الجزء 12
انا : مممم وعلاش انا زعما دخلت
فهد : حيت حتي انت من لحوايج المهمين لي كاينين هنا
انا: هكاك
فهد : بغيتي تاكلي شي حاجة ولا تشربي شي حاجة
انا: نو نو مغسي انا عيانة بغيت غير نعس
فهد : اوكي سيري دوشي باش ترتاحي عاد اجي تنعسي
هيا هديك دوشت ومالقيت متنلبس هههه لبست واحد قميجة ديالو جيت كنقتل بالضحك
فهد :ههعههههههه جات معاك حسن مني
انا: هه ضحكتيني
مشيت نعست فوق الناموسية وجا نعس حدايا ملقيت منقول ليه ههه
انا:فهد بغيت نسولك
فهد: اوكي سولي (ياله كنبغي نهضر كيبوسني مخلانيش نهضر)
انا:فهد صافي خليني نسولك(مابغاش ينعل الشيطان)
صافي الي بقيتي كادير هاما مابقيتش غانسولك
فهد : صافي صافي غير سولي انا غادي نجلس
انا: تلفتيني علي سؤال اه دابا انت الي شي صاحبك ضحك عليك و طعنك فضهرك وجا طلب منك سماحة تسمح ليه
فهد:(بملامح جدية) علاش هاد سؤال
انا: (بتوتر) لا لا غير حيت وقعات ليا و بغيت نسولك
فهد: انا فطبيعتي انسان ضريف ولكن ماشي متسامح وخصوصا شي واحد تفلا عليا و غدرني ماغنعقلش عليه ماكنسامح لحد داكشي علاش كينين شي وحدين فالخدمة كيقولو بلي انا وحش ماعنديش القلب هههههه هادشي لي بغيتي تعرفي
انا:(بخوف) لا انا غير واحد صاحبتي غدراتني و طلبات مني سماحة معرفتش واش نسامحها ولا لا
فهد: شوفي علي حساب الغلط لي دارت الي كان غلط بسيط غير سامحيها كاينين شي اغلاط ماشي ديال سماحة
انا: صافي غير خلينا منها دابا ماعمرك ماعوتي ليا علي راسك
فهد :اش بغيتي تعرفي عليا
انا: اي حاجة بحال واش ديجا كنتي كتبغي شي وحدة عمرك خطبتي شي وحدة
فهد: اه كنت كنبغي واحدة كانت اجمل بنت شافتها عيني بغيتها من اول مرة شفتها كانت كاتحمقني بزينها و تحرميات ديالها كانت عندها شخصية قوية واخا خوافة كانت كتبين راسها ديما قوية معمرني مابغيت شي وحدة بحال كيما كنبغيها واخا كنت بنهار مع وحدة وبليل مع وحدة ماعمر شي وحدة قدرات تجي بلاصتها
انا: وملي كتبغيها علاش متزوجتيش بيها
فهد: (تنهد) حيت ماتت
انا: اه مسكينة
فهد: كنت اناني بزاف حتي تسببت فالقتل ديالها
انا: كيفاش
فهد: بابا كان خدام مع واحد لعصابة وقع بينتهم واحد المشكيل وهرب بينا برا البلاد فالوقت لي كنت انا كنقرا فمعهد الشرطة ملي تخرجت كانت اول مهمة ليا هي نلقي لقبض علي واحد العصابة لي كان بابا شريك معاهم لقيت لقبض علي الاعضاء لكبار ومنهوم شريك بابا انا و امين كان ولدو كيهددني بلي الي مطلقتش سراح باباه غادي إنتاقم مني بطاريقتو انا ماديتش عليه قلت راه غير هضرة و صافي ولكن للاسف هو قتل عائلتي كاملة بيما فيهم حبيبتي حتي هي
انا: باقي كتبغيها
فهد : اه وغنبقا نبغيها حتي لموت
انا: مزيان سعداتها واخا ميتا لقات شي حد إبغيها حتال هاد درجة
فهد: عرفتي واحد الحاجة
انا : اش
فهد: نتي كتشبهي ليها فبزاف ديال لحوايج
انا:(دابا عاد عرفت علاش انا لي ختاروني لهاد المهمة غير حيت كنشبه لإنسانة لي كايبغي )انت انسان ممزيانش
فهد :علاش احبيبة
انا: انت درتي هادشي كولو غير حيت كنشبه ليها وكنفكرك بيها انا لي حمارة تقت فيك صحاب ليا نيت واش كتبغيني
0 Commentaires