قصتي مع المعاقة 

الجزء 14 


حيت هاديك حياتي خاصني منخبي عليها والو فرحات فاش عرفات بلا باها موافق عليا دوزت نهار عادي حتا الليل صونا عليا بات إحسان جاوبتو قال ليا واش إحسان معاك قلت ليه لا جبتها من المدرسة حطيتها حدا الدار تسنيتها حتا طلعات و مشيت قال ليا راه جينا و ملقيناهاش فالدار قلت ليه انخرج دب نقلب هزيت سلاح معايا و لوراق ديالو حيدت لبلايك للكوير و تميت غادب بيه فالشوارع كنضور و نقلب قلبي تزير عليا معرفت مالي لمهم بقيت كنضور حتا صونا عليا قال ليا فينك قلت ليه فالوفاق دب قال ليا اجي عندي نعتني لبلاصة مشيت عندو صيفط معايا 5 سيفيل و لكين باينة مانعين كنبان قدامهم بحال شي سبع وسط 5 الفيلة بقينا كنقلبو رجعنا كنضورو خوات ليا لبوطة ديال لكوير معا مدايرش ليه ليصانص دايرو كيخدم غير بالبوطة لكبير كنبدلها فاش كتخوا مشيت بدلتها و رجعنا كنقلبو دخلنا حتا لديك لبلاصة لي ساكن فيها ملقينا والو مشيت عند الدراري لي كيريحو فالدرب عطيتهم تصاورها قلت ليهم إلا لقيتوها عندكم 5 لمليون ديالكم ناضو لي غادي بيكالا لي لابس ليغولوغ و لي غادي فموطور مشيت عند السيمو دقيت عليه قلت ليه شواقع قال ليا دب نخرج نقلب معاك هز الموطور بقينا غادين و هو يقولي هبطني نمشي نجيب لموطور و نطلع لواحد لكوان فديك لخلوية لي مشينا ليها قلت ليه نمشيو بالكوير قال ليا سير علا الله مشينا ليها و لكين ماشي طريق ديال داك النهار و صلنا حداها واحد لبلاصة بحال الدار مبنية بالطوب و مغطية بالقزدير قربنا حداها طفيت الضوء ديال لكوير قربت حداه بان لينا الضوء تما هبط واحد من دوك لحناشا لي سيفط معايا بوشعيب مشا حتا لحدا الدار و هو يتم راجع كيجري قالنا كاين شي واحد تما هزيت تيلي صونيت علا بوشعيب قلتها ليه قالي واخا دب نجيو بقينا واقفين واحد شوية نزلنا كاملين مشينا حدا الدار بقينا كنتسنطو بان ليا واحد الضوء من بعيد ديال شي طنوبيل فاللول صحاب ليا لبوليس لي جايين قلتها ليهم و هو يقولينا واحد يلاه نهجمو عليهم و صل الدعم كل واحد شد قنت دقينا فالباب خرج واحد شاف سلاحات هز إيديه و رجع اللور و حنا نسمعو صوت القرطاس و صوت لغوات من صوت عرفتها إحسان واحد تيرا فداك لي خرج لينا قرطاسة فرجلو و لوخرة فإيدو دخلو بقيت برا انا و سيمو و صوت القرطاس مسموع و واحد من دوك لحناشة الطنوبيل غدا و كتقرب مشا سيمو دار من جنب الدار بقيت انا و لحناش شوية تم خارج واحد واحد هاز إحسان مكتفها و معاه واحد اوخر و هازين سلاحات تخباو ورا الباب بقا هاداك مدابز معاهم سيمو معرفتو فين غبر بقا هاداك مدابز معاهم حتا جابو ليه قرطاسة فكتفو و لكين غير جرحتو ماشي شي حاجة خايبة رجع قالي عطلهم بينو ميوصلو خرجت راصي بان ليا واحد جاي كيتسلت معا الحيط معرفت بحالاش حتا تيريت فيه طاح بحال شي دودة ميتة فالأرض بقا واحد بقيت انا هاز عليه سلاح و هو دايرو حدا راص إحسان شوية بان ليا داك الحناش كيجري و كيطلق فالقرطاس و القرطاس كيخرج من ديك الطنوبيل كانت غير نيصان 4×4 جاية شوية بان ليا طاح و الطنوبيل معا مكسيرية معرفت شوقع ليها حتا تقلبات طلعات شي شي 10 متر و طاحت لتراب و هو يبدا هاداك كيحسب قالي عند 10 غادي نقتلها وصل 5 و هو يبان ليا سيمو حاط ليه سلاح علا راصو و هو يطلقها و بغا يدور تيرا فيه سيمو جابو طايح فالارض مشيت فتحت القنبة لي كانو رابطين بيها إحسان مخلوعة وقفتها و عنقتها بقيت كنسكتها و هي كتغوت بقينا واقفين بانو ليا طيارات جايين 3 و تحتهم الطنوبيلات بزااف بقيت واقف و انا نسمع صوت قرطاسة ضرت عند سيمو قلت ليه خلعتيني بقا كيشوف و مصدوم شفت لتحت بانت ليا كرشي متقوبة و الدم بزاف و حتا إحسان بحالي شفت ورايا بان ليا داك لي ضربت هاز سلاح هوا لي ضربنا ضربو سيمو بقرطاسة جبدو هاد المرة ميفلتش منها طحت انا للارض علا ضهري و جريت معايا إحسان باش مطيحش علا راصها لقرطاسة باقي محسيتش ببلاصتها غير جاتني الدوخة و مقادرش نوقف جا السيمو كيفيق فيا قلت ليه سير شوف الحناش مشا عندو عاونو يوقف جابو حدانا و لد العبد كان لابس داك الواقي موقع ليه والو غير تهرسات ليه شي ضلعة جات فيها القرطاسة بقينا مريحين حتا جاو حدانا لبوليس زربو عليا انا و لحناش و إحسان هزونا فكوبتير دارو ليا واحد لبرا و انا نغيب ... يتبع