قصتي مع المعاقة
الجزء الأخير
دارو ليا ديك لبرا و أنا نغيب بمرة معقلتش علا راصي و معرفتش شحال ديال الوقت داز بابضبط حتا فقت داك النهار حليت عينيا لقيت واحد الفرملية حدا راصي كتخربق فشي ماكينات قلت إ إ ح س ا ن خرجتها غير بالسيف شافت فيا ديك الفرملية بقات كتهضر معايا بشي لغة ماشي مغربية و مفهمتهاش خرجات جا خوية و بات إحسان عندي بقاو كيهضرو معايا مقادرش نهضر ولا نخرج شي كلمة من فمي جا واحد الطبيب خرجهم دار ليا واحد لبرا و بدا كيحيد فدوك لماكينات لي ملصقين ليا بقيت حاضيه معقلت علا راصي حتا نعست و فقت لقيتهم حدايا خوية و بات إحسان قلت ليهم فينهيا إحسان جاو بقاو كيسولو فيا قلت ليهم فين هيا إحسان قالو ليا فالغرفة لي حداك و لكين حالتها خطيرة بقاو معايا شوية و مشاو ولاو كل نهار كيجيو عندي حتا دازت سيمانة عاد خرجت للدار داوني ليها سولت لخوادري فين حنا قال ليا سويد أساط قلت ليه كذاب سويد كيقولو فيها تيتيز و هنا مشفت والو قالي بنادم غير كيخربق ماتديش عليه قال ليا بلا باغي يمشيو لخدمتهم و انا غنبقا هنا و خاصني نحضي إحسان قلت ليهم صافي تهنيتو من جيهتها خلا ليا تيلي و خدامة كتطيب لينا و واحد سيكيريتي كيطرجم لينا لغة ديالهم وليت كل نهار كنمشي نجري تما فواحد الجردة و كنتريني معا شي دراري واخا مكنعرفهمش كنبقا غير حاضيهم شكيديرو و كندير معاهم كنسالي كندوش و نمشي نريح معا إحسان داز شهر بحال هاكا كل نهار بحال لبارح بحال غدا حتا لداك النهار لي غادي تفيق فيه إحسان بالضبط بقيت مريح معاها حتا حتا حسيت بيها كتحرك إيدها نضت بست راصها و زيرت علا إيدها بقيت شادها ليها و هي تفيق حلات عينيها قالت علاء عنقتها جات داخلة واحد الطبيبة حيدات ليها دوك لماكينات و دارت ليها برا باش تنعس حولوها من ديك لبلاصة داوها لغرفة أوخرة بقيت معاها داك النهار و فالليل بت تما حتا فقت معا الصباح لقيت إحسان فايقة و حاطة إيدها علا راصي بقينا كنهضرو شوية عاودت ليها شوقع معا إضافة بعد السلوغيات في القصة دوزات سيمانة تما كدير فيها الترويض حتا ولات قادرت تتحرك عادي عاد خرجات مشينا للدار دوزنا نهار زاهي و نشيط حتا الليل عاد مشينا للمطار طائرة خاصة هيا مريحة حدايا و مخشية فيا و معا طريق طويلة نعسات حتا انا ضربتها بنعسة حتا و صلنا جاات المضيفة فيقاتنا خرجنا من المطار لقيت بات إحسان قدام المطار كيتسني فينا طلعنا معاه و مشينا وصلني للدار و مشاو لدارهم طلعت انا لقيت عائلة عائشة سلمت علا كولشي لي تما هزيت تيلي ديالي صيفط لإحسان ميساج جاوباتني فالبلاصة بقينا شادين لهضرة حتا داني نعاس و انا نعس نهار لوخر مشيت عند بات إحسان قلت ليه بفيت نجي نخطبها قالي اولدي انا بان ليا أنك تستاهلها أولدي من ناحية هادشي لي درتي قلت ليه نجيو ليومة قالي صافي تهنيتي غير أجيو خرجت من عندو مشيت عند خوية لشاريكة قلتها ليه خلا واحد الإجتماع و خرج قال ليا خطبت خوية هيا لولة مشينا شرينا خواتم و داكشي لي غادي يخص و مشيت حلقت و من تما مشيت للحمام رجعت للدار لقيتهم كيطيبو لغدا ..
#إحسان طيبت لغدا أنا و ماما بقيت كنتسنا فبابا يجي من لخدمة فاش جا عيط ليا نيشان قال ليا بنتي سمحيلي كنت عاطي لكلمة لولد عمك بلا غادي نزوجك ليه و راه ليومة جاين يخطبوك و معندي مندير من غير نوافق قلت ليه لا بابا ميمكنش انا كنبغي علاء و مغاديش نعيش معا غيرو قال ليا هضرة و حدة قلتها ليك و مشا بقيت كنبكي علا زهري لعوج حتا لقيت لي يبغيني و نبغيه و منقدرش نعيش معاه علاش يارب علاش
#علاء وجد لغدا تغدينا و مشيت ضربتها بواحد النعسة حتا للعصر عاد فقت لقيتهم واحدين ختي و لاد خوية و مراتو و مات عائشة و راجلها غادين كاملين جيش مشينا عند الناس لدراهم دخلنا رحبو بينا ريحنا هزيت تيلي ام عائشة الله يعطيها الصحة مخلات حتا واحد فينا يهضر لسانها طويل تقول غير حفضناها هادشي قبل منجيو بحال مقلت هزيت تيلي صيفط سس لإحسان صيفطات ليا ميساج "جايني لخطاب ليومة و بابا بغا يعطيني ليهم و انا بغيتك نتا 😢" كتبت ليها مسحي دموعك منبغيش عائلتي يشوفوك كتبكي و سديت التيلي و درتو فجيبي بقينا مريحين حتا جات إحسان داخلة هازة اتاي و مها كتزغرت ريحات مقابلة معايا بقيت كنشوف فيها و هيا مصدومة و كتشوف فيا و كتشوف فباها و قال ليها مفاجئة و معا صوتو غليض جات فشكل كولشي تفرشخ بالضحك دوزنا ديك لعشية زوينة لبسنا لخواتم و كلتها و وكلاتني مهضروش علا العرس و الصداق قالك هاداك شغلنا حنا نتفاهمو عليه تافقنا انا و إحسان علا كولشي لعرس من دب شهر و ليت كل نهار كنتلاقاو نمشيو لبحر نضورو حتا داز داك الشهر و صل النهار ديال العرس داز من داكشي عيطنا لسعيدة شراف زهات القدية فالليل راكم عارفين مشيت انا و إحسان لأوطيل دوزنا فيه ديك الليلة و من تما مشينا لطنجة دوزنا فيه شهر العسل هادي هيا قصتي مع المعاقة لي زعمة قلت معاقة معمرها تخون و لكين تبعات لفلوس و بانت علا حقيقتها ...النهاية
0 Commentaires