خنت زوجي الجزء 6

 

لجزء 6 :

لمهم بقيت بزااف مع دارنا غضبانة .حتا لواحد نهار بابا عيط عليه جا لعندنا .بركنا كاملين .او بابا قاليه شوف اولدي نتا بحال ولدي ولكن زواج قسمة ونصيب .هاد لبنت بغات طلاق راني عيت معاها ولكن هي بغات طلاق .عرفتو عينيه غرغرو .او سبب ماشي هو حيت بغيت طلاق كيف كنا حنا كنعتاقدو . لا لا من بعد انا عاد عرفتو علاش لبكية شداتو .دابا نجيكم لهضرة يلا كملتو معايا ...لمهم طلقنا .انا كنت فرحانة واااو ...فصيف جا محسن وااو شحال داز صيف زوين .درنا كلشي .شحال تسارينا شحال درنا لحب او شحال ....لمهم كلشي كان مثالي او زوين .ولكن فاش كنسولو امتا يجي لدارنا كي بدا يتهرب ...هنا فين بديت كنحس باحساس خيب ...فهاد لحظة فاش كنحس ان محسن غي كي تفلا كنت كنتفكر سمير شحال كان حنين او ظريف او ولد ناس رغم انه فقير .ولكن لي زاد عذبني هي فاش عرفتو ماشي كان شمكار . هادوك ضربات غي ديال مرات باه كانت كتعذبو او تكويه بلعافية فاش كان صغير ...كنت ظالماه فبزااف لحوايج .مافهمتش راسي علاش ماعمري سولتو مالك منين جاوك هاذ ظربات .واش حتا لهاذ درجة ما كنتش حاملاه .صدمة لكبرى هي فاش عرفتو عندو لاجازة او كان ساكن غي فلحي لجامعي قبلما يتخرج او غي سالا من لقراية جا يخدم مع بابا حيت ماعندو فين يمشي او خاصو يعول على راسو . اما باه او مرات باه ما مبقاش مشا عندهم مند سنوااات حيت مرات باه خيبة او كانت كتعذبو لعذاب شديد فصغرو او شحال خلاتو بجوع شحال عيراتو.هذا هو سبب لي خلاه دوز 4 سنوات من حياتو فلخيرية ...دوز عذاااب كتر من داكشي لي دوزتو انا .رغم دلك كان صابر او حامد الله . علاش انا كنت ما صابراش علااش .....تابع