قصتي مع المعاقة

 الجزء 12

فتحت الباب تم لخوادري جاي قالي مالك معاها جبدت تيلي بقيت كنشوف فيها و هيا كتشوف فيا كنت بغيت نسكت و منقوليهش و لكين هادشي مكيتسكتش عليه وريتو ليه بقا كيشوف حتا كمل قاليها من ليوم مكاينش لخروج المدرسة متبقايش تحلمي بيها خرجت انا من الدار هزيت الموطور مشيت كنضور فالمدينة لي دزتي من حداه حاضيك إلا دخلنا فيراري منعرف شغيديرو وصلات ديك 12 رجعت للدار طلعت لبيتي نعست فقت معا الصباح علا صوت التيلي لقيتها إحسان كتصوني قالت ليا اجي دب بغا يهضر معاك بابا و باش توصلني للمدرسة قلت ليها واخا نضت فطرت لبست حوايجي و مشيت عندها و صلت صونيت عليها هبطات عندي هيا و باها ركب هوا القدام و هي اللور وصلتها للمدرسة قال ليا ديني لولاية الأمن قلت ليه مكنوصلش تما كاينين لبوليس قال ليا غير سير أصاحبي مالك خايف بقيت كنشوف فيه و عارف راصي فايت شايفو فشي بلاصة بقيت كنتفكر حتا تفكرتو بوشعيب هوا مودير ولاية الأمن لي فالعيون بقينا غادين وصلنا للولاية مشا جاب شي وراق و جا ركب قال لي ردني للدار تميت غادي وصلت لواحد الروبوان حدا واحد لوطيل و هوما يبانو ليا 4 Dt جايين عندي قلت ليه هاهوما جايين دب قوليهم راك من العائلة بقاو تابعيني شعلو داك الضوء و جا واحد فالجنب قالي وقف وقفت ليه وقف الموطور قدامي و هبط جا عندي قالي لوراق ديالك بغيت نجبدهم ليه شاف بات إحسان و هو يضرب السلام و قال السلام سيدي قاليه بات إحسان صافي غير سير مزادش الهضرة ركب فموطورو و مشا تحركنا وصلتو لدارو قال ليا غادي ندير معا 200 درهم للسيمانة باش تبقا توصل ليا بنتي إحسان للمدرسة قلت ليه واخا قال ليا نعول عليك قلت ليه متخافش عول عليا لمهم دوزت دوك ليامات عادي كل نهار كنوصل إحسان لخوادرية كنديوها حتا للمدرسة و عاطي للأساتذة نمرتي و مخلصهم باش إلا غيبات يقولوها لي دازو شي شهريين كل نهار الخدمة جمعت راصي إحسان زدت تعرف عليها كتر درية ضريفة عجباتني بغيت نقولها ليها و لكين خايف واليدين عائشة شرا ليهم خوية دار فشي بلاصة مشاو ليها مبقيتش سولت فيهم معندي مندير بيهم إحسان و ليت كنتكونيكطا معاها فواتساب تعناب و داكشي
بحال مقلت ليكم دازت ديك شهرين بالحساب واحد النهار خارج باغي نجيب إحسان و لخوادرية خرجت معا 5:30 من الدار سديت الباب بانت ليا مريم (المعاقة ) مريحة قدام دارهم بالكروسة بقيت كنشوف فيها و هيا كتشوف شوية و انا نبدا نضحك معرفتها بحالاش خرجات ليا يارب تسمحلي محملاتش راصها دخلات لدارهم تحركت انا لمدرسة لخوادرية جبتها من وسط الحصة بحال ديما ركبات مبقاتش كتهضر معايا من داك النهار فاش ضربتها و ولات كتدير الزيف ديما مغطية شعرها تمينا غادي لمدرسة إحسان قلت ليها من ليومة مبقيتش غادي نجيبك ولا نديك تبقاي تمشي وحدك و جي وحدك مهضراتش معايا قلت ليها واش سمعتي ولا لا قال ليا سمعتك جبت إحسان ديتها لدارهم و رجعت للدار رجعت لختي تيلي ديالها درت كسكروط و بقيت مريح كنلعب فالتيلي حتا صونات عليا إحسان قالت ليا مسالي دب قلت ليها أه قالت ليا بغيتك توصلني لشي ساحة مليت فالدار قلت ليها حتا انا لقيتيني يلاه مخرج الموطور و غادي نريح فشي ساحة قالت ليا غادية معايا واحد الدرية تقدر تجيب معاك شي صاحبك و نمشيو مجموعين قلت ليها واخا من دب 10 دقايق نصوني عليك نضت فرحان انتكت الحالة مشيت طيارة عند السيمو بالموطور عاودت ليه ستون مشا لبس خرجنا مشينا درنا ليصانص قربت لدار إحسان و صونيت عليها نعتاتني فين كاينة مشيت عندها لقيتها هيا و واحد الدرية سلمنا عليهم إحسان ركبات معيا و الدرية ركبات معا السيمو مشينا لواحد بيتزيريا شرينا بيتزا و موناضة قصينا و جمعنا شوية باش نتعارفو كتر عاد مشينا للساحة ريحت انا و إحسان بوحدنا و سيمو و الدرية ريحو بوحدهم بقينا شادين الهضرة حتا جاتني من اللخر قالت ليا علاء قلت ليها شنو قالت ليا تتعجبني قلت ليها شعور متبادل حتا انا تتعجبيني و لكين معمري زعمت عليك قالت ليا هيا ندخلو فشي غولاصيون قلت ليها مكرهتش و هي تقرب حدايا باستني ففمي و قالت ليا هادي هيا البداية ديال قصتنا بقيت كنشوف ليها فعينيها حسيت بيها تزنكات حنيكاتها ولاو حمرين من كثرة الحشمة بقيت كنتعنب عليها تما حتا قالت ليا خاصني نمشي تعطلت داكشي لي درنا ركبناهم و ديناهم مشاو قلت لسيمو شدرتي قال ليا خديت النمرة و الفيس قلت ليه عنداك تضيعها زوينة بنت الحرام قال ليا نتا واخد زوينة وعاطيني هادي قلت ليه هاديك حياتي اساط كنبغيها تحركنا لديورنا دازت واحد السيمانة هاكاك مشيت و صلت إحسان معا ديك 10 صونات عليا نمرة غريبة جاوبت الو سلام عليكم و عليكم السلام 
-انا استاذة الإنجليزية ديال ختك راه محضراتش عندي قلت ليه مجاتش قالت ليا أه طلع ليا دم هيا قترية من 8-12 فين هيا دب كسيريت للمدرسة ديالها ... يتبع