الجزء 4
ولدها صغير قاليها ماما مالك ؟ و بدا كيمسح ليها دموعها فاش شفتو و حق الرب حتا جاتني لبكية حطاتو قدامها و جابت حتا بنتها حطاتها قدامها بقات معنقاهم تحركنا للدار دخلنا كلست ولادها فالصالون مساكن متحركوش بقاو مريحين و كيتفرجو فتلفازة عكزت نمشي للمدرسة حيت أصلان مستقبلي مضمون بحال قريت بحال مقريتش غير كنمشي نتقف راصي و صافي بقيت مريح جبدت تيلي لقيت مريم(المعاقة ) مصيفطا ليا شي 4 الميساجات جاوبتها حطيت تيلي جا خوية دخل للصالون قال ليا شكون هادو قلت ليه ولاد عائشة سلم عليهم مشا جاب شي رزق عطاه ليهم و ريح معانا شوية جات هيا داخلة هازة طبلة فيها لفطور مشات هيا تفيق ختي جاو بجوج فطرنا مجموعين خوية انا حاضيه غير كيشوف فيها فطرنا خرج هوا مشا للشاريكة انا ريحت غير فالدار جمعات عائشة الدار و جات عندي قالت ليا شنو داك الموضوع لي بغيتي تقولو ليا قبيلة قلت ليها خوية لبارح قال ليا بلا عجبتيه و بغاك تجوجي بيه قالت ليا حلف قلت ليها كنكذبو هنا ناضت هيا مشات للكوزينة انا ريحت كنلعب معا ولادها باقين براهش و كيخسرو الهضرة وصلات 12 جا خوية تغدينا مشات عائشة تغسل لماعن عيطت لخوية قلت ليه راه السيدة طارت بالفرحة فاش قلتها ليها قال ليا هيا غير نزعم عليها قلت ليه زعم حسن ليك حسيت بيه فرح مشا طلع لبيتو و انا حسيت براصي قو^د من درجة قاضي لمهم ملقيت ميدار قلت نمشي للمدرسة كنت داخل معا 2 خرجت من الدار معا 1:00 واقفة تلاقيت معا مريم حتا هيا يلاه خارجة من دارهم قلت ليها فين غادية قالت ليا المدرسة قلت ليها وعلاش خارجة فهاد لوقيتة قالت ليا يلاه غنوصل معا لوقت قلت ليها يلاه نوصلك ركبتها مشيت بقيت خدام شوية وصلات قل 20 تحركت للمدرسة وصلت معا لوقت دخلنا بقيت دافعها و سط المدرسة دخلنا للقسم رجعتها اللور حدايا هزيتها حطيتها فوق الطاويلة جبدات دفاترها بنادم غير حاضينا و شي وحدين ولاد الدرب كيقولو عنيبة دوزنا ديك الساعة خرجنا أستاذ الساعة الثانية مجاش خرجنا وصلتها لدارهم قالت ليا تسنى نعطيك دوق لوراق لي بفيتي قلت ليها واخا مشات جابتهم ليا درتهم فجيبي و مشيت للدار شفت لوراق نيت خاصها عملية ب20 مليون غادي نخلصها عليها طلعت لبيتي دربتها بنعسة حتا وصل العصر نضت لقيت تيليفوني كيصوني جاوب لقيتها مريم قالت ليا نخرجو ليومة قلت ليها فين قالت ليا لشي ساحة ولا شي بلاصة قلت ليه واخا معا 7 خرجي من داركم قالت ليا واخا قطعت مشيت عند لحلاق رازيت اللحية و حلقت رجعت للدار ضربتها بتدويشة لبست حوايجي مبقا والو ل 7 خرجت صونيت عليها نعتاتني الشاريع فين نتسناها قلت ليها واخا بقيت واقف حتا خرجات و مشات واحد 5 دقايق عاد تبعتها لقيتها باقة غادة كلاكسونيت عليها وقفات طلعتها و مشينا لواحد الساحة جديدة يلاه فتحوها و عامرة ببنادم ريحت فواحد الكرسي و هي جبتها مقابلة معايا بقينا كنهضرو شوية قالت ليا بغيت نقوليك شي حاجة قلت ليها تفضلي قالت ليا صراحة نتا دري زوين و عجبتيني و مكرهتش تكون شي علاقة بيناتنا و جاوبني بصراحة متخلينيش عايشة فالأوهام و الكذوب قلت ليها حتا أنا كنت باغي نقوليك هاد الهضرة و لكين سبقتيني و هي تعنقني حتا انا عنقتها بقينا شي 2 دقايق معانقين طلقتها قلت ليها فاية ليك مصاحبة معا شي واحد قالت ليا لا فايت بغيت واحد و لكين مكان بيناتنا والو و نتا ؟ 
-لا معمري تصاحبت هادي اتكون اول مرة ليا معا شي درية 
لمهم بقينا شادين الهضرة محسيتش بالوقت إمتا داز وصلتها لدارهم و دخلت للدار داخل للكوزينة باغي نشرب لقيت خوية كيتعنب علا لخدامة رجعت مبغيتش نحرم عليه مشيت طلعت لبيتي مقيت مكونيكطي معا مريم و معا شي ولاد درب بقاو عليا بتوحشناك و كذا .. معا غبرت عليهم عيطات ليا عائشة نتعشا مشيت قصيت انا حادر راصي و هي و خوية كيهضرو كملنا جمعات الطبلة قالت ليا وصلني خرجنا برا ركبات و ولادها اللور بقيت غادي قالت ليا خوك خدا من عندي نمرة قلت ليها هيا باغي يقول ليك شي حاجة قالت ليا راه هضر معايا قال ليا بلا كنعجبو و بغا يتزوج بيا و معندو حتا مشكيل معا ولادي قلت ليها و إيمتا العرس قالت ليا لا لا العرس نموت و منديروش انا عندي جوج ولاد و ندير العرس غير شي عرضة تعيطو لعايلتكم و شي صحاباتي و صافي قلت ليها لي بغيتو ديروه انا لا مخل لي من الإعراب قالت ليا نتا راك خو راجلي راك بحالو قربنا لدارها درت معا ديك الدورة لي حدا دارها كنلقا لمخزن و ناس مجموعين حدا دار عائشة قالت ليا اواه شواقع وقفت جرات ولادها و مشات خرجت حتا انا تميت غادي جيهت بنادم بانت ليا دار عائشة مفتوحة و داكشي كامل ديالها مليوح برة فالزنقة و ديك لمرا لي جرات عليها فالصباح كتغوت جات عائشة قالت ليها شدرتي ؟ قالت ليها لمرا بغيتك تخرجي عليا من داري هادا عو الشهر 3 لي مخلصتينيش فيه تمشي تضلي تلعبي معا الرجال و فالليل تجي تباتي عندي فداري هزي حوايجك و ولادك و طيري عليا من هنا بقيت واقف متحركتش حيت بنادم واقف كامل و لبوليس كيتفرجو ... يتبع