الجزء 2 
قالت ليا بغيت نشري شي دفاتر و كتوب و صلني لشي مكتبة قلت ليها حتا انا غادي نشريهم قالت ليا فاش كتقرا قلت ليها لباك هاد لعام و نتي ؟ قالت ليا حتا انا لباك و سكتات واحد شوية و هي تقولي فشمن مدرسة كتقرا قلت ليها 11 يناير قالت لي حتا انا كنقرا فيها بقينا كنهضرو شوية تعرفنا علا بعضياتنا مشيت حدا واحد سوق وقفت حداه هبطت ليها لكروسة درتها فيها و مشينا دخلنا ليه للسوق مشينا عند واحد مول الكروسة كيبيع دفاتر شرينا كولشي من عندو هيا جايبة معاها غير 200 درهم مقداتهاش خلصت عليها داكشي لي خاصها مشينا عند واحد السيد كيبيع كتوبة قدام قلت ليها عطيني كتوب ديال S.V.T شي حاجة تكون مزيانة جبدهم ليا خلصتو فيهم قلت ليها نتي شمن شعبة دايرة قالت ليا حتا انا S.V.T قلت ليه عطيني وحدين اوخرين جبدهم لي خلصتو عطيتهم ليها فاللول مبغاتش تشدهم و لكين بزز منها خداتهم قالت ليا غادي نرضهم ليك قلت ليها حتا توجديهم و إلا مكانوش هانية مبيناتناش لمهم مشينا للكوير حطات داكشي حدا رجليها درت لكروسة لفوق و ربطتها قلت ليها نوصلك لداركم ولا تمشي تدوري قالت ليا لي بغيتي أصلا مكاين ما يدار فالدار مشيت بقيت خدام كنترزق علا الله جبدات هيا تيليفونها صونات علا مها قالت ليها راه غادي نتعكل شوية متخافيش عليا قطعات قالت ليا عطيني نمرتك قيدتها ليها و عطيتها تيليفون قالت ليا راه صيفط ليك ميساج فالواتساب بقينا شادين الهضرة و كنضحكو درية علام طاير ليها لفريخ و زوينة فيها خالة قد هاكا . تحت عينها و عرها رطب دايرة كاسكيطا و زوهرية من عينيها تزعطت انا وصل المغرب بغيت نرجع للدار قالت ليا واخا بقينا غاديين و سخن عليا راصي و سولتها واش هيا من صغرها بحال هاكا ولا غير شي كسيدة ؟ قالت ليا لا غير ضرباتها طنوبيل و هربات و دب خاصها عملية ب20 مليون باش السيالة العصبية تعاود ترجع ليها قلت ليها كاين واحد السيد يقدر يعاونك قالت ليا إلا كان وريه لينا واخا نعرف نرضهم ليه درهم بدرهم هزيت تيليفوني درت نمرة خوية معا جاوب قال ليا شباغي قلت ليه واحد درية خاصها عملية ب 20 مليون إلا كنتي باغي تعاون قال ليا شكون قالك انا كنعاون لمرضا سير موت نتا و هيا قلت ليه واخا انا غادي نجيب ليك لوراق ديالها ديال العملية قال ليا لوراق مسح بيهم قلت ليه واخا حتا نجي قال ليا نيت حتا تجي عندي شي هضرة خاصني نقولها ليك قطع حطيت تيليفون قالت ليا شقاليك قلت ليها خاصو غير وراق ديال لي عطاك طبيب باش ديري العملية و صافي و قالك يقدر يعاونك السيدة فرحات مكرهاتش تبوسني و لكين حشومة 😢 لمهم وصلتها لدارهم عاونتها حتا دخلات خليت لكوير واقف تما بغيت نهز كتوبي لقيت حتا كتوبتها نساتهم مشيت دقيت عليها خرجات ليا مها قالت ليا واش بغيتي ورقتك اوليدي ؟ قلت ليها لا راه بنتك نسات عندي هادو فالكوير شداتهم قالت ليا يرحم والديك مشيت للدار معا الدخلة لقيتو فرحان وحاطين لحلوة و شي تخربيق و عندنا شي خوالي و عمامي دخلت سلمت عليهم ريحت معاهم شوية و نضت للكوزينة لقيت الخدامة كتطيب الحلوة علا حساب العيد لكبير باقا ليه سيمانة و كانت هادي هيا اول مرة نريح معاها بقيت كنشوف فيها شكدير قالت ليا منين جاك هاد التواضع كنتي هاز خنافرك للسماء و دب جاي كتشوف قلت ليها انا متكبر قالت ليا أه معمرك هضرتي معايا من غير جيبيلي ولا طيبي ليا مديت ليها إيدي و قلت ليها سمحيلي مكنتش منتابه لتصرفات ديالي إيدها كان فيها زيت واخا هاكاك سلمات عليا بيها و قالت ليا نوض غسلها حتا هادي علام خاصها معامن غير كتضحك جبت كرسي ريحت معاها جابت واحد بلاطو ديال الحلوة حطاتو حدايا قالت ليا ديه ليهم قلت ليها راه مكالوهاش قال ليا دوق دوق واش زوينة ليومة يجريو عليا من الخدمة دقتها عجباتني حسن من ديال الزنقة قلتها ليها ريحات بقات كتصاوب عوتاني فيها قلت ليها نتي باقة صغيرة و كتكرفسي علاش قالت ليا شحال تعطيني قلت ليها 20 قالت ليا مكرهتش كون باقي عندي 20 قلت ليها شحال عندك قالت ليا 28 قلت ليها علاش متجوجتيش ؟ شافت فيا دوك الشوفات بحال مبغاتنيش نسولها و سكتات نضت من حداها و هي تعيط ليا رجعت عندها قالت ليا كنت مصاحبة معا واحد السيد شبعان فلوس و كان مواعدني بالزواج خلاني حتا حملت منو و نكرني بحال إلا معمري كنت فحياتو قلت ليها و واليديك قالت ليا معنديش لوجه باش نشوف فيهم حسن ليا بحال هاكا قلت ليها عندك بنت ولا ولد قالت ليا بنت و ولد توام بقيت شاد معاها الهضرة حتا كملات لعجينة كاملة و بقات ليها طاوة وحدة تطيب و تسالي بدات كدير قالعشاء و هو يجي داخل خويا وقف حدايا دخل ليا تصرفيقة و معا هوا رقيق و انا عامر و طويل عليه متزعزعتش من بلاصتي دخل ليا وحدة اوخرة مبغيتش نرضهم ليه حيت هوا لي رباني ملي كنت صغير قلت ليه ضرب مزيان و نتا كتضرب بحال شي درية الخدامة ضحكات شافها قاليها كملي داك العشاء لي كتصاوبي و خرجي عليا من داري مباقيش نشوف وجهك هنا و انا نحبسو ... يتبع