الجزء 15

ماجا حتي نص لليل غير سمعتو درت راسي ناعسة حتي فيقني
فهد: كايت نوضي تاكلي راه 3 ايام ماكليتي والو غادي غير تمرضي راسك 
انا: مافياش جوع
فهد: صافي بلا عناد ديري ليا خاطري اخر مرة وكولي (صرحة بقا فيا عينيه فيهم الحزن تعديت عليه منهار دخلت لحياتو قلبتها ليه مسكين ميستاهلش هادشي لي درت فيه وحتي انا مانستاهلش هادشي لي دار فيا كون خلاني نشرح ليه مكناش نوصلو لهادشي بديت كاناكل وكنبكي )
فهد :شوفي هاد 3 ديال تصاور واش كتعرفي شي واحد فيهم 
انا: (هزيت راسي فيهم ) لا ماكنعرف حتي واحد ماعمرني ماشفت شي واحد فيهم (زير علي الفك ديالي )
فهد: واش كضحكي عليا ولا اش قال ليك راسك 
انا: ولله ماكنعرف شي واحد 
هز واحد تصويرة من هادوك كيوريها ليا ولاوي شعري فيدو كيزير عليبه 
فهد: واش هادا ماشي جاك ولا بغيتي تستريه خفتي علييه انا: انا ماعندي ماندير بيه علاش غادي نخاف عليه اش بيني وبينو انا مكنعرفش هادا لي فتصويرة كنحلف ليك انا اصلن انا مكنعرفش هاد جاك 2 خطرات لي شفتو وكل مرة مبدل فالشكل تاعو ماكنعرفش شكل ديالو لحقيقي 
فهد: اش هاد تخربيق كيفاش ماكتعرفيهش واش كتفلاي عليا (جعر عاوتاني وبقا كيضرب فيا ويعاود )
انا: كنحلف ليك افهد ولله مكنعرفو 
بقيت كنطلب فيه وهو عاد كيزيد فيه خرج و خلاني غارقة كلي بالدم ¤فالمستشفي 
فهد : وائل كاينة شي خبار علي امين 
وائل : دكتور كيقول لحالة ديالو كاتحسن الحمد لله كايت لباس عليها 
فهد: ماعرفت ماتسولنيش عليها عارفتي اشنو وريتها دوك تصاور قالت ليك ماكتعرف فيهم حتي حد فيهم ملي وريتها تصويرة ديال جاك قالت ليك ماكتعرفوش 2 مرات لي شافتو وكل مرة بشكل مبدل 
وائل: اوي ممكن يكون شي واحد اخر مورا هادشي كيخدم لحساب جاك هو لي كيوريها اش دير 
فهد: واش انت تيقتيها هاديك راه عارفة اش كادير غيكون غير شي قالب عاوتاني ولله مانتيق فيها
وائل:اه بعدا لبارح هضرات معايا كارولين كتسول علي امين و كايت وقالت ليوم مع 12 غادي تكون فنيويورك 
فهد:علاه شكون قاليها هادشي لي وقع
وائل : منعرف حتي مريم مافراسها والو انا قلت واش انت لي قلتيها ليها 
فهد: لا لا ماقلت ليها والو مايمكنش شكون غادي يكون قالها ليها تكون كايت زعما
وائل؛ حتي تجي و سولها راه مابقا ليها واالو و توصل
👇👇👇👇
بقاو واحد ساعة وجات كارولين كاتجري وكتبكي 
كارولين: فين هو امين اشعندو اهي اهي ياكما وقعات ليه شي حاجة 
فهد:غير تهدني اكارولين ماعندو والو دكتور قال صحتو بخير بلا ماتخلعي 
كارولين : انا بغيت نشوفو فين كاين (دخلات شافتو وبقات كتبكي ملي خرجات من عندو لقات فهد باقي جالس هو ووائل 
كارولين: فين هي كايت بغيت نشوفها 
فهد: من بعد و تشوفيها 
كارولين : عفاك انا بغيت نشوفها ضروري عفاك 
وائل : صافي ديها عندها افهد 
فهد: ماشي ليوم 
كارولين: عفاك افهد عفااك اهي اهي 
فهد : لا لا ماعندك فين تمشي دابا 
كارولين:عفاك افهد ولله الي بغيت نشوفها ضروري 
فهد: اوكي ياله معانا اوائل 
دخلات عندي كارولين لقات حالتي حالة تشفي لعدو هه جات عنقاتني وكتبكي وحتي انا عنقتها
كارولين : حبيبة سمحي ليا سمحي ليا انا سباب 
انا: كيف بقا امين واش شفتيه
كارولين : اه شفتو هو لباس داك لحمار لي دار فيك هاد الحالة اكايت انت مريضة بزاف خاصكي تمشي لصبيطار
انا: ماعليش انتي لباس مأداكش داك لكلب
كارولين : وي انا بخير حتي صاحبتك بخير شوفي انا غادي نخرجك من هنا 
انا: اه الي قدرتي خرجيني مابقيتش قادرا نتحمل هادشي كولو 
كارولين :واخا احبيبة هاني جايا رتاحي انتي واحد شوية و نرجع عندك 
وائل: صافي شفتيها كيف بقات لباس عليها 
كارولين : حشوما عليك افهد هادشي لي درتي فيها راه خاصها تمشي لصبيطار 
فهد:هي ماغاديش تخرج منهنا حتي تقول ليا داكشي لي بغيت نعرف وتوريني فين كاين جاك 
وائل؛ ماتزيدش فيه افهد لبنت راه مريضة 
كارولين :الي عطيتك لوراق ديالك والسيديات وانا لي غادي نعطيك المعلومات علي جاك بشرط عطيني كايت نديها معايا 
فهد: وعلاش هادشي كامل وكيفاش غادي ديري تجيبي هادشي كولو 
كارولين : كايت صاحبتي وعزيزة عليا انت بغيتي غير طيح علي جاك انا غادي نعاونك
فهد:تواعديني 
كارولين:راك كتعرفني كلمة وحدة انا غادي نديها معايا لعشية نجيب ليك داكشي لي بغيتي 
فهد: اوكي ديها مهم لعشية نلقا داكشي لي بغيت 
كارولين :غير تهني 
وائل:انا لي غادي نديكم 
كارولين : اوكي
ركبت انا و كارولين فالور و وائل كيسوق بينا وصلنا لدارها وائل: اوكي انا دابا غادي نخليكم 
كارولين: مغسي وائل 
وائل: بسلامة اكايت 
انا: بسلامة 
داتني كارولين دوشات ليا ولبساتني بيجامة من ديالها كليت ونعست مابغيتش نمشي لصبيطار حتي هي نعسات ملي فاقنا داتني لواحد الدار ديالها مي حتي واحد ماكيعرفها منغيرها هي وامين بقينا فيها شي اسبوع هكاك حتي بريت شوية 
كارولين:رتاحي انا عندي واحد الغاراض نقديه و نجي احبيبة 
انا: واخا (دابا غنهضر بلسان كارولين لي مشات تشوف فهد)
ماعرفت كيفاش غادي نقول ليه الحقيقة كيفاش غادي تكون ردت الفعل ديالو مهم لي ليها ليها هو خاصو يعرف شكون هيا كايت 
فهد': هيهو فين سرحتي
كارولين: امتي جيتي بعدا 
فهد: غير دابا 
كارولين : كيف بقا امين 
فهد:مزيان مامشيتيش عندو 
كارولين :لا ليوم مزال مهم هاهوما لوراق وسيديات وسمح ليا عطلتهوم عليك 
فهد:مممم منين جبتيهم بعدا 
كارولين: فهد انا بغيت نقول ليك شي هضرة والكن واعدني ماتعصبش وماتقاطعنيش حتي نسالي اوكي 
فهد :اوكي اش كاين
👇👇👇👇
جبدات واحد تصويرة مصورة فيها انا و جيهان وعادل ملي كانت عندي 15عام ورتها ليه هي وسنسلة 
فهد: (بدهشة وغضب) منين جاتك هاد تصويرة وهاد سنسلة 
كارولين : انا قلت ليك من للول ماتعصبش و ماتقاطعنيش ولا ماغادي نقول ليك والو 
فهد:صافي صافي كملي 
كارولين : هادي رباب صاحبتي 
فهد:(بجدية) لله يستر كيفاش صاحبتك واش كتفلاي عليا 
كارولين : هادي رباب صاحبتي تعرفت عليها فالمغرب فراس لعام 
فهد:(بصدمة) واش عارفة راسك اش كاتقولي هادي لي فتصويرة راه ماتت 7سنين هادي 
كارولين : داكشي لي قلت حتي انا مي ملي دخلت عندها لدارها لقيت هاد تصاور من بعد عاودات ليا بلي عائلتها كلهم ماتو ولكن هيا و صاحبتها ماماتوش حتي انا تصدمت فاللول 
فهد: شوفي هاد للعب لباسل ماعندي ماندير بيه 
كارولين : تيق فيا افهد انا كنقول ليك الحقيقة رباب باقي حية 
فهد:(بصدمة) كارولين عافاك واش كتعرفي اش كاتقولي ولا لا 
كارولين : وي انا عارفة اش كنخرج من فمي وحتي ختك جيهان حية 
فهد: (مخرج عنيه) جيهان حتي هي مايمكنش شوفي انا مابغاش يدخل ليا هادشي لراسي (زير علي لفك ديالها) بلا ماتبقاي دوخي عليا بهاد لهضرة خاوية 
كارولين : وحياة امين الي باقي حية وراه حتي امين عارف تسناه حتي يفيق وسولو 
فهد: الي كانت هاد الهضرة بصح فين هي رباب دابا 
كارولين: هي كانت حداك غير انت ماعرفتيهاش 
فهد: (مصدوم بالمعقول ) كانت حدايا كيفاش (غمض عينيه وحلهم) إلا هادي ماتقويهاش لا مايمكنش واش رباب هي كايت ماتقوليش ليا اه 
كارولين: اه للاسف كايت هي رباب 
فهد: لله ياربي لا مايمكنش اش درتي ا عادل ناري اديتها بزاف اش هاد لمكتاب واش الانسانة لي حياتي كلها وانا ندمان علي فرقها اديتها بيدي مايمكنش
(دار يديه فوق راسو وناض قلب هاديك طبلة فاش كانو قاعدين جهل قلب القهوة كاملة سفاها علي علاها و جا جر كارولين من شعرها )
فهد: فين هي دابا 
كارولين : صافي طلق مني انا ماعرفتش 
فهد: (ودموع فعينيه) عفاك اكارولين ماتزيديش عليا لي فيا كافيني قولي لي فين كاينة راه راسي غادي ينفاجر 
كارولين :انا ماعرفتهاش فين كاينة مهم هيا قالت مابغات تشوف حتي حد 
فهد: (نزل عند رجليها ) عفاك اكارولين لله يخليك انا عرفتك عارفاها فين كاينة عافاك الي مشفتهاش غادي نتصطي ولله ماقدر نتصور شحال عدبتها بغيت نشوفها واخا اخر مرة مهم نشوفها 
كارولين : انا نسولها الي بغات غادي نقول ليك فين كاينة
مشا فهد لعند وائل وهو قلبو محطم ونفسيتو مريضة 
وائل : ياك لباس اصاحبي مالك علي هاد لحالة 
فهد: (دموع مغرغرين فعينيه)لإنسانة لي عمري كولو كنتمني نشوفها وترجع ليا واخا عرفتها ميتة كنت حاس بلي شي نهار غادي نتلاقاو يافسما يا فالارض مهم غادي نشوفها ونهار لقيتها تكرفست عليها و فرط فيها تاني مرة 
وائل: اش كتخربق اصاحبي مالك عاوتاني 
فهد: رباب اوائل رباب 
وائل :لله يرحمها مالها عاوتاني 
فهد: ماماتتش رباب باقي حية 
وائل: رجوع لله اصاحبي لله يهديك ماديرش فراسك هاد الحالة 
فهد: رباب حية اوائل انا مكنخرفش عارف اش كنقول 
وائل:(بدهشة ) وفين شفتيها شكون قالها ليك 
فهد: كايت 
وائل: كايت هي لي قالتها ليك 
فهد: كايت هي رباب 
وائل(بصدمة) لله اكبر دا لي كان ناقصنا 
فهد: كنت عارف بلي قلبي ماعمرو يتفتح لشى وحدة منغير رباب ماعمرو يعشق غيرها علاش ياربي كون غير خدمت عقلي شحال من حاجة كانت كتقول بلي هي رباب غير انا لي كنت عما من جيهتها مايمكنش يكون هداك كولو شابه ولله الي طلعت حمار انا خصني نقدم استقالتي من لخدمة الي كنت البنت لي كنبغي مقدرتش نتعرف عليها غادي نطفرو مع الخدمة والمجرمين والعصابات
وائل: شتك وليتي غير كدخل وتخرج فالهضرة 
فهد: والله ماعرفت واش نفرح ولا نحزن ولا اش ندير هاني لقيتها وطلعات حية ولكن ماعمرها غادي تسامحني علي داكشي لي درت فيها كون غير تبعتك وخدمت عقلي وتحكمت فأعصابي ماكنتش نتحط فهاد الموقف قلتي ليا غادي تندم وهاني نادم علي نهار لي هزيت فيه يدي عليها
وائل: صافي اصاحبي خلي إيمانك بالله قوي ولي فيها لخير هي لي غادي تكون لي ماقادرش نفهم انا هو كيفاش وصلات هنا ومنين كتعرف امين وكارولين و اش بينها وبين جاك وهادو كاملين اشمن علاقة كتجمعهوم ولأهم واش هي عرفاتك ولا لاو علاش بدلات سميتها و ولله الي تخربقت تلفت عرام ديال الاسئلة فراسي 
فهد: انا ماهمنيش هادشي كامل همي الواحيد هو نشوفها
👇👇👇👇
رجعات كارولين لدار 
انا: فين تعطلتي اصاحبتي 
كارولين: غير عند فهد 
انا: فهد و علاش مشيتي عندو اه كيفاش قدرتي تخرجيني من عندو
كارولين: قصة طويلة انا غاندوش وناكل من بعد نجلس نعاود ليك من للول حتال الاخر 
انا: اوي سربي راه ضرني راسي 
كارولين : ههههههه ومن بعد غيضرك كتر 
مشات دوشات وكلات وانا علي اعصابي مكرهتش نوض نخلي دار بوها علي هاد التعطال ههه
كارولين: هاني ساليت 
انا: علي سلامتك واش كاديري هاكا بلعاني اه واش شفتي امين ليوم كي بقا 
كارولين : حالتو هي هي مهم خلينا دابا من هادشي انا بغيت نقول ليك واحد الهضرة ولكن خايفة 
انا: خايفة مناش خايفة 
كارولين : تقلقي مني وماتسامحينيش 
انا: لا غير قولي 
كارولين : واعديني هو للول بلي غادي تسامحيني
انا: اوكي كانواعدك غير هضري راه شوشتيني 
كارولين: اوكي عقلتي ملي كنت عندكوم فالمغرب مهم واحد النهار ماجانيش نعاس وبديت كنقلب فبيت جيهان علي شي حاجة نتلهي فيها ولقيت واحد التصاور بديت كنشوفهم لقيت بيناتهم واحد تصويرة ديالك انتي وجيهان وعادل 
انا؛ (مصدومة)انتي كاتعرفي عادل
كارولين: رباب ماتقاطعينيش حتي نسالي مهم فاللول صحاب ليا واش غير كيشبه ليه ولكن فالصباح سولت جيهان وعاودات ليا عليه وملي قالت ليا سميتو عادل تأكدت بلي هو و الطريقة باش مات عائلتو وعائلتك وحدة
فرحت بزااف حيت لقيتك حيت عادل كان كيعاود لينا عليك ملي كنت راجعا لميريكان هزيت هادوك تصاور معايا باش نوريهم ليه مشيت عند امين لدار ماكنتش عارفة بلي جاك معاه بالفرحة قلت ليه بلي رباب لي كنت معاها فالمغرب هي لي كان عادل كيبغيها وماماتتش وريتو التصاور قال ليا امين الي ساق عادل لخبار غادي تجيه سكتة قلبية بالفرحة ولكن فرحتنا ماكملاتش ملي جاك بغا يستغلك انا كنت بغيت نرجع عندك باش نحدرك منو ولكن ولد لحرام خطفني و ضغط علي امين باش يجيبك لامريكا 
انا: ولله مافهمت شي حاجة انا هادشي عرفتو والكن اشمن علاقة بين هادشي وبين عادل
كارولين : هادشي كولو داير علي عادل 
انا: انا هادشي مابغاش يتفهم ليا دابا انتي كتعرفي عادل فين هو عفاك بغيت نشوفو 
كارولين: راك شفتييه غير ماعرفتيهش 
انا:ههههه كارولين واش كضحكي عليا 
كارولين :لا ماكنضحكش عليك انت لي ماعرفتيهش عادل ملي جا لهنا بدل سميتو والهوية ديالو باش مايقلبش عليه باه حيت باه وبابا كانو مع عصابة كبيرة وعادل ملي تخرج اول مهمة خدا هي يلقي القبض علي هاد العصابة وبلفعل نجح فالمهمة ديالو وشدهوم خوية جاك كان كيهدد عادل باش يخرج بابا من لحبس ولكن هو مابغاش ومشا قتل ليه عائلتو عادل ملي ساق لخبار بلي واليديه و الانسانة لي كيبغي ماتو ماقدرش يتحمل وولا مدمن مخدرات وشراب واحد النهار كان سكران و دار كسيدة وتشوه ليه وجهو ودار عملية ماتبدلش بزااف داكشي علاش ملي شفتيه ماعرفتيهش 
انا:(خرجت عيني حتي كانو غيتحيدو من بلاصتهم )فهد هو عادل لا مايمكنش حياتي كان حداية ومعرفتوش 
كارولين: اه هو انا غير صباح عاوت ليه لحقيقة تصدم ماتيقش فللول من بعد تقلق بزااف قال ليا بغا يشوفك وقلت ليه ماعرفتكش فين كاينة بغيت حتي نتشاور معاك و نقول ليك الحقيقة ديك ساعة ديري لي عجبك
👇👇👇👇
كارولين: واش نقول لفهد فين كاينة راه مسكين حالتو بغا غير يشوفك 
انا: لا لا ماشي دابا قولي ليه مابغاتش تشوفك اجي نقول ليك كيفاش حتي قدرتي تخرجيني من عندو 
كارولين : رجعت ليه لوراق وسيديات 
انا: ومنين جاوك نتي 
كارولين: عطاهم ليا جاك باش نتبادل مع فهد نعطيه لوراق وناخدك
انا: (بصدمة)اش هاد لحماق واش انا خاطرت بحياتي علي هاد لوراق وهو رجعهوم ليه واش تصطي ديك ساعة ملي غادي يرجعهوم ليه علاش خلاني نجيبهوم من للول مكلخ 
كارولين: انتي لي مكلخة هداك احقر واحد فالعالم راه عطاه لوراق ولكن من بعد غادي يقول ليه رجعهوم ليا الي بغبتي ختك حية و هو يطلع بالوراق وبيك
انا:لله ياخد فيه الحق ماعندوش القلب 
كارولين: الي محنش فيا انا لي ختو غادي يحن فناس خرين هداك ديب فصيفت انسان هو كان بإمكانو يدير شنطاج لفهد من للول ويقول ليه يعطيه لوراق وهو يعطيه جيهان ولكن بغاك انتي تكرهيه حيت كان عارف بلي الي ساق ليك فهد لخبار بلي ضحكتي عليه غادي يتكرفس عليك وانتي ديك ساعة تكرهيه ومتسمحيش لييه وديك ساعة اربح جاك لوراق والبنت لي خدات قلبو من نهار شافها لي هيا انتي ويجيبك عندو
انا: ههههه لعبها دماغ خطير هاد خونا ولكن علاش باقي لدابة ماديتينيش لييه 
كارولين : اصلن ماغاديش نعطيك ليه راه قلت ليه بلي فهد دا ليا لوراق و مابغاش يعطيك ليا وداكشي علاش جبتك هنا باش مايلقاكش واخا رجالو ديما تابعيني انا كانمشي لدار لخرا كنحط طوموبيل كندخل من لباب لقدامي نبدل حوايجي ونخرج من الباب اللوراني نشد طاكسي ونجي و هكاك فاش كنبغي نرجع 
انا: ههههه حتي انتي بحالك بحال خوك ماساهلينش 
كارولين: هه ماشي غير هو لي دماغ وكيعرف يلعب علي بنادم 
انا: دابا جيهان مسكينة باقي فهاد للعبة لحقيرة ديال خوك انا خايفة عليها منو 
كارولين : ماتخافيش هو مايقدر يدير ليها والو حيت هي لي غادي تجيب ليه لوراق لي بغا
من بعد يوماين فدار وائل
مريم: فهد صباح لخير ياك لباس
فهد: والو باس غير عيطي ليا علي وائل دابا 
وائل: فهد مالك ياك لباس علاش جاي فهاد صباح ياك ليوم ماكيناش لخدمة فيقتيني من احلي نوما 
فهد: لبس حوايجك ويلاه معايا 
وائل : فين نمشي معاك 
فهد: لبس وفطريق نقوليك فيين غاديين 
مشا وائل لبس حوايجو خرج لقا فهد كيتسناه فطوموبيل 
وائل: واش دابا نقدر نعرف فين غادي بيا اسي 
فهد: غادي نشوف رجال ديال داك الشماتة ديال جاك 
وائل : علاش اش بغيتي عندهوم 
فهد: لحقير مكفاتوش غير رباب يستغلها ولا كيدير ليا شنطاج جيب لوراق نعطيك ختك 
وائل: شكون ختك ياك ماتت 
فهد: اودي حتي هي ماماتتش 
وائل: بحال والو العائلة كلها ماماتتش غير قلب عليهم ههه
فهد: كبر عقلك اصاحبي واش وقت ضحك هادي 
وائل: اوي انا هادشي كتر عليا دابا واش غادي تعطيه لوراق 
فهد: اه باش ناخد جيهان غادي نعطيه لوراق شماتة ولا كيوصل لداكشي لي بغا علي ضهر لبنات 
وائل: دابا داكشي لي كنتي كتخطط ليه شحال هادا كولو ضرب ف0
فهد: ماهمنيش دابا من بعد غادي نوجد لييه ضربة مقادة ويخلص كولشي بضوبل 
وائل: ولد لحرام ماعرفت منين طاح عليهم 
فهد: لحمار شدني من ليد لي كضرني ولكن غايخلص ولله مانساها ليه 
وائل: اشمن يد لي كضرك علاه مالك فيها
فهد: وائل باركة من تفليا غاتندمني حيت كنهضر معااك تفو 
وائل: صافي صافي 
من بعد ماوصلو لبلاصة لي دايرين يتلاقاو فيها لقاو 3 طوموبيلات كحلين واقفين خرجو من طوموبيل ونزلو شي رجال حتي هوما من طوموبيلتهم 
راجل 1: جبتي لوراق 
فهد: جبتهوم فين هيا لبنت 
الرجل1 : موجودة نشوف لوراق 
فهد: نشوف البنت 
الرجل2: هاهيا ارا لوراق 
فهد: هاهوما داك شماتة ديالكم باقي ماقادر يتواجه معايا باقي خايف هههههه
الرجل1: هاك لبنت وارا لوراق 
عطاهوم لوراق وعطاوه جيهان ومشاو
👇👇👇👇
جيهان: شكون نتوما واش كاندير انا هنا 
وائل: انا وائل وهادا فهد 
فهد: هههه ماعرفاتنيش البرهوشة كبراات 
جيهان:اش كتقول واش انت مغريبي 
وائل: ههه هادا خوك عادل واش ماعقلتيش عليه 
جيهان: (مصدومة) كيفاش خوية عادل واش كتفلا عليا عفاك راه انا مريضة مافيا لي يتمازح معاك 
فهد: جيهان واش بصح ماعرفتينيش انا عادل 
جيهان: واش بصح كتهضر انت عادل (واش هاد البوقوص كولو خويا حراام)
فهد : اه اجيهان توحشتك االبرهوشة 
تعانقو جيهان كاتبكي وفهد كيسكت فيها وعاود ليها كيفاش بدل سميتو و علاش دار عملية لوجهو ركبو فالطوموبيل راجعين لدار وفهد فرحان حيت ختو باقي حية
وائل: ختي قبيلة قلتي بلي مريضة ياك لباس ياكما جاك كان كيتعدا عليك 
جيهان: شكون هاد جاك لا لا انا ياله واحد 5 اسابيع تقريبا باش درت عملية 
فهد: (بصدمة) اشمن عملية اختي 
جيهان: درت عملية حيت كنت مريضة بالقلب و كانت غادي تجيني سكتة قلبية مي دابا الحمد لله 
فهد: دابا واش مزيان 
جيهان: اه جاب لله لقيت لي يتبرع ليا بالقلب ودرت عملية ففرنسا 
فهد: ونجحات %100
جيهان : اه نجحات دابا نقدر ندير لي بغيت بلا خوف ماشي بحال للول 
فهد: اوي الحمد لله 
وائل: دابا الناس لي كنتي كاتبغيهم شحال هادا مشاو معا لقلب للول 
جيهان: ههههههههههه لا باقي كنبغيهوم لدابا و لي كنكرهوم حتي هوما باقي كنكرهوم عادي ماتبدل والو 
فهد: لله يستر اصاحبي مالك مكلخ 
وائل : اودي انا بغيت غير نعرف الي كان كولشي كيمشي مع لقلب لقديم نمشي ندير حتي انا عملية ههه جيهان كاتكون غالية بحال هاد العملية ونادرا فين تلقي متبرع 
جيهان: اه بصح 
فهد: وانتي منين جاوك لفلوس باش ديري هاد العملية 
جيهان: انا مادفعت والو من جيبي غير واحد الرجل تعرفت عليه انا ورباب فراس لعام وخاطيبتو صاحبتي هو مسكين لي خلص وهو لي لقا ليا متبرع كنت فالخطر غير هو مسكين لي عتقني
وائل: مسكين دار لخير لله يكتر خيرو هه 
فهد: اسميتو هاد الرجل 
جيهان : سميتو امين و خاطيبتو سميتها كارولين 
وائل: لله اكبر هادشي لي كان ناقص 
فهد: (مصدوم) امين كان عارف بلي كايت هي رباب داكشي علاش كان كيحميها والكن علاش ماقلهاش ليا انا راسي كيضرني من هاد الافكار مابقيت فاهم والو 
وائل:حتي انا راسي بغا ينفاجر مهم ملي تفهم شي حاجة شرح ليا معاك 
جيهان : واش رباب فين هيا من قبل ماندير العملية ماشفتها 
وائل : هي لباس راه حتي هي كاينة هنا 
جيهان: كاينة هنا كيفاش زعما هي ماعندهاش باسبور كيدارت حتي جات هنا 
فهد: ماعرفت حتي يفيق امين وهو لي غادي يجاوبنا علي هاد الاسئلة
منبعد ماوصلو لدار دخلو 
فهد: وائل تسناني هاني جاي 
وائل: اوكي 
فهد: جيهان ياله معايا 
مشات معاه و جبد ليها لحوايج 
فهد: دخلي دوشي وهاكي هاد لحوايج لبسيهم حتال من بعد و نخرجو تشري حوايج جداد 
جيهان: اوكي خويا هاد لحوايج ديال من ديال مراتك 
فهد: ههههه اه ديال مراتي اوي سيري دوشي انا غادي نمشي نشوف وائل خليتو بوحدو 
جيهان: هي تزوجتي المسخوط (ناري وتسيق رباب لخبار غادي تسطي ههههه)
فهد: سمح ليا اخويا خليتك بوحدك 
وائل:هانية مازال ماهضرتي معا رباب 
فهد: لا مازال ديما كنسول كارولين كاتقولي بلي مابغاتش تشوفني ومابغاتش تهضر معايا 
وائل: زعما تكون حقدات عليك ومابغاتش تسامحك واخا غادي تكون عرفاتك واش انت عادل 
فهد: لله يهديك اصاحبي محال واش تبقي عاقلة عليا 10سنين ماشافتني اكيد نساتني وشكون قال ليك هي ماكنتش عارفاني من للول عادل 
وائل:وايلي محال واش تكون عارفاتك و زعما ماغاديش تقدر تسامحك 
فهد: هي ماغاديش تسامح لعادل حيت مشا وخلاها وماغاديش تسامح لفهد حيت تكرفس عليها
وائل: هي خاصك شخصية تالثة هههه
فهد: تفو ماعرفتش اش مصبرني عليك وزايدها كنهضر معاك كون مشيت عند حيوان هضرت معاه غادي يفهمني حسن منك 
وائل: اش غادي ندير ليك اصاحبي انا هادشي ديالك راه تلفني ملي نفهم شحال من حاجة ديك ساعة نقدر نعاونك 
فهد:بصح عندك الحق هادشي معقد 
وائل:سول ختك تقدر تكون عارفة شي حاجة 
فهد:محال ياك سمعتيها قالت ليك ماشافتها من قبل مادير العملية وهي 5اسابيع باش دارت عملية 
وائل : اوي فين كاينة هي دابا انا داك نهار كنت ديتها لدار كارولين 
فهد: لا لا هي ماكيناش فدار كارولين علم لله فين كاينة 
وائل: ماتكونش عند جاك 
فهد: (بغضب) ماتبقاش دكر ليا هاد الموضوع 
وائل: صافي اصاحبي تهدن سمح ليا راك عرفتيني انا غير لي قالها ليا راسي كنقولها
فهد: اوي شي نهار نهرس لمك هداك الراس 
وائل : ههههه لا لا نمشي فحالي حسن لله يعاونك
👇👇👇👇
عند رباب 
كارولين : واش مزال ماحن قلبك علي فهد تشوفيه راه مسكين ديما كيعيط ليا بغا يشوفك 
انا: لا لا مابغيتش نشوفو 
كارولين:حشوما عليك مهم انا خارجة دابا
انا: فين غاديا 
كارولين: غاديا لدار نبدل حوايجي ومن بعد ندوز نشوف امين 
انا: اوكي منين تكوني راجعا جيبي ليا معاك شي لبسة نخرج بيها و شي حاجة باش نحيد هاد صباغة لي فشعري قالي امين بلي هي غير صباغة مؤقتة وقتما بغيت نحيدها نحيدها 
كارولين: علاش اصاحبتي غير خليه جاك زوين هاد للون 
انا: ماعجبنيش مهم انا غادي نعس وقتما جيتي فيقيني 
كاارولين: اوكي 
مشات كارولين وانا ضربتها بنعسة بحال الي يوماين مانعست حتي ضلام الحال عاد جات كارولين فيقاتني تعشينا هي نعسات انا بقيت كنتفرج وكنفكر حتال قرب يصبح صباح ومشيت نعست فالصباح فيقاتني دوشت حيت صباغة من شعري ونشفتو وطلقتو الله شحال توحشتو لبست لبسة لي جابت ليا سروال كحل وقميجة قصيرة زرقة وطالون زرق وفيست كحلة عارفاتني كنحماق علي زرق هههه مكياج خفيف وجلسنا كنفطرو 
كارولين: فراسك جيهان كاينة مع فهد 
انا: بصح الحمدلله ياك بعدا هي لباس عليها 
كارولين : اه هي لباس عليها ولكن فهد مسكين مرضتيه فحياتو واش مزال ماغاديش تشوفيه 
انا: لا 
كارولين : حرام عليك اصاحبتي زعما انتي قلبك كبير علاش كاديري لسيد بحال هاكا 
انا: كارولين عفاك انا مابغيتش نهضر فهاد الموضوع 
كارولين : اوكي لي عجبك انا ملي بنتي ليا محلقة علي الحالة قلت غادية تشوفيه 
انا: لا ماغادياش نشوفو غير تهناي 
كارولين : ولله الي مسكين كل ساعة كيسولني عليك 
انا:جاك مابقاش كيسول عليا 
كارولين:(بتعجب) لا باقي كيسول عليك حتي هو ديما مصدع ليا راسي 
انا: اجي نقول ليك الي بغيت نمشي عندو شكون غادي يديني 
كارولين:(مصدومة)كيفاش تمشي عندو واش تسطيتي ولا خرج ليك لعقل اش هادشي كاتقولي 
انا: لا انا بعقلي وعارفة اش كاندير دابا جاوبيني الي بغيت نمشي عندو شكون غادي يديني 
كارولين : لا انتي جاك لحماق انا غادي نوض ندوش 
مشات دوش وبقيت انا جلسا كنفكر حتي بان ليا تيليفونها كيصوني رقم مجهول قلت نجاوب 
انا: الو 
مجهول: كارولين معاك ستفن ميسو جاك بغاك عندو ضروري
انا: ستيف ماشي كارولين هادي معاك رباب واخا تقول لجاك بلي بغيت نهضر معاه 
ستيف: انيسة رباب فين كاينة باش نجي نديك عندو اصلن حتي هو بغاك داكشي علاش كيعيط علي كارولين 
انا: اوكي واحد شوية نلقاك كاتسناني حدا الباب ديال حديقة سنترال بارك اوكي واش غتعرفني الي شفتيني ولا نقول ليك اشنو لابسة 
ستيف : لا كنعرفك مهم انا غنتسناك 
انا: اوكي طيط طيط 
مشيت هزيت منعندها فلوس طاكسي تسنيتها حتي خرجات من دوش
👇👇👇👇
كارولين: انت باقي جالسا فبلاصتك 
انا: وي (حيدت لخاتم لي كان خطبني بيه فهد دوك ليامات وحطيتو ليها فيدها)
انا: هد الخاتم عطيه لفهد فيديه اوكي انا مشيت 
كارولين :عند جاك 
انا:وي 
كارولين: اصاحبتي راه هو انسان خايب وقتال ومجرم معندوش لقلب علاش غتمشي عندو واش غادي تخالاي علي فهد مسكين ولله حتي تندمي علي هادشي لي كاديري ارباب
درت راسي بحال الي ماسمعتهاش وخرجت مشيت لبلاصة لي درت فيها مع ستيف غير شافني جا كيجري عندي حل ليا لباب لوراني و ديمارا
وصلنا لفيلا فين كاين جاك دخلني ستيف لواحد البيت جابو ليا قهوة بقيت كنشرب وكندور فداك البيت كانو فيه ديكورات بزااف عجبني بقيت شحال كنتسنا فهاد جاك سكن عام ماعرفت اش كيدير بقيت كنفكر حتي بان ليا واحد البوقوص واقف حدايا درت واحد الابتسامة عريضة
جاك: اهلين رباب لغزالة 
انا: (بابتسامة) مممم ادن هادا هو شكل ديالك لحقيقي 
جاك: وي هو هادا كيجاك عجبك 
انا: وي عجبني والكن منصحكش تخرج هاكا 
جاك: ممم وعلاش 
انا : حيت فهد غادي يعرفك 
جاك : شكون قالك غادي يعرفني هاكا 
انا: داك نهار وراني شي تصاور واش كنعرف شي واحد فيهم وكنتي فيهم انت 
جاك: وباش جاوبتيه انتي 
انا: قلت ليه ماعرفت حتي واحد 
جاك: صحاب ليا ماغاديش ترجعي عندي 
انا: علاش ماغاديش نرجع انا واعدتك الي ساليت المهمة ديالي غادي نرجع و هاني وفيت بالوعد ديالي و جيت عندك برجلي 
جاك: انا مزيان
ادي تبقاي مع فهد 
انا: وعلاش غادي نبقي معاه 
جاك: ياك كتبغيه كيما كيبغيك 
انا: ههههههه كنبغيه واش حماقيتي كون كنت كنبغيه ماكنتش غادي نجي عندك كون بقيت معاه
جاك: مممم بصح 
انا: وي بصح غير حيد هاد الافكار من راسك حيت انا هداك سيد كرهتو 
جاك: حتي انا توحشتك 
انا: كداب كون توحشتيني بصح كون سولتي فيا شحال هادا 
جاك: ديما كنسول عليك مي بغيت نخليك علي خاطرك 
انا: اوكي اوي هاني معاك دابا
جاك: اوي اشنو دابا
انا: هههه دابا بغيت نرتاح من بعد ونهضرو 
جاك: اوكي حبيبة خودي راحتك انا غادي نعيط ليك لمارغريت توريك بيتك 
انا: مارغريت كاينة هنا بصح 
جاك: ههههه وي هاديك مانخافش عليها كتعرف اشنو كادير 
انا: هههه مزيان
👇👇👇👇
جات عندي مارغريت وراتني بيتي و جلسنا كنهضرو انا وياها 
انا: كيفاش درتي حتي هربتي من فهد
مارغريت: ماهربتش هو لي طلقني حيت ماعندو حتي شي دليل بلي انا خدامة مع جاك واصلن هو ماعندو مايدير بيا هو بغا جاك
انا: ههه مزيان 
مارغريت : واش هو لي ضربك هاكا 
انا: وي راه راه بريت شوية كون شفتيني كي كنت داك لهمجي المتوحش تركفس عليا مزيان 
مارغريت : وابعدا ملي مقتلكش راه لباس 
انا: ههه وراه كان غادي يقتلني كون ما امين لي عتقني وجات فيه هو الرصاصة انتي ديك ساعة سخفتي ماشفتيش اش داز عليا 
مارغريت : مهم هو قدرتي تغلبي عليه 
انا: صافي نساي عليا هاد الموضوع مابقيتش بغيت نتفكر هداك الوحش باركة غير داكشي لي داز عليا بغيت نساه 
مارغريت : اوكي احسن حاجة درتي هي ملي جيتي حيت ماغاديش تلقاي بحال جاك وهو كيبغيك بزاف ماعمرو غادي يأديك ولا غادي يفرط فيك
انا: هههه صارحة حتي انا كيعجبني ولاكن ماتقوليهاش ليه حيت كنحشم شوية 
مارغريت : ههه كتحشمي ضحكتيني هه
انا: اوي نوضي خليني نرتاح 
مارغريت: اوكي رتاحي 
انا: ههه اه حتي واحد مايفيقني حتي نفيق راسي 
مارغريت: اوكي اوكي 
خرجات وانا ضربتها بنعسة واحد ساعتاين وفقت لله علي راحة ماكين لي يصدعني
فالمستشفي 
مشات كارولين تشوف امين لقات تما فهد و جيهان و مريم ووائل 
جيهان: كارولين لباس عليك
كارولين: لباس وانتي كيبقيتي 
جيهان : حمدلله انا بيخير 
كارولين: (كتبكي)طبيب ماقال ليكم والو علي امين 
وائل: لا مازال حالتو كيما هي غير تهدني اكارولين دابا يبرا ويرجع كيما كان 
كارولين: انا ماكنبكيش علي الحالة ديال امين انا كنبكي علا حاجة خرا 
مريم: ياك لباس اكارولين اش واقع 
فهد: كارولين ياكما وقعات شي حاجة ل راباب 
كارولين : رباب رباب 
فهد:(بغضب) هضري اش وقع ليهاا 
كارولين : هي صيفطات ليك هاد الخاتم وو
فهد: و اش وعلاش صيفتاتو واش هي مابقاتش بغات تشوفني هضري اكارولين راني علي اعصابي
كارولين: وو
وائل: من قبيلة وانتي وووو طلقي راسك هضري و اش 
كارولين : هي هاد صباح مشات عند جاك 
كولشي تصدم وشي كايشوف فشي فهد من صدمة طاح علي ركابيه وشد فراسو بيديه 
فهد: (طاحو جوج دمعات من عينيه وبدا كيهرس اي حاحة كانت قدامو ) علاش ارباب علاش درتي هاكا كون غير قتلتيني قبل ماديري هادشي ماقدرش نصدق انتي ماعطيتينيش حتي فرصة نشرح ليك ونطلب منك السماحة
وائل: صافي ماديرش فراسك هاد الحالة تهدن اصاحبي 
فهد:شفتي اش دارت اوائل هي بغات تنتاقم مني كون غير دارت اي حاجة الا هادي 
مريم : صافي افهد خليك قوي راه هي لي خسرات
جيهان: صافي اعادل مالك علي هاد الحالة واش لي خلقها ماخلقش غيرها عطي لله لبنات واي وحدة تمناك خليها الي بغاتو تربح بيه 
وائل: صافي نساها افهد دير بحال الي باقي ميتة 
فهد: كون غير كانت ميتة كون بقات صورتها زوينة فعيني 
كنت ديما كنتخيلها اجمل بنت ولكن صافي خسرات راسها
وائل: فين غادي دابا 
فهد: بغيت نبقي بوحدي خليني عليك 
وائل: عفاك اصاحبي رد البال لراسك وتهدن
👇👇👇👇
خرج فهد ركب فطوموبيل و مشا لواحد البار و تبعو وائل من لور حيت خاف عليه جلس كيشرب ولي هضر معاه كيدور فيه حتي جا وائل جلس حداه 
وائل: صافي افهد راه كترتي من شراب مالك كادير فراسك هاد الحالة 
فهد: غدارة جرحاتني علاش مشات وخلاتني انا درت هادشي كلو علي قبلها سينين وانا كنحاول نتاقم منو حيت هو لي فرقني وحرمني منها وملي لقيتها تفلات عليا و مشات معاه علاش ارباب علاش 
وائل : صافي اصاحبي انا حاس بيك غير ماديرش هاد لحالة فراسك
فهد: انت ماحس بوالو 10 سنين وانا كنحاول نساها و نداوي لجرح لي فقلبي ملي تخطيت ديك المرحلة رجعات جرحاتني من جديد نار شاعلة فقلبي اوائل شكون يطفيها عدباتني اصاحبي عدباتني بزااف 
وائل: كيما نسيتيها المرة للولة غادي تنساها هاد المرة غير حاول 
فهد: نساها هي ديما فبالي وديما فخيالي ماعمرني نسيتها وماعمرني نساها 
شفتي الحالة لي وصلتيني ليها ارباب علاش خليتيني كانعاني عارفتيني منقدرش نعيش بلا بيك و خليتيني كانعاني اش هاد زهر اربي علاش انا ديما لي يوقع ليا هكا علاش اشمن دنب درت نستاهل عليه هاد لعداب كلو 
وائل: نعل شيطان اصاحبي 
فهد: شيطان هو بنادم خليني اوائل بغيت نبقي بوحدي لله يخليك مابغيت نشوف حتي حد
عند رباب
جاك: رباب رتاحيتي شوية 
انا:وي مزيان 
جاك: كان فهد خطبك ياك 
انا: وي مي قبل مانجي فسخت خطوبة ورجعت ليه الخاتم علاش 
جاك : غير سولتك 
انا:اه جاك بلا ماتبقي كل ساعة دكرني بفهد انا ماكنبغيهش غير تهني داكشي كولو لي وقع راه غير علي قبل باش نوصل لداكشي لي بغيت 
جاك: هو ماعمرو قرب ليك ياك 
انا: لا لا ماعمرني خليتو يقرب ليا غير ملي ساق لخبار لداكشي لي دار وبلي انا فضلتك انت عليه هو غتاصبني الحقير 
جاك:حماار انتي دابا مكتحمليهش واخا عارفتيه شكون يكون 
انا: انا كنكرهو يكون لي بغا يكون هو تكرفس عليا وغتاصبني اش باقي غادي نحمل فييه 
جاك : متأكدة 
انا : وي متأكدة من الاحسن بلا منبداو ندكروه كل ساعة خلينا نساوه ونبداو صفحة جديدة فيها غير انا وانت 
جاك: اوكي ولكن بشرط 
انا: اشناهو هاد شرط 
جاك: بغيتك كل ليلة تشطحي ليا 
انا: صافي هدا هو شرط موافقة والكن ضروري من المقابل 
جاك: ههه انتي ماكتعرفيش رقص ديالك اش كيدير فيا كيجنني طلبي اي حاجة تجييك 
انا: لا غير قول انت اشنو المقابل بغيت نشوف اش كنسوا عندك 
جاك : كاتساوي دنيا ومافيها 
انا: هههه لا بزاف 
جاك : عرفتي شنو انا غاندير معاك المقايضة كل رقصة رقصتيها نكتب ليك شي حاجة من الاملاك ديالي بسميتك
انا: علي هاد لحساب غادي تخسر كلشي ههه 
جاك: ههه لا ماشي موشكيل مهم نشوفك كتشطحي 
انا: ههه امتي نبداو 
جاك: وقتما كنتي واجدة الغزالة 
انا: واجدة غير خاصني باش نشطح ههه 
جاك : انا غانصيفت مارغريت تجيب ليك لي بغيتي وفليل نبداو(باسني فحنكي ومشا)
انا: اوكي
👇👇👇👇
دوزت اسبوع مع جاك واحد النهار كنتغدا انا وياه حتي جا عندو واحد الراجل 
الرجل : ميسيو جاك بغيت نهضر معاك فواحد الموضوع 
جاك:غير هضر ماشي موشكيل 
الرجل :هداك خينة مابغاش يخليني ندير خدمتي كل ساعة مخرج ليا عدر فشكل 
جاك : مابغاش انا صبرت عليه بزااف والكن تقدا صبر فضي معاه لعشية نسمع خبارو 
الرجل : واخا ميسيو جاك لعشية توصلك خبارو 
انا:(ياه هادا غير لي وقف فطريقو كيصفيها ليه عندو بنادم بحال لفلالس هانية الي قتلهوم)
جاك : مالكي بنتي ليا بحال الي معصبة فاش كتفكري 
انا: جاك صرحة انا هاد لعيشة مابقاتش عاجباني ولله ماوخدة راحتي هادشي بدا كيعصبني 
جاك: علاش مالكي اش واقع 
انا: انا ماهمنيش تكون خدام مع عصابة ولكن انا ماعجباتنيش هاد لعيشة انا قنط ماولفتش نبقي محبوسة وحتي الي خرجت عليا الحراسة مالي علي حالتي 
جاك: واشنو لحل 
انا: نمشيو ندوزو اسبوع فواحد لوطيل كنت شفتو عجبني 
جاك: مايمكنش ا رباب بغيتي تمشي سيري بوحدك 
انا: علاش اجاك هادي هي كتبغيني انا اي طلب طلبتيه مني كنوافق عليه انت اول طلب نطلبو منك رفضتيه 
جاك : اوكي الالة 
انا: والكن الحراس الي كانو يكونو بعاد عليا مانشوفهومش بغيت نحس براسي حرة ماشي ديما مقابليني 
جاك : اوكي غير بقاي علي خاطرك 
انا:(عنقتو) مغسي جاك 
جاك : عارفاني مانقدر نرفص ليك حتي طلب 
انا: يخليك لي
فالمستشفي 
مشات مريم تشوف امين ولقات كارولين معاه
مريم :اهلين كارولين كيف بقا امين 
كارولين: مزيان طبيب قالي حالتو بدات كتحسن لبارح حرك يديه غير باقي مافاقش
مريم : مزيان غادي يولي بخير 
كارولين: اه بغيتو غير يفيق توحشتو بزاف 
مريم : كارولين بغيت نسولك علي رباب واش ماعمرك شفتيها 
كارولين :لا منهار مشات ماشفتها علاش
مريم: صارحة انا خايفة عليها قلبي مامهنيش من جيهتها انا حاسة بلي هيا ماشي كيما كيقولو عليها 
كارولين : هي ولات كتصرف فشكل هادي ماشي رباب لي كنت عرفت انا نبهتها من جاك هو انسان خايب ولكن ماسمعاتش ليا حتي انا خفت عليها 
مريم: عطيني نمرة ديالها 
كارولين : محال واش تجاوبك ديما كنتاصل بيها وماكتجاوبش 
مريم :غير عطيها ليا 
عطاتها ليها وبقاو كيهضرو حتي دخل عليهم وائل
وائل: دابا انا لي تلف ليا نجي نقلب علييه هنا 
مريم : ههه علامن كتقلب 
وائل: عليك احياتي اه كارولين ماعندكش شي خبار علي كايت اح رباب 
كارولين: داكشي علاش كنا كنهضرو من قبيلة منهار مشات مسولات فحد 
وائل : واقيلة لقات راحتها مع جاك 
كارولين : اشمن انا فاش كنت فالمغرب عند رباب وجيهان قالت لي بلي رباب كتبغي عادل وهي متزوجاتش حتال دابا حيت كاتبغيه وماعمرها نساتو 
وائل: غاتكون كرهاتو علي داكشي لي دار فيها 
مريم:ممكن كون ما امين كون قتلها 
وائل: امين الي فاق وساق لخبار غادي يحماق متصورش شحال عزيزة عليه رباب 
كارولين : هادشي فاش كنفكر انا غادي نمشي لدار عييت مريم : اوكي حتي حنا غادي نمشيو مغسي علي نمرة 
كارولين : هانية حبيبة الي شدات ليك قولي ليها تاصل بيا 
مريم :اوكي حبيبة
فالوطيل 
انا: جاك شفتي لجو كيداير هنا ولله حتي غزال
جاك: مزيان ملي عجبك هادشي لي بغيت 
انا:واش انت ماعجبكش لحال 
جاك: عادي 
انا: كاتجيني معقد شي بعد المرات حتي حاجة ماكتعجبك ماكضحك ماكتفرح فالح غير تقتل فالناس 
جاك:هههه ياك كون شي واحد اخر لي قال ليا هاد لهدرة كون قتلتو ولكن منين جات من عندك هانية مقبولة 
انا: شفتي هالي قلت ليك علاش ماتحاول تعيش حياتك عادي بعيد علي لجو ديال العصابات والاجرام 
حاك: ميمكنش انا منهار تزاديت وانا فهادشي منقدرش نبعد عليه كنتللذد فالقتل ديال الناس كتعجبني تكون عندي سلطة وكلشي داير ليا لحساب انا كبرت فهادشي مايمكنش ليا نعيش بلا بيه 
انا: شغلك هداك مهم انا غادي نعس 
جاك: اوكي بون نوي 
نعست ولغد ليه فقت تساريت فلوطيل مزيان ونهار كولو لي كليتها كنرضها حتي حاجة ماعجباتني 
جاك : مالكي ياك لباس من قبيلة وانتي كترضي 
انا: ماعرفت ضرني راسي 
جاك : خاصكي تمشي لطبيب 
انا: اه حتال غدا فالصباح ونمشي عندو نعست فالصباح فقت لبست حوايجي وشعلت تيليفون ديالي وخرجت شديت طاكسي لعند طبيب حتي صونا تيليفون ديالي 
انا:الو 
مريم : الو رباب علي سلامتك فين غبرتي اصاحبتي 
انا: والو غير الوقت 
مريم : فين كاينة اصاحبتي بغيت نشوفك 
انا: كاين حداك شي واحد 
مريم : لا 
انا: مهم انا غادية عند طبيب هاكي لعنوان و اجي عندي 
مريم : ياك لباس 
انا: انا غير مريضة شوية 
مريم: اوكي انا جايا عندك دابا 
انا: مريم عفاك ماتقولي لحتي حد راه هضرت معاك
مريم : لا صافي غير كوني هانية 
دخلت عند طبيبة كنتسني نوبتي حتي جات مريم 
مريم : ناري اختي فين غبرتي توحشتك 
انا: والو غير فالدنيا
مريم : اش داكشي لي درتي اصاحبتي علاش مشيتي عند جاك 
انا: هاديك قصة طويلة من بعد ونعاودها ليك 
مريم : اوكي دابا اشنو جيتي ديري هنا 
انا : ضراتني كرشي يالله درت تحاليل و كنتسني طبيبة تقول لي اش عندي
مريم : اوكي غاتكوني غير كليتي شي حاجة وضراتك 
منبعد وصلاتني نوبا دخلت انا و مريم 
دكتورة : مدام كايت اشنو كيضرك بالضبط 
انا:(ويلي علي مادام) راه عندك التحاليل هوما يوريوك اشنو كيضرني 
دكتورة: هههه لا انا عرفت اش كيضرك و اش عندك بغيت نعرف من امتي كتجيك هاد الاعراض 
انا: من لبارح لي كليتها كنرضها و دوخة راسي كيضرني 
دكتورة : اه اوي نحب نبشرك بلي انتي حاملة فالاسبوع 3 مريم: حااملة 
انا: (خرجت عيني بالصدمة ) لا مايمكنش كيفاش حاملة 
دكتورة:ههه كيما كيحملو الناس مهم الف مبروك هاكي لوراق والتحاليل ديالك 
مريم: مغسي دكتورة (وشدات لوراق ومشينا) 
انا: ناري هادشي لي كان ناقصني فهاد لوقت اووف 
مريم: واش فهد هو الاب ديالو 
انا: وش
مريم: واش فهد هو الاب ديالو 
انا: وشكون غادي يكون من غيرو مهم انتي ماتقولي ليه والو 
مريم: ايه واشنو غاديري دابا 
انا: ولله ماعرفت انا غادي نمشي دابا حتال من بعد ونهضرو 
مريم : اوكي باي 
مشيت شديت طاكسي ورجعت ملي كنت داخلة لوطيل صونات عليا مريم 
انا: ياك لباس 
مريم : لا والو غير نسيتي عندي لوراق ديالك 
انا : غير خليهم عندك ولا لوحيهم ولا شوفي اش ديري ليهم مهم هادشي يبقا بينتنا ماتقوليه لحتي واحد اوكي 
مريم: اوكي