الجزء 9
- داكشي لي كان مكتوب على الكتاب فقدت الأمل فالحياة فاش سمعتو ))) شمس المعارف الكبرى أو شمس المعارف ولطائف العوارف، كتاب مخطوط لأعمال سحر تتعلق بالجن، حرمها دين الإسلام، وينسب تأليفه إلى أحمد بن علي البوني المتوفي سنة ست مائة وإثنان وعشرين هجرية. وقد تم طباعتها حديثاً مع حذف وتحريف ببعض مواضيعه، ولكن ما يزال الكتاب يتناول العديد من أمور السحر غير الواضحة، ولقد طبع الجزء الأول منه وهو عبارة عن خمس مائة وسبعةوسبعون صفحة في المكتبة الشعبية ببيروت عام ألف وتسع مائة وخمسةوثمانون. والنسختان الأصليتان الواحدة اللتي وجدت في المغرب تم حرقها والنسخة الأصلية الأخرى موجودة بمتحف القاهرة الدولي وقرائته تعد شركاً بالله والعياذ بالله ((( سمعت الهضرة وبديت نبكي وصلنا كاع حتى للشرك ياربي تسمح ليا .. وبدا يحزر فيا مصطفى قال ليا نتا ماطحتيش فالشرك اولدي نتا ماكنتيش عارف ماتقلقش »لايكلف الله نفسا إلا وسعها« سمعت هضرتو ورتاحيت وقال ليا فينو الكتاب نتهناو منو قلت ليه كاين في كارطابلي جبدتو وقال ليا يالله نطلعو للسطح نحرقوه طلعنا وجاب مجمار وحط فيه الكتاب وكب عليه ليصانص وشعل فيه العافية الكتاب كايتحرق وفنفس الوقت مصطفى كايقرى القرآن »سورةالجن« مهم بقينا عليه حتى مابقات كاتبان فيه حتى كلمة هبطنا ووراني الحمام مشيت دوشت وتوضيت وصليت حسيت بواحد الراحة أربع أيام هادي ماحسيت بها تعشينا وتجمعنا شوية جاء الوقت ديال النعاس فرش ليا فواحد البيت واو زوينة تكيت مرتاح وحمدت الله وشكرتو مهم فهاد اللحظة أنا اعتاقدت بلي تفكيت من دوك الجنون ولكن هاد الليلة لي غاندوز مختالفة بزاف على ليالي الرعب لي عشت من قبل نعس مرتاح مع ديك الوحدة دالليل كايجيني واحد العطش عمرني حسيت بيه فحياتي بحالا ضارب الطريق على رجلي من الكويرة للعيون نضت باش نشرب شعلت الضو وبغيت نحل الباب المفاجأة أنه مسدود كانضارب معاه والو كانعيط على مصطفى يحل عليا والو ولكن فاش بغيت نضور نرجع لبلاصتي كانشوف جثة ديال ميت مكفن بالأبيض ومحطوط في بلاصتي نري شفتو وبديت نغوت وكانضرب فالباب ونعيط .. واعمي مصطفى واعتقنيي واعتقوني واش كايسمعني شي حد هنا .. والخلعة بغات تقتلني شوي داك الميت كايتحرك بجهد وبدا يتركل بحالا كايتعدب هو يطيح من الجهة الاخرى من الناموسية مابقاش كايبان ليا وانا لاسق حدا الباب ومخلوع شوي الصوت ديال التركال حبس وفاش ضرت نشوفو مالقيتوش نري غبر فرمشة عين قلبت تحت الناموسية والو اغبر رجعت بلاصتي وتكيت فوق النموسية وخليت الضو مشعول تكمشت وبديت نقرا القرآن شوي كانشوف ديك الجنية لي لابسة لكحل قدام الباب انا فشلت قربات عندي وقالت ليا "نهايتك قريبة" منبعد مابقيت كانحس بوالو سخفت وكانشوف غير الضلام من بعد داز وقت كبير كانحس بحالا شي وحدين هازيني وحيدوا ليا حوايجي وحطوني فوق شي حاجة بحال شي خشبة منبعد كانحس بالماء بحال شي واحد كايغسلني كانبغي نتحرك مكنقدرش الصوت مكايبغيش يخرج ليا شوي كانحس بحالا كايكتفوني شوي المنضر غادي وكايتوضح تاكانشوف راسي مالابس والو ومحطوط فالمراح ديال دارنا وشفتهوم كايكفنوني والواليد كايبكي نري آش واقع شوي دخلو جوج رجال خرين هزوني وداروني فالنعش وخرجوني لبرا كانشوف كولشي كايبكي الواليدة وعمامي وجدي تاهو كايبكي وشفت حتى سيمو كايبكي سحاب ليهوم توفيت كانغوت بأقصى صوت وراني مامتش واراه باقي حي كانبغي نتحرك ماكانقدرش شوي دخلوني لسيارة نقل الاموات وطلع حدايا جدي كاندوي معاه مكايسمعنيش كانقوليه جدي عتقني راه باقي حي راني مامتش دازت عشرة دقايق هبطوني ودخلوني للمسجد حطوني لقدام وبداو يصليو عليا صلاة الجنازة انا قلت إمكن توفيت ديال بصح سكت وبديت غير كانشوف سي مصطفى هو لي كان الإمام لي صلى بهوم وشفت صاحبي سيمو تايقول الله واكبر وكايبكي وولاد الدرب صاف شهدت واستسلمت سالاوا خرجوني داروني فسيارة نقل الأموات داوني للمقبرة..
يتبع....
- داكشي لي كان مكتوب على الكتاب فقدت الأمل فالحياة فاش سمعتو ))) شمس المعارف الكبرى أو شمس المعارف ولطائف العوارف، كتاب مخطوط لأعمال سحر تتعلق بالجن، حرمها دين الإسلام، وينسب تأليفه إلى أحمد بن علي البوني المتوفي سنة ست مائة وإثنان وعشرين هجرية. وقد تم طباعتها حديثاً مع حذف وتحريف ببعض مواضيعه، ولكن ما يزال الكتاب يتناول العديد من أمور السحر غير الواضحة، ولقد طبع الجزء الأول منه وهو عبارة عن خمس مائة وسبعةوسبعون صفحة في المكتبة الشعبية ببيروت عام ألف وتسع مائة وخمسةوثمانون. والنسختان الأصليتان الواحدة اللتي وجدت في المغرب تم حرقها والنسخة الأصلية الأخرى موجودة بمتحف القاهرة الدولي وقرائته تعد شركاً بالله والعياذ بالله ((( سمعت الهضرة وبديت نبكي وصلنا كاع حتى للشرك ياربي تسمح ليا .. وبدا يحزر فيا مصطفى قال ليا نتا ماطحتيش فالشرك اولدي نتا ماكنتيش عارف ماتقلقش »لايكلف الله نفسا إلا وسعها« سمعت هضرتو ورتاحيت وقال ليا فينو الكتاب نتهناو منو قلت ليه كاين في كارطابلي جبدتو وقال ليا يالله نطلعو للسطح نحرقوه طلعنا وجاب مجمار وحط فيه الكتاب وكب عليه ليصانص وشعل فيه العافية الكتاب كايتحرق وفنفس الوقت مصطفى كايقرى القرآن »سورةالجن« مهم بقينا عليه حتى مابقات كاتبان فيه حتى كلمة هبطنا ووراني الحمام مشيت دوشت وتوضيت وصليت حسيت بواحد الراحة أربع أيام هادي ماحسيت بها تعشينا وتجمعنا شوية جاء الوقت ديال النعاس فرش ليا فواحد البيت واو زوينة تكيت مرتاح وحمدت الله وشكرتو مهم فهاد اللحظة أنا اعتاقدت بلي تفكيت من دوك الجنون ولكن هاد الليلة لي غاندوز مختالفة بزاف على ليالي الرعب لي عشت من قبل نعس مرتاح مع ديك الوحدة دالليل كايجيني واحد العطش عمرني حسيت بيه فحياتي بحالا ضارب الطريق على رجلي من الكويرة للعيون نضت باش نشرب شعلت الضو وبغيت نحل الباب المفاجأة أنه مسدود كانضارب معاه والو كانعيط على مصطفى يحل عليا والو ولكن فاش بغيت نضور نرجع لبلاصتي كانشوف جثة ديال ميت مكفن بالأبيض ومحطوط في بلاصتي نري شفتو وبديت نغوت وكانضرب فالباب ونعيط .. واعمي مصطفى واعتقنيي واعتقوني واش كايسمعني شي حد هنا .. والخلعة بغات تقتلني شوي داك الميت كايتحرك بجهد وبدا يتركل بحالا كايتعدب هو يطيح من الجهة الاخرى من الناموسية مابقاش كايبان ليا وانا لاسق حدا الباب ومخلوع شوي الصوت ديال التركال حبس وفاش ضرت نشوفو مالقيتوش نري غبر فرمشة عين قلبت تحت الناموسية والو اغبر رجعت بلاصتي وتكيت فوق النموسية وخليت الضو مشعول تكمشت وبديت نقرا القرآن شوي كانشوف ديك الجنية لي لابسة لكحل قدام الباب انا فشلت قربات عندي وقالت ليا "نهايتك قريبة" منبعد مابقيت كانحس بوالو سخفت وكانشوف غير الضلام من بعد داز وقت كبير كانحس بحالا شي وحدين هازيني وحيدوا ليا حوايجي وحطوني فوق شي حاجة بحال شي خشبة منبعد كانحس بالماء بحال شي واحد كايغسلني كانبغي نتحرك مكنقدرش الصوت مكايبغيش يخرج ليا شوي كانحس بحالا كايكتفوني شوي المنضر غادي وكايتوضح تاكانشوف راسي مالابس والو ومحطوط فالمراح ديال دارنا وشفتهوم كايكفنوني والواليد كايبكي نري آش واقع شوي دخلو جوج رجال خرين هزوني وداروني فالنعش وخرجوني لبرا كانشوف كولشي كايبكي الواليدة وعمامي وجدي تاهو كايبكي وشفت حتى سيمو كايبكي سحاب ليهوم توفيت كانغوت بأقصى صوت وراني مامتش واراه باقي حي كانبغي نتحرك ماكانقدرش شوي دخلوني لسيارة نقل الاموات وطلع حدايا جدي كاندوي معاه مكايسمعنيش كانقوليه جدي عتقني راه باقي حي راني مامتش دازت عشرة دقايق هبطوني ودخلوني للمسجد حطوني لقدام وبداو يصليو عليا صلاة الجنازة انا قلت إمكن توفيت ديال بصح سكت وبديت غير كانشوف سي مصطفى هو لي كان الإمام لي صلى بهوم وشفت صاحبي سيمو تايقول الله واكبر وكايبكي وولاد الدرب صاف شهدت واستسلمت سالاوا خرجوني داروني فسيارة نقل الأموات داوني للمقبرة..
يتبع....
0 Commentaires