قصتي مع المعاقة

الجزء 3

قاليها كملي داك العشاء لي كتصاوبي و خرجي عليا من داري مباقيش نشوف وجهك هنا و انا نحبسو حيت إلا جرا عليها ولادها يضيعو شديتو من إيدو قلت ليه إلا خرجات هيا حتا انا غادي نخرج معاها و هي تدخل ختي للكوزينة عندها 15 سنة قالت ليه إلا مشا خوية علاء انا غادية معاه و هو يقول لينا تحاميتو ياك و خرج بقيت انا معا الخدامة حتا صاوبات العشاء بالدموع مسكينة بقيت معاها طيبات لعشاء طفات عليه قالت ليا مسالي توصلني قلت ليها لا مغاديش تمشي حتا تعشاي معانا قالت ليا لا راه خوك .. قاطعتها قلت ليها خوية ولا ختي إلا مخلصكش هوا انا نبقا نخلصك غادي تبقاي هنا قالت ليا شكرآ خوية مسحات دموعها جا خوية داخل و خانز بريحة الكارو مكانش كيكمي مبغيتش نهضر معاه خليتو دخل بدل حوايجو و جا ريح قال ليا قول للخدامة تحط لينا العشاء راه جعت قلت ليه ياك جريتي عليها و هو يدير إيديه علا وجهو و قال تفو راه كنت معصب مقصدش ديك الهضرة لي قلت ليها و سمح ليا حتا نتا و انا نمشي للكوزينة قلت ليها تجيب لعشاء هزيت لخبز بغيت نديه قالت ليا غير حطو نديه انا دب يبدا يغوت عليا عوتاني قلت ليها راه بقا كيتندم حيت جرا عليك غير زيدي هزات طبسيل و تمت جاية معايا شافها و هي توحل ليه الهضرة حطات طبسيل تمت غادية و هو يشدها من إيدها شافت فيه قال ليها عائشة سمحيلي علا قبيلة مكنتش قاصد ديك الهضرة قالت ليا مكين حتا مشكيل قال ليها ريحي تاكلي معانا قالت ليه خليت ليا شوية فالكوزينة قال ليها لا غادي تبقاي تاكلي معانا مالنا حنا و مالك نتي جات ريحات قصات معانا و خوية من حطات داكشي و مرة مرة كنحصلو كيشوف فيها و هي كتشوف غير فالطبسيل مهازاش راصها ختي شيماء شافتو و هي تغمزني و ضحكات شوية اللحم معا كتير تبارك الله مكنحتاجوش نقسموه راه الوسط لي بغا شي حاجة كيهزها شفت عائشة (الخدامة) مهزات والو كتاكل غير لخضرة شافها خوية و هو يهز واحد لعضم شبعان لحم و حطو قدامها قاليها كولي مزيان صافي دب تأكدت السيد مزعوط و لكين حتا هيا عندها حقها فالزين أي واحد يتزعط فيها كملنا نضت غسلت إيدي عائشة جمعات الطبلة قالت ليا نوصلها قلت ليها يلاه خرجنا برا ركبنا فالكوير تمينا غادين قالت ليا مال خوك ليومة تصرف معايا بحال هاكاك قلت ليها واقيلة الحب هاداك و هي تضربني قالت ليا كون تحشم بقيت شاد فيها و هي حشمانة و أنا نقول ليها دب كنهضر معاك بلا ضحك إلا خوية بغا يتزوج بيك تقبلي بيه ؟ قالت ليا اودي يجي اي واحد يعاوني نقبل بيه يكون غير راجل و خوك مالو علاش منقبلش بيه بقيت كنضحك معاها خديت من عندها نمرة وصلتها لدارها مخلية ولادها عند ختها ساكنة حداها رجعت للدار دخلت لقيت خوية باقي مريح فالصالون قلت ليه فيناهيا شيماء قال ليا نعسات تميت غادي لبيتي و هو يعيط ليا قال ليا الكونط ديالك لي فالبنك مالو خاوي مفيه درهم فين فلوسك قلت ليه دوك لفلوس لي كتحط ليا فالبنك معمري خرجت منهم ريال كولهوم كيتحولو لكونط سري و كيبقاو فيه قال ليا مزيان نضت طلعت لبيتي ريحت حدا pc دخلت ل Dep web بقيت كنتجلوق فيه شوية حتا جا خوية دق الباب قلت ليه دخل جا ريح حدايا بقا كيشوف معايا دخلت لشي فيديوات ديال لقتيل و هو ينوض من حدايا و طفا ليا لpc قال ليا هادشي هوا لي خلاك معقد قلت ليه بصحتي و هو يرح فالكرسي لي حدايا قال ليا شوف دب نتا خوية و معمري طلبت منك شي طلب قلت ليه شبغيتي ؟ قال ليا بغيتك تعرف لخدامة واش مجوجة ولا لا ضحكت واحد الضحكة و انا نقوليه لا ممجزوجاش علاش قال ليا بغيت نكمل معاها ديني و مكرهتش تشوف ليا معاها قلت ليه نتا شبعان فلوس راه الدرية لمخيرة تبغيك قال ليا لا هادي طيابها زوين و هيا زوينة و هيا لي بغيت قلت ليه و لكين راه فايت مزوجة و عندها جوج تويميات دري و درية قال ليا واخا يكونو عندها تا 10 لمهم هيا عجباتني و بغيتها سولها ليا قلت ليه واخا تهنيتي باس ليا راصي و خرج من البيت تجبدت بلاصتي نعست فالصباح فقت معا الصباح علا صوت التيليفون شفت شكون لقيتها عائشة الخدامة نيت جاوبت قالت ليا واش نجي ليومة ولا صافي ؟ قلت ليها عندي ليك واحد لخبار مقودة دب نجي نجيبك و نعاودها ليك نضت غسلت وجهي خرجت مشيت للحانوت خديت مونعيش و مومو قصيتهم و مشيت عندها كلاكسونيت باش تخرج مسمعاتوش واقيلة صونيت عليها قلت ليها خرجي خرجات و مخرجة معاها ولادها فاش شفتهم بحال إلا شفت ملائكة ملبساهم لباس زوين و مهلية فيهم مشات دقات فواحد الدار حداها عند ديك واقيلة لي كارية ليها خرجات لمرا و باينة فيها معصبة بدات كتقولها دي عليا ولادك خليهم بعيد متبقايش تدقي عليا ختك مبقاتش كاينة بقيت غير كنشوف خرجت مشيت حداهم هزيت الدرية و قلت ليها يلاه ديهم معاك ركبتها هيا و خوها اللور ركبات عائشة حدايا ديماريت و بدات كتبكي قلت ليها مالك ؟ مجاوباتنيش و هو يجيها ولدها صغير قاليها ماما مالك ؟ و بدا كيمسح ليها دموعها ... يتبع