:صراحة قلبت على رجال اوما يجي منهم .حاولت نلتازم او نديها غي فلمحيط لي عايشة فيه ختي او والدية لي دايرين جهدهم معايا ...حتا لواحد نهار جا خطبني لولد لي خدام مع بابا .اويلي اش هادشي . اصلا هاد لولد ماشي شي واحد زوين بزااف يعني مقبول او صافي .اما لباس اصلا منلي عرفتو ما كي حيدش جوج سراول او جاكيطة .اويلي هدا غي خدام عندنا .اش كي صور كااع . اويلي انا عايشة بلخير ديال بابا يجي يعيش معايا واحد اخر على لخير ديال بابا .عولت عليه بكري . ما تصرطاتش ليا .او اصلا شكون هو هاد منير . كان سميتو منير . هاد منير اصلا ما كنعرف عليه والو .او اصلا خدم مع بابا غي شي عامين. او بابا ولا كي تيق فيه بزااف كتر من لخدامة لي سبقوه فاش جا خدم مع بابا كان فعمرو 24 سنة او دابا فاش جا خطبني كان عندو 26 سنة.من غير هادشي ما كنعرف عليه والو .حيت ماعمرو مشا عند شي حد من عائلتو ولا جا لعندو شي واحد . لمهم نكمل ليكم لقصة .. بابا بزز عليا زواج .او قال ليا راه ولد ناس او كنتيق فيه .او صنعة راها يلاما غنات تعيش .بكيت حتا عيت .او تفكرت لاحلام لي كانت عندي .كلها ضاعت ...ولكن غي فاش تفكرت رجال اوما يجي منهم .قررت نسمع كلام بابا .هاد لمرة ندير بكلامو ربما ربي يسهل عليا . فعلا تزوجنا .عطانا بابا واحد شقة كانت خوات من لكراية .او بقينا عايشين فيها .صبرت عليه حيت ما كنتش حاملاه كان اصني ضروووري صبر ايوب . ناااري فاش كي نعس معايا كنكره راسي .شحال من مرة غضبت عليه او تقلقت بدون سبب او هو كي بقا يصبر فيا او يطلب سماحة واخة ما كان عارف راسو شنو داير .او اكتر حاجة كانت كتعصبني منو دوك ضربات لي ف ايديه او فضهرو .باينة عليه كان شمكار ولا ما نعرف . واحد نهار كنت عند بابا فدار خرجت عندو لمحل ندي ليه براد اتاي فاش كنت راجعة تلاقيت بمحسن حبيبي لاول رجع من طاليان .........تاااابع
0 Commentaires