الجزء الرابع

 _ مع ديك الوحدة دالليل كانحس بحالا شي حد ناعس حدايا نضت مخلوع كانتفتف شعلت الضو ماكاين حد شوي هو يطيح كأس دالماء وحدو من فوق الكوافوزة وتهرس ناري اش هادشي كايوقع ليا مشيت هبطت جبت باش نجمع الزاج جمعتو لحتو فالزبل ومشيت لطواليط "حاشاكم" فاش حليت الباب كانت اكبر صدمة فحياتي شفت الطواليط كاملة عامرا دمايات مع الحيوطا بيضين ولات الطواليط حمرة شداتني الخلعة وهربت لعند الواليدة والواليد دفعت الباب دبيت النعاس وفيقتهوم وناضو مخلوعين .. قالت ليا الواليدة .. ياك لاباس اولدي بسم الله عليك آش واقع ؟؟؟ .. الواليدة مشيت ندخل لطواليط لقيتها كاملة عامرة بالدم ماتلقاي فين تحطي رجليك تخلعت بزاف كانهضر وكانبكي بالخلعة .. أويلي اولدي بسم الله الرحمن الرحيم آش كاتقول .. يالاه تشوفي المنضر خايب بزاف .. مشينا انا والواليد والواليدة حلينا الطواليط المفاجأة مكاين حتى نقطة دم مايمكنش واش غير كانتخايل فالحقيقة ماعرفتش آش كايوقع ليا واش حقيقة ولا خيال واقيلا وليت هبيل .. قالت ليا الواليدة هانتا كاتشوف الطواليط مافيها والو نقيا واقيلا غير النعاس لي دوخك .. قلت ليه سمحي ليا واقيلا غير تخايلت ولكن متيقن بلي شفت الدم صافي دخلت لطواليط )قضيت الغاراض( مشات الواليدة تنعس وطلعت أنا البيتي دفعت الباب عدلت بلاصتي مشيت بغيت نطفي الضو باش نمشي نعس حتى كانسمع شي واحد كايعيط ليا بسميتي بواحد الصوت غليض وكايخلع "أنااااااس" أنا شداتني الخلعة حتى كانشوف قدامي مرأة لابسة الكحل لباس طويل مغطيها من الرأس حتى لرجلين كان تكوانسيت فبلاصتي كانبغي نغوت مكنقدرش بحالا كاين وسط الماء كانبغي نتحرك ماكانقدش وقلبي بغا يخرج من بلاصتو شوي هوما يبانو جوج عيالات كايشبهو ليها شوي وما نموت بالخلعة وهي تقول ليا .. دخلتي لعدنا لدارنا وقريتي الكتاب ومن بعد خبيتيه وكاتقول بلي ماكاتخافش منا حنا كنا ساكنين هنا قبل مايجي داك جدك يسكن هنا .. ماحيت براسي حتى قلت ليها كيفاش مافهمتش... قالت ليا سول علينا جدك هو عارف آش دوز علينا عدبنا بزاف وقتل عدد كبير من أفراض عائلتنا وفالأخير حبسنا فديك المكتبة ديالو ونتا ملي دخلتي للمكتبة كنا حاضيينك ومراقبينك وكانتسناوك غير إمتا تحل الكتاب وتقراه وبالضبط الصفحة لي قريتي هي لي كانت البوابة ديالنا باش ندخلو للعالم ديالكم .. آش بغيتو عند جدي وشكون نتوما .. حنا الجنون جدك قتل لينا جدودنا وواليدينا .. ولكن نتوما لي كاتعداو على البشر .. حنا كانكرهوكوم .. انا غانقول هادشي كولو لجدي هو عارف آش غايدير ليكوم .. وديك الجنية هي تجي لعندي بصرعة هائلة وضرباتني بطرشة حتى حسيت بسناني تحركوا من بلاصتهوم وقجاتني وخرجات فيا عينيها الحمرين وقالت ليا بصوت غليييض بزاف .. سمعني مزيان اولد آدم إلا قلتي لجدك علينا ولا قلتيها لشي واحد غير ودع عائلتك كاملها ولا نعيشوك فالرعب حياتك كاملها يالاه ختار إما تفضحنا ونقتلو عائلتك ولا تسكت ونعيشو ك فالرعب .. قلت ليها وكانترعد بالخلعة صافي صافي ماغانقول لتاواحد عليكوم غير تلقي مني .. طلقات مني وختافاو بالطريقة لي بانو فيها مشيت جلست فبلاصتي وبديت نبكي يعني حياتي ضاعت مابقات عندها حتى معنى إلا قلت هادشي لي طرا ليا انخسر عائلتي كاملها ويلا سكت غانعيش فالرعب حياتي كاملها صاف مسحت دموعي وقلت غانصبر ونشوف فين غانوصل نضت من بلاستي باش نطفي الضو حتى كانحس بشي حاجة هزاتني لسماء وقرباتني حتى للسقف وطحت فالأرض حسيت براسي عاطيني الصداع وسخفت قدام الباب دالبيت فالصباح كانفيق كالقا الشمس خرجات مع ساكنين فالرياض فالمراح كايكونوا فيه الشجر ومعري والشمس بسهولة كادخل مهم فاش نضت لقيت راسي ترعفت ووسخت الأرض بالدم وكانحس بعضامي مهلوكين فاش شفت الضو باقي مشعول وشفت الباب محلول عرفت بلي داكشي لي طرا البارح كان حقيقة هبطت غسلت وجهي من الدم وحاولت نخبي الخلعة لي فيا شفت الواليد طلع للسطح وقال ليا جيب ليا شي كاس دأتاي..يتبع