الجزء 7
دارو فالكوير جا فطرنا بقينا حتا لديك 8 عاد تحركنا للمطار و معانا خوية هوا باش يرض لكوير للدار مشينا هوا لي سايق و صلنا بقينا كنتسناو حتا و صلات و قيتة باش تزيد الطيارة تمينا غاديين للباب باش نطلعو قالي خوية فاش تخرج من المطار صوني عليا قلت ليه واخا مشينا طلعنا ليها وراتنا واحدة خدامة تما كراسة ديالنا فين جاو ريحنا فيهم واحد 10 دقايق عاد تحركات قلعات من بلاصتها درت ليزيات فودنيا سديت الشرجملي حدايا و كملت نعاسي مفقت حتا قربنا نوصلو فيقاتني غير عايشة حيت قالو لينا ديرو لحزام ديال السلام باش يهبطو درتو واحد شوية و هي تهبط خرجنا هزينا داكشي ديالنا خرجنا من المطار صونيت علا خوية قلت ليه و صلنا قالي غادي تلقا واحد BMW كحلة و حداها واحد هاز ورقة فيها كنيتنا بقيت كنقلب عليه معا كاينين بزاف طنوبيلات لقيتو قلتها ليه قالي هوا غادي يعطيك عنوان ديال دار ديالي تما و سوارت طنوبيل سير ليها حطو فيها حوايجكم و وقت ما بفيتو تمشيو عند عائلة عائشة سيرو قطعت عليه مشيت عند السيد سلمت عليه قلت ليه انا هوا خو فلان جبد تيلي ديالو صونا علا شي واحد جاوبو قاليه شوف واش هادا هوا خوك و عطاني تيلي شديتو قلت ألو قالي إلا حتاجيتو شي حاجة قولو هالي قلت ليه واخا رضيت للسيد تيلي ديالو مد ليا سوارت و ورقة فيها العنوان ديال الدار و مشا ركبنا فالطنوبيل ديماريتها حسيت بيها حنينة بنت العبد حسن من لكوير بألف درجة دخلت العنوان فGps و شديت الطريق وصلنا حليت الباب دخلت داكشي لي جبنا و دخلنا مشيت للكوزينة شربت جات عائشة لقات ثلاجة عامرة صوبات لينا لغدا تغدينا مشيت دوشت و ضربتها بواحد النعسة حتا للربعة ديال لعشية نضت هزيت طنوبيل مكاين غير لفيراجات ديماري و كسيري طلقت واحد الديسك ديال بيلال و بقيت غادي كنقلب علا شي حلاق ملقيت والو تقول معندهمش بقيت غادي حتا بان ليا واحد السيد غادي يكون قدي وقفت عليه قلت ليه نسولك خوية قالي مرحبا قلت ليه شي حلاق قريب قال ليا انا حلاق و راني غادي دب نحل المحال قلت ليه ركب يلاه حتا هوا مكانش من المعكازين حل الباب و ركب و راني الطريق وصلنا حل الغراج دخلت فاش شفت داكشي من الداخل قلت هادا غير غادي يتعدا عليا حيت مفيهش الزواق حيت حنا لمغاربة كنحكمو غير علا المظهر و لكين المظاهر خداعة قالي تفضل ريح نمشي نجيب واحد البراد اتاي و نجي دخلت ريحت بقيت كنشوف فداكشي عندو عيان نضت نشوف المطاريال عندو ماكينة و مشطة و مقس قلت نعلق قبل ما يدير ليا شي موصيبة فراصي تميت خارج وقفت حدا الباب و هو يوقف عليا قالي دخل أصاحبي بزربة نحلق ليك حشمت و دخلت قلت ليه فين جبتي البراد نمشي نقصي شي حاجة و نجي قال ليا وايلي زيد قصي معايا اصاحبي إلا قبلتي علينا غير لخبز و الزيت اما نتا باينة شبعان فلوس غير من الطنوبيل و انا نقسح و جهي و ريحت معاه خوا لي كاس قصمنا لخبز قصينا بغيت نطلع فالكرسي و هو يجي واحد الدري داخل سلم و قال ليه خوية موحسين دير فيا بليزير معمري نساه ليك قاليه لحلاق شنهوا قاليه دب غادي مسافر معا 5 و بغيتك تحلق ليا خوية كولشي عامر قاليه ريح نكمل للراجل و نحلق ليك قاليه خوية الله يعزك و يشافي ميمتك راني زربان قاليا انا تخليه يسبقك قلت ليه مكاين موشكيل غير سبقو ريح الدري فالكرسي بقيت كنشوف فيه خدام سبحان الله و حق الرب إلا فشكل رازا ليه قاليه شندير ليك قاليه غير لواحد فجناب و صافي قاليه ميجيش معاك بقا كيشوف فيه و هو يبقا كيخربق فداكشي صاوب ليه اللعب دار ليه شيشوار واخا خاسر كيسكت و كيصلحو و يكمل خلصو مشا الدري نضت انا قالي شغاندير بيك قلت ليه لي بان ليك جبد الماكينة دار ليا لواحد فجناب نقص ليا لفوق شوية قالي ندير ليك شي خط قلت ليه دبر راصك غير دير دار ليا واحد من ليمن رازا ليا صاوب ليا اللحية سالا خدمتو بزربة جبدت 50 درهم عطيتها ليه قالي تسنا نمشي نصرف قلت ليه لا ديالك هاديك اخوية قال ليا منين نتا ؟ قلت ليه الصحرا العيون قال ليا كنت غادي نهبط ليها سيمانا جاية نضبر علا راصي قالو تما العيشة رخيسة قلت ليه أه رخيسة و زوينة خليت ليه النمرة قلت ليه إلا حتاجيتيني فشي حاجة شكرني خرجت من عندو مشيت للدار قلت لعائشة يلاه نمشيو عند عايلتك قالت ليا يلاه مشات بدلات حوايجها و حوايج ولادها حتا انا بدلت ختي لصقات فينا بغات تمشي خرجنا ركبنا فالطنوبيل بقات عايشة كتوريني وصلنا لواحد لبلاصة درب سلطان بقات كدخلني معا زناقي حتا وصلنا هبطنا مشينا حتا قربنا حدا الدار و هي تقولي غير يلاه نرجعو راني خايفة جريتها حتا لحدا الباب بقيت كندق مكيجاوب حد حتا وقفات علينا واحد لمرا كبيرة شوية قالت لعائشة و اش نتي هيا عائشة بنت عمر قالت ليها عائشة أه معرفتيهمش فين مشاو ؟ قالت ليها لمرا شحال قلبو عليك و راه مك مرضات و باعو الدار باش يديرو ليها العملية و راهم سكنو فالكاريان قالت ليها عائشة بحالاش ؟ لكاريان ؟ ... يتبع