الجديد لأحلى فانز في العالم على صفحتكم قصص مغربية بالدارجة وكالعادة كاتبكم المحبوب قرشوس القصة واعرة بزاف بلا مقدمات نبداو نيشان... إلا درتي شي مشكلة كبيرة بزاف ومالقيتيش ليها الحل ولبد راسك غايقول ليك دير مشكلة أخرى باش تغطي على المشكلة الأولى وهاد الطريقة تقدر دخلك في مشكلة كبر وكبر هادشي لي طرا ليا درت مشكلة وحاولت نغطيها بمشكلة اخرى حتى صدقت طايح في مشكلة كبيرة وبزاف كانت فيا الزعامة الزايدة وماكانش عندي لعقل أنا أناس تمنطاعش لعام عايش مع واليديا وخوتي وعمامي وجدي وجداتي حيت كنا ساكنين في رياض كبيير جدي في يامات الإستعمار كان باحت في في تاريخ المغرب او "مؤرخ" كان عندو المكتب ديالو نيت في الرياض وكانت فيه واحد المكتبة كبيرة فيها كتب من انواع كتيرة كاينة كتب دينية وتاريخية وجغرافية وفلسفية....إلخ ولكن في أربع سنين الأخيرة فاش جدي نقصات ليه الصحة سد على المكتبة وخزن السوارت وقال لينا تاواحد مايدخل للمكتبة سولوه عمامي علاش ولكن غوت عليهوم وتعصب وقال ليهوم مايعاودوش يسولوه صافي مابقاوش كايسولوه وانا ماعرفتش آش فديك المكتبة كنت بحال جميع الدراري ولكن مكنخافش من الجنون بلعكس كنت متشوق نشوفهوم إحساس فشكل وغريب قصتي بدات من داك النهار لي قررت فيه باش نواجهوم وهاد المواجهة المواجهة هي لي قلبات ليا حياتي سفاها على علاها داك النهار كنت جالس مع صاحبي السيمو كلمة خويا قليلة فحقو عزيز عليا ملي حليت عينيا وانا كانعرفو وجبدت معاه الموضوع دالجنون .. السيمو آش باليك نديروا شي حاجة باش نشوفو الجنون .. ياربي سلامة آشمن جنون الله ينجينا منهم .. مالك أصاحبي خايف غير بغيت نشوفهوم .. ماكاتخافش !! .. لا ماشي بزاف .. صافي واخا ولكن أنا ماعرفتش كيفاش .. جدي عندوا واحد المكتبة قديمة نمشي نبقشش فيها نشوف آش غانلقا .. ياك قاليكوم جدكوم ماتقربوش لديك المكتبة وكيغادير .. لالا غانهز ليه السوارت وغاندخل ليها ومنبعد نردها لبلاصتها .. باينة فيك ناوي على خزيت يالله تهلى انمشي للدار .. تسنا نمشي معاك .. صافي جريت مع السيمو تالدارهوم ورجعت أنا للرياض ديالنا لقيت الواليد وعمامي مجمعين فالصالون لكبير مشيت طلعت لبيتي بلاما يشوفني حد جلست وبديت نخطط فالأول غانمشي لعند جدي نشوف واش يقدر يقول ليا آش فديك المكتبة ونشوف نيت واش نشفر ليه السوارت ديالها هبطت ومشيت لبيت جدي دخلت لقيتوا كايصلي والغريب فالأمر أن جدي فاش كايسجد تايدعي وتايبكي نيت ديال بصح وكايطول فالسجود وهادشي كايديروا الإنسان فاش كايدير شي زبلة او شي ذنب كبير وكايتوب لله وتايدير هاكا باش يسمح ليه الله جلست تسنيتو حتى كمل وسولتو .. جدي علاش كنتي كايتبكي !؟ .. لاوالوا اولدي غير كنت كاندعي الله يغفر لينا كاملين .. آه ياربي آمين جدي واخا نسولك .. سول أولدي .. علاش ماخليتيش عمامي يدخلو للمكتبة ديالك )بان ليا بحالا تخلع( .. وعلاش كاتسول ماشتينيش ديك النهار فاش تعصبت على باباك وعمامك .. صافي أجدي غير بلاما تعصب إلا مابغيتيش تقوليا ماشي موشكيل .. آجي حدايا .. )مشيت حداه وعنقني وقال ليا( .. ولدي أناس واش عرفتي بلي راك عزيز عليا كتر من باباك .. ههههه والله اجدي إلا عزيز عليا تانتا الله يطول لينا فعمرك نتا وجدة .. آمين اولدي هههه ولكن ماتقولهاش لباباك غايتقلق عليا .. كون هاني .. شتي علاش مابغيتش عمامك يدخلو للمكتبة حيت فيها كتوبا قدام وعزاز عليا بزاف وخفت لايمشيو يبيعوهوم وهوما غاليين بزاف .. وشنو الأنواع لي كاينين .. ولاكين شحال فيك دالأسئلة كاينين جميع الأنواع دالكتب كاينة كتب دينية وعليمية وعربية وفرنسية وإنجليزية وتركية وزيدوزيد .. :O هي كاتهضر بالتركية اجدي .. آه ولكن ماشي بزاف .. )هو يقول ليا واحد الكلمة مافهمت فيها تاوزة( وانا نقول ليه جدي ماتعطينيش السوارت نمشي نضرب شي دورة فالمكتبة ماتخافش ماغايشفني حد .. لا ماغانعطيكش السوارت إوا خليك عزيز عليا .. مافهمت والو والله .. مهم بقيت حداه وجبد يتبع
0 Commentaires