الجزء 5
-مايمكنش تكون الحكاية نفسها مايمكنش.. بقيت كنحرك احمد:-اشمن حكاية علاش كدوي!! مزال ماجاوبني احمد وهو يطيح قدامي..انا غوط بالجهد وحاولت نهرب وهي تشدني نفس المرا دبا وجهها تبدل..زيانت..شداتني من شعري وهي تتجر فيا:-اي طلقي مني..اش درت ليك طلقي مني! جراتني حتال واحد البيت لقيتو عامر بدراري صغار ولكن وجههم مشوهين بحالا محروقين!!شداتني الخلعة لاحتني وسطهم..بداو كيقربو ليا وانا كنغوط وكنتخبط فالارض..-بعدو مني بعدو مني.. جا مول الشاقور وجهو تبدل بزااف ولا مشوه حتى هو مافهمت والو.. شدني من شعري:-ياك طلقناك شنو جايا ديري هنا؟جبتي صحابك يقتلونا ياك؟؟هههه -لا والله بغيت غير اختي عافاك خليني نشوف اختي.. -ههه اختك ههه ضحينا بيها..ياك امي؟ قربات مني المرا وهي كتبتسم:-هههه لا اولدي انضحيو بالكبيرة!! -عافاكم خليوني نمشي..مادرنا لكم والو ما آذيناكمش.. -هههههه مادرتو لينا والو..راه بسبابكم حنا ولينا فهاد الحالة.شوفي ولادي شداتني من وجهي ودوراتني جيهة دوك الدراري الصغار.. -شوفي مزيان شفتيهم..راه بسباب الطمع ديال البشر هما فهاد الحالة.. -ولكن حنا مادرنا ليكم والو الله يخليك خلينا نمشيو.بديت كنبكي وهي كتغوط:- هادي 30سنة جا واحد الطماع علي من المدينة بحالكم..بغا يدير مشروع هنا ههه وفأرضنا وحنا مابغيناااش.وانا كنت شيخة فالدوار ماخليتوش...ناض دار لينا السم فالعين..ولد الحرام..قتل دوار كولو كولو شوه ليا ولادي..ولكن انا بقيت عايشة..عايشة وفقلبي حقد خديت خلخالي ومشيت كنجرب السحور و البخور والطلامس.ولكن توضر ليا..ودبا هانتوما بين ايدي تخلصو..اجي اولدي عباس.. قرب ليها ولدها وهي حاطة يديها على راسو:-ولدي!اليوم غتكمل القمرة.اليوم تاكمارت اسمدال خدات الضحية ديالها..واليوم غنجبدو الكنز لي غيخلينا انتاقمو...
-عافاكم غير خليونا نمشيو والله ما نآذيوكم... قرب ليا ولدها وجهو كولو مشوه وكيخلع وكيحرك وجهو بطريقة غريبة..شدني من شعري:-آاااي طلق مني.. -ههههه زوينة امي ياك.. -بعد منها.. كان هذا صوت احمد لي طايح فالارض..مشا ليه هاد المشوه وبدا كيضرب فيه حتى رجع غيب..ورجع عندي..-بعد مني المشوه بعد مني.. غوتات عليه مو باش اتبعها وطلقي وخرجو بجوج..انا بقيت كندور فعيني فالبيت وكنعيط على احمد لي فاقد الوعي..وكنشوف حدايا هاد الدراري الصغار باين فيهم المرض والعياء..ماقدرتش نشوف فيهم وجههم مشوه وكنسمع اصواتهم كيتألمو..بقيت كنحاول نسد وذني اصواتهم حمقاتني..فالليل دخل المشوه ومو وبداو كيحلو ليا الحبل..وجروني خرجوني من الدار وانا كنغوط وكنبكي..داوني وبدينا كنقربو للمقبرة وانا قلبي كيضرب..والظلام..وصلنا وسط القبور..كانت الارض عامرة بالشموع..انا كنت كنراقب..بداو كيربطوني مع واحد القبر وانا كنتركل..مشاو خلاوني:-فين غاديين خليوني نمشي!! خرجو خلاوني..وتمو راجعين جارين لاله جوهرة..حتى هي ربطوها مع واحد.القبر..وهي مغيبة.. بدا المشوه كيدير واحد الدائرة ديال الحجر..ومو بدات كتطلق شي بخور خانز..رجعات ليا الدوخة..وبدات كتقول شي كلام مامفهومش..وانا.كنكحب تخالطو ليا الدموع مع الخوف..وهي كتشوف فالقمر وانا نسمع شي صوت..صوت الخلخال..لي بدا كيتحرك فرجل لاله جوهرة..بدات كتركل بوحدها ورجليها كتحرك بحال شي رقاصة..الخلخال..كان كيضوي..جيهة المجمر ولاله جوهرة كانت كتغوط مع كل غوتة انا كنزيد.نبكي.لاله لي كانت مربوطة من ايديها مع القبر و رجليها كتجبد جيهة المجمر..بحالا غتحيد.من بلاصتها..حسيت بنسمة دافية والضباب بدا كيدور بينا...عاد عرفت ان هذا ماشي ضباب..ملي خرجات من واحد القبر..نفس البنت..بقيت كنشوف وكنترعد..قلبي غيسكت ...
ﺧﺮﺟﺎﺕ ﻧﻔﺲ ﺍﻟﺒﻨﺖ ﻟﻲ ﺩﺍﺕ ﺻﺎﻟﺢ .. ﻋﻴﻨﻴﻬﺎ ﺩﺑﺎ ﻣﺨﺘﺎﻟﻔﻴﻦ ﻛﺎﻧﺖ ﺣﺎﻧﻴﺔ ﺭﺍﺳﻬﺎ ﻭﺯﻳﻔﻬﺎ ﺍﻟﺒﻴﺾ ﻛﻴﺘﺠﺮﺟﺮ ﻓﺎﻻﺭﺽ .. ﺷﻔﺖ ﻓﺎﻟﻤﺸﻮﻩ ﻭﻣﻮ ﻟﻲ ﺑﺪﺍﻭ ﻛﻴﺰﻳﺪﻭ ﻓﺎﻟﺒﺨﻮﺭ ... ﻛﺎﻧﺖ ﺍﻟﺒﻨﺖ ( ﺗﺎﻛﻤﺎﺭﺕ ﺍﺳﻤﺪﺍﻝ ) ﻛﺘﻘﺮﺏ .. ﻭﻫﻤﺎ ﻛﻴﺰﻳﺪ ﺍﻗﻮﻟﻮ ﺷﻲ ﻛﻼﻡ ﻣﺎﻣﻔﻬﻮﻣﺶ .. ﺩﻳﺎﻝ ﺍﻟﺸﻌﻮﺩﺓ .. ﺍﻧﺎ ﻏﻴﺮ ﻛﻨﺸﻮﻑ ﻭﻗﻠﺒﻲ ﻛﻴﺘﺰﻳﺮ ﻋﻠﻴﺎ .. ﺑﺪﺍﺕ ﻛﺘﻘﺮﺏ ﻣﻨﻲ .. ﻭﺍﻧﺎ ﻛﻨﺪﻋﻲ ﺭﺑﻲ .. ﻳﺤﻔﻈﻨﻲ ﻣﻨﻬﺎ .. ﺑﺪﺍﺕ ﺍﻟﻤﺮﺍ ﻛﺘﻘﻮﻝ -: ﻳﺎ ﺗﺎﻛﻤﺎﺭﺕ ﻗﺼﺪﻧﺎﻙ ﺍﻟﻴﻮﻡ ﺗﺤﺮﺭﻱ ﻟﻴﻨﺎ ﺍﻟﻜﻨﺰ ﺍﻟﻤﺪﻓﻮﻥ .. ﺑﺪﺍﺕ ﻛﺘﺠﺪﺏ ﺑﺸﻌﺮﻫﺎ ﺍﻟﺤﺮﻳﺮﻱ .. ﻭﻏﻴﺮ ﻗﺮﺑﺎﺕ ﻣﻦ ﻻﻟﻪ ﺟﻮﻫﺮﺓ .. ﺑﺪﺍ ﺍﻟﺨﻠﺨﺎﻝ ﻛﻴﺘﺤﺮﻙ ﺑﺤﺎﻝ ﺍﻟﻠﻮﻝ .. ﻧﺎﺿﺖ ﺍﻟﻐﺒﺮﺓ ... ﻭﺍﻧﺎ ﻣﺎﺑﻘﻴﺖ ﻛﻨﺸﻮﻑ ﻭﺍﻟﻮ .. ﺧﻔﺖ ﺑﺰﺍﺍﺍﻑ ﻭﻛﻨﺤﺎﻭﻝ ﻧﻔﻚ ﺍﻳﺪﻱ .. ﺑﺪﺍﺕ ﺍﻟﺒﻨﺖ ﻛﺘﺤﻮﻝ .. ﻟﺒﻐﻠﺔ ﺍﻟﻘﺒﻮﺭ .. ﻭﻗﺮﺑﺎﺕ ﻟﻠﻘﺒﺮ ﻣﻌﺎﺵ ﻣﺮﺑﻮﻃﺔ ﻻﻟﻪ ﺟﻮﻫﺮﺓ ﻭﺑﺪﺍﺕ ﻛﺘﺤﻔﺮ ﺗﺤﻔﺮ ﻭﺗﺮﻛﻞ ﺑﺮﺟﻠﻴﻬﺎ .. ﻣﺎﻛﻨﺘﺶ ﻛﻨﺸﻮﻑ ﻣﺰﻳﺎﻥ ﻭﻟﻴﺖ ﻛﻨﻄﻠﺐ ﺭﺑﻲ ﻏﻴﺮ ﻧﺒﻘﺎﻭ ﻋﺎﻳﺸﻴﻦ .. ﻻﻟﻪ ﺟﻮﻫﺮﺓ ﻣﻮﺣﺎﻝ ﺗﻌﻴﺶ ... ﺑﻘﻴﺖ ﻛﻨﺒﻜﻲ ﻭﻧﺪﻋﻲ ﺭﺑﻲ ﻭﻧﺸﻮﻑ ﻓﺎﻟﺴﻨﺴﻠﺔ ﻟﻲ ﻓﻌﻨﻘﻲ .. ﻟﻲ ﺧﻼ ﻟﻴﺎ ﺑﺎ .. ﻏﻤﻀﺖ ﻋﻴﻨﻲ .. ﺍﻟﻰ ﺟﺎﺕ ﺍﻟﻤﻮﺕ ﻣﺮﺣﺒﺎ ﺑﻴﻬﺎ .. ﺍﻟﻤﻬﻢ ﻧﺤﻞ ﻋﻴﻨﻲ .. ﻭﻧﻠﻘﺎ ﺭﺍﺳﻲ ﻣﺎﺣﺎﺳﺔ ﺑﻮﺍﻟﻮ .. ﺳﻤﻌﺖ ﺷﻲ ﻏﻮﺍﺕ .. ﻭﺣﻠﻴﺖ ﻋﻴﻨﻲ .. ﺑﺎﻧﺖ ﻟﻴﺎ ﺑﻐﻠﺔ ﺍﻟﻘﺒﻮﺭ ﻏﺎﺩﻳﺔ ﺟﻴﻬﺔ ﺍﻟﻤﺮﺍ ﻭﺍﻟﻤﺸﻮﻩ .. ﻭﺍﻟﻤﺮﺍ ﻛﺘﺰﻳﺪ ﻓﺎﻟﺒﺨﻮﺭ . ﻭﻛﺘﻘﻮﻝ؛ - ﻛﻨﺂﻣﺮﻙ ﺗﻮﺭﻳﻨﺎ ﺑﻼﺻﺔ ﺍﻟﻜﻨﺰ .. ﻛﻨﺂﻣﺮﻙ ﺗﻮﺭﻳﻨﺎ ﺑﻼﺻﺔ ﺍﻟﻜﻨﺰ .. ﺟﺎﺕ ﺍﻟﻤﺮﺍ ﺟﻴﻬﺘﻲ ﻭﻫﻲ ﺗﺠﺒﺪﻟﻲ ﺍﻳﺪﻱ .. ﻛﺘﻘﻠﺐ ﻋﻠﻰ ﺷﻲ ﺣﺎﺟﺔ -: ﻓﻴﻦ ﻫﻲ ﺍﻟﻌﻼﻣﺔ ﻓﻴﻦ ! ؟؟؟ ﻗﺮﺏ ﻣﻨﺎ ﺍﻟﻤﺸﻮﻩ -: ﻡ ﻣﺎﻟﻚ؟ - ﻓﻴﻦ ﻫﻲ ﺍﻟﻌﻼﻣﺔ ﺍﻟﻤﺴﺨﻮﻁ . ﻓﻴﻦ؟؟ ﺑﻐﻠﺔ ﺍﻟﻘﺒﻮﺭ ﻛﺎﻧﺖ ﺟﺎﻋﺮﺓ ﻭﻛﺘﺮﻛﻞ .. -ﻣﺎﻋﻨﺪﻫﺎﺵ ﺍﻟﻌﻼﻣﺔ ! ؟ﻛﻴﻔﺎﺵ ﻣﺎﺭﺩﻳﺘﺶ ﺍﻟﺒﺎﻝ !! ﺧﺎﺻﺎﻧﺎ ﻋﻼﻣﺔ ! ﺍﻧﺎ . ﺑﻘﻴﺖ ﻛﻨﻔﻠﺖ ﺍﻳﺪﻱ ﻣﻨﻬﻢ .. ﺍﻟﻤﺮﺍ ﺑﻌﺪﺍﺕ ﻣﻨﻲ ﻭﻗﺮﺑﺎﺕ ﻟﻠﺒﻐﻠﺔ ﻭﻫﻲ ﻛﺘﻤﺴﻜﻦ -: ﻳﺎﺑﻐﻠﺔ ﺍﻟﻘﺒﻮﺭ .. ﻗﺒﻠﻲ ﻣﻨﺎ ﺍﻟﻔﺘﻮﺡ ﺑﻼ ﻋﻼﻣﺔ ... ﻭﻋﺎﺩﻣﺎ ﺟﻌﺮﺍﺕ ﻭﻛﺘﺮﻛﻞ .. ﻭﻛﻨﺴﻤﻌﻮ ﺷﻲ ﻏﻮﺍﺕ ﻭﺷﻲ ﺍﺻﻮﺍﺕ ﺧﺎﻳﺒﻴﻴﻴﻴﻴﻦ ﻭﺍﻧﺎ ﻛﻨﻘﺮﺍ ﺍﻳﺔ ﺍﻟﻜﺮﺳﻲ ﻫﻲ ﻟﻲ ﺑﻘﺎﺕ ﻓﺒﺎﻟﻲ .. ﻭﻛﻨﺘﺴﻨﻰ ﺍﻟﻤﺼﻴﺮ ﺩﻳﺎﻟﻲ .. ﺍﻟﺒﻐﻠﺔ ﺭﻛﻼﺕ ﻣﺮﺓ ﺍﺧﻴﺮﺓ .. ﺿﺮﺑﺎﺕ ﺍﻟﻤﺮﺍ ﻓﻮﺟﻬﻬﺎ ﻫﻲ ﻭﺍﻟﻤﺸﻮﻩ ﻃﻴﺤﺎﺗﻬﻢ ﺣﺪﺍ ﺭﺟﻠﻲ .. ﻭﺍﻧﺎ ﻧﺸﻮﻑ ﻭﺟﻬﻬﻢ ﻛﻠﻮ ﺩﻡ ﺧﺎﺭﺝ ﻣﻦ ﻭﺫﻧﻴﻬﻢ ﻭﻓﻤﻬﻢ .. ﺑﺪﻳﺖ ﻛﻨﻐﻮﻁ ﻭﻧﺒﻌﺪﻫﻢ ﻣﻨﻲ .. ﻭﻛﻨﺘﺴﻨﻰ ﻧﻮﺑﺘﻲ .. ﺑﺪﺍﺕ ﻛﺘﺠﺮﻱ ﺩﻭﺭ ﻋﻠﻴﻨﺎ ... ﻭﻫﻲ ﺗﺪﺧﻞ ﻟﻮﺍﺣﺪ ﻣﻦ ﺍﻟﻘﺒﻮﺭ .. ﺍﺧﺮ ﺷﻮﻓﺔ ﺷﺎﻓﺖ ﻓﻴﺎ .. ﻗﺒﻞ ﻣﺎﺗﺤﻮﻝ ﻟﺼﻔﺔ ﺍﻧﺴﺎﻥ .. ﺿﺤﻜﺎﺕ ﻟﻴﺎ ﺿﺤﻜﺔ ﺳﺎﺣﺮﺓ .. ﻭﻫﻲ ﺗﻨﻔﺦ ﻓﺎﻟﻘﺒﺮ ﻭﺩﺧﻼﺕ ﻟﻴﻪ .. ﺳﺎﻻ ﻛﻮﻟﺸﻲ .. ﻭﺍﻧﺎ ﻛﻨﺸﻮﻑ ﺍﻟﺪﻧﻴﺎ ﻗﺪﺍﻣﻲ ﺧﻮﺍﺕ .. ﺳﻤﻌﺖ ﺷﻲ ﺧﻄﻮﺍﺕ ﻗﺮﺍﺏ ﻣﻨﻲ ﻭﺍﻧﺎ ﻧﺘﺨﻠﻊ .. ﺗﺼﺪﻣﺖ ﻓﺎﺵ ﻟﻘﻴﺘﻮ ﺍﺣﻤﺪ . ﺷﺎﺩ ﺭﺍﺳﻮ ﻭﺟﺎﻱ ﻋﻨﺪﻧﺎ .. -ﻋﺎﺍﺍﻭﻧﻲ ﺍﺣﻤﺪ .. ﺑﻘﺎ ﻛﻴﺤﺎﻭﻝ ﺍﻓﻚ ﻟﻴﺎ ﺍﻳﺪﻱ .. ﻣﻠﻲ ﻓﻜﻬﺎ ﻗﺮﺑﺖ ﻻﻟﻪ ﺟﻮﻫﺮﺓ ﻭﻟﻜﻦ ﻛﺎﻧﺖ ﻏﺎﻳﺒﺔ ﻋﻦ ﺍﻟﻮﻋﻲ .. ﺭﺟﻠﻴﻬﺎ ﻛﺎﻧﻮ ﻣﺠﺮﻭﺣﻴﻦ ﺑﺰﺯﺍﺍﺍﻑ . - ﺍﺣﻤﺪ ﻋﺎﻓﺎﻙ . ﺷﻮﻑ ﻭﺍﺵ ﻣﺰﺍﻝ ﻛﺘﻨﻔﺲ .. - ﺍﻩ ﻛﺘﻨﻔﺲ .. ﻋﺎﻭﻧﻴﻨﻲ ﻧﻔﻜﻮ ﻟﻴﻬﺎ ﺍﻳﺪﻳﻬﺎ .. ﺑﻘﻴﻨﺎ ﻛﻨﻬﺰﻭ ﻓﻴﻬﺎ .. ﻭﻟﻜﻦ ﻣﺎﻗﺪﺭﻧﺎﺵ ... ﺣﺎﻭﻝ ﺍﺣﻤﺪ ﺍﻫﺰﻫﺎ ﺭﻏﻢ ﺍﻻﺻﺎﺑﺔ ﺩﻳﺎﻟﻮ ﺑﻘﻴﻨﺎ ﻏﺎﺩﻳﻴﻦ ﻓﺎﻟﻈﻼﻡ .. ﻭﺍﻧﺎ ﻗﻠﺒﻲ ﻣﻊ ﺍﺧﺘﻲ .. ﻓﻘﺪﺕ ﺍﻻﻣﻞ .. ﻭﺻﻠﻨﺎ ﻟﻄﺮﻳﻖ ﺍﻟﺪﺍﺭ .. ﻭﺍﻧﺎ ﻧﺤﺲ ﺑﻘﻠﺒﻲ .. ﺑﺎﻏﻲ ﻳﺮﺟﻊ .. ﻧﻘﻠﺐ ﻋﻠﻰ ﺍﺧﺘﻲ ﻓﻲ ﺩﻳﻚ ﺍﻟﺪﺍﺭ ﻏﻴﺮ ﺩﺭﺕ ﻭﺍﻧﺎ ﻧﺴﻤﻊ ﺷﻲ ﺣﺎﺣﺔ ﺗﻔﺮﻗﻌﺎﺕ .. ﺣﻄﻴﺖ ﺍﻳﺪﻱ ﻋﻠﻰ ﻓﻤﻲ ﻭﻛﻴﺒﺎﻥ ﻟﻴﺖ ﺍﻟﺪﻭﺍﺭ ﻛﻮﻟﻮ ﺷﺎﻋﻠﺔ ﻓﻴﻪ ﺍﻟﻌﺎﻓﻴﺔ . ﺑﻘﻴﺖ ﻛﻨﻐﻮﻁ ﻭﻧﻨﺪﺏ -.. ﺍﺧﺘﻴﻴﻴﻲﻳﻴﻴﻴﻲ .. ﻣﺸﺎﺍﺕ ... ﺍﺣﻤﺪ ﺣﻂ ﻻﻟﻪ ﺟﻮﻫﺮﺓ ﻭﺑﺪﺍ ﻛﻴﻬﺪﻥ ﻓﻴﺎ -.. ﺻﺎﻓﻲ ﺻﺒﺮﻱ .. ﻫﺎﺩﺷﻲ ﻣﻜﺘﺎﺏ ﻋﻠﻴﻚ ... - ﻣﻨﻘﺪﺭﺵ . ﺍﺧﺘﻲ ﻣﺴﻜﻴﻨﺔ ﺍﻣﺎﻧﺔ ﻓﻌﻨﻘﻲ .... ﻛﻴﻔﺎﺵ ﻧﻘﺪﺭ ﻧﺮﺟﻊ ﻟﻠﺪﺍﺭ ﻣﻦ ﻏﻴﺮ ﻣﺎﺗﻜﻮﻥ ﻣﻌﺎﻳﺎ ... ﺍﻟﻠﻪ ﻳﺎﺭﺑﻲ ﺗﺼﺒﺮﻧﻲ ﺍﺵ ﻏﻨﻘﻮﻝ ﻟﻤﻲ ﺍﺵ ... ﻃﺤﺖ ﻓﺎﻻﺭﺽ ﻭﻛﻨﺒﻜﻲ .. ﻭﺗﻔﻜﺮﺕ ﻛﺎﻉ ﺍﻟﻠﺤﻈﺎﺕ ﻟﻲ ﺟﻤﻌﺎﺗﻨﺎ ﺑﺠﻮﺝ ﺗﻔﻜﺮﺕ ﺍﺑﺘﺴﺎﻣﺘﻬﺎ .. ﺿﺤﻜﺖﻫﺎ ﺍﻟﻌﻔﻮﻳﺔ .. ﺗﻔﻤﺮﺕ ﻓﺎﺵ ﻛﺘﺒﺪﺍ ﺗﻐﻨﻲ ﻟﻴﻨﺎ ﻓﺎﻟﺪﺍﺭ ﻛﺘﻘﻮﻝ ﺑﺎﻏﺔ ﺗﻜﻮﻥ ﺑﺤﺎﻝ ﻻﻟﻪ ﺟﻮﻫﺮﺓ ﻭﺍﻧﺎ ﻛﻨﻀﺮﺑﻬﺎ .. ﺗﻔﻜﺮﺕ ﺍﻳﺎﻣﻨﺎ .. ﻭﺍﻧﺎ ﻛﻨﺘﺤﺴﺮ ﺣﻴﺚ ﻣﺎﺩﺭﺗﺶ ﺟﻬﺪﻱ ﻧﺮﺟﻌﻬﺎ .. ﺑﺰﺯ ﺑﺎﺵ ﻗﺪﺭ ﺍﺣﻤﺪ ﺍﺭﺟﻌﻨﻲ ﻟﻠﺪﺍﺭ .. ﻭﺻﻠﻨﺎ ﻟﻠﺪﺍﺭ ﻏﻴﺮ ﺣﻠﻴﺖ ﺍﻟﺒﺎﺏ ﻭﻫﻲ ﺗﺒﺎﻥ ﻗﺪﺍﻣﻲ .. ﺍﺧﺘﻲ ﻧﺎﻋﺴﺔ ﻓﺎﻟﺼﺎﺑﻮﻥ ﻭﺍﺵ ﺍﻧﺎ ﺑﺼﺎﺡ ﻛﻨﺸﻮﻓﻬﺎ ﻭﻻ ﻛﻨﺤﻠﻢ .. ﻗﺮﺑﺘﻠﻴﻬﺎ ﻭﺍﻧﺎ ﻛﻨﺘﺮﻋﺪ ... ﺍﻣﻜﻦ ﺩﺍﻛﺸﻲ ﻟﻲ ﻋﺸﺘﻮ ﺃﺛﺮ ﻟﻴﺎ ﻋﻠﻰ ﻋﻘﻠﻲ .. ﻛﺎﻧﺖ ﻧﺎﻋﺴﺔ ﻛﻴﻒ ﺍﻟﻤﻼﻙ ...
هزيتها بين ايدي وانا كنبوسها ونعنقها..باش نحسس قلبي انها اختي بصاح.بدات كتفيق وغير شافتني بدات تتبكي.. -اختي حبيبتي سمحيليا اختي.. -يالله نمشيو لدانا...بغيت ماما.. -غنمشيو غنمشيو شششش.. بزز باش نعست اختي...لاله جوهرة..فاقت ولكن كولها كترعد...تاصلنا بالشيفور ايجي ايدينا فالصباح..الغريب ان لاله ماكانتش كتقدر تحرك رجليها..عقمتها ليها.. في الصباح فقت بكري..واخا مانعستش اصلا..بقا ضارني فراسي شنو وقع البارح..ودوك الولاد..خرجت وانا مترددة في هاد الخطوة ولكن لي داز عليا خلاني قوية.وصلت الطريق منين كيبان الدوار وهنا كانت الصدمة..ماكاين حتى أثر للدوار بحالا عمرو ماكان ماصدقتش عيني..رجعت للدار بالجرا.فيقت احمد وقلت ليه شنو شفت..قالي نسا داكشي..ونحاول نبدا حياتي...جا الشيفور..باش ايدينا.ودعنا احمد..وركبت انا واختي ولاله جوهرة لس بقات ساكتة ملي وقع داكشي...الطريق كلهاوقلبي مقبوووط فاش دزنا من نفس الطريق البلاصة فين لقينا الخلخال..سمعت لاله جوهرة كتغوط:-وقفووو وقفووو.. -اش كاين الاله جوهرة مالك؟ مدات ليا شي حاجة..الخلخال..شديتو منها وانا كنترعد:-رجعيه لبلاصتو!! -ولكن الاله.. -قلت ليك رجعيه صاافي... خرجت من السيارة..قربت لبلاصة فين لقيتو حدا واحد.الصخرة خفرت حفرة صغيرة ودفنتو..-بسلامة الخلخال الملعون..رجعت للسيارة ورجعنا للمدينة.. غير حطاتني السيارة حدا دارنا دخلت كنجري انا واختي ترمينا في حضن ماما كانت مسكينة كتصلي العصر..وبدينا كنبكيو وكنعاودو ليها وهي مسكينة كنصبر فينا..حاولت ننسا لي وقع ونتكيف مع حياتي..ولكن ماكنقدرش مزال بزاف ديال الصور في بالي..فالليل مشيت نعس فبيتي..اما اختي ولات كتنعس حدا ماما..لبست كسوة قصيرة وانل نتكا ننعس..غمضت عيني حسيت بالبرد وانا نجبد الغطا وتغطيت شوية.
ﻓﺎﻟﻠﻴﻞ ﻣﺸﻴﺖ ﻧﻌﺲ ﻓﺒﻴﺘﻲ .. ﺍﻣﺎ ﺍﺧﺘﻲ ﻭﻻﺕ ﻛﺘﻨﻌﺲ ﺣﺪﺍ ﻣﺎﻣﺎ .. ﻟﺒﺴﺖ ﻛﺴﻮﺓ ﻗﺼﻴﺮﺓ ﻭﺍﻧﺎ ﻧﺘﻜﺎ ﻧﻨﻌﺲ .. ﻏﻤﻀﺖ ﻋﻴﻨﻲ ﺣﺴﻴﺖ ﺑﺎﻟﺒﺮﺩ ﻭﺍﻧﺎ ﻧﺠﺒﺪ ﺍﻟﻐﻄﺎ ﻭﺗﻐﻄﻴﺖ .. ﺷﻮﻳﺔ ﻛﻨﺤﺲ ﺑﺎﻟﻤﺎﻧﻄﺔ ﻛﺘﺤﻴﺪ ﻓﻮﻕ ﻣﻨﻲ .. ﻓﺎﻻﻭﻝ ﺍﺻﺤﺎﺑﻠﻲ ﻏﻴﺮ ﺍﻟﺒﺮﺩ .. ﻛﻨﺖ ﻛﻨﺤﺎﻭﻝ ﻧﻌﺲ ﻭﺍﻧﺎ ﻧﺠﺮ ﺍﻟﻤﺎﻧﻄﺔ ﺭﺩﻳﺘﻬﺎ ﻋﻠﻴﺎ .. ﺷﻮﻳﺔ ﻛﻨﺤﺲ ﺑﺸﻲ ﺣﺪ ﻛﺘﻘﻴﺴﻨﻲ ﻟﻮﺟﻬﻲ .. ﺍﺑﺘﺎﺳﻤﺖ ﺣﻴﺚ ﺍﻛﻴﺪ ﻣﺎﻣﺎ ﻫﻲ ﻟﻲ ﻛﺘﻘﻴﺴﻨﻲ ﺣﻠﻴﺖ ﻋﻴﻨﻲ -: ﻣﺎﻣﺎ ... ﺍﻥﺕ ﻫﻨﺎ؟ ﺷﻌﻠﺖ ﺍﻟﻀﻮﺀ ﺣﺪﺍﻳﺎ ﻣﺎﻟﻘﻴﺖ ﺣﺪ . ﻓﺎﻟﻐﺮﻓﺔ ﺍﻛﻴﺪ ﺍﻧﺎ ﻏﻴﺮ ﻛﻨﺘﺨﺎﻳﻞ .. ﺭﺟﻌﺖ ﻧﻌﺴﺖ .. ﺣﻠﻤﺖ ﺷﻲ ﺍﺣﻼﻡ ﻣﺰﻋﺠﺔ .. ﻭﺍﻧﺎ ﻧﻔﻴﻖ ﻣﻔﺰﻭﻭﻋﺔ ﺷﻔﺖ ﺍﻟﺴﺎﻋﺔ ﻛﺎﻧﺖ 2 ﺩﻳﺎﻝ ﺍﻟﻠﻴﻞ .. ﺣﺎﻭﻟﺖ ﻧﺮﺟﻊ ﻧﻨﻌﺲ .. ﻏﻴﺮ ﻏﻤﻀﺖ ﻋﻴﻨﻲ ﺑﺪﺍﺕ ﺍﻟﻤﺎﻧﻄﺔ ﻛﺘﺤﺮﻙ ﻓﻮﻕ ﻣﻨﻲ ﻭﺷﻲ ﺣﺎﺟﺔ ﺛﻘﻴﻠﺔ ﻛﺘﺤﻂ ﻋﻠﻴﺎ .. ﺑﻐﻴﺖ ﻧﺘﺤﺮﻙ ﻭﻟﻜﻦ ﻣﺎﻗﺪﺭﺗﺶ .. ﺑﻐﻴﺖ ﻧﺪﻭﺭ ﻧﺸﻮﻑ ﻭﻟﻜﻦ ﺟﺴﻤﻲ ﺗﺴﻤﺮ ﺑﻼﺻﺘﻮ ﻛﻨﺘﻨﻔﺲ ﺑﺼﻌﻮﺑﺔ .. ﺣﺴﻴﺖ ﺑﺎﻟﺒﺮﻭﺩﺓ ﻭﺍﻟﺨﻮﻑ .. ﻗﺎﻭﻣﺖ ﺑﺎﺵ ﻧﺪﻭﺭ ﻭﻟﻜﻦ ﺩﺍﻛﺸﻲ ﺗﺤﻂ ﻋﻠﻰ ﻋﻨﻘﻲ ﺗﺨﻨﻘﺖ ﻭﺍﻟﺼﻮﺕ ﻣﺎ ﺑﻘﺎﺵ ﻛﻴﻄﻠﻊ ﻟﻴﺎ .. ﺑﻘﻴﺖ ﻛﻨﻐﻮﻁ ﻭﻟﻜﻦ ﺣﺪ ﻣﺎﺟﺎ ﻳﻌﺎﻭﻧﻲ ﺑﺪﻳﺖ ﻛﻨﻘﺮﺍ ﺍﻳﺔ ﺍﻟﻜﺮﺳﻲ ﺣﺘﻰ ﺧﻒ ﺩﺍﻛﺸﻲ ﻭﻣﺸﺎ .. ﺑﻘﻴﺖ ﻛﻨﺪﻋﻲ ﺍﻟﻠﻪ ﺣﺘﻰ ﺩﺍﻧﻲ ﻧﻌﺎﺱ .. ﺍﻟﻐﺪ ﻟﻴﻪ ﻋﺎﻭﺩﺕ ﻟﻤﺎﻣﺎ ﺩﺍﻛﺸﻲ ﻟﻲ ﻭﻗﻌﻠﻲ ﻗﺎﻟﺖ ﻟﻲ ﻏﻴﺮ ﺑﻮﻏﻄﺎﻁ ﻫﺬﺍﻙ .. ﺍﺧﺘﻲ ﺍﻟﻴﻮﻡ ﻣﺰﺍﻝ ﻣﺼﺪﻭﻣﺔ .. ﺣﺎﻭﻟﺖ ﻧﻬﻀﺮ ﻣﻌﺎﻫﺎ ﻳﺎﻟﻠﻪ ﻗﺎﻟﺘﻠﻲ ﺑﻠﻲ ﺩﻳﻚ ﻓﺎﻃﻢ ﻫﻲ ﻟﻲ ﻫﺮﺑﺎﺗﻬﺎ ﻣﻦ ﺍﻟﺪﺍﺭ ﻭﺑﻘﺎﺕ ﻛﺘﻘﻠﺐ ﺣﺘﻰ ﻟﻘﺎﺕ ﻃﺮﻳﻖ ﺍﻟﺮﺟﻮﻉ .. ﺧﻠﻴﺘﻬﺎ ﻧﺎﻋﺴﺔ ﻭﻣﺸﻴﺖ ﻧﻄﻤﺌﻦ ﻋﻠﻰ ﻻﻟﻪ ﺟﻮﻫﺮﺓ .. ﻭﺻﻠﺖ ﻟﻠﻔﻴﻼ ﻭﻟﻘﻴﺖ ﺍﻻﺳﻌﺎﻑ .. ﻭﻣﺸﻴﺖ ﻛﻨﺠﺮﻱ ﻋﻨﺪ ﺍﻟﺨﺪﺍﻣﺔ -: ﺍﺵ ﻭﺍﻗﻊ ﻫﻨﺎ؟ﻣﺎﻝ ﻻﻟﻪ؟ - ﺭﺍﻩ ﻣﻦ ﺍﻟﺒﺎﺭﺡ ﻭﺭﺟﻠﻴﻬﺎ ﻛﻀﺮﻫﺎ .. ﻣﺸﻴﻨﺎ ﻟﻠﺼﺒﻴﻄﺎﺭ ﻭﻟﻜﻦ ﻫﻲ ﻣﺎ ﺑﻐﺎﺗﺶ ﺗﺒﻘﺎ ﻟﻴﻨﺎ ﻭﺭﺟﻌﺘﻬﺎ ﻟﻠﺪﺍﺭ ﻭﻟﻜﻦ ﺳﺨﻔﺎﺕ ﻟﻴﻨﺎ ... - ﻭﺍﺧﺎ ﺍﻧﺎ ﻏﻨﻤﺸﻲ ﻣﻌﺎﻫﺎ ﺩﺑﺎ ﺑﻘﺎﻱ ﻓﺎﻟﺪﺍﺭ .. ﻣﺸﻴﺖ ﻟﻠﺴﺒﻴﻄﺎﺭ ﻣﻊ ﻻﻟﻪ ﺟﻮﻫﺮﺓ ﺩﺧﻠﻮﻫﺎ ﻭﺑﻘﻴﺖ ﻛﻨﺘﺴﻨﻰ ﺧﺮﺝ ﻃﺒﻴﺐ ﻭﻋﻠﻰ ﻭﺟﻬﻮ ﻋﻼﻣﺎﺕ ﺍﻻﺳﻰ -: ﺳﻲ ﺍﻟﻄﺒﻴﺐ ﺷﻨﻮ ﻭﺍﻗﻊ ﻣﺎﻟﻬﺎ؟ - ﻋﻼﺵ ﻣﺎﺧﻠﻴﺘﻮﻋﺎﺵ ﻓﺎﻟﺴﺒﻴﻄﺎﺭ ﺣﺘﻰ ﻭﺻﻼﺕ ﻟﻬﺎﺩ ﺍﻟﺤﺎﻟﺔ .. ﺭﺍﻩ ﺭﺟﻠﻴﻬﺎ ﺗﻌﻔﻨﺎﺕ ﻭﺧﺘﺼﻨﺎ ﻧﺪﻳﺮﻭ ﻟﻴﻬﺎ ﻋﻤﻠﻴﺔ .. -ﻳﺎﻙ ﻏﺎﺩﻱ ﺗﻮﻟﻲ - ﺻﺮﺍﺣﺔ ﻣﺎﻧﻈﻤﻨﺶ ﻟﻴﻚ ﺣﺎﻟﺘﻬﺎ ﺻﻌﻴﺒﺔ ﺗﻘﺪﺭ ﺗﻔﻘﺪ ﺍﻻﺣﺴﺎﺱ ﺑﺮﺟﻠﻴﻬﺎ .. ﺍﻧﺎ ﺳﻤﻌﺖ ﺍﻟﻜﻠﻤﺔ ﺍﻻﺧﻴﺮﺓ ﺗﺼﺪﻣﺖ .. ﺑﻘﻴﺖ ﻓﺎﻟﺴﺒﻴﻄﺎﺭ ﻭﺍﻧﺎ ﻛﻨﺪﻋﻲ ﺭﺑﻲ ﻣﺎﺗﻮﻗﻊ ﻟﻴﻬﺎ ﺗﺎ ﺣﺎﺟﺔ ﺧﺎﻳﺒﺔ ﻭﺍﺧﺎ ﻣﺎﻛﺎﻧﺘﺶ ﻛﺘﻌﺎﻣﻠﻨﻲ ﻣﺰﻳﺎﻥ ﻟﻜﻦ ﻣﺎﻧﺒﻐﻲ ﺍﻟﺸﺮ ﻟﺤﺘﻰ ﺷﻲ ﻭﺍﺣﺪ .. ﺑﻌﺪ ﺳﺎﻋﺔ ﻭﻧﺼﻒ ﺧﺮﺝ ﺍﻟﻄﺒﻴﺐ ﻣﻦ ﻏﺮﻓﺔ ﺍﻟﻌﻤﻠﻴﺎﺕ ﻭﻭﻗﻊ ﺩﺍﻛﺸﻲ ﻟﻲ ﺧﻔﻨﺎ ﻣﻨﻮ ﻻﻟﻪ ﺟﻮﻫﺮﺓ ﻓﻘﺪﺍﺕ ﺭﺟﻠﻴﻬﺎ ﺗﺸﻠﻼﺕ ﻣﺎﺑﻘﺎﺗﺶ ﺗﻘﺪﺭ ﺗﺰﻳﺪ ﺑﻬﺎ .. ﺑﻘﻴﺖ ﺍﻟﻌﺸﻴﺔ ﻛﻠﻬﺎ ﺣﺘﻰ ﺳﺎﻟﻴﻨﺎ ﺷﻲ ﺍﺟﺮﺍﺀﺍﺕ ﻭﺧﺮﺟﻨﺎﻫﺎ ﺩﻳﺘﻬﺎ ﻟﻠﺪﺍﺭ ﻭﻫﻲ ﻓﻲ ﺣﺎﻟﺔ ﻳﺮﺛﻰ ﻟﻬﺎ ﺗﺄﺳﻔﺖ ﻋﻠﻰ ﺣﺎﻟﺘﻬﺎ .. ﻭﻟﻜﻦ ﺣﺎﻟﺘﻲ ﻣﺎﻋﺎﻟﻢ ﺑﻬﺎ ﻏﻴﺮ ﺍﻟﻠﻪ .. ﺭﺟﻌﺖ ﻟﻠﺪﺍﺭ ﻣﻘﻠﻘﺔ ﻣﺎﻛﻠﻴﺖ ﻣﺎﺩﺭﺕ ﻭﺍﻟﻮ ﺗﻜﻴﺖ ﺑﻼﺻﺘﻲ ﻓﺒﻴﺘﻲ ﻭﻫﻨﺎ ﻏﻨﻌﻴﺶ ﺍﺳﻮﺀ ﻟﻴﻠﺔ ﻓﺤﻴﺎﺗﻲ .. ﻧﻌﺴﺖ ﺑﻼ ﺻﻼﺓ .. ﺿﺮﺑﺎﺗﻨﻲ ﺍﻟﻔﻴﻘﺔ ﻣﻊ 2 ﺩﻳﺎﻝ ﺍﻟﻠﻴﻞ ﺑﺤﺎﻝ ﺍﻟﺒﺎﺭﺡ ﻭﻣﺨﻨﻮﻭﻭﻗﺔ ﻭﻗﻠﺒﻲ ﻛﻴﻀﺮﺏ ﻣﺎﻋﺮﻓﺘﺶ ﺑﺎﺵ ﺣﻠﻤﺖ .. ﻭﻟﻜﻦ ﻓﻘﺖ ﻣﻔﺰﻭﻋﺔ ﻭﺭﺟﻌﺖ ﻧﻌﺴﺖ ﻭﺑﺪﺍ ﺍﻟﻐﻄﺎﺀ ﻛﻴﺘﺤﺮﻙ ﻓﻮﻕ ﻣﻨﻲ . ﻭﺍﻟﺒﺮﺩ ﻛﻴﺪﺧﻞ ﻣﻦ ﺍﻟﺸﺮﺟﻢ .. ﺑﻐﻴﺖ ﻧﻮﺽ ﻧﺴﺪﻭ .. ﻏﻴﺮ ﻃﻠﻌﺖ ﺭﺍﺳﻲ .. ﻭﺍﻧﺎ ﻧﻄﻴﺢ .. ﺍﻳﺪﻳﺎ ﺗﺰﻳﺮﻭ ﻋﻠﻴﺎ ﺷﻲ ﺣﺎﺟﺔ ﺛﻘﻴﻠﺔ ﺗﺤﻄﺎﺕ ﻋﻠﻴﺎ .. ﺑﻘﻴﺖ ﻛﻨﻌﻴﻂ ﻋﻠﻰ ﻣﺎﻣﺎ ﻭﺍﻧﺎ ﻧﺴﻤﻊ ﺻﻮﺕ ﺧﻔﻴﻒ ﻛﻴﻌﻴﻂ ﺑﺎﺳﻤﻴﺘﻲ ﻛﺎﻥ ﺻﻮﺕ ﺭﺍﺟﻞ ﺑﻘﻴﺖ ﻛﻨﻘﻮﻝ -: ﺷﻜﻮﻥ ﻫﻨﺎ !!ﻛﺎﻳﻦ ﺷﻲ ﻭﺍﺣﺪ !! ؟؟ ﺑﺪﻳﺖ ﻛﻨﻘﺎﻭﻡ ﻧﻮﺽ ﻭﻟﻜﻦ ﺍﻟﺠﻬﺪ ﻟﻲ ﻋﻨﺪﻱ ﻣﺎﻛﺎﻓﻴﺶ . ﺷﻮﻳﺔ ﺑﺪﻳﺖ ﻛﻨﺤﺮﻙ ﺭﺍﺳﻲ ﺑﻮﺣﺪﻭ ﺍﻣﺎ ﻳﺪﻱ ﻭﺭﺟﻠﻲ ﻣﺎﻛﻴﺘﺤﺮﻛﻮﺵ ﺻﺎﻓﻲ ﻛﻨﻘﻮﻝ ﺗﺸﻠﻠﺖ ﺑﺤﺎﻝ ﻻﻟﻪ ﺟﻮﻫﺮﺓ .. ﻭﺍﻧﺎ ﻛﻨﺤﺎﻭﻝ ﻧﻮﻗﻒ .. ﺑﺪﺍﺕ ﺍﻟﻜﺴﻮﺓ ﻛﺘﻄﻠﻊ ﺑﻮﺣﺪﻫﺎ ﻓﻮﻕ ﺭﺟﻠﻲ .. ﺣﻠﻴﺖ ﻋﻴﻨﻲ ﻣﺼﺪﻭﻣﺔ ﻣﻦ ﻫﺎﺩﺷﻲ ... ﻭﻛﻨﺖ ﻛﻨﺴﻤﻊ ﻏﻴﺮ ﺻﻮﺕ ﺍﻟﺸﺮﺟﻢ ﻭﺍﻟﺒﺮﺩ ﻭ ﺍﻟﻔﻮﺍﺕ ﺩﻳﺎﻟﻲ .... ﺷﻮﻳﺔ ﺗﺴﺪ ﺍﻟﺸﺮﺟﻢ .. ﻭﺍﻧﺎ ﺳﻘﻠﺖ ﻛﻨﺮﺍﻗﺐ ﺷﻨﻮ ﻏﺎﺩﻱ ﻳﻮﻗﻊ .. ﺣﺴﻴﺖ ﺑﺎﻳﺪﻳﺎ ﻣﺰﻳﺮﻳﻦ ﻭﻋﻨﻘﻲ ﺑﺤﺎﻻ ﺷﻲ ﺣﺪ ﺧﺎﻧﻘﻨﻲ -.. ﺵ ﺷﺸﻜﻮﻥ ﻫﻨﺎ . ؟؟ ﻋﻼﺵ ﻛﺪﻳﺮ ﻣﻌﺎﻳﺎ ﻫﻜﺎ؟؟ ﺑﺪﺍ ﺍﻟﻈﻞ ﻛﻴﺘﺮﺳﻢ ﻓﺎﻟﺤﻴﻂ ﻟﻲ ﻗﺪﺍﻣﻲ .. ﻭﺗﺎﻛﺪﺕ ﺍﻧﻮ ﻇﻞ ﺍﻧﺴﺎﻥ .. ﻭﺭﺍﺟﻞ ﻛﺎﻳﺒﺎﻥ ﺭﺍﺳﻮ ﻭﺍﺻﻞ ﻟﻠﺴﻘﻖ .. ﺑﻘﻴﺖ ﻛﻨﺒﻜﻲ ﺑﺰﺍﺍﻑ ﻭﺟﺴﻤﻲ ﻛﻮﻟﻮ ﺗﺒﻮﺭﺵ ﻋﻠﻴﺎ ﻭﻛﻴﻘﺮﺻﻨﻲ .. ﺑﺪﺍ ﺍﻟﻈﻞ ﻛﻴﻘﺮﺏ ﻣﻨﻲ ﻭﺍﻧﺎ ﻛﻨﻐﻮﺕ ﺑﺎﺣﺮ ﺟﻬﺪ ﻋﻨﺪﻱ ﺣﺴﻴﺖ ﺑﻮﺍﺣﺪ ﺍﻟﺪﻗﺔ ﺟﺎﺗﻨﻲ ﻟﻮﺟﻬﻲ ...
يتبع....
0 Commentaires