قصتي مع المعاقة
الجزء 1
زعمة نلقا شي واحد هنا كيعرف يحلل شخصية ديالو ؟ منعرف لمهم أنا كنعرف نحللها حيت أنا هوا هاداك الشخص اللي معندوش مع شي حاجة سميتها الحفلات ولا المناسبات ولا اعياد ميلاد ، وحتا لا مشيت ليها كتلقاني باغي نخرج من الدقيقة اللولة فأقرب وقت .. انا من هادوك الناس اللي كيبدلو الاغنية قبل ماتكمل .. هادوك اللي كيبقاو مدة طويلة قبل ماينعسو وهوما إما كيفكرو ولا كيهدرو مع راسهم ولا كيشوفو فالسقف ولا كيتقلبو .. هادوك اللي كلامهم قليل وكيفكروا بزاف .. هادوك اللي كيتأثروا بزربة .. هادوك اللي كايسهروا بزاف .. هادوك اللي مكيعاودوش الفيلم كتر من مرة .. هادوك اللي كيحشمو يواجهوا بنادم بسباب النفاق و الكذب ديالو .. هادوك اللي مكيقولوش الاسرار ديالهم لأي واحد .. هادوك اللي ديما كيقولو ليك بلي راهم بيخير .. أنا من هادوك .. الناس اللي كيعانيوا وكيعاشروا بصدق، الناس اللي فأمس الحاجة لشي حد باش يشكيوا ليه همهم ويفرغوا داكشي اللي عندهم الداخل ... الناس اللي محتاجة حنان واهتمام وونس كبير و لكين دب لا قررت نغير هاد الشخصية لي كنبان فيها دمدومة و خواف و بغيت تكون عندي شخصية فشكل علا هادي لي عندي دب من بعد ما عرفتو شخصيتي نعرفكم علا راصي انا علاء من العيون 18 سنة هاد العام عندي الباك لمهم انا زوين شوية شعري رطب البشرة ديال بيضة مرقيق ما غليض متوسط لمهم داك لعام كان عندي لباك و من زهري جيت غير معا ولاد القيسم ديال سيزيام و هوما غير ولاد درب يعني مغاديش نلقا مشاكيل باش نتعرف عليهم هادشي عاودتو ليكم غير من نهار اللول لي مشيت فيه للمدرسة الدريات كاين تيتيز و كاين الموسطاجات فقيسمنا داكشي مخلط لواليد و لواليدة ماتو فكسيدة انا دب ساكن فالدار معا خوية و ختي صغيرة و عندنا خدامة هيا لي كتدير الخدمة ديال لواليدة خوية خدام فشاركة ديال لواليد هوا المدير و لكين الأسهم ديال الشريكة مقسمين عليا انا و هوا و ختي كولنا كناخدو بحال بحال فأرباح و داكشي.. لمهم خوكم كيحشم يضرب لحطات يعني كنحشم نشري لباس جديد و كدا و نبدا نعيق و داكشي حيت هاد لفعايل كيديروهم غير لعنابة عايش عادي عندي جوج سراول و واحد سبرديلة و شي تجاكيطات و شي تروكوات صافي و مكنهزش معايا بزاف لفلوس ولا نشري موطور و لا شي حاجة انا متواضع و من تواضع لله رفعه واخا مكنصليش لمهم رانا مسلمين واخا شبعان فلوس كندير فيها فقير شاري كوير (للناس لي مكيعرفوهش داير بحال لهونضة و لكين مغطي كامل كيخطفو لبلايص و لكين قدام لبوليس عادي و بعض المرات كيديرو عليهم حملة يشدوهم ) لمهم شريتو ب4 لمليون مهلي فيه كنبغيه في قلبي بحال ولادي واخا معنديش ولاد 😢خوكوم كيطريني فولكونطاك و لحديد لمهم قصتي غادي تبدا بداية فاش دازت ديك سيمانة اللولة نهار السبت فالعشية جات كتدق شي مرا فالدار حليت ليها قالت ليا واش كاينة نهيلة (ختي) عيطت ليها ومشيت شديت pc ديالي حتا كتعيط ليا ختي مشيت عندها قالت ليا راه بنت هاد لمرا كتقرا معاك و بغاتك تعطيها لكتوب لي عطاوكم باش تشريهم لبنتها قلت ليها واخا طلعت لبيتي كانت ورقة مكتوب فيها داكشي صورتها بتيلي و عطيتها الورقة مشات قلت لختي شكون هاديك قالت ليا مات صاحبتي قلت ليها شكون هاد صاحبتك ؟ قالت ليا واحد درية مسكينة مكتقدرش تمشي علا رجليها عندها غير كروسة قلت ليها كتقرا معايا ؟ قالت ليا أه مشيت لبيتي طلقت واحد ديسك ديال lfarda درت لمايك و بقيت مكونيكطي حتا جات لخدامة عيطاتلي باش نتغدا تغديت مشيت ضربتها بنعسة حتا لديك 4 فقت لقيت ختي مريحة فالصالون قلت ليها غادي تمشي عند لمرات لي جات قبيلة قولي ليها راه خوية غادي يشري كتوبو إلا بغيتي يجيبهوم ليك معاه 
مشات لخوادرية عندها عمرت واحد لبراد ديال أتاي بقيت كنفكر واش غندي الحسنات ولا لا ؟ حيت عندي شخصية فشكل أي حاجة توقع ليك كتفكر فيها بأدق التفاصيل طيبات ليا الخدامة اومليط ريحت بديت كنقصي جات ختي قالت ليا راه لمرا خدامة دب مكيناش كاينة غير بنتها قالت ليا بلا غادي تخرج هيا تجيبهم راصها قلت ليها صافي قصيت داكشي هزيت تيلي لفلوس كونطاك طنوبيل خرجت برا ديماريتو خليتو يسخن واحد 5 دقايق و تحركت خرجت من الدرب بقيت غادي معا واحد الشارع و غادي جنب الطيطوار بشواية عليا حتا 10 فلكونتور مواصلاش لمهم بقيت غادي درت معا واحد شاريع بقيت غادي حتا بانت ليا درية فكروسة ديال لمعاقين غادية بقيت كنشوف من بعيد مخرج عينيا بانت ليا كتشير لطاكسيات و مباغينش يوقفو عليها قلت فراصي زعمة تكون بنت جيرانا قلت ندير خير و نمشي نوصلها مشيت حتا لحداها وقفت حليت الباب قلت ليها ختي إلا كنتي غادة لشي بلاصة بعيدة نوصلك قالت ليا أه ولكين بحالاش غادي نركب هبطت انا مشيت عندها بلا منسولها موالو هزيتها من الكروسة و حطيتها وسط لكوير جمعت لكروسة درتها فالكوير لداخل ركبت قلت ليها فين غادة قالت ليا بغيت نشري شي دفاتر و كتوب و صلني لشي مكتبة... يتبع 
لخوت هاهيا القصة جديد غادي تكون فشكل لمهم عطيوني الرأي ديالكم فهاد الجزء و طاغيو عشرانكم يبداو معانا القصة و إلا درتي جيم و خليتي كمنتر راه مكنربح والو من غير ناس تعرفت عليهم فالباج و طلعو رجولة علا بنادم كنشوف كمارتو كل نهار .جوطيم ❤✌