الجزء السابع 

- شفت نفس داك المش الكحل لي لقيت انا والواليدة فالطريق مقطع ليه راسو ومليوح فالتقبة ديال الطواليط والجثة ديالو منشورة فديك البلاصة فين كاتكون الفوطة وفالحيط مكتوب »كان بغا يفضحنا وحدرناه ولكن ماسمعش وقتلناه قبل مايقولها لماماه« ناري تخلعت وكان داكشي مكتوب بالدم ديال داك المش خفت بزاف ولكن شكون هادا لي بغا يفضحهوم وقتلوه تفكرت جدي أكما عاق بالجنون ولكن قالوا ماماه جدي عشرين عام وماماه ميتة شوي وأنا نتفكر ولد عمي حمزة نري لا مايمكنش مستحيل زعما يكون هو لي قتلوه لا مايمكنش شفت فالسيمو قلت ليه والو خصني نمشي للدار نتأكد .. قال ليا فين غادي الليل هادا .. لا هادشي لي شفنا فالطواليط ماشي عادي وخفت يكونوا كايهضروا على ولد عمي .. لا اصاحبي راه غير بغاو يشوشو عليك بقا تالصباح وسير راالليل هادا .. صافي سدينا الحمام ورجعنا النعسوا وهو يطلق السيمو القرآن قال ليا إلا كانوا كفار ماغايقربوش صافي نعسنا ماطرا والو فالصباح فقت بكري مافطرتش خليت السيمو ناعس خرجت وبديت كانجري للدار فاش قربت داكشي لي كنت خايف منو هو لي وقع ضرت مع الدورة كانشوف بنادم مجموع حدا دارنا وشفت سيارة الشرطة العلمية وسيارة الإسعاف وشفت الواليدة ديال حمزة كاتبكي وكاضرب راسها نري مايمكنش فين بغاو يوصلو هاد أعداء الله مشيت كانجري وسط الناس شفت الواليدة كاتبكي وسولتها .. آش واقع هنا مالكي كاتبكي ؟؟؟؟ .. قالت ليا بلي البارح فالليل مع ديك الجوج سمعو شي غوات كايخلع وشي تقرقيب وفاش ناضوا يشوفوا آش واقع شافوا الباب دالطواليط كايتسد ويتحل بوحدوا وفاش دخلوا كانت المفاجأة الكبرى شافو حمزة مقتول وبأبشع طريقة مقطع ليه راسو ومحطوط فالتقبة ديال الطواليط حاشاكوم والجثمان ديالو مكمش بحال المومياء ومكتوب فالحيط بالدم "تمة المهمة" بحال هكا دارو لداك المش سمعت هادشي لي قالت الواليدة مابقيتش كانحس برجليا بقا فيا ولد عمي مسكين مهم الشرطة داروا التحريات ديالهم والو مالقاوش القاتل... المهم سدو الملف دازت ايام جابوا الجثة ديال حمزة للدار يغسلوها سالاو ديناه صلينا عليه ومنبعد دفناه ودرنا الصداقة وجاو عدنا الجيران وبكاو معانا دازت ايام الحزن من بعد هادشي لي وقع قررت ندير اي حاجة باش يبعدوا مني هاد الجنون وخديت القرار لي حول ليا حياتي من السيء إلى الأسو.ء كيما قلت لكم في بداية الجزء الأول إلا درتي شي مشكلة غاتحاول تغطيها بمشكلة اخرى ولكن فالأخير غاطيح في مشكلة كبيرة داكشي لي وقعت فيه المشكلة لي درت هي ماسمعتش لجدي ودخلت للمكتبة وقريت داك الكتاب وقررت نعاود نقرا الكتاب باش نتفك من هاد الجنون ولكن عاد كبّرت المشكلة بزاف ولكن فين درت داك الكتاب سباب المشاكيل آهه تفكرت خبيتو فوق السطح وملي خبيتو عمرني رجعت لعندو نسيتو بسباب هاد المشاكيل وخفت لايكون شي حد هزو يقراه ويطيح فهادشي لي طحت فيه طلعت كانجري للسطح قلبت فالبلاسة فاش حطيتو ولقيتو كيما حطيتو شفت فيه وقلت ليه نتا هو السبب نتا هو لي لحتيني فهاد المشاكيل عيشتيني فالرعب لي عمرني شي نهار تفكرت نعيش فيه ولكن نستاهل أنا لي فيا الزعامة الزايدة صافي صعرت وأنا ندفل عليه )تفووو( دازت جوج دقايق حتى كانحس بشي حد ضربني على راسي حتى حسيت بالجمجمة ديالي تزعزعات وسخفت فاش غانفيق كالقا الدم في راسي وكايضرني وشفت فالأرض واحد الكتابة بالطاباشير "لاتلعب معنا" آي هاد الجنون ماساهلينش رديت الكتاب بلاصتو ومشيت غسلت الجرحة ودرت الفاصمة سوالاتني الواليدة قلت ليها خير ضربت راسي مع الحيط قالت ليا رد بالك اولدي.. آه الواليدة كون عرفتي فاش لاح ولدك راسو ماغا تصبريش على هادشي المهم رجعت للسطح وهزيت الكتاب )شمس المعارف الكبرى( درتو في بلاستيكة كحلة وصونيت على السيمو .. ألو خويا واش كاين فالدار بغيت نجي لعندك نشوف واش نقدر نحل المشكل ديالي .. وي خويا مرحبا بيك الدار داركوم .. لعزز خويا ماعرفتش كيغاندير كون ماكنتيش معايا .. أناس شتي نتا راه ماشي صاحبي نتا خويا .. هو يقول ليا واحد الكلمة باللغة العربية كانكتب دابا وباقي متفكرها وعمرني نساها قال ليا "أنت أخي التوأم من أمي الثانية وسأقف معك كل ثانية" ...
.يتبع