الجزء الثالث 
- بيل كبير دالواليد و مشيت بشوية وصلت لحدا الباب ديالها وقلبي كايضرب بجهد ماعرفتش علاش جبدت دوك جوج سوارت جربت الاول مابغاتش يتحل جربت لاخور وهي تحلات ودخلت بزربة باش مايشوفني تاحد وسديت الباب مورايا فالحقيقة داكشي لي شفت خوا ليا الماء فالركابي المكتبة كولها موسخة وريحتها خايبة بزاف بحال ريحت شي قط ميت والرفوف لي كايكونو فيهوم الكتب كولهوم طايحين فالأرض و الكتوبا مليوحين فكل قنت و العجيب فالأمر أن المكتب ديال جدي نقي ومرتب مزيان قربت ليه وبقيت غير حال فمي كيفاش المكتبة مغبرة والريحة كاتقتل والمكتب مافيه حتا درة ديال الغبرة مهم مشيت كانقلب فدوك الكتوبا وكالقا كوبا ديال الفلسفة ورياضيات والتاريخ والكتب الدينية لي قال ليا جدي كاينين حتى هوما ماكاينينش قلبت مزيان مالقيت تاشي واحد شوية كانشوف واحد الكتاب لفت الأنضار ديالي كحل ومشرشم ومغبر باينة فيه قديم بزاف هزيتو ونقرتو مزيان وبان ليا العنوان ديالو "شمس المعارف الكبرى" كان تايسحابني شي كتاب ديال التعاريف والمصطلحات مشيت جلست فالمكتب دجدي وبديت نقرا وكون كنت عارف حقيقة هاد الكتاب والعواقب لي كايخليها للي كايقراه ماكنتش غانقيصو حليتو فالصفحة الاولى كالقا داكشي مخربق بحال داكشي دالفلسفة حليتو فالوسط كانشوف شي مخلوقات مرسومين كايخلعو وشي مثلثات والتخربيق وشي كتابة مامفهوماش ماعرفتش كاع ديك اللغة ديالمن ولكن كاينة كتابة بالعربية بديت كانقلب فيه وكالقا شي حوايج فيه بحال الحلم كاينة طرق كيف تجعل حبيبك يحبك بجنون . كيف تجعل زوجتك العاقر تلد . كيف تخرب حياة عدوك . كيف تصبح قويا جدا. كيف تجعل الجن عبيدا لديك... هاد العنوان الأخير خلعني مهم بديت كانقلب وكانقرا وكانشوف شي مخلوقات كايخلعو شوية حليت واحد الصفحة وأنا نشوف داك الجن العاشق لي عاود ليا عليه جدي هو نفس المواصفات ومكتوب الفوق كيف تخرب حياة من أحببته ولم يحبك . نريي هادشي كايخلع والكتاب عجبني سديتو وغير بغيت نوض وانا نشوف جدي قدام الباب هو يبتاسم واحد الإبتسامة كاتخلع ناري تخلعت قلت فنفسي كيفاش جدي ولا بخير ورجع من السبيطار بزربه وفاش دخل ماسمعتش صوت الباب .. قلت ليه جدي سمح ليا بزاف راغير كنت كانقلب على شي كتاب ديال الجغرافية .. )وهي تحيد منو ديك الإبتسامة وولا مغوبش وغضبان( قال ليا علاش دخلتي للمكتبة .. سماح ليا اجدي منبقاش نعاود .. وداك الكتاب ليك فيدك آش بغيتيه .. سميتو شمس المعارف غير شفت فيه شي مخلوقات كايخلعو وعجبني .. غير خودو اولدي راه ينفعك وماتخلي تاواحد يشوفو خزنو مزيان .. فرحت بزاف وبست ليه يدو وخرجنا من المكتبة عطيتو السوارت وسدها وقال ليا سير قول لجداك توجد ليا الشوربة هاني غانتكا شوية فبيتي .. صافي واخا اجدي هي لي ماتعاودش مشيت بعدا طلعت لفوق للسطح وخزنت الكتاب مزيان وهبطت نقلب على جدة نقولها داكشي لي قال لي جدي قلبت فالدار كاملة مالقيتهاش مشيت للكوزينة عند الواليدة وسولتها . الواليدة ماشفتيش جدة ؟ .. آش بغيتيها .. غير صخرني عندها جدي وقلبت عليها مالقيتهاش .. أولدي واش راك تحلم ,جداك راه كاينة مع جدك فالسبيطار ماشتيش قبيلة فاش ضراتو كرشو و ديناه للسبيطار !!.. ولكن جدي قال ليا قول لجداك توجد ليا الشوربة هاني فالبيت كانتسنا .. بسمالله عليك اولدي .. يالاهي معايا كاع للبيت تشوفيه .. جات معايا حلينا البيت وهنا كانت المفاجأة ماكاين حتى شي حد فالبيت وشداتني أكبر خلعة حسيت بيها فحياتي .. قالت ليا ها شفتي ماكاين حتى حد سير اولدي توضى وصلي شي جوج ركعات ويكون خير .. داكشي نيت لي درت توضيت وصليت وحسيت بواحد الراحة زوينة ولكن تخلعت من هادشي لي وقع ليا بقيت الليل كامل وكانفكر فاش دخلت للمكتبة وجاء عندي جدي وهضر معايا وسخرني وشفتو بعينيا لي غاياكلهوم الدود سد المكتبة ودخل لبيتو وأنا متيقن بلي داك الكتاب لكحل ماشي طبيعي شوي وكانحس بحالا شي حد ناعس حدايا نضت مخلوع
يتبع