بنسبة ليا كنخليهم هنا داكشي علاش معمر شي واحد دخل لهنا حيت مكنتيق فحتي حد